«йпх» тегли мақолалар
Бухоро вилоятида Cobalt ҳайдовчиси ЙПХ ходимини уриб кетди
Бухоро вилоятининг Жондор туманида ЙПХ ходимлари томонидан тўхтатилган Cobalt ҳайдовчиси тўсатдан ҳаракатланиб, улардан бирини уриб кетди. Воқеа юзасидан ҳокимият вакилига қаршилик кўрсатиш моддаси бўйича жиноий иш қўзғатилди.
Қашқадарёда йўлдан ўтиб кетаётган ЙПХ ходимларини ҳақоратлаганлар 10 суткага қамалди
Косон туманида 4 нафар маст эркак машинада йўлдан ўтиб кетаётган ЙПХ ходимларини ҳақоратлаб видеога олди ва уни Telegram`да тарқатди. Суд ҳукми билан уларнинг ҳар бирига 10 суткадан маъмурий қамоқ жазоси тайинланди.
Наманганда чақалоқ ЙПХ автомобилида туғилди
Наманганда ЙПХ автомобилида туғуруқхонага олиб кетилаётган аёл қиз фарзанд кўрди. Шифокорлар томонидан кўрсатилган тиббий ёрдам сабаб она-боланинг саломатлигига ҳеч қандай зиён етмади.
Ўзбекистонда ҳайдовчилар наркотестер орқали текширувдан ўтказилиши мумкин
Ҳукуматнинг ЙПХ ходимларининг махсус мосламалардан фойдаланиши тартиби бўйича қарор лойиҳаси муҳокамага қўйилди. Ҳужжат билан ҳайдовчиларининг гиёҳвандлик воситалари ва психотроп моддалар таъсиридан маст ҳолатда эканлигини аниқлашда наркотестер техник воситасидан фойдаланиш йўлга қўйилиши мумкин.
Оҳангаронда жарима майдончасига олиб кетилаётган ҳайдовчи ўзини машинадан ташлаб юборди
20 май куни Оҳангаронда ЙПХ инспектори жарима майдончасига олиб кетаётган «ВАЗ-2121» ҳайдовчиси ўзини машинадан ташлаб юборди. 27 ёшли фуқаро 6 июнь куни кечаси шифохонада вафот этди. Прокуратура текширув ўтказмоқда.
«Сабаблари асосли очиб берилмаган». ХДП фракцияси ЙПХ ходимларини суратга олишни тақиқлашга оид қонун лойиҳасини рад этди
ИИВ ЙПХ ходимларини суратга олиб интернетда тарқатганлик учун 15 млн сўм жарима ёки 15 сутка маъмурий қамоқ билан жазолашга оид қонун лойиҳасини Қонунчилик палатасига киритди. ХПД фракцияси таклифлар бўйича сабаблар асосли очиб берилмаганлиги учун мазкур қонунни биринчи ўқишда кўриб чиқишни рад этиб, уни кун тартибидан чиқариб ташлади. Бу ходимларни тасвирга олишни тақиқлашга бўлган навбатдаги уриниш, аввалроқ вазирлик таклиф этган ҳукумат қарори лойиҳаси жамоатчилик эътирозларига сабаб бўлганди.
Ҳайдовчилар ЙПХ ходимининг дислокация кўчирмаси билан жойида танишиш ҳуқуқидан маҳрум бўлди
Ҳукумат қарори билан эндиликда ҳайдовчи ЙПХ ходимининг дислокация кўчирмаси билан ўша жойнинг ўзида таниша олмайди. Бунинг ўрнига ҳайдовчи саф бўлимидан ёзма маълумот талаб қилиши мумкин. Шунингдек, body camera`си бор ЙПХ ходими ҳайдовчининг мастлик ҳолатини алкотестер ёрдамида ҳодиса жойида ўзи аниқлаши ва баённома расмийлаштириши мумкин.
ЙПХ ходимини хизмат фаолияти жараёнида съёмка қилишга қаршиман — Светлана Артикова
Бош прокурор ўринбосари Светлана Артикова ҳам йўловчи, ҳам «погонли шахс» сифатида ЙПХ ходимларини хизмат вақтида тасвирга олишга қарши эканини маълум қилди.
Сирдарёда кучли таъсир қилувчи дориларни олиб кетаётган Lacetti тезкор тадбир давомида тўхтатилди (видео)
Сирдарёнинг Сайхунобод туманида Lacetti ҳайдовчиси ЙПХ ходимларининг кўрсатмасига бўйсунмасдан, қочишга уринди. Автомобиль салони кўздан кечирилганида, кўп миқдордаги кучли таъсир қилувчи дори воситалари борлиги аниқланган. Ҳайдовчини ушлаш акс этган видео ижтимоий тармоқларда пайдо бўлди.
ЙПХ ходими суратини унинг рухсатисиз тарқатишни тақиқлаш таклиф этилмоқда
ИИВ ЙПХ ходимининг фото ва видеосини унинг рухсатисиз тарқатишни тақиқлашга оид таклиф назарда тутилган Вазирлар Маҳкамаси қарори лойиҳасини эълон қилди. Жамоатчилик вакиллари эса бунга қарши муносабат билдирди, жумладан, Davletovuz ёзишича, «бу ёпиқликка, орқага ташланган қадам». Нурбек Алимов эса бу билан жамоатчилик назорати йўқолишини таъкидлади. Хушнудбек эса ВМнинг бундай чеклов ўрнатишга ваколати йўқлигини эслатиб ўтди.
Қорақалпоғистонда ўз ходимларини ҳақоратлаган ЙҲХБ бошлиғига интизомий жазо чораси қўлланилди
Қорақалпоғистонда ўз ходимларини уриб-сўккан йўл ҳаракати хавфсизлиги бошқармаси бошлиғи в.б.га нисбатан «қаттиқ интизомий жазо чораси» қўлланилди. 2021 йилнинг февралида содир бўлган мазкур ҳолат акс этган видеоёзув ЙПХ ходимларидан бирининг боди-камерасига қайд этилган ва яқинда ижтимоий тармоқларда тарқалган эди.
Қашқадарёда ЙПХ ходимларига қаршилик кўрсатган ҳайдовчи 14 суткага қамалди
Қашқадарё вилоятининг Яккабоғ туманида хавфсизлик камарини тақмаган Nexia-3 ҳайдовчиси ва ЙПХ ходимлари ўртасида тортишув юзага келди. Ҳайдовчи 14 суткага қамалди, тортишувда қатнашган бошқа фуқароларга ҳам жазо тайинланди.
ЙПХ ҳамда ППХ постларида «Яшил» ва «Қизил» йўлак тизими жорий этилиши мумкин
Ҳукумат қарори лойиҳасига мувофиқ, 1 мартдан бошлаб Тошкент вилоятидаги «Чинор» ва Наманган вилоятидаги «Наманган» ЙПХ стационар постларида «Яшил» ва «Қизил» йўлаклар жорий қилиш таклифи билдирилди. Яшил йўлакдан қидирувда бўлмаган, қарздорлиги йўқ ҳамда техник соз машиналар ўтади. Қизил йўлак эса қоидабузар ва қарздорлиги мавжуд ҳайдовчиларга мўлжалланган. Постлардаги монитор ёрдамида ҳайдовчиларга қайси йўлакдан ҳаракатланиши кераклиги кўрсатиб турилади.
Қашқадарё ҳокимлиги ҳайдовчиси йўл қоидаларини қўпол тарзда бузди
Қашқадарё вилояти ҳокимининг биринчи ўринбосари хизмат машинаси эканлиги айтилаётган Trailblazer ҳайдовчиси ЙПХ ходимлари кўз ўнгида учта йўл ҳаракати қоидасини бузди. Видео интернетда эълон қилинганидан сўнг, автомобиль жарима майдончасига қўйилган. Машина ойналари ҳам рухсатсиз қорайтирилгани маълум бўлди.
Тошкентда қидирувдаги Nexia ҳайдовчиси ЙПХ экипажларидан қочар экан, инспектор ва бир пиёдани уриб юборди
Пойтахтнинг Чилонзор туманида қидирувдаги Nexia ҳайдовчиси йўл-патрул хизматининг икки экипажидан қочар экан, ЙПХ инспектори ва бир пиёдани уриб юборди.
ЙПХ ходимига Malibu машинасини қўйиб юборишни буюрган командир жазоланди
Тошкент вилоятида қоидабузар Malibu ҳайдовчисига протокол тузмоқчи бўлга ЙПХ ходимига рация орқали чиқиб, ҳайдовчини қўйиб юбориш буюрган командирга интизомий жазо қўлланилди. «O'ZTEMIRYO'LMASHTAʼMIR» корхонасига тегишли машина ҳайдовчиси эса хавфсизлик камарини тақмагани учун жаримага тортилди.
«„Яхши етиб олинг“ деб, қўйиб юбор». Тошкент вилоятида ЙПХ ходими жарима ёзмасдан ҳайдовчини қўйиб юборди
Тошкент вилоятида ЙПХ ходими Malibu ҳайдовчисига протокол тузмоқчи бўлганида, унга рация орқали ҳайдовчини қўйиб юбориш бўйича буйруқ берилади. «Қўйвор бўлди, кўп гапирмасдан. Яхши етиб олинг деб тушунтирвор», — дейди рация орқали мурожаат қилаётган шахс қайси машина эканлигини аниқлаштиргандан сўнг. Мазкур жараён Toshkent телеканали эфирида узатилган.
ЙПХ машиналарига 360 градусда қоидабузарликларни аниқлайдиган қурилма ўрнатилмоқда
Ўзбекистонда синов тариқасида йўл-патруль хизмати машиналарига 360 градус радиусга эга бўлган масофада қоидабузарликларни аниқлайдиган махсус қурилмалар ўрнатилмоқда. Қурилма тўхташ ва тўхтаб туриш, ҳаракатланиш тезлигини ошириш, светофорнинг тақиқловчи чироғига амал қилмаслик сингари қоидабузарликларни қайд этади ва у орқали ҳайдовчиларнинг яшаш манзилига жарима қўллаш тўғрисидаги қарор юборилади.
Маст ҳайдовчи ЙПХ инспекторини уриб юбориб, ҳаётига зомин бўлди
Қорақалпоғистонда юк машинасини бошқариб келаётган маст ҳайдовчи машинани тўхтатмоқчи бўлган йўл-патруль хизмати инспекторини уриб кетди. ЙПХ ходими тан жароҳатлари сабабли шифохонада оламдан ўтди.
Сурхондарёда ЙПХ ходими авария содир этди
Сурхондарёнинг Бандихон туманида ЙПХ инспектори «Ласетти» русумли махсус хизмат автомобили бошқарувини йўқотиб, ЙТҲ содир этди. Ҳодисадан ҳеч ким жабрланмади.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг