«сенаторлар» тегли мақолалар
Ҳудудлардан сайланган сенаторлар таркиби тасдиқланди
Марказий сайлов комиссияси ҳудудлардан сайланган Сенат аъзолари рўйхатини эълон қилди. Унга кўра, сенаторларнинг бир нафари 30 ёш, қолганлари 40 ёшдан ошган. Сенатнинг биринчи мажлиси 19 ноябрь куни чақирилади.
Шавкат Мирзиёев Сенатнинг тўққиз нафар аъзосини тайинлади
Ўзбекистон президенти Олий Мажлис Сенатининг 9 нафар аъзосини тайинлаш тўғрисидаги фармонни имзолади. Конституциянинг 92-моддасига кўра, ушбу 9 нафар сенатор давлат ва жамият фаолиятида катта амалий тажрибага эга бўлган ҳамда алоҳида хизмат кўрсатган энг обрўли фуқаролар орасидан тайинланади.
Депутат ва сенаторлар учун янги талаб ва жазолар жорий этилмоқда
Президент депутат ва сенаторлар учун янги мажбурият ва жазо чораларини жорий этиш тўғрисидаги ўзгартишларни имзолади. Улар йиғилишларда йилига 29 кундан кўп қатнашмаса, бошқа давлат фуқаролигини олса, ваколатидан маҳрум бўлиши мумкин. Этика қоидаларини бузишса, маошларидан ҳам ушлаб қолиниши мумкин.
Ўзбекистонда Сенат аъзолари сони 65 тагача қисқартирилади
Конституциявий қонун лойиҳаси муҳокамасида парламентдаги сенаторлар сони 100 тадан 65 тага қисқартирилиши маълум қилинди. Бунда ҳар бир ҳудуддан 4 тадан сенатор сайланади. Президент томонидан тайинланадиган сенаторлар сони эса 16 тадан 9 тага камайтирилади.
Сенаторлар лотин алифбосини ўрганишни бошлади
Сенаторлар, юқори палата масъул ходимларидан иборат гуруҳ лотин ёзувига асосланган ўзбек алифбосини ўрганишни бошлади. Аслида ҳукумат қарори билан 2023 йил 1 январдан барча ташкилотлар иш юритишда лотин ёзувига асосланган ўзбек алифбосига тўлиқ ўтиши керак эди.
«Сенатда ҳам „свет“ ўчяпти, бинолар совуқ» — сенаторлар
Сенаторлар Тошкент марказидаги Сенат биносида ҳам электр таъминоти узилиб, совуқлигини маълум қилди. Баҳодир Тожиев хонасида пальтосини ечмаслигини айтган бўлса, Фарҳод Боқиев ривожланган давлатлар ҳам энергетика инқирозини бошидан кечираётганини эслатди.
«Тошкентдаги ижтимоий объектларнинг 85 фоизи ногиронларга мослаштирилмаган» — Сенат
Пойтахтдаги ижтимоий объектларнинг 85 фоизи ногиронлар тўсиқсиз фойдаланишига мослаштирилмаган. Метро бекатларининг кўпларида пандуслар йўқ, борларида ҳам 45 градус қилиб ўрнатилган. Ногиронларнинг 93 фоизи ерусти жамоат транспортини қониқарсиз деб баҳолади. Сенаторлар шаҳарсозларни танқид қилди.
Сўровда қатнашган деярли 40% ёшлар пора беришни коррупция деб ҳисобламайди — Антикоррупция агентлиги раҳбари
Ўтказилган сўровга кўра, 39 фоиз ёшлар пора беришни коррупция деб ҳисобламайди, деди Антикоррупция агентлиги раҳбари. Сенатор Маҳмуд Парпиевнинг айтишича, бу коррупцияга қарши курашда амалга оширилиши лозим бўлган кўплаб ишлардан далолат беради.
«Сепаратизм, фитна, провокация». Сенатор ва депутатлар Нукус воқеасига қандай муносабат билдирди?
Қорақалпоғистон мақомини Конституцияда ўзгартириш таклифи ортидан 1−2 июлда республикада намойишлар бўлиб ўтди. Президент шахсан Нукусга боргандан кейингина сенатор ва депутатлар воқеага ўз муносабатини билдира бошлади. «Газета.uz» қонун чиқарувчиларнинг фикрларини бир материалга жамлади.
Давлат органлари 2021 йилда кўпинча давлат харидлари бўйича маълумотларни очиқламаган
Антикоррупция агентлиги раҳбари Акмал Бурхонов давлат органлари очиқлигининг мониторинги юзасидан маълумот берди. Унинг сўзларига кўра, 135 та давлат органидан 80 таси (60 фоизи) 2021 йилнинг IV чорагидаги давлат харидларига оид маълумотларни эълон қилмаган. 204 та туман ва шаҳар ҳокимликларининг 43 тасида эса веб-сайтнинг ўзи умуман ишламайди.
Сенат «снос» тўғрисидаги қонунни қайтариши мумкин
Сенат «снос» тўғрисидаги қонунни қуйи палатага қайтариши кутилмоқда. Сенаторларнинг фикрича, қонунни қайта кўриб чиқишга 7 та моддадаги камчиликлар ва очиқ қолган масалалар сабаб бўлмоқда. Депутат Расул Кушербаев эса бу нотўғри эканлигини айтиб, қонун қайтгудек бўлса, Қонунчилик палатаси ҳужжатни президентга тўғридан-тўғри киритиши мумкинлигини эслатиб ўтди.
