Сурхондарёнинг Бойсун туманидаги «Мустақилликнинг 25 йиллиги» газ конида содир бўлган янги авария оқибатида 4 киши ҳалок бўлди. Бу маълумотни президенти матбуот котиби Шерзод Асадов «Газета.uz»га тасдиқлади. Унинг маълум қилишича, президент реал вақт режимида вазият ҳақида маълумот олиб турибди.
ФВВ вакили Самандар Ҳикматуллаев Бойсундаги водород сульфид чиққан «Мустақилликнинг 25 йиллиги» газ конини жиловлаш ишлари яқин кунларда амалга оширилишини билдирди. У газдан оммавий заҳарланиш ҳолатлари йўқлиги, аммо одамлар орасида енгил заҳарланиш ҳолатлари учраётганини тан олди.
Сурхондарёнинг Бойсунидаги газ конида водород сульфид сизиб чиқишда давом этмоқда. Аҳолининг «Газета.uz»га маълум қилишича, яқин атрофдаги ҳудудлар газ ҳиди билан қопланган, шу боис кўпчилик вақтинча бошқа шаҳарларга кетган, эвакуация қилинган аҳоли эса мактаб ва бошқа муассасаларда бўлиб турибди.
Президент топшириғига биноан Сурхондарёнинг Бойсун туманидаги «Мустақилликнинг 25 йиллиги» (М-25) конига бош вазир ўринбосари Ачилбой Раматов, энергетика, фавқулодда вазиятлар вазирлари ва бошқалар ташриф буюрди. «Газета.uz» икки ходим шифохонага ётқизилгани ҳақида маълумот олди.
Қўшимча имкониятларга эга булиш учун сайтда рўйхатдан ўтинг