Кўкдала тумани ИИБ катта инспектори маст ҳайдовчининг пичоқ билан жароҳат етказгани оқибатида вафот этди. Ҳолат юзасидан Жиноят иши қўзғатилди, гумонланувчи ушланди.
Навоийда фуқарога $30 минг эвазига олтин қазиб олиш учун шароит яратиб берган ИИБ инспектори, Наманганда $3 минг эвазига фирманинг 383 млн сўмлик солиғини бартараф этмоқчи бўлган солиқ инспектори, Андижонда $5 минг эвазига фуқарони ишга киритиб қўйишни ваъда қилган Миллий гвардия ходими ушланди.
Қоровулбозор туманида рейд ўтказаётган туман Экология бўлими бошлиғи Мирали Ҳожиев хизмат вақтида яраланди. Унга ҳудудда ноқонуний ов қилаётган браконьер ўқ узди. Ҳозирда инспекторнинг аҳволи яхши, браконьерлар ушланиб, терговга қадар текширув ҳаракатлари олиб борилмоқда.
Данғара туманида табиат ресурслари инспекцияси бош мутахассиси пора билан ушланди. Унинг тақиқланган ҳудудда пневматик қурол билан ов қилган фуқарога қуролини қайтариб бериш эвазига 1 млн сўм олгани айтилмоқда.
Шавкат Мирзиёев йўл ҳаракати хавфсизлигига бағишланган йиғилишда инспекторларга бўйсунмаслик, уларга қаршилик кўрсатиш, ҳақоратлаш ҳолатлари сўнгги вақтларда ортиб бораётгани масаласига эътибор қаратди. Давлат раҳбари қонунларни кўриб чиқишда, бу масалага ҳам алоҳида эътибор қаратиш зарурлигини таъкидлади.
Қўшимча имкониятларга эга булиш учун сайтда рўйхатдан ўтинг