«талон-торож» тегли мақолалар
Бош прокуратура Тошкент ҳокимлигининг ҳоким ёрдамчиси тўғрисидаги раддиясига жавоб бериб, жамоатчиликни чалғитмасликка чақирди
Тошкентда ҳоким ёрдамчиси ўзгаларнинг номига кредит олгани маълум бўлди. Ҳокимлик уни 2024 йил ноябрда ишдан бўшаганини таъкидлаб, ОАВни маъсулиятли бўлишга чақирди. Прокуратура эса у жиноятни ҳоким ёрдамчиси бўлганида содир этганини қайд этиб, ҳокимликни жамоатчиликни чалғитмасликка чақирди.
Ўзбекистонда 10 ойда 5,8 млрд сўмлик иш ҳақи ва нафақа талон-торож қилинган
Бош прокуратура Ўзбекистонда ўтган 10 ой ичида иш ҳақи ва нафақа пулларининг 5,8 млрд сўми талон-торож қилинганини аниқлади. Бундан ташқари, кредит маблағларининг 2,5 трлн сўми талон-торож қилингани аниқланиб, банк ва мижоз корхоналар раҳбарларига нисбатан 906 та жиноят ишлари қўзғатилган.
Наманганда омбор масъуллари аҳолига ажратилган 13 минг тонна кўмирни сотиб юборгани аниқланди
Наманган шаҳридаги кўмир омбори масъул шахслари куз-қиш мавсумида аҳолига имтиёзли нархда етказиб бериш учун ажратилган 4,1 млрд сўмлик 13,3 минг тонна кўмирни бошқа шахсларга сотиб юборгани аниқланди.
Баскетбол федерацияси масъуллари салкам 500 млн сўмни талон-торож қилди
Бош прокуратура Баскетбол федерациясида 489 млн сўм маблағ талон-торож қилинганини аниқлади. Ташкилот ижрочи директори, ишлар бошқарувчиси ва биринчи вице-президенти жазога тортилди. Аввалроқ Сузиш федерациясида ҳам ўғриликлар ҳақида хабар берилган эди.
Сузиш федерацияси мансабдорлари 2 млрд сўмдан ортиқ маблағларни талон-торож қилгани аниқланди
Ўзбекистон сузиш федерацияси мансабдор шахслари томонидан 2 млрд сўмдан ортиқ маблағлар талон-торож қилингани маълум бўлди. Бу маблағларнинг 405 млн сўмига федерация бош котиби оила аъзолари Туркияга дам олиш учун жўнатилгани аниқланди.
Қашқадарёда ҳоким ёрдамчиси ва бошқалар 1 млрд сўмдан ортиқ маблағни талон-торож қилишда гумонланмоқда
Шаҳрисабз шаҳрида ҳоким ёрдамчиси компаниялар раҳбарлари билан бирга фуқаролар номига 1 млрд 173,6 млн сўм кредит расмийлаштириб, уларни талон-торож қилгани айтилмоқда. Ҳолат бўйича жиноий иш қўзғатилди.
Наманган вилояти ҳокимининг собиқ ўринбосари 7,5 йилга қамалди
Наманган вилояти ҳокимининг қурилиш, коммуникациялар ва коммунал хўжалик масалалари бўйича собиқ ўринбосари Саидаҳмад Султонов 7 йил 6 ойга қамалди. У жуда кўп миқдордаги маблағларни ўзлаштириш, талон-торож, шунингдек, фирибгарликда айбдор деб топилди.
Сирдарёда жами 28,4 млрд сўмлик газни ўғирлаган 2 та газ «заправка» аниқланди
Сирдарё вилоятида табиий газни талон-торож қилган 2 та АГТКШ аниқланди. Уларнинг бири 20,5 млрд сўмлик 8,2 млн куб метр, иккинчиси эса 7,9 млрд сўмлик 3 млн куб метр табиий газни талон-торож қилгани айтилмоқда.
Бекободда ферма мансабдорлари 1 млрд сўмдан ортиқ кредит пулини талон-торож қилгани айтилмоқда
Тошкент вилоятида ферма мансабдорлари чорва моллари импорти учун банкдан 1 млрд 680 млн сўм кредит, давлат жамғармасидан эса 116 млн сўм субсидия олган. Улар банкка кўрсатилган бизнес режага амал қилмай, молларни сотиб юборган ва кредитни ўзлаштирган. Ферма ва банк мансабдорлари тергов қилинмоқда.
Нукусдаги кўзи ожизлар кутубхонасида талон-торожликлар ва ўзлаштириш ҳолатлари аниқланди
Нукус шаҳридаги кўзи ожизлар махсус кутубхонасида бинони қайта қуриш ва жиҳозлашга ажратилган пулларнинг 530,4 млн сўми талон-торож қилингани аниқланди. Шунингдек, Брайль принтерлари ва овоз ёзиш студиясига ажратилган 140 млн сўм ўзлаштириб юборилди. Ҳолат юзасидан жиноят иши қўзғатилди.
Бухорода ёдгорликларни таъмирлашга ажратилган 3,3 млрд сўм талон-торож қилинди
Бухорода «Арк» мажмуаси, «Хўжа калон» масжиди, «Хусайни» ва «Нодир девонбеги» мадрасалари реставрацияси учун ажратилган 3,3 млрд сўм талон-торож қилингани аниқланди. Ҳолатлар бўйича Бухоро минтақавий реставрация маркази мансабдорлари ва бошқаларга жиноий иш очилди.
Самарқандда газ сотувидан тушган қарийб 350 млн сўмни ўзлаштиришда гумонланган шахслар ушланди
Тойлоқ туманида аҳоли хонадонларига етказиб берилган суюлтирилган газ сотувидан тушган 346,9 млн сўмни банк кассасига кирим қилмасдан ўзлаштирганликда гумонланиб 4 нафар шахс қўлга олинди.
Бухорода аҳолига ажратилган 800 тоннадан ортиқ кўмир талон-торож қилингани аниқланди
Бухоронинг Вобкент, Олот, Қоракўл ва Жондор кўмир омборларида аҳолига имтиёзли нархда етказиб берилиши керак бўлган 806,4 тонна кўмир ноқонуний сотиб юборилгани маълум бўлди.
Наманган ва Фарғонада аҳолига тарқатилиши керак бўлган салкам 2 минг тонна кўмирни ўзлаштирганлар аниқланди
Наманган ва Фарғона вилоятларида аҳолига имтиёзли нархда тарқатишга мўлжалланган 1988 тонна кўмирни сотиб юборган кўмир омбор мудирлари аниқланди. Уларга нисбатан жиноят иши қўзғатилди.
Андижон давлат университетида 39,3 млрд сўм нақд пул талон-торож қилингани аниқланди
Андижон давлат университетида талабаларга ортиқча стипендия ҳисоблаш, ТТЖдан тушган пулларни ўзлаштириш ва талабаларга ҳисобланган рағбатлантириш маблағлари тарқатмаслик йўли билан жами 39,3 млрд сўм нақд пул талон-торож қилингани аниқланди.
Навоийда туман халқ таълими бўлими мансабдорларига жиноят иши қўзғатилди
Хатирчи тумани халқ таълими бўлими мансабдорларига жиноят иши қўзғатилди. Улар 43,6 млн сўм миқдоридаги рағбатлантириш ва иш ҳақларини ноқонуний ҳисоблаб, бюджет маблағларини талон-торож қилганликда гумонланмоқда.
Қорақалпоғистонда маҳалла раиси 31 млн сўмлик бир марталик ёрдам пулларини асоссиз тўлашда гумонланмоқда
Тахиатош туманидаги маҳаллардан бирининг раиси 31 млн сўмдан ортиқ пулни талон-торож қилганликда гумонланмоқда. Унинг бир марталик моддий ёрдам пулларини асоссиз тўлагани аниқланган. Ҳолат юзасидан туман прокуратураси терговга қадар текшириш олиб бормоқда.
Бухорода тадбиркорлар салкам 12 млрд сўмлик табиий газни талон-торож қилишда гумонланмоқда
Ғиждувон туманида автомобилларга газ қуйиш компрессор шохобчаларининг 3 тасида табиий газ талон-торож қилингани айтилмоқда. Оқибатда давлат манфаатларига 11,8 млрд сўм зарар етказилган. Мансабдорларга нисбатан жиноят иши қўзғатилди.
«Халқ банки»нинг Сирдарёдаги филиалида 3,8 млрд сўм талон-торож қилингани айтилмоқда
«Халқ банки»нинг Ховос филиалида 3,8 млрд сўм талон-торож қилингани айтилмоқда. ДХХ ҳолат юзасидан жиноят иши қўзғатилиб, банкнинг бир нафар масъули қамоққа олинганини маълум қилди.
«Ўзавтойўлбелги» корхонаси мансабдорлари 2,7 млрд сўмни талон-торож қилгани айтилмоқда
«Ўзавтойўлбелги» ДУК мансабдорлари 2 млрд 701 млн сўм миқдоридаги бюджет маблағларини талон-торож қилганликда гумонланмоқда. Улар ўзларига таниш фирмалар билан 9 млрд сўмлик шартнома тузиб, йўл белгиларини ясаш ва чизишда фойдаланиладиган маҳсулотларни қиммат нархларда харид қилган.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг