«сайлов-2024» тегли мақолалар
Президент янгиланган Сенат учун саккизта устувор вазифани эълон қилди
Президент Сенатнинг аввалги таркиби хизматини юқори баҳолади, шунингдек, янги таркиб олдида турган саккизта долзарб вазифани санади. Кенгашларни қонун ижодкорлиги жараёнига жалб қилиш, ижро органлари фаолияти устидан назорат, коррупцияга қарши курашишда парламент назорати шулар жумласидандир.
Президент — аввалги депутатлар фаолияти ва Қонунчилик палатасининг янги таркибига таклифлари ҳақида
Президент ўтган чақириқдаги депутатлар ишига баҳо берди ва парламент аъзоларининг янги таркиби олдида турган муаммоларни санаб ўтди. Улар орасида вазирликларнинг самарасиз ишлаши, реновация қонунининг қабул қилиниши, мажбурий тиббий суғурта, қонунчиликни ЖСТга мувофиқлаштириш ва бошқалар бор.
Янги чақириқ кенгаш депутатлари Ўзбекистон вилоятлари ва туманларида ҳокимларни қайта тасдиқлади
Кенгашларнинг янги сайланган депутатлари сайловдан сўнг Ўзбекистоннинг вилоят, туман ва шаҳарларида амалдаги ҳокимларни қайта тасдиқлади. Вилоят ҳокимлари кенгаш раҳбари лавозимини тарк этди.
Қонунчилик палатасининг янги чақириқ депутатларининг ўртача ёши ошди
Ўзбекистон парламенти қуйи палатаси янги сайланган депутатларининг ўртача ёши 3 ёшга — 49,5 ёшгача ошди. Ёши энг катта партия ЎзХДП, энг кичиги эса «Миллий тикланиш» бўлди. Аёллар улуши 32 фоиздан 38 фоизга ўсди.
Сенат аъзолари 7−12 ноябрь кунлари сайланади
Қорақалпоғистон Жўқорғи Кенгеси, вилоятлар ва Тошкент шаҳар кенгашлари 7−12 ноябрь кунлари ўз депутатлари орасидан Сенат аъзоларини сайлаш бўйича мажлислар ўтказади. Эндиликда сенаторлар сони 100 эмас, 65 нафарни ташкил қилади.
Қонунчилик палатасининг 150 нафар депутатидан 64 нафари қайта сайланди. Рўйхат
Олий Мажлис Қонунчилик палатасининг 150 нафар депутатидан 64 нафари (42,7 фоизи) қуйи палатанинг бешинчи чақириғига қайта сайланди (аввалги сайловда 27 фоиз эди). Аввалги чақириқда Сенат аъзоси бўлганлар орасида парламент қуйи палатасига сайланганлар ҳам бор. «Газета.uz» тўлиқ рўйхатни эълон қилади.
«Халқимиз сизларнинг янги ғоя ва ташаббусингизни катта умид билан кутмоқда». Президент — сайланган депутатларга
Шавкат Мирзиёев Навоий вилоятида ўтказилган йиғилишда 27 октябрда ўтган парламент сайлови ҳақида гапирди. «Халқимиз сизларнинг янги ғоя ва ташаббусингизга катта умид ва ишонч билан қарамоқда. Эл-юртимиз янги парламент ва маҳаллий кенгашлар аъзоларидан кўп нарсани кутмоқда», деди президент.
МСК Олий Мажлисга янги сайланган депутатларни рўйхатга олди
Якшанба кунги сайловлар натижасида парламент қуйи палатаси ва маҳаллий кенгашлар таркиби деярли 60 фоизга янгиланди. Қуйи палата депутатларининг 38 фоизини аёллар ташкил этди (Ўзбекистон тарихидаги энг юқори кўрсаткич). Унга илк бор 3 нафар, кенгашларга эса — 138 нафар ногиронлиги бор шахс сайланди.
Сайловда бир кишига бир неча бюллетень берган сайлов комиссияси аъзоси жаримага тортилди
Ўзбекистонда 27 октябрь куни ўтган депутатлик сайловларида бир кишига бир қанча бюллетень берган Данғара туманидаги 541-сайлов участкаси сайлов комиссияси аъзоси судланди. Суд унга 375 минг сўм жарима жазосини тайинлади.
МСК ягона сайлов округи бўйича сайлов натижаларини тасдиқлади
Марказий сайлов комиссияси ягона сайлов округи бўйича Қонунчилик палатасига депутатлар сайлови натижаларини тасдиқлади ва сиёсий партиялар ўртасида 75 депутатлик мандатини тақсимлади.
«Депутатда сиёсий тафаккур юқори бўлиши шарт» — Озодбек Назарбеков
Маданият вазири Озодбек Назарбеков пойтахтдаги 531-сонли сайлов участкасида овоз берди. Парламент депутатлигига номзоди кўрсатилган вазирга кўра, Олий Мажлис Қонунчилик палатасининг мавқеини жамият олдида юксалтириш зарур. «Депутатда айнан сиёсий тафаккур юқори бўлиши шарт, деб ўйлайман», — деди у.
Марказий сайлов комиссияси раҳбари сайлов участкаларида кузатилган айрим камчиликлар натижаларга таъсир қилмаслигини таъкидлади
Сайлов куни участка сайлов комиссияларида айрим камчиликлар қайд этилди: паспортнинг телефондаги расми асосида овоз бериш имконияти, кабиналарда бир вақтда бир неча киши бўлгани ва бошқалар. Зайниддин Низомхўжаевнинг айтишича, ҳолатлар ўрганилди ва улар сайловнинг умумий натижасига таъсир қилмайди.
«Умумэътироф этилган мосламалар ишлаб чиқилса, кейинги сайловларда қўллаш режамиз йўқ эмас». МСК раиси онлайн овоз бериш тизими ҳақида
МСК раиси дунё бўйлаб онлайн овоз бериш тизимида унинг хавфсизлиги, шахсий маълумотларни очиқламасдан овоз бериш дастурлари ҳали етарли даражада ишлаб чиқилмаганини маълум қилди. «Агар умумэътироф этилган мосламалар бўлса, кейинги сайлов жараёнларида қўллаш режамиз ҳам йўқ эмас», — деди у.
ЎзЛиДеП Олий Мажлис Қонунчилик палатасида энг кўп ўрин олди
Ўзбекистонда 27 октябрь куни бўлиб ўтган депутатлик сайловларининг дастлабки натижалари эълон қилинди. Унга кўра, Олий Мажлис Қонунчилик палатасида ЎзЛиДеП — 64 та, «Миллий тикланиш» — 29 та, «Адолат» — 21 та, ХДП — 20 ва Экопартия эса 16 та ўринга эга бўлди.
«Ҳали қилинадиган ишлар кўп». Акмал Бурхонов — парламент ва кенгашлардан кутилмалари ҳақида (видео, фото)
Коррупцияга қарши кураш агентлиги раҳбари Акмал Бурханов сайлов участкасига қизи билан бирга келди. «Газета.uz» билан суҳбатда у нима учун сайловда қатнашаётгани, парламент ишидан қанчалик қониқиш ҳосил қилаётгани ва унинг янги таркибидан нималар кутаётганини айтиб ўтди.
Видео: Сайлов якунига етди, овозларни санаш бошланди
«Газета.uz» мухбирлари Тошкентдаги 621-сайлов участкасида овоз беришнинг якунланиши ва ундан кейинги саноқ жараёнини қисман кузатди. Саноққа киришгач, участка сайлов комиссияси аъзолари мухбирлардан муассасани тарк этишни сўради.
Ногиронлиги бор ва ўзгалар парваришига муҳтож фуқаролар қандай овоз берди?
«Газета.uz» мухбири сайлов комиссияси аъзолари билан бирга Тошкентдаги ўзгалар парваришига муҳтож икки сайловчининг хонадонида бўлди. Умуман, Ўзбекистонда овоз бериш учун сайлов участкасига мустақил равишда кела олмайдиган жами 46,3 минг сайловчи рўйхатга олинган эди.
Фото: Сайлов участкасидаги келин-куёвлар, 100 билан юзлашганлар ва болалар
Депутатликка сайловларда соат 17:00 гача 14 миллиондан ортиқ фуқаро овоз бериб бўлди. Улар орасида тўйи сайлов кунига тўғри келган келин-куёвлар, ёши 100 дан ошган отахону онахонлар ҳам бор. «Газета.uz» уларнинг айримларини имкон қадар бир саҳифага жамлади.
Ўзбекистондаги депутатлик сайловларида энг паст давомат Тошкент шаҳрида кузатилмоқда
Ўзбекистондаги депутатлик сайловларида соат 17:00 ҳолатига кўра, 19,9 млн нафар сайловчидан 14,2 млн нафари ёки 71,52 фоизи овоз беришда иштирок этди. Энг паст давомат Тошкент шаҳрида — 62,39 фоиз.
Фото: Тошкентдаги сайлов участкаларида ногиронлиги бўлган шахслар учун яратилган шароитлар
Ижтимоий ҳимоя миллий агентлиги маълумотларига кўра, Ўзбекистонда ногиронлиги бўлган сайловчилар сони 831 мингдан ортиқ. Улар сайловда иштирок этиши учун участкаларда махсус кабиналар ташкил этилган. «Газета.uz» мухбирлари Тошкентдаги шароитлар билан танишди.
Энг кўп ўқилган хабарлар | Сўнгги янгиликлар
- Ўзбекистонда февраль ойида об-ҳаво қандай бўлади?
- Тошкентда қиз уч марта ўғирлаб кетилди. Гумонланувчилар, жумладан, у билан яшаган шахс қўлга олинди
- Сўровнома: Ислом Каримов даврида нима яхши-ю, нима ёмон эди?
- Журналист Рухсора Ғофурова ИИБга чақиртирилди, банк мансабдорларига эса жиноят иши қўзғатилди. Ўзи нима гап?
- Мингга яқин ўзбекистонлик АҚШдан депортация қилиниши мумкин
Қўшимча имкониятлардан фойдаланиш учун сайтда рўйхатдан ўтинг