«самарқанд» тегли мақолалар
5 йилда Самарқандда лой бўлган йўл умуман қолмайди — Эркинжон Турдимов
Самарқанд вилоятида келгуси 5 йилда камида 8 млрд АҚШ долларлик 5,5 мингдан ортиқ инвестицион лойиҳалар амалга оширилиши ва бунинг натижасида 250 мингдан ошиқ доимий иш ўринлари яратилиши режалаштирилган. Вилоят ҳокими 8 минг кмлик йўлларга асфальт ётқизилиб, вилоятда лой йўллар умуман қолмаслигини таъкидлади.
Самарқанд ва Наманганда автобуслар ҳаракати тўхтади, Қорақалпоғистонда эса улар АГТКШлардаги навбатларда қолиб кетмоқда
Газ қуйиш шохобчаларидаги вақтинчалик чекловлар сабаб Самарқанд ва Наманган вилоятларида жамоат транспорти ҳаракати тўхтаб қолди. Қорақалпоғистонда эса автобуслар шохобчаларда юзага келган узун навбатларда қолиб кетмоқда.
ХТВ Самарқандда IT-танлов ғолибига ишлатилган ноутбук берилган ҳолатни ўрганишни бошлади
Самарқандда 8-синф ўқувчиси «Бир миллион дастурчи» танловида биринчи ўринни олгани учун ишлатилган ноутбук берилганини маълум қилди. Ҳокимлик эса ўқувчи туман босқичида биринчи ўринни олгани учун телефон билан тақдирлаганини айтмоқда. ХТВ ишчи гуруҳи мазкур ҳолат бўйича ўрганиш олиб бормоқда.
Самарқандда туннель фойдаланишга топширилди (фото)
Самарқанд шаҳридаги Бўстонсарой ва Рўдакий кўчалари кесишмасида барпо этилган туннель тантанали равишда фойдаланишга топширилди. Қурилиш ишлари икки йил давом этди ва қурилишга 143 млрд сўм сарфланди. 2022 йилда шаҳарда ШҲТ саммити бўлиб ўтади.
Самарқанд ва Сурхондарёда ноқонуний ер сотишга уринган шахслар ушланди
Самарқандда ўзганинг фермер хўжалиги еридан 10 гектарни сотмоқчи бўлган аёл, Сурхондарёда эса уй қуриш учун фермер хўжалик ерини сотишга уринган фуқаро қўлга олинди. Уларга нисбатан фирибгарлик моддаси билан жиноят иши очилди.
Самарқанд аэропорти 10 декабрдан очилади
Самарқанд аэропорти 10 декабрдан яна минтақавий ва халқаро рейсларга хизмат кўрсатишни бошлайди. Аэропорт мажмуаси қурилиши эса ҳануз давом этмоқда.
Ўзбекистон илк бор Жаҳон туризм ташкилотининг Бош ассамблеясига мезбонлик қилади
Мадридда бўлиб ўтган БМТ Жаҳон туризм ташкилотининг сессиясида 2023 йилги Бош ассамблеяни ўтказиш учун Ўзбекистон танлаб олинди. Шу муносабат билан 2023 йилда Самарқандга жаҳон туризм пойтахти мақоми берилади. Бош ассамблеяни ўтказишга Португалия ҳам даъвогарлик қилганди.
Фото: Учинчи Samarkand Half Marathon қандай ўтди?
Ўзбекистонда учинчи марта Samarkand Half Marathon хайрия марафони бўлиб ўтди. 21 км масофада энг яхши натижани эркаклар ўртасида сурхондарёлик Шоҳрух Давлатов, аёллар орасида эса қирғизистонлик Гулшаной Сатторова қайд этди. Марафонда жами 2175 спортчи иштирок этди, бу 2019 йилдаги яриммарафонга қараганда қарийб икки бараварга кўп дегани.
Самарқандда Сурияга кетмоқчи бўлган шахслар тўхтатиб қолинди
Самарқандда ДХХ террористик ташкилот тарафдорлари сифатида гумон қилинган 10 нафар шахснинг Сурия давлатига чиқиб кетишининг олдини олди. Улар ижтимоий тармоқларда «жиҳод»га чорловчи материалларни мунтазам равишда тарқатиб келгани айтилмоқда.
Самарқандда болалар боғчасида ёнғин содир бўлди
Самарқанд шаҳридаги боғчалардан бирида ёнғин содир бўлди. Ҳодиса оқибатида жабрланганлар йўқ. Ёнғиннинг келиб чиқиш сабаби ва моддий зарар миқдори аниқланмоқда.
Андижон, Самарқанд, Сурхондарё ва Хоразм ҳокимлари Олимпия ва Паралимпия совриндорларини мукофотлади
Андижон, Самарқанд, Сурхондарё ва Хоразм вилоятлари раҳбарлари Олимпия ва Паралимпия ўйинларида совриндор бўлган спортчиларни автомашина ва уй билан мукофотлади. Аввалроқ, спортчиларга президент совғаси ҳам топширилган эди.
Фото: Самарқанднинг машҳур ипак қоғози қандай тайёрланади?
Самарқанд яқинидаги «Мерос» қоғоз фабрикаси усталари қадимий усулдан фойдаланган ҳолда тут дарахтидан қоғоз ишлаб чиқаришади. Ёрқинлиги, юмшоқлиги ва ишлатилган хом ашё сабабли ушбу маҳсулотни ипак қоғоз дейишади. Ушбу қоғознинг тайёрланиш жараёни ҳақида Кира Карапетованинг фото-ҳикоясида.
Самарқандда 19 ёшли қиз иш вақтида зўрланди
Самарқанддаги текстиль корхоналаридан бирида ишловчи 19 ёшли қиз тунги навбатчилик пайтида зўрланди. Вилоят прокуратураси томонидан жиноят иши қўзғатилиб, айбланувчига нисбатан сиртдан қамоқка олиш тарзидаги эҳтиёт чораси қўлланилди.
Самарқандда «Минск» хиёбонидаги қурилиш бўйича жиноят иши қўзғатилди
Самарқанддаги «Минск» хиёбонида қурилиш учун ҳужжатлар сохталаштирилганлиги бўйича жиноят иши қўзғатилди. Маҳалла аҳолиси, фаоллар ва депутат хабар қилишича, қурувчи компания уй-жой, болалар боғчаси ва савдо биноларини ноқонуний равишда қурмоқда.
Самарқанд ва вилоятнинг бир қатор туманлари сув таъминотида узилишлар кузатилмоқда
Ёғингарчиликларнинг йўқлиги ва Зарафшон дарёси ўзанида сув оқимининг камлиги сабабли Самарқанд ва вилоятнинг бир қатор туманлари сув таъминотида узилишлар кузатилмоқда.
Самарқандда электр тармоғидаги узилиш сабаб трамвай икки соатга тўхтаб қолди
Ижтимоий тармоқларда Самарқанд шаҳрида трамвай электр тармоғидаги узилиш сабаб тўхтаб қолгани ва йўловчилар томонидан силжитиб ҳаракатга келтирилгани юзасидан изоҳ берилди. Унда таъкидланишича, йўловчилар трамвай бошқа йўналишдаги автотранспорт воситаларига халақит қилмаслиги учун итариб, чорраҳани бўшатиб қўйишга кўмаклашишган.
Самарқандда 17 ёшли қизнинг мурдаси топилди
Пастдарғом туманидаги каналда 17 ёшли қизнинг мурдаси топилди. Қизнинг яқинлари унинг номусига тегиб, кейин ўлдирганини гумон қилишаётганини билдирган. Суд тиббий экспертизасининг дастлабки маълумотларига кўра, марҳуманинг ўлими, сувга чўкишдаги механик асфиксиядан келиб чиққанини ва жинсий аъзоларида тан жароҳатлари аниқланмаганлиги айтилмоқда.
Алишер Навоий ҳайкали олдида «ноўрин ҳатти-ҳаракатлар» билан видео олган йигитлар 15 суткага қамалди
Самарқанддаги Алишер Навоий ҳайкали олдида «ноўрин ҳатти-ҳаракатлар» содир этиб, видео олган йигитга нисбатан вилоят ИИБ томонидан ҳужжатлар расмийлаштирилди. Видео олган ва унда иштирок этган икки нафар шахсга 15 сутка қамоқ жазоси белгиланди.
Total Eren компанияси Самарқандда қуёш электростанциясини қуради
ЕТТБ, ЕИБ ва Proparco Самарқанд вилоятида 100 МВт қувватга эга Total Eren қуёш электр станциясини қуриш учун 87,4 млн евро ажратмоқда.
Самарқанд сайёҳлик маркази қандай кўринишга эга бўлади ва у ким томонидан қурилади
Самарқанд туманидаги эшкак эшиш канали ҳудудида жойлашган, 353 млн долларга баҳоланган Silk Road сайёҳлик марказини 2022 йилнинг биринчи чорагида фойдаланишга топшириш режалаштирилган. Бу ерда конгресс-холл, саккизта меҳмонхона, «Абадий шаҳар» мажмуаси, дам олиш маскани ва бошқа объектлар пайдо бўлади. Марказ қандай кўринишда бўлади (фото).
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг