«спорт» тегли мақолалар
Видео: «Миллий спорт мукофоти-2024» совриндорлари эълон қилинди
Тошкентда «Миллий спорт мукофоти-2024» тақдирлаш маросими ўтказилди. Унда йилнинг энг яхши спортчилари номига Диёра Келдиёрова ва Ҳасанбой Дўсматов лойиқ кўрилди. Энг яхши параспортчилар Нурхон Қурбонова ва Хусниддин Норбеков бўлди. «Газета.uz» тақдирлаш маросимидан репортаж тайёрлади.
Вазирлик ва идораларда жамоавий спорт турлари бўйича клублар ташкил этилади
Президент қарори билан 2025/2026 ўқув йилидан барча давлат олийгоҳларида жамоавий спорт турлари бўйича клублар ташкил этилади. Шунингдек, вазирлик ва идораларда ҳам спорт клублари фаолияти йўлга қўйилади.
Ўзбекистонда пайшанбани «Жисмоний тарбия ва спорт куни» деб белгилаш таклиф қилинмоқда
Ўзбекистонда ҳар пайшанба кунини «Жисмоний тарбия ва спорт куни» деб белгилаш таклиф қилинди. ОТМлар ва ҳокимликларда ёшлар спорт лигалари ташкил этиш, спорт клублари очиш режалаштирилмоқда.
Ўзбекистонда MMA бўйича ёшлар ва ўсмирлар ўртасидаги жаҳон чемпионати бошланди
5−10 ноябрь кунлари Тошкентдаги Humo arena муз саройида аралаш жанг санъати спорт тури (MMA) бўйича ёшлар ва ўсмирлар ўртасидаги жаҳон чемпионати ўтказилмоқда. Унда 67 та мамлакатдан 600 нафарга яқин спортчилар иштирок этиши кутилмоқда. Мусобақани томоша қилиш учун келганларга кириш бепул.
Ўзбекистонда «келишилган ўйинлар» учун жиноий жавобгарлик жорий этилди
Спорт мусобақаси қатнашчи ва ташкилотчиларининг пора олиши, уларни моддият эвазига оғдириб олиш учун жиноий жавобгарлик белгиланди. Бу катта миқдордаги жарима, 3 йилгача айрим ҳуқуқлардан маҳрум қилиш, 3 йилгача (оғирлаштирувчи ҳолатларда — 8 йил) озодликдан чеклаш ё маҳрум қилиш билан жазоланади.
Фигурали учиш бўйича Гран-при турнирида илк бор Ўзбекистон терма жамоаси медаль олди (видео)
Канадада ўтган фигурали учиш бўйича Гран-при турнирида Ўзбекистон номидан қатнашган Екатерина Гейниш ва Дмитрий Чигирев жуфтлиги мамлакат тарихида илк бор совриндор бўлди. Улар эркин дастурдаги ижроси учун ҳаммадан кўп балл олди. Якунда қисқа дастурдаги чиқиш ҳам қўшилиб, жамоа 2-ўринни эгаллади.
World Boxing халқаро ташкилоти президенти Ўзбекистонга келди
World Boxing халқаро спорт федерацияси президенти Борис ван дер Ворст Ўзбекистон Миллий Олимпия қўмитасига ташриф буюрди. У спорт расмийларига ташкилотнинг мақсадлари ҳақида маълумот берди. Якунда Ўзбекистондан кучли қўллов олганидан хурсандлигини билдирди.
Президент Лос-Анжелес-2028 Олимпиадасига тайёргарлик режалари билан танишди
Президент спорт соҳасидаги ишлар ва режалар билан танишди. Лос-Анжелес-2028 Олимпиадасида енгил атлетика ва сув спорти каби йўналишларда натижаларни яхшилаш, Олимпия шаҳарчасида хоккей мажмуаси қуриш, маҳаллаларда селекция ишларини кенгайтириш кўзда тутилган.
Ўзбекистон U-16 боксчиларининг барчаси Осиё чемпионатида медаль олди
БААда ўтган бокс бўйича ўсмирлар ўртасидаги Осиё чемпионатида Ўзбекистон U-16 жамоасидан 23 нафар спортчи қатнашиб, уларнинг барчаси медалларга эга чиқди: 14 та олтин, 6 та кумуш, 3 та бронза. 14 ёшгача бўлган боксчилар эса 10 та медални қўлга киритди: ярми кумуш, қолган ярми бронза.
Ўзбекистон Паралимпия терма жамоаси Тошкент аэропортида кутиб олинади (спортчилар кортежи йўналиши)
Париждаги Паралимпия ўйинларида иштирок этган Ўзбекистон делегацияси 9 сентябрь куни кечки 18:00 да Тошкент аэропортида (терминал-3) кутиб олинади. Спорт вазирлиги терма жамоани муносиб кутиб олишга тайёргарлик кўрмоқда.
Париж-2024: Асила Мирзаёрова узунликка сакраш баҳсида Паралимпия рекордини ўрнатди (видео)
Париждаги Паралимпия ўйинларида Асила Мирзаёрова узунликка сакраш баҳсида 5,22 метрга сакраб, мусобақа рекордини янгилади. Бундан аввалги рекорд натижа 5,07 метр эди.
Паралимпиада-2024. 1-кунда ўзбекистонлик 6 спортчи иштирокини бошлайди
Париждаги Паралимпия ўйинларининг биринчи кунида ўзбекистонлик 5 спортчи пара сузиш баҳсларида қатнашади. Паратаэквондочи Зиёдахон Исоқова (-47 кг) иштирокини чорак финалдан бошлайди.
Париж-2024 тақвими: 10 август куни уч спортчимиз олтин медаль учун беллашади
Олимпия ўйинларининг 15-кунида Ўзбекистоннинг 10 нафар атлети спортнинг 7 тури: бокс, кураш, бадиий гимнастика, таэквондо, оғир атлетика, замонавий бешкураш ва енгил атлетика бўйича чиқиш қилади. Яна икки боксчи ва эркин курашчимиз олтин медаль учун финал баҳсларини ўтказади.
Париж-2024: Ўзбекистонлик спортчиларнинг 9 август кунги чиқишлари тақвими
Олимпия ўйинларининг 14-кунида Ўзбекистоннинг 13 нафар атлети спортнинг 5 тури: бокс, кураш, бадиий гимнастика, таэквондо ва сувга сакраш бўйича чиқиш қилади. Икки боксчи олтин медаль учун рингга чиқса, икки курашчи бронза медали учун баҳсга киришади.
Париж-2024: Ўзбекистонлик юнон-рум курашчилари Олимпиадани медалларсиз якунлади
Ўзбекистонлик юнон-рум курашчилари Париж Олимпиадасини медалсиз якунлади. 40 ёшли Рустам Ассакалов (-97 кг) бронза учун жангда елкасидан жароҳат олиб, баҳсни муддатидан аввал тўхтатди. Арам Варданян (-77 кг) ҳам 3-ўрин учун беллашувда мағлуб бўлди. Ислом Баҳромов (-60 кг) эса ¼ финалгача етиб борди.
Париж-2024: Олимпиаданинг 12-кунида баҳсга киришадиган ўзбекистонликлар рўйхати
Париж Олимпиадасининг 12-кунида ўзбекистонликлар 3 та спорт турида қатнашади. Унда эшкак эшувчилар Екатерина Шубина ва Шахриёр Маҳкамов стартга чиқади. Боксчи Баҳодир Жалолов ярим финалда жанг қилади. Юнон-Рум курашчилари эса бронза медали учун ҳаракатини бошлайди.
Париж-2024: Бугун спорт курашчилари гиламга чиқади, боксчи Асадхўжа Мўйдинхўжаев ярим финалда жанг қилади
Париж Олимпиадасининг 11-кунида Арам Варданян ва Рустам Ассакалов Юнон-рум кураши бўйича, Актенге Кеунимжаева эса эркин кураш бўйича гиламга чиқади. 7 августга ўтар кечаси боксчи Асадхўжа Мўйдинхўжаев америкалик рақибига қарши ярим финалда жанг қилади.
Париж-2024: 7-кунда енгил атлетикачилар баҳсга киришади, 3 нафар боксчи чорак финалда жанг қилади
Париж Олимпиадасининг 7-кунида боксчилар Баҳодир Жалолов, Ҳасанбой Дўсматов ва Тўрабек Ҳабибуллаев чорак финал жангини ўтказади. Енгил атлетикачи Шарифа Давронова ва Сафина Садуллаева ўз иштирокини бошлайди. Сўнгги дзюдочи Алишер Юсупов эса яккалик баҳсларининг саралаш босқичида қатнашади.
Олимпиаданинг олтинчи куни: Ўзбекистон учун дзюдода бронза, боксда эса мағлубият
Олимпиаданинг олтинчи кунида Музаффарбек Тўрабоев бронза медалини қўлга киритган бўлса, боксчи Навбаҳор Ҳамидова чорак финалга чиқди. Эшкак эшувчи Анна Пракатень финалга чиқа олмади. Боксчилар Сабина Бобоқулова ва Руслан Абдуллаев, шунингдек, дзюдочи Ирисхон Қурбонбоева мусобақадан чиқиб кетди.
Париждаги Олимпиаданинг 6-куни: Анна Пракатень ярим финалда, 2 боксчи чорак финалда ўйнайди
Париждаги Олимпия ўйинларининг 6-кунида академик эшкак эшувчи Анна Пракатень ярим финалда қатнашади. Дзюдочилар Музаффарбек Тўрабоев ва Ирисхон Қурбонбоева ўз юришини бошлайди. Боксчилардан Лазизбек Мулложонов ва Руслан Абдуллаев чорак, Сабина Бобоқулова ва Навбаҳор Ҳамидова 1/16 финалда беллашади.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг