«об-ҳаво» тегли мақолалар
Ўзбекистонда ҳарорат 11−13 июль кунлари +45 даражагача кўтарилади
9−10 июль кунлари Ўзбекистонга Эрондан иссиқ ҳаво кириб келади, унинг чўққиси 11−13 июль кунлари кузатилади: +43…+45 даража. Кейинроқ Кавказдан салқинроқ ҳаво кириб келиши ҳисобига ҳарорат 3−5 даражага пасаяди. Июль ойида аномал иссиқ кутилмайди.
Ўзбекистонда дам олиш кунларида ўртача иссиқ ҳаво сақланиб туради
Дам олиш кунлари Ўзбекистонда ҳаво бироз булутли бўлиб, ёғингарчилик кутилмайди. Ҳарорат бироз кўтарилади, аммо аксарият ҳудудларда +33…+38 даража кузатилади. Бу июль ойи учун мақбул қийматлар саналади.
Ўзбекистонда ҳаво ҳафта давомида салқинроқ бўлади
Душанбадан бошлаб Ўзбекистонда кундузги ҳаво ҳарорати +33…+36 даражагача пасаяди ва бу ҳарорат фони ҳафта охиригача сақланиб қолади. Айрим ҳудудларда вақти-вақти билан ёмғир ёғиши, шамол тезлиги 20−22 м/с гача кучайиши мумкин.
Ҳафта давомида ҳарорат яна кўтарилади
Салқин якшанбадан сўнг ҳафта давомида ҳарорат +39…+41 даражага кўтарилади. Ҳаво асосан кам булутли бўлади, ёғингарчилик кутилмайди. Баъзи жойларда шамол кучайиши, чанг-тўзон кузатилиши мумкин.
Якшанба куни ҳаво салқинроқ бўлади
Якшанба куни Ўзбекистонга Кавказ ҳудудларидан нисбатан салқин ва нам ҳаво кириб келади. Ҳарорат 2−4 даражага пасаяди, ёз учун қулай қийматлар — +31…+34 даража, кечаси — +15…+18 даражагача ҳарорат кузатилади.
Термизда чанг-ғубор ҳодисаси кузатилди, ниқоб ва кўзойнак тақиш тавсия этилмоқда
Пайшанба куни Термизда чанг-ғубор ҳодисаси кузатилди. Соат 9:00 да ҳаводаги майда ПМ10 зарралари максимал рухсат этилган концентрациядан 14 баробар ошиб кетди. Соат 12:00 га келиб, бу кўрсаткич 9 га тушди. Аҳолига очиқ ҳавода бўлмаслик, ташқарида ниқоб ва кўзойнак тақиш тавсия этилди.
Ўзбекистонда сешанбадан бошлаб жазирама пасаяди
Сешанба кунидан бошлаб Ўзбекистонга Кавказдан нисбатан совуқроқ ҳаво кириб келиши ҳисобига иссиқ пасая бошлайди. Иш ҳафтаси охиригача ҳаво ҳарорати +33…+38 даража атрофида бўлади.
«Июнь ойида ҳароратнинг юқори бўлиши истисно эмас» — Ўзгидромет
Ўзгидромет ёз ноодатий иссиқ билан бошланганига изоҳ берди. Охирги марта бундай иссиқ 2021 йилда июнь ойининг биринчи ярмида кузатилган ва у барча кузатувлар давомидаги энг иссиқ ҳаво бўлиб, ҳарорат +46 даражага етган. Жорий июнь бундай қийматларга «ета олмади».
Ўзбекистонда дам олиш кунлари об-ҳаво қуруқ ва иссиқ бўлади
Ўзбекистонда дам олиш кунлари қуруқ ва иссиқ об-ҳаво сақланиб туради. Ҳарорат +43 даражагача исийди. Айрим жойларда чанг-тўзон билан кузатилиши мумкин.
Ҳафта давомида ҳарорат яна кўтарилишда давом этади
Дам олиш кунлари ҳарорат бироз пасайган бўлса, янги ҳафтада аста-секин кўтарилиб, +40…+42 даражагача етади, бу даврнинг иқлимий қийматларидан юқоридир. Фақат Фарғона водийсининг айрим ҳудудларида қисқа муддатли ёмғир ёғиши мумкин.
Ўзбекистонда ҳафта давомида ҳарорат кўтарилиб боради
Ўзбекистонда иш ҳафтаси давомида ҳароратнинг аста-секин кўтарилиши давом этади. Кундузи ҳаво +40 даражагача, жанубда ва чўл ҳудудларда +42 даражагача исийди. Бу июнь ойининг биринчи ўн кунлиги учун меъёрдан 4−6 даража юқори ҳисобланади.
Ўзбекистонда дам олиш кунларида иссиқ ҳаво сақланиб туради
Ўзбекистонда дам олиш кунлари ҳаво ҳарорати +34…+39 даража иссиқ бўлади, бу июнь ойининг бошидаги меъёрий қийматлардан 2−4 даража юқори саналади.
Ўзбекистонда июнь ойи меъёрдан 2−3 даража иссиқроқ бўлади
2015 йилдан буён Ўзбекистонда ёзги ҳаво ҳарорати меъёрдан юқори бўлиб келмоқда. Ўзгидромет прогнозига кўра, бу йилги июнь ойида ҳарорат меъёрдан 2−3 даража иссиқ бўлади. Айрим кунларда ҳудудларда қисқа муддатли ёмғир ёғиши мумкин, лекин ёғингарчилик миқдори меъёрдан кам бўлиши кутилмоқда.
Ўзбекистонда ҳафта давомида ҳаво иссиқ бўлади, айрим жойларда ёмғир ёғиши мумкин
Ўзбекистонда иш ҳафтаси давомида кам булутли ва қуруқ об-ҳаво сақланиб туради. Фақат айрим тоғли ҳудудларда қисқа муддатли ёмғир ёғиши мумкин. Ҳарорат кечалари +15…+20 даража, кундузи +35…+37 даражагача бўлади.
Ўзбекистонда дам олиш кунлари ҳарорат кўтарилиб боради
Дам олиш кунлари Ўзбекистонда кам булутли ва қуруқ об-ҳаво бўлади. Фақат айрим тоғли жойларда қисқа муддатли ёмғир ёғиши мумкин. Ҳарорат секин кўтарилиб, +32…+35, шимолда ва чўл ҳудудларда +35…+37 даражани ташкил этади.
Ўзбекистонда ҳафта иссиқ бўлади, баъзи жойларда ёмғир ёғиши мумкин
Ўзбекистонда иш ҳафтаси иссиқ бўлади, айрим жойларда қисқа муддатли ёмғир ёғиши мумкин. Антициклон таъсирида ҳафтанинг ўрталарида ҳаво ҳарорати +25 даражага тушади, бироқ ҳафта охирига келиб яна +33 даражагача кўтарилади.
Дам олиш кунлари Ўзбекистоннинг катта қисмида ҳаво очиқ бўлади
Шанба куни фақат Тошкент вилояти ва Фарғона водийсида қисқа муддатли ёмғир ёғиши, баъзи вилоятларда шамол тезлиги кучайиши кутилмоқда. 21 майда Ўзбекистон ҳудуди бўйича ҳаво очиқ ва қуёшли бўлади. Кундузги ҳарорат кўтарилиб, +31…+33 даражани ташкил этади.
Ўзбекистонда ҳафта ўртасида ҳарорат пасайиб, ёмғир ёғади
Ўзбекистоннинг аксарият ҳудудларида ҳафта ўртасида ёмғир ёғади, момақалдироқ бўлади, жойларда дўл ёғиши мумкин. Ҳарорат кечаси +10 даражагача, кундузи +17 даражагача пасаяди. Тошкентда чоршанба ва пайшанба кунлари момақалдироқли ёмғир ёғади.
Ўзбекистонда дам олиш кунлари ҳаво ўзгариб туради
Шанба куни Ўзбекистоннинг катта қисмида ёмғир ёғади. Якшанба куни эса ҳаво очиқ ва қуёшли бўлиши прогноз қилинмоқда. Ҳарорат кечалари +13…+20 даража, кундузи +27…+35 даража атрофида бўлади.
Қашқадарё ва Жиззахда қор ёғди: меваларни совуқ урган бўлиши мумкин
Шанба куни Қашқадарё ва Жиззах вилоятлари бўйлаб қор ёғиши кузатилмоқда. Хоразм маркази Урганчда эса 1 сутка давомида 23.7 мм ёмғир ёғиб ўтган. «Қор ва ҳароратнинг нолгача пасайиши мева ва гулларни совуқ уришига олиб келган бўлиши мумкин», — деб ёзмоқда Ўзгидромет ходими Эркин Абдулахатов.
Энг кўп ўқилган хабарлар | Сўнгги янгиликлар
- Шароф Рашидовнинг ўғли вафот этди
- Собиқ вазир Азиз Воитов судида адвокатлар «хорижликлар агенти» бўлиши мумкинлигидан хавфсираб ОАВ иштирокига қаршилик қилди
- «Водород сульфид чиқишда давом этмоқда, кўпчилик уйини вақтинчага тарк этди». Аҳоли — Сурхондарёдаги газ конидаги вазият ҳақида
- 15 ёшли Шаҳина Йигиталиева — Паралимпия ўйинлари кумуш медали соҳиби
- Футбол бўйича ЖЧ-2026 саралаши: Ўзбекистон Шимолий Кореяни мағлуб этди
Қўшимча имкониятларга эга булиш учун сайтда рўйхатдан ўтинг