«қозоғистон» тегли мақолалар
Қозоғистонда январда Ўзбекистон элчихонасига погром уюштирган эркак судланди
Жорий йилнинг январь ойида маст эркак Остонадаги Ўзбекистон элчихонасига бостириб кириб, катта миқдорда зарар етказган эди. Унга уч йил муддатга озодликдан маҳрум қилиш жазоси тайинланиб, етказилган зарар миқдори ундирилди, шунингдек, ичкиликбозликдан мажбурий даволаниш белгиланди.
Қозоғистонда электр энергияси истеъмоли ортгани сабабли чекловлар жорий этилмоқда
Қозоғистонда электр энергияси истеъмоли рекорд даражада ошгани сабабли йирик саноат корхоналари учун чекловлар жорий этилмоқда. Электр тақчиллиги Россиядан импорт қилиш ҳисобига қопланяпти.
Ўзбекистонликнинг Қозоғистонда рўйхатдан ўтмасдан қолиш муддати 30 кунгача узайтирилиши мумкин
Ўзбекистон ва Қозоғистон фуқароларнинг ўзаро саёҳатлари шартларини янгилашни режалаштирмоқда. Унга кўра, бир давлат фуқаролари иккинчи давлат ҳудудида 30 кунгача рўйхатдан ўтмасдан қолишлари мумкин бўлади. Ҳозирда бу муддат атиги беш кунни ташкил этади.
Гап «уч томонлама газ иттифоқи» ҳақида эди — Тоқаевнинг матбуот котиби
Қозоғистон президенти матбуот котибининг таъкидлашича, Қасим-Жомарт Тоқаев ва Владимир Путин «уч томонлама газ иттифоқи» (Россия + Қозоғистон + Ўзбекистон) тузиш масаласини муҳокама қилган.
Мирзиёев Тоқаевни президент сайловидаги «ишончли ғалаба» билан табриклади
Экзит-полл натижаларига кўра, 20 ноябрь куни бўлиб ўтган навбатдан ташқари президент сайловида Қосим-Жомарт Тоқаев ғалаба қозонди. Ўзбекистон президенти Шавкат Мирзиёев телефон орқали мулоқот чоғида уни сайловдаги «ишончли ғалаба» билан табриклади.
Тошкентда Қозоғистон президенти сайловида иштирок этганлар 96 фоизни ташкил қилди
Қозоғистоннинг Тошкентдаги элчихонасида ташкил этилган участкада 621 нафар сайловчидан 591 нафари овоз берди. Сайловда қатнашганларнинг тахминий кўрсаткичи 69 фоиздан кўпроқни ташкил қилди, энг юқори — Жетису вилоятида, энг ками эса — Олмаотада — 28,7%. Остонада эса 48,6% сайловчи иштирок этди.
«Қайси участкага боришни ўзимиз ҳал қилдик». Халқаро кузатувчилар Қозоғистондаги сайлов жараёни ҳақида
Қозоғистондаги президент сайловларида қатнашаётган халқаро кузатувчилар, жумладан Фаластин, Италия, Ўзбекистон, АҚШ, Канада вакиллари ўз фикрлари билан ўртоқлашди. Фаластин элчиси қайси участкага боришни ўзи ҳал қилганини айтса, АҚШ вакили норозилик намойишлари бўлмаганини таъкидлади.
Фото: Қозоғистонда президент сайловлари бўлиб ўтмоқда
Якшанба тонгида Қозоғистонда навбатдан ташқари президент сайлови бошланди. Илк сайлов участкаси Токиода очилди, овоз бериш жараёнлари охирги бўлиб Сан-Францискода тугайди. «Газета.uz» мухбири пойтахт Остона ва Акмола вилоятидаги сайлов участкаларидан фоторепортаж тайёрлади.
Қозоғистонда президент сайлови: 6 нафар номзод, барчага қарши овоз бериш имконияти, 7 йиллик муддат
Якшанба куни Қозоғистонда навбатдан ташқари президент сайлови бўлиб ўтади. Бу сафар қозоқ халқида барча номзодга қарши овоз бериш имконияти ҳам мавжуд. Қозоғистон давлат маслаҳатчиси Эрлан Карин журналистлар билан учрашувда мухолифатни «мазкур сиёсий ўзгаришларнинг ҳаммуаллифи» деб атади.
Туркий давлатлар ташкилотининг Рақамлаштириш маркази ташкил этилиши мумкин
ТДТ саммитида Қозоғистон президенти Қасим-Жомарт Тоқаев ташкилотнинг Рақамлаштириш марказини ташкил этиш таклифини илгари сурди. Тузилма савдо, транспорт, сув ресурсларидан фойдаланиш, ахборот хавфсизлиги ва бошқа тармоқлар учун зарур рақамли ечимларни ишлаб чиқиш имконини беради.
«Ғишткўприк» постининг ўтказувчанлик қуввати оширилади (фото)
Қозоғистон билан чегарада жойлашган «Ғишткўприк — Жибек жоли» назорат-ўтказиш пунктини модернизация қилиш ишлари бошланди. Постга олиб борувчи йўл ҳам таъмирланади. Таъмирлаш ишлари вақтида пост ёпилмайди.
Шавкат Мирзиёев 12 октябрь куни Қозоғистонга боради
Шавкат Мирзиёев 12−14 октябрь кунлари Осиёда ҳамкорлик ва ўзаро ишонч чоралари бўйича кенгаш йиғилиши, «Марказий Осиё — Россия» саммитида иштирок этиш учун Қозоғистонга боради. Саммит доирасида Вьетнам ва Покистон етакчилари билан ҳам музокаралар ўтказади.
Қозоғистон билан чегарадаги вазият тинч, навбатлар йўқ
Россияда «қисман» сафарбарлик эълон қилинганидан кейин Ўзбекистон ва Қозоғистон чегарасида рус автомобилларининг навбатлари пайдо бўлди. Бироқ ҳозир чегарада вазият тинч, навбатлар йўқ, дея ишонч ҳосил қилишди «Газета.uz» мухбирлари.
Қисман сафарбарлик бошланганидан бери Қозоғистонга 98 минг россиялик кириб келди
21 сентябрдан бери 98 мингга яқин россиялик Қозоғистонга келди, 64,2 мингдан ортиғи эса чиқиб кетди. «Бизга Россиядан кўплаб одамлар келмоқда. Уларнинг аксари юзага келган чорасиз вазият туфайли кетишга мажбур. Биз уларга ғамхўрлик қилишимиз керак», — дея таъкидлади Қозоғистон президенти.
Қозоғистон Россия эгаллаб олган ҳудудларда ўтказилган референдумлар ҳақида: «Давлатларнинг ҳудудий яхлитлиги тамойилларига таянамиз»
Қозоғистон ТИВ Донбасс, Запорожье ва Херсондаги Россияга қўшилиш тўғрисидаги референдумларга изоҳ берди: «Қозоғистон давлатларнинг ҳудудий яхлитлиги, уларнинг суверен тенглиги ва тинч-тотув яшаш тамойилларига таянади».
Қозоғистонда муддатидан олдин ўтказиладиган президентлик сайловлари санаси белгиланди
Қозоғистонда муддатидан олдин президентлик сайловлари 20 ноябрь куни бўлиб ўтади. «Бу сайловлар бутун сиёсий тизимни тубдан «қайта юклаш»га олиб келадиган сайлов циклини бошлаб беради», — деди президент Қасим-Жомарт Токаев.
Остонага ўз номи қайтарилди, Қозоғистон президенти бир муддатга сайланади
Қозоғистон пойтахти номи яна Остонага ўзгартирилди, мамлакат президенти эса қайта сайланиш ҳуқуқисиз етти йиллик муддатга сайланади. Конституцияга киритилган ўзгартиришлар Қасим-Жомарт Токаев томонидан имзоланди.
Қозоғистонда Биринчи президент кунини давлат байрамлари рўйхатидан чиқариш режалаштирилмоқда
Қозоғистон депутатлари мамлакатнинг Биринчи президенти кунини давлат байрамлари рўйхатидан чиқариб ташлаш учун овоз берди.
Шавкат Мирзиёев Қозоғистонга ўрмон ёнғинлари оқибатларини бартараф этишда ёрдам таклиф қилди
Ўзбекистон президенти Шавкат Мирзиёев Қозоғистон президенти Қасим-Жомарт Тоқаев билан телефон орқали суҳбатда Қўстанай вилоятидаги ўрмон ёнғинлари оқибатларини бартараф этишда ёрдам кўрсатишга тайёрлигини билдирди.
Қозоғистонда ўзбекистонликлар паспортлари олиб қўйилиб, мажбурий ушлаб турилгани аниқланди
Қозоғистонда бир гуруҳ ўзбекистонликлар паспортлари олиб қўйилиб, мажбурий ушлаб турилгани ҳақида мурожаат билан чиқди. Ташқи меҳнат миграцияси агентлиги ходимлари фуқароларнинг паспортларини қайтариш ва ойлик маошлари ундиришга эришди. Уларни ватанга олиб келиш чоралари кўрилмоқда.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг