«некролог» тегли мақолалар
Хонанда Ширин Абдуллаева 19 ёшида вафот этди
Хонанда, Зулфия мукофоти совриндори Ширин Абдуллаева 20 ёшга тўлмай, касаллик туфайли вафот этди. «Шаолинь жанг санъатини ўрганган. Рус, хитой, инглиз тилларини мукаммал биларди. Киноларда роль ҳам ижро этган», — деб эсламоқда уни таниганлар. У наманганлик тадбиркор Баҳодир Абдуллаевнинг қизидир.
Ўзбекистонда хизмат кўрсатган халқ таълими ходими Хайриддин Маъсудов вафот этди
Ўзбекистонда хизмат кўрсатган халқ таълими ходими Хайриддин Маъсудов 88 ёшида вафот этди. Марҳум узоқ йиллар халқ таълими вазирининг ўринбосари, 2017 йилдан ҳозиргача «Баркамол авлод» жамияти кенгаши раис ўринбосари сифатида ишлаган.
Ўзбекистонда хизмат кўрсатган фан арбоби Галина Матвиевская вафот этди
Фанлар академияси ҳақиқий аъзоси, физика-математика фанлари доктори, профессор Галина Матвиевская 95 ёшида вафот этди. Ўзбекистонда шарқшунослик фанининг ривожига ҳисса қўшган атоқли олима «Ўзбекистон Республикасида хизмат кўрсатган фан арбоби» фахрий унвони билан тақдирланган.
Актёр Равшан Жўраев 63 ёшда вафот этди
Ўзбекистонда хизмат кўрсатган артист, театр ва кино актёри Равшан Жўраев 63 ёшда вафот этди.
Хонанда Бахтиёр Султонов 60 ёшида вафот этди
«Бедана» қўшиғи билан халққа танилган хонанда Бахтиёр Султонов 60 ёшида вафот этди.
Андижон вилояти ҳокими ўринбосари Авазбек Эргашев вафот этди
Андижон вилояти ҳокимининг қишлоқ ва сув хўжалиги масалалари бўйича ўринбосари Авазбек Эргашев 58 ёшида вафот этди. У Қўрғонтепа тумани ҳокими, Сирдарё вилояти ҳокими ўринбосари каби лавозимларда ҳам ишлаган.
Ўзбекистон халқ артисти Шафоат Раҳматуллаева вафот этди
Ўзбекистон халқ артисти, театр ва кино актрисаси Шафоат Раҳматуллаева 83 ёшда вафот этди. У «Масхарабоз», «Севгинатор», «Сеҳрли қалпоқча» каби фильмлар ва кўплаб спектаклларда роль ўйнаган.
Ўзбекистон халқ артисти Тўлқин Тожиев вафот этди
Ўзбекистон халқ артисти, дубляж санъати устаси ва актёр Тўлқин Тожиев 88 ёшида вафот этди. У «Иван Васильевич касбини ўзгартиради», «Филлар менинг дўстларим», «Автомобилдан сақланинг» каби фильмларга овоз берган ва кўплаб киноларда роль ижро этган.
Ёзувчи Маҳкам Маҳмудов 84 ёшда вафот этди
Филология фанлари номзоди, адабиётшунос ва ёзувчи Маҳкам Маҳмудов 84 ёшда вафот этди. Адиб «Абадият лаҳзалари», «Мен — мен эмасман», «Мангу куй излаб» сингари асарлар ёзган. Адабиёт олдидаги хизматлари учун унга «Эл-юрт ҳурмати» ордени берилган.
Актриса Ҳалима Ибрагимова вафот этди
«Мирзо» театри актрисаси Ҳалима Ибрагимова 45 ёшида вафот этди. Аввалроқ унинг соғлиғида муаммолар бўлаётганди.
Камола Махмудова вафот этди. У хорижда яшаб, Ўзбекистонда кўплаб хайрия лойиҳаларини амалга оширган
Лондонда ЕТТБнинг Озарбайжондаги ваколатхонасини бошқарган ва ўз ватанида кўплаб ижтимоий лойиҳаларни амалга оширган ўзбекистонлик Камола Махмудова вафот этди. «Газета.uz» 2022 йилда ундан интервью олганди.
Таниқли шоира Бибисора Туробова 72 ёшида вафот этди
Ёзувчилар уюшмаси аъзоси, таниқли шоира Бибисора Туробова 72 ёшида вафот этди. Марҳуманинг 10 га яқин шеърий китоблари нашр этилган. Айниқса, 2011 йилда ёзилган «Ўлсам, жанозамни булбул ўқисин» шеъри машҳур.
Таниқли бастакор Мусахон Нурматов 56 ёшида вафот этди
Ўзбекистонда хизмат кўрсатган маданият ходими, таниқли бастакор Мусахон Нурматов 56 ёшида вафот этди. У «Яна соғиндим, яна», «Мени севиб қолсайдинг», «Хабаринг йўқ» каби қўшиқлар муаллифи эди.
Машҳур рассом Владимир Бурмакин вафот этди
Таниқли рассом Владимир Бурмакин 87 ёшида вафот этди. У кўплаб жаҳонга машҳур суратлар (жумладан, «Бойсун мадоннаси») ва Тошкентдаги монументал паннолар («Пахтакор» метро бекати, «Халқлар дўстлиги» саройи ва бошқалар) муаллифи ҳисобланади.
Ўзбекистон халқ артисти Бобомурод Ҳамдамов вафот этди
Ўзбекистон, Туркманистон ва Қорақалпоғистон халқ артисти Бобомурод Ҳамдамов 84 ёшида вафот этди.
Суд фахрийси Машкура Сафаева 74 ёшида вафот этди
Суд фахрийси Машкура Сафаева касаллик оқибатида 74 ёшида вафот этди. У 14 йил Олий суд судьяси, фуқаролик ишлари бўйича судлов ҳайъати раиси, Қонунчилик палатаси депутати, спикер ўринбосари лавозимларида фаолият юритган.
Спорт фахрийси Сайфиддин Эрматов 71 ёшида вафот этди
ЎФА биринчи вице-президенти Равшан Эрматовнинг отаси, ҳакамлик ва назоратчилик фаолияти билан ўзбек футболи ривожига ҳисса қўшган Сайфиддин Эрматов 71 ёшида вафот этди. У 1982 йилда туғилган футболчилардан иборат Ўзбекистон ўсмирлар терма жамоаси бош мураббийи ҳам бўлган.
Таниқли дорбоз Турсунали Мамажонов 75 ёшида вафот этди
Ўзбекистонда хизмат кўрсатган маданият ходими, таниқли дорбоз ва эколог Турсунали Мамажонов 75 ёшида вафот этди.
Профессор Абдулахат Қаҳҳоров Тошкентдаги хонадонида ўлдириб кетилди
Профессор, социология фанлари доктори Абдулахат Қаҳҳоров Тошкентдаги хонадонидан ўлик ҳолда топилди. Бош прокуратура гумонланувчи қўлга олинганини маълум қилди ва қасддан одам ўлдириш моддаси бўйича жиноий иш қўзғатилди.
Ўзбекистонда хизмат кўрсатган артист Малика Қаюмова вафот этди
Ўзбекистонда хизмат кўрсатган артист Малика Қаюмова 70 ёшида вафот этди. У 1993 йилдан буён Муқимий номидаги мусиқали театрда фаолият кўрсатиб келаётганди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг