АҚШ элчиси Жонатан Ҳеник Ўзбекистон фуқароларининг боғлар ва тоза ҳавони муҳофаза қилишдаги саъй-ҳаракатларини олқишлади. «Халқларимиз ўз ҳуқуқларини эркин ҳимоя қилиши ва сиёсатни ишлаб чиқишда иштирок этиши мумкин бўлса, мамлакатларимиз кучлироқ, атроф-муҳитимиз эса хавфсизроқ бўлади», — деди у.
«Адолат» партияси Тошкент ҳокимлигини Абдулла Қодирий ва Бобур номидаги истироҳат боғларини ижарага бериш каби муҳим қарорларни қабул қилишдан олдин ўрганиб, жамоатчилик фикрини инобатга олишга чақирди.
Шавкат Мирзиёев йиғилишда боғлар ва узумзорларнинг қаторлари орасига экин экиш масаласига тўхталиб ўтди. Илмий-тадқиқот институтлари иқлимга мос экин турлари, агротехника бўйича илмий тавсиялар бериб боради.
Ўзбекистонда ҳар йили манзилли кўкаламзорлаштириш инвестиция дастури амалга оширилади. Давлат ташкилотлари ва ҳокимликлар йил охиригача барча шаҳар ва туманларда ўз боғларини яратади. Ҳар бир йирик саноат корхонаси эса «яшил белбоғ»лар ташкил этиши керак бўлади.
Тошкентда чим устида юриш ва майсалар устида дам олишга ҳалигача советча руҳда жавоб берилади: «Мумкин эмас». Лекин барибир шаҳарда бунга рухсат берилган жойлар пайдо бўлмоқда. «Газета.uz» майса устида дам олиш мумкин бўлган жойларни қидириб, пойтахтни айланиб чиқди. Биз ўзимиз билан машҳур архитектор Кристофер Александрнинг «Шаблонлар тили» китобини ҳам олдик — ундаги ғоялар расмийлар одамларга майсазорда дам олишни нима учун тақиқламаслиги кераклигини тушунишга ёрдам беради.
Тошкент шаҳар ҳокими Жаҳонгир Ортиқхўжаев Ғафур Ғулом боғини 49 йилга ижарага олган инвестор ўзига юклатилган вазифаларни бажармаганини маълум қилди. У боғни ижарага бериш масаласи қайта кўриб чиқилишини айтди.
Тошкент ҳокимлиги Дўстлик боғи (собиқ Бобур) реконструкцияси лойиҳасини тақдим этди. Бу ер дам олиш ва сайр қилиш учун сокин ва соя-салқин жой бўлади. Боғ ёз охирида ўз эшикларини қайтадан очади. Бу ерда болалар майдончалари, кутубхона, спорт зоналари ва пикник жойлари бўлади. Бирорта ҳам аттракцион бўлмайди.
Бизнинг шаҳарларимиз дарахтларни, яшил истироҳат боғларини ва сув омборларини йўқотиб бормоқда. Бу аллақачон ҳаёт сифатига таъсир қилишни бошлаган. Боғларга кўп харажат кетади деб янглиш хулосалар пайдо бўлмокда, зеро, истироҳат боғлари одамлар ва шаҳарнинг ўзи учун жуда катта аҳамиятга эга. «Газета.uz» колумнисти Ботир Қобилов боғларни сақлашни дарҳол бошлашга ва уларни ҳақиқий эгаларига — одамларга қайтаришга чақиради.
Қўшимча имкониятлардан фойдаланиш учун сайтда рўйхатдан ўтинг