«дарахтлар» тегли мақолалар
Ўзбекистонда дарахтларни рақамлаштириш лойиҳаси 3 босқичда амалга оширилмоқда
Ўзбекистонда дарахтларни рақамли инвентаризациядан ўтказиш режалаштирилмоқда. Лойиҳа 3 босқичдан иборат. Биринчи босқичда Табиат ресурслари вазирлиги сунъий йўлдошдан олинган суратларни таҳлил қилиб, мамлакатнинг «Яшил индекс»ини аниқламоқчи. Ҳозир Сирдарё вилоятида синов ишлари кетмоқда.
Сирдарёдаги ўрмон хўжалигида содир бўлган ёнғин оқибатида табиатга салкам 500 млн сўм зарар етди
Сирдарё туманидаги «Қолгансир» давлат ўрмон ов хўжалигида содир бўлган ёнғин оқибатида табиатга салкам 500 млн сўм зарар етказилгани аниқланди. Ҳодисага фермерларнинг шолидан бўшаган ерда ўсимлик қолдиқларини ёққани сабаб бўлган.
Фото: Баҳор даракчилари
Ўзбекистонда — баҳор ва «ҳар баҳорда шу бўлар такрор»: ўриклар (ва нафақат ўриклар) гуллаган, ям-яшил ўтлоқларда момақаймоқлар сап-сариқ бўлиб бўй чўзган, уларнинг устида эса қишки уйқудан уйғонган табиат рамзи ўлароқ хонқизиларни кўрасиз. «Газета.uz»дан баҳорий фотожамланма.
Тошкентда қурилиш майдонига айлантирилишига аҳоли қарши чиққан яшил ҳудуд сақлаб қолинади
Тошкент шаҳар ҳокимлиги Мирзо Улуғбек туманидаги яшил ҳудуд сақлаб қолинишини маълум қилди. Қурилиш ҳақидаги қарор аҳоли норозилиги сабаб эмас, дарахт кесишга мораторий киритилгани ва тадбиркор белгиланган муддатда қурилишни бошламагани учун бекор қилинган.
Оддий фуқаро қандай қилиб илдизлари шикастланган дарахтларни қутқариб қолиши мумкин?
Ўзбекистонда ободонлаштириш ишлари кўпинча дарахтлар шикастланиши ва нобуд бўлишига олиб келади. Чилонзор кўчасини таъмирлашда зарар етган эманларни даволашни тавсия қилган дендролог Атиргул Холмурзаева оддий фуқаролар қандай қилиб илдизи шикастланган дарахтларни қутқариши мумкинлигини сўзлаб берди.
Қаровсиз дарахтларни парваришлаш учта дафтардаги фуқароларга ҳақ эвазига юклатилади
Ҳукумат қарорига кўра, аҳоли яшаш жойларидаги қаровсиз дарахтларни парваришлашга темир, аёллар ва ёшлар дафтарларига киритилган ишсиз фуқаролар ҳақ эвазига жалб қилинади. Қолаверса, 100 ёшдан ошган дарахтлар табиат ёдгорлиги сифатида ҳимояга олинади ва атрофи 1,2 метрлик панжара билан ўраб қўйилади.
Ноқонуний кесилган дарахт ўрнига компенсация тарзида дарахт экиш жаримадан озод қилмаслиги белгиланди
Ҳукумат қарорига мувофиқ, дарахтларни ноқонуний кесганлик учун дарахт ва буталарни компенсация тарзида экиш жарималардан озод этмаслиги белгиланди. Қолаверса, йил охиригача қаровсиз қолган дарахтлар хатловдан ўтказилиб, яқин ҳудуддаги мулкдорларга бириктирилиши кўзда тутилмоқда.
Энди Яккасарой туманида дарахт илдизларига шикаст етказилди
Чилонзорда юзлаб дарахтлар илдизига зарар етказилиши билан боғлиқ можаро тинчимай туриб, Яккасаройда шундай ҳолат такрорланди. Бу сафар танловда иштирок этиш учун уй фасадини «хайрия асосида» таъмирлаётган компания томонидан амалга оширилди. Воқеа жойида блогер Никита Макаренкога таҳдид қилинди.
Чилонзорда йўлни кенгайтириш жараёнида 101 туп дарахт шикастланган — Давлат экология қўмитаси
Экология давлат қўмитаси мутахассислари Чилонзор кўчасини реконструкция қилиш жараёнида 101 туп дарахтга шикаст етказилгани, шундан 9 туп эман дарахти жиддий зарар кўрганини аниқлади. Шунингдек, йўлни реконструкция қилиш бўйича давлат экоэкспертизаси хулосаси ҳам олинмаган.
Чилонзор кўчасини торайтиришга қарор қилинди. «Газета.uz» лойиҳани аҳоли билан муҳокама қилишни таклиф этади
Тошкент ҳокимлиги Чилонзор кўчаси лойиҳасини қайта кўриб чиқиб, йўлаклар сонини 6 тадан 4 тага қисқартириш, ортиб қолган жойни яшил ҳудудга айлантиришга қарор қилди. «Газета.uz» шошмаслик, мутахассисларни жалб қилиш ва аҳолини тинглашни таклиф қилади.
40 га яқин дарахт кесилгани учун Қарши давлат университетининг 6 нафар ходимига нисбатан иш очилди
Қарши давлат университетида 38 туп дарахт ноқонуний кесилганини ортидан муассасанинг 6 нафар ходимига нисбатан дарахтларни қонунга хилоф равишда кесиш моддаси билан маъмурий иш қўзғатилди. Улар табиатга 285 млн сўм миқдорида зарар етказгани айтилмоқда.
Дарахтлар атрофини бетонлаш давом этмоқда
Жиззах вилоятининг Гагарин шаҳарчасида 75 туп дарахт атрофи бетонлаб чиқилди. Ушбу ҳолат танқидлар остида қолиб кетганидан сўнг улар атрофи бетондан тозаланди, бироқ бу янги саволларни келтириб чиқарди. Дарахтлар тубини асфальтлаш ва бетонлаш амалиёти узоқ йиллардан буён давом этиб келмоқда ва охири тугамайдиганга ўхшайди. Экопартия биргина жарима билан муаммо ҳал бўлмаслигини маълум қилди. Дарахтлар кейинроқ қайта ўтқазилди.
Яшил майдонларни режалаштириш, ҳисобга олиш ва дарахтларни даволаш қандай бўлиши керак — Зиновий Новицкий тавсиялари
Аввалдан ишлаб чиқилган лойиҳаларсиз дарахт экиш мумкин эмас. Касал дарахтларни кесиш эмас, балки даволаш керак. «Яшил Макон» лойиҳасини амалга оширишда ўтмишдаги хатоларни такрорламаслик учун нима қилиш керак? Дарахт турларини тўғри танлаш, уларни экиш, парваришлаш, ҳисобга олиш ва даволашни ташкил этиш тўғрисида қишлоқ хўжалиги фанлари доктори Зиновий Новицкий мақоласида.
12 та туман ҳокимлари кўчат экишни бошламагани учун огоҳлантириш олди — президент
Шавкат Мирзиёев «Яшил макон» дастури бўйича кўчат экиш ишлари ҳалигача бошланмагани учун Қўшработ, Каттақўрғон, Томди, Дўстлик, Арнасой, Фориш, Янгиариқ, Шеробод, Термиз, Музработ, Ғузор, Китоб туманлари ҳокимлари қатъий огоҳлантирилганини маълум қилди.
Тошкентда 55 та дарахт туби плёнка билан қоплангани боис қуришни бошлади
Тошкентнинг Чилонзор туманида президент ташрифи арафасида 55 туп дарахтнинг тубига парваришлангандек кўриниши учун полиэтилен плёнка тўшалиб, керамзит сепилган. Дарахтларда қуриш аломатлари мавжуд. Пойтахт Экология бошқармаси раҳбари ободошлаштириш услубини «колхозча» деб атади.
Фото: Ўзбекистоннинг кўп асрлик дарахтлари
Ўзбекистон ҳудудида ёши 100 ва ундан катта бўлган 4600 дан ортиқ дарахт бор. Энг кекса дарахтлар қайси ҳудудларда ўсади ва пойтахтдаги узоқ умр кўрувчиларининг айримлари қандай кўринишга эга — «Газета.uz» фотоматериалида.
Мақом маркази қурилаётган ҳудудда ўнлаб дарахтларнинг қуриб қолгани аниқланди
Экология қўмитаси Мақом маркази қурилиши учун ажратилган ҳудудда рейд ўтказди. Девор билан ўраб қўйилган ҳудудда 60 га яқин дарахтларнинг қуригани, қурувчилар қўй ва товуқ боқаётгани аниқланди. Деворлар олиб ташланиб, ҳудуд чиқиндилардан тозаланди.
«Амирсой» да 700 туп дарахтлар кесилиши бўйича жиноят иши қўзғатилди
Бўстонлиқ туманидаги «Амирсой» курорт зонасида 700 туп атрофидаги қимматбахо дарахтларни кесиб ташлагани юзасидан жиноят иши қўзғатилди. Табиатга етказилган зарар 1,9 млрд сўм этиб баҳоланмоқда.
Дарахтларни кесишга муддатсиз мораторий жорий қилинади — президент
Шавкат Мирзиёев ўз сайловолди дастурида дарахтларни кесишга муддатсиз мораторий жорий қилиниши ҳақида маълум қилди. ЎзЛиДеП номзоди парклар ва яшил зоналар ҳудудини бошқа мақсадлар учун ишлатиш қатъиян тақиқланашини қайд этди. Ҳар йили камида 200 млн туп дарахт кўчатлари экилиши таъкидланди.
«„Газон“ ўрнига 12 ой кўм-кўк турадиган манзарали буталарни экиш мумкин-ку?» — президент
Президент Шавкат Мирзиёев пойтахтдаги кўп сув талаб қиладиган арча ва «газон»нинг кўпайиб кетганини танқид қилди. Давлат раҳбари бунинг ўрнига «12 ой кўм-кўк турадиган манзарали буталарни экиш мумкинлиги» ҳақида таъкидлади. Икки ҳафта муддатда илмий асосланган ҳолда пойтахтнинг қайси кўчасида қандай дарахт ва экинларни жойлаштириш бўйича тақдимот қилиш вазифаси белгиланди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг