«никоҳ» тегли мақолалар
Ўзбекистонда туғилишлар сони 2017 йилдан бери илк бор пасайди
2024 йилда Ўзбекистонда 2023 йилга нисбатан туғилиш 3,7 фоизга камайиб, 926,4 мингта бола туғилди. Бу 2017 йилдан бери туғилишнинг биринчи марта камайиши ҳисобланади. Бундан ташқари, ўлимлар сони кетма-кет икиинчи йил кўпайди, никоҳларда эса 2022 йилда бошланган пасайиш давом этмоқда.
Наманганда икки бор унаштируви бекор бўлган қизини ўлдириб қўйган ота 10 йилга қамалди
Тўрақўрғонда 22 ёшли қиз иккинчи бор унаштирувни бекор қилиб, турмушга чиқишни рад қилди. Бундан ғазабланган ота сўроқ қилиш давомида қизини бўғиб ўлдириб қўйди. Суд отани 10 йилга озодликдан маҳрум қилди.
Ўзбекистон аҳолиси 37,1 миллион кишидан ошди
2024 йилнинг биринчи ярмида Ўзбекистон аҳолиси 334 мингдан зиёдга кўпайиб, 37 миллион 134,2 минг кишини ташкил қилди. Ушбу олти ой давомида ўлим даражаси сўнгги 9 йилнинг биринчи олти ойлари, шу жумладан, пандемия даврига нисбатан энг юқори бўлди.
Ён шажара бўйича яқин қариндошлар никоҳини тақиқлаш таклиф қилинмоқда
Ўзбекистонда иккинчи, учинчи ва тўртинчи даражадаги ён шажара бўйича қариндошлар ўртасидаги никоҳни тақиқлаш режалаштирилмоқда. 2023 йилда туғма нуқсон ва ирсий касалликлар билан туғилган болаларнинг 9,7 фоизи яқин қариндошлар ўртасида бўлган.
Ўзбекистонда уч ойда никоҳлар сони камайди
2024 йил январь-март ойларида қарийб 48,6 мингта никоҳ қайд этилди. Бу ўтган йилнинг мос даврига нисбатан 900 тага кам. Никоҳларда аёлларнинг ўртача ёши 23,3 ёшни, эркакларнинг ўртача ёши эса 28,2 ёшни ташкил этди. Никоҳдан ажралишлар сони 2020 йилнинг мос даврига нисбатан 1,5 баробарга кўпайган.
Ўзбекистон аҳолиси 1 январь ҳолатига кўра 36,8 млн кишини ташкил этди
Ўзбекистоннинг доимий аҳолиси сони 2024 йил 1 январь ҳолатига 36 799 800 кишини ташкил этди. Статистика агентлиги 2023 йилги демографик кўрсаткичларни эълон қилди.
2023 йилда оила қурган аёлларнинг 30 фоизи эрининг фамилиясига ўтди
2023 йилда Ўзбекистонда 283 минг 788 та никоҳ қайд этилиб, уларнинг 85 минг 279 тасида (30 фоиз) аёл эриниинг фамилиясига ўтди. 74 нафар эркак 70 ёшдан кейин, 4418 нафар эркак эса 20 ёшгача фарзандли бўлди.
Ўзбекистонда ажрашганларнинг ўртача ёши эркакларда 37, аёлларда 32,9 ёшни ташкил этмоқда
Ўзбекистонда январь-сентябрь оралиғида ажрашганларнинг ўртача ёши эркакларда 37, аёлларда 32,9 ни ташкил этди. Никоҳланганларнинг ўртача ёши аёлларда 22,5, эркакларда 27,3 ёш бўлган. Ажрашган оилаларнинг ярмидан кўпида фарзанд бўлмаган.
Статистика агентлиги: Ўзбекистонда никоҳлар камайиб, ажрашишлар сони ортди
Ўзбекистоннинг 2022 йилдаги асосий демографик кўрсаткичлари тақдим этилди. Унга кўра, ўтган йили мамлакатда қайд этилган никоҳлар сони 296,7 мингтани ташкил этиб, сўнгги 5 йилда сезиларли камайган. Никоҳдан ажрашишлар сони эса 48,7 мингтани ташкил этиб, охирги 5 йилда кўпайган.
9 ойда никоҳлар сони камайди, ажралишлар кўпайди
2022 йилнинг 9 ойи давомида Ўзбекистонда ўтган йилнинг мос даврига нисбатан никоҳлар сони 4,7 фоизга камайган, ажралишлар эса 18,7 фоизга ошган.
Сенат никоҳ тузишдаги бир ойлик муддатни бекор қилишга оид қонунни рад этди
Сенат Оила кодексига ўзгартишлар киритишни рад этди. Бунга, никоҳ тузишдаги бир ойлик муддатни бекор қилиш ва тиббий кўрикдан сўнг никоҳни қайд этиш таклифи сабаб бўлди. Сенаторларнинг фикрича, бу муддат ёш турмуш қурганларни оилавий ҳаётга тайёрлаш ва ажралишлар сони камайишига имкон беради.
Нотариусларга никоҳни қайд этиш ҳуқуқи берилиши мумкин — адлия вазири
Адлия вазирлиги нотариусларга ҳам никоҳни рўйхатдан ўтказиш ҳуқуқини бериш ташаббуси билан чиқишни режалаштирмоқда. Адлия вазири Русланбек Давлетовнинг ишонтиришича, «нотариуслар икки томоннинг хоҳиш-иродасини тасдиқлаб, шаҳодатлай олади».
АҚШ фуқаролари Регистон майдонида никоҳдан ўтишди
Душанба куни Самарқанддаги Регистон майдонида АҚШ фуқаролари Маршалл Маер ва Эбру Саннинг никоҳ маросими бўлиб ўтди. Улар ўзбек миллий таомларини севиб истеъмол қилиши ва саёҳат вақтида тарихий Самарқандни ёқтириб қолгани боис никоҳини шу ерда ўтказишга қарор қилганини маълум қилишди.
Беш ойда ўтган йилнинг шу даврига нисбатан 6373 та кам никоҳ қайд этилди
Январь-май ойларида Ўзбекистонда жами 90 543 та никоҳ ҳолатлари қайд этилди. Бу ўтган йилнинг мос даврига нисбатан 6 373 тага кам.
Никоҳни расмийлаштиришдаги 1 ойлик муддатни бекор қилиш таклиф этилмоқда
Фуқароларнинг никоҳини ФҲДЁга ариза берилганидан бир ой ўтиб расмийлаштириш тартибини бекор қилиш таклиф этилмоқда. Никоҳни тиббий кўрикдан сўнг қайд этиш мумкин.
Январь-август ойларида қарийб 175 минг никоҳ ҳолатлари қайд этилган
Январь-август ойларида Ўзбекистонда жами 174 998 та никоҳ ҳолатлари қайд этилган. Бу ўтган йилнинг мос даврига нисбатан 36 288 тага кўп.
Ярим йилда 1272 нафар ўзбекистонлик қиз хорижликларга турмушга чиққан
Жорий йил бошидан бери мамлакатда жами 143 555 та никоҳ қайд этилди. Шундан 1272 тасида ўзбекистонлик қизлар хорижликларга турмушга чиққан. Уларнинг 207 нафари Россия, 148 нафари Қозоғистон, 106 нафари Туркия, 42 нафари Корея Республикаси, 13 нафари АҚШ ва бошқа мамлакатлар фуқаролари билан оила қурган.
Ўзбекистон аҳолиси сони 34,86 миллион кишига етди
Ярим йил ичида Ўзбекистоннинг доимий аҳолиси сони 301,3 минг кишига ёки 0,9 фоизга ошиб, 34,86 млн нафарга етди. Туғилиш ва ўлим даражаси 2020 йилнинг биринчи ярмига нисбатан қарийб 7 фоизга ўсган.
Ўзбекистонда 6 ой ичида қарийб 119 минг никоҳ қайд этилган
Январь-июнь ойларида республика бўйлаб 118 минг 988 та никоҳ ҳолатлари қайд этилди. Ҳудудлар бўйича энг кўп никоҳ Самарқанд, Фарғона ва Тошкент вилоятларида расмийлаштирилган.
2021 йилнинг январь-март ойларида республика бўйича деярли 60 мингта никоҳ қайд этилган
2021 йилнинг январь-март ойлари ҳолатига республика бўйича 59 754 та никоҳ ҳолатлари қайд этилган. Ҳудудлар кесимида тузилган никоҳлар сони бўйича Самарқанд (6 723 та), Фарғона (5 900 та) ва Тошкент вилоятлари (5 459 та) етакчи бўлди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг