«ақш» тегли мақолалар
АҚШ осиёлик 120 га яқин мигрантни, жумладан, ўзбекистонликларни Панамага депортациялади
АҚШ Осиё давлатлари, жумладан, Ўзбекистондан келган 119 мигрантни Панамага депортациялади. Чегарани ноқонуний кесиб ўтгач ҳибсга олинган ушбу муҳожирлар ватанларига юборилади. АҚШ элчихонаси ходимининг «Газета.uz»га билдиришича, Трамп ҳокимиятга келгач, давлатлар бу саъй-ҳаракатларни кучайтирган.
«Америка учун кўпроқ бизнес». Трамп хорижлик амалдорларга пора беришни тақиқловчи қонунни қўллашни тўхтатди
Дональд Трамп Хорижда коррупцияга қарши курашиш тўғрисидаги қонуннинг амал қилишини тўхтатиш бўйича топшириқ берди. Ҳужжат америкаликлар ўз бизнеси йўлида хорижлик давлат хизматчиларига пора беришни тақиқлашни назарда тутади. «Бу Америка учун анча кўпроқ бизнесни англатади», — деди Трамп.
АҚШ штатлари Трамп Илон Маскни DOGE раҳбарлигига ноқонуний тайинлаганини даъво қилмоқда
Бир неча штатлар бош прокурорлари Ҳукумат самарадорлиги департаменти (DOGE) раҳбари Илон Маскнинг федерал харажатларни қисқартириш бўйича ҳаракатларини тўхтатишни сўраб, судга мурожаат қилди. Даъвода, шунингдек, Трамп Маскка АҚШ Конгрессининг рухсатисиз «чекланмаган ваколатлар»ни бергани айтилади.
Данияда Калифорнияни АҚШдан сотиб олиш бўйича петиция бошланди
Данияда Дональд Трампнинг Гренландия АҚШ назоратига ўтиши кераклиги ҳақидаги баёнотига жавобан Калифорнияни сотиб олиш бўйича сатирик петиция бошланди. Унинг муаллифлари штатни 1 трлн долларга сотиб олишни, Микки Маусга викинг шлемини кийдиришни ва Голливудга ҳюгге олиб киришни таклиф қилмоқда.
«Украина ва Европа ҳар қандай музокараларнинг бир қисми бўлиши керак». Европа сиёсатчилари Трампнинг баёнотларига муносабат билдирди
Европа давлатлари ТИВ раҳбарлари Трампнинг Киев ўз ерларини қайтариб олиши даргумонлиги ҳақидаги сўзларига жавобан Украинани қўллаб-қувватлашни кучайтириш ва унинг ҳудудий яхлитлигини қўллашга тайёрлигини билдирди. «Украина ва Европа ҳар қандай музокаранинг бир қисми бўлиши керак», — деди вазирлар.
Путин билан учрашув Саудия Арабистонида ўтиши мумкин, Киевнинг НАТОга аъзолиги «эҳтимолдан йироқ». Трамп — Украинадаги уруш тугаши ҳақида
Дональд Трамп Россия президенти Владимир Путин билан Саудия Арабистонида учрашиш режалаштирилаётганини маълум қилди. Шунингдек, у Украинанинг НАТОга аъзо бўлишини «реал» деб ҳисобламаслигини айтди ва мамлакатнинг 2014 йилги чегараларига қайтишини «эҳтимолдан йироқ» дея атади.
Дональд Трамп ва Владимир Путин телефон орқали гаплашди. Асосийлар
АҚШ президенти Дональд Трамп ва Россия президенти Владимир Путин қарийб бир ярим соат давом этган телефон суҳбатида Россиянинг Украинага қарши урушини муҳокама қилди. Томонлар жамоаларига зудлик билан музокараларни бошлашни буюрди. Шундан сўнг Трамп Украина президентига қўнғироқ қилди.
Google Maps АҚШдаги фойдаланувчилар учун Мексика кўрфазини Америка кўрфази деб ўзгартирди
Google АҚШдаги фойдаланувчилар учун Google Maps хизмати хариталарида Мексика кўрфази номини Америка кўрфазига ўзгартирди. Дунёнинг бошқа мамлакатларидаги фойдаланувчилар иккала номни ҳам кўради.
USAID`нинг пудратчи компаниялари Трамп маъмуриятини судга берди
USAID билан шартнома асосида ишлайдиган ташкилот ва компаниялар Дональд Трамп маъмуриятини агентликни тугатиш бўйича ноқонуний ҳаракатларда айблаб судга берди. Бу, даъвогарларнинг таъкидлашича, хорижий ёрдам дастурларини молиялаштиришда тартибсизликларни келтириб чиқарди.
ҲАМАС гаровга олинган исроилликларни озод қилишни тўхтатди
ҲАМАС Исроилни сулҳни бузганликда айблади ва гаровга олинган исроилликларни озод қилишни номаълум муддатга қолдиришини маълум қилди. АҚШ президенти Дональд Трамп гуруҳдан шанба куни тушгача барча гаровга олинганларни қайтаришни талаб қилди, акс ҳолда, унинг сўзларига кўра, «жаҳаннам бошланади».
Трамп пўлат ва алюминий импортига 25 фоизли божлар жорий этмоқчи
Дональд Трамп АҚШга пўлат ва алюминийнинг барча импортига 25 фоизли божлар жорий этилишини эълон қилди. Инвесторларнинг Трамп сиёсатининг оқибатларидан хавотирлари ва хавфсиз активларга бўлган талаб фонида олтин нархи рекорд даражага етди.
Трамп маъмурияти USAID ходимлари сонини 97 фоизга қисқартирмоқчи — Reuters
АҚШ ҳукумати USAID ходимлари сонини 97 фоизга қисқартирмоқчи, аввал ташкилотда 10 мингдан ортиқ ходим ишлаган, энди эса уларнинг сони 294 нафарни ташкил этиши мумкин. Ташкилотнинг ўзи 7 февралдан баъзи ходимлардан ташқари барча ёлланма ишчилар таътилга чиқишини эълон қилди.
АҚШ Давлат департаменти Америка кемалари учун Панама канали орқали ўтиш тўлови бекор бўлганини билдирганди. Панама буни рад этди
АҚШ Давлат департаменти эндиликда Америка кемалари Панама канали орқали бепул ўтиши мумкинлигини маълум қилганди. Панама ҳукумати буни рад этди. Трамп аввалроқ каналдан ўтиш тарифлари юқорилигини айтган ва канални АҚШ назоратига қайтариш билан таҳдид қилганди.
Исроил Ғазо аҳолисининг сектордан чиқиб кетиш режасини тайёрлайди
Исроил мудофаа вазири Исраэль Кац Трампнинг АҚШ бу ҳудудни «ўз назоратига олиши» ҳақидаги сўзларидан сўнг Ғазо сектори аҳолисига «ихтиёрий равишда анклавни тарк этиш» имконини берадиган режа тайёрлашни буюрди. Трампнинг баёноти араб давлатлари томонидан қораланди.
АҚШ почта хизмати 12 соатлик танаффусдан сўнг Хитой ва Гонконгдан почта жўнатмаларини қабул қилишни тиклади
АҚШ почта хизмати (USPS) Хитой ва Гонконгдан почта жўнатмаларини қабул қилишни тўсатдан тўхтатиб қўйгач, 12 соатдан сўнг қайта тиклади. Аввалроқ Дональд Трамп АҚШга арзон нархдаги посилкаларни солиқ тўламасдан жўнатиш қоидасини бекор қилувчи фармонни имзолаганди.
Трамп АҚШнинг БМТ Инсон ҳуқуқлари кенгаши ва UNRWA билан алоқаларини тўхтатди
Дональд Трамп АҚШнинг БМТ Инсон ҳуқуқлари бўйича кенгаши ва Фаластин қочқинларига ёрдам бериш бўйича Яқин Шарқ агентлиги (UNRWA)дан чиқиши тўғрисида фармон имзолади. У, шунингдек, БМТни «яхши бошқарилмаётгани» учун танқид қилди.
АҚШ Ғазони эгаллайди, у ерда узоқ муддатли эгалик позициясини кўряпман — Трамп
АҚШ Ғазо секторини эгаллайди ва фаластинликлар бошқа жойга кўчирилгандан сўнг уни иқтисодий жиҳатдан ривожлантиради, деди Трамп Исроил бош вазири Нетаньяҳу билан учрашуви доирасида. Президент Ғазога АҚШ қўшинлари юборилишини истисно қилмади.
АҚШ ёрдам эвазига Украинадан ноёб металларни олмоқчи
Дональд Трампнинг айтишича, АҚШ ўз ёрдами эвазига Украинадан нодир ер металларини олишни хоҳлайди. Агар хавфсизлик кафолатлари тақдим этилса, Киев Вашингтон билан ишлашга тайёр, деб ёзмоқда NYT.
АҚШ Мексика товарлари импортига нисбатан бож жорий этишни бир ойга кечиктирди
Дональд Трамп Мексика «ноқонуний гиёҳванд моддалар, хусусан, фентанил оқимини тўхтатиш учун 10 минг нафар Миллий гвардия аъзоси билан шимолий чегарасини мустаҳкамлашга рози бўлганидан кейин» Мексикага янги тариф жорий этишни бир ойга тўхтатди.
Россия Саудия Арабистони ва БААни Путин ва Трампнинг эҳтимолий учрашуви манзили сифатида кўрмоқда — Reuters
Саудия Арабистони ва БАА Россия томонидан Дональд Трамп ва Владимир Путин ўртасидаги учрашув учун эҳтимолий жой сифатида кўрилмоқда, деб ёзди Reuters. Икки давлат ҳам Путинни ҳибсга олиш учун ордер берган Халқаро жиноий суд аъзоси эмас.
Энг кўп ўқилган хабарлар | Сўнгги янгиликлар
- Комил Алламжоновга суиқасд бўйича айбланувчилар 23 йилгача қамоқ жазосига ҳукм қилинди
- «Беш ой ичида ўзимдан ўтгани фақат ўзимга, оиламга ва энг яқинларимга аён» — Комил Алламжонов
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
Қўшимча имкониятлардан фойдаланиш учун сайтда рўйхатдан ўтинг