Сенаторлар «прописка» сўзини қонунчиликдан бутунлай чиқаришни маъқуллади
Сенаторлар «прописка» сўзи маънан эскирганлиги ва фуқаролар онгида «тўсқинлик қилувчи», «эркинликни чекловчи» деган тушунчаларни келтириб чиқараётгани учун уни қонун ҳужжатларидан бутунлай чиқаришни маъқуллашди. Энди унинг ўрнига «яшаш жойи бўйича рўйхатга олиш» тушунчаси қўлланилади.
Сенаторлар географик кўрсаткичлар тўғрисидаги қонунни маъқуллади
Сенатнинг навбатдаги ялпи мажлисида «Географик кўрсаткичлар тўғрисида» ги қонун кўриб чиқилди. Унга кўра, энди тадбиркорлар ўз товарларида ишлаб чиқарилган жой номини кўрсатиши керак. Қайд этилишича, ҳозиргача Ўзбекистонда фақат 4 та товар, хусусан, 2 та маҳаллий маҳсулотнинг географик кўрсаткичи рўйхатдан ўтказилган. Сенаторлар ишонтиришича, мазкур қонун минтақавий брендлар ривожланиши ва ҳудудларнинг туристик жозибадорлиги ошишига хизмат қилади.
«Сенаторлар қўмита мажлиси ёки қайсидир тадбирда иштирок этиш билан чекланиб қолмоқда» — Сенат раиси
Сенат раиси Танзила Нарбаева ялпи мажлис вақтида сенаторлар фаолиятидаги тадбирбозликни танқид қилди. «Сенаторлар фақатгина қўмита мажлиси ёки қайсидир тадбирда иштирок этиш билан чекланиб қолмоқда» — деди у. Қолаверса, қўмиталар етарлича ишламаётгани, улар фақат раҳбарларнинг ахборотини тинглаш билан шуғулланаётгани таъкидланди.
Назарбекдаги ноқонуний қурилиш сенаторлар аралашувидан сўнг тўхтатилди
Назарбекда мактаб ва болалар боғчасини қуришга мўлжалланган ер участкаси ноқонуний равишда тадбиркорга бериб юборилган. Сенаторлар аралашувидан сўнг у бошлаган қурилиш ишлари тўхтатилди.
Сенаторлар ўзлари маъқуллаган қонунни эслай олишмади
Сенатор Наримон Умаров матбуот анжуманида «Давлат тили тўғрисида»ги қонуннинг янги таҳрири Сенатга киритилмаганини айтди. Ваҳоланки, қонун июнь ойи охирида Сенат ялпи мажлисида маъқулланган эди. Мазкур ҳолатга бошқа ҳеч ким изоҳ бермади.
Сенат фавқулодда ҳолат тўғрисидаги қонун ва бошқа ҳужжатларни кўриб чиқади
Сенатнинг 21 ялпи мажлиси 18 ноябрь куни чақирилади ва унда асосий эътибор «Фавқулодда ҳолат тўғрисида»ги ва «Гидрометеорология фаолияти тўғрисида»ги қонунларга қаратилади. Шунингдек, Маъмурий жавобгарлик тўғрисидаги кодексга ўзгартишлар киритиш кутилмоқда. Инсон ҳуқуқлари бўйича Ўзбекистон миллий марказини ахбороти ва ҳукуматга юборилган сўров ҳам муҳокама қилинади.
Газ нархидаги тафовутни қоплаш учун бюджетдан 1 трлн сўм субсидия ажратилади
Сенаторлар давлат бюджетига ўзгартишлар киритиш орқали Энегретика вазирлигига «республика истеъмолчиларнинг эҳтиёжларини қондириш мақсадида табиий газ сотиб олиш ва сотишнинг ўртача баҳосидаги фарқни қоплаш учун субсидия» сифатида 1 трлн сўм ажратишни маъқуллади.
«Қонун имконияти чекланган шахсларга тўғридан-тўғри имтиёз бермайди». Сенаторлар жамиятлар вакиллари билан учрашди
Ногиронлар, Карлар ва Кўзи ожизлар жамиятлари сенаторлар рад этган «Ижтимоий тадбиркорлик тўғрисида»ги қонунни маъқуллашни сўраб, Сенатга мурожаат қилган эди. Шундан сўнг, сенаторлар Одилжон Иминов ва Эркин Гадоев жамиятлар раҳбарлари билан учрашди. Таъкидланишича, «учрашувда қонун имконияти чекланган шахсларга тўғридан-тўғри имтиёз ва преференциялар беришни назарда тутмаслиги тушунтирилган». Қолаверса, ҳужжатни қайта ишлашда ҳамкорлик қилиш таклиф этилган.
Қонун муҳокамаси адлия вазири ва сенаторлар ўртасидаги дебатга айланиб кетди
Сенаторлар «Ижтимоий тадбиркорлик тўғрисида»ги қонуннинг баъзи нормаларини қайта кўриб чиқиш керак деб ҳисоблаб, уни қайтарди. Адлия вазири Русланбек Давлетов сенаторларнинг қонунни қабул қилишга қарши билдирган ҳар бир аргументини рад этди ва айрим сиёсатчилар «халқдан келиб чиқаётган янги ғояларни тушунмаслигини» таъкидлади. Сенат раҳбари узоқ давом этган дебатга аралашишга ва томонларни тинчлантиришга мажбур бўлди.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг