«тарифлар» тегли мақолалар
Январда аҳолига энг кўп электр ва табиий газ нархи ошгани сезилди
Январь якунларига кўра, аҳоли томонидан сезилган инфляция даражаси декабрга нисбатан ўзгаришсиз қолиб, 14,7 фоизни ташкил этди. Аҳоли ой давомида энг кўп электр энергияси, газ, гўшт ва тухум нархларида юқори ўсиш кузатилгани қайд этди.
Канада ҳам АҚШ билан ўзаро божлар жорий этишни кечиктирди
Канада бош вазири Жастин Трюдо Трамп билан божлар жорий этилишини кечиктиришга келишиб олди. Бунда Канада чегарани мустаҳкамлашда 10 мингга яқин одамни сафарбар қилади, фентанил моддаси оқимини тўхтатиш учун ресурсларни кўпайтиради. Бир кун аввал Мексика ҳам божларни кечиктиришга келишиб олганди.
АҚШ Мексика товарлари импортига нисбатан бож жорий этишни бир ойга кечиктирди
Дональд Трамп Мексика «ноқонуний гиёҳванд моддалар, хусусан, фентанил оқимини тўхтатиш учун 10 минг нафар Миллий гвардия аъзоси билан шимолий чегарасини мустаҳкамлашга рози бўлганидан кейин» Мексикага янги тариф жорий этишни бир ойга тўхтатди.
АҚШ Канада, Мексика ва Хитой товарларига бож жорий қилмоқда
АҚШ президенти Дональд Трамп 1 февраль куни Мексика ва Канададан импорт қилинаётган маҳсулотларга 25 фоиз, Хитойникига эса 10 фоизли янги тарифлар жорий этиш тўғрисида буйруқ имзолаши кутилмоқда. Канада ва Мексика бунга қарши жавоб чораларини ишлаб чиққан, деб ёзади ОАВ.
Электрлаштирилган уйлар учун имтиёзли тарифлар ишлаб чиқиш буюрилди — вазир
Ўзбекистонда электрлаштирилган уйлар учун имтиёзли тарифларни ишлаб чиқиш режалаштирилмоқда, деди энергетика вазири Жўрабек Мирзамаҳмудов. Аввалроқ у 1 январдан газсиз уйлар учун электр энергиясига чегирма жорий этилишини айтганди, аммо бу амалга ошмади.
2025 йил учун инфляция прогнозида газ ва электр энергияси тарифлари яна ошиши инобатга олинган — МБ
Апрель ойида электр энергияси ва газ тарифлари ошишидан инфляцияга дастлабки қўшимча таъсир 1,8−1,9 фоиз пункт бўлиши кутилмоқда. «Бу жорий йил учун 7−8 фоиз атрофида бўлиши кутилаётган инфляция прогнозида инобатга олинган», — деди Марказий банк раиси.
Тошкент вилоятида февралдан иссиқ сув ва иситиш таъминоти нархи оширилади
Халқ депутатлари Тошкент вилояти кенгаши қарори билан 2025 йил февраль ойидан аҳоли ва юридик шахслар учун иссиқлик ва иссиқ сув таъминоти тарифлари нархи оширилмоқда. Рўйхат.
Лимитдан ўтган тадбиркорларга электр ва газ учун оширилган тарифлар миқдори ўзгарди
Ўзбекистон ҳукумати кечикиб бўлса-да, белгиланган лимитдан ортиқ истеъмол қилинган электр энергияси ва газ учун қўшимча тўловлар миқдорини пасайтирди. Лимитнинг ўзи эса оширилди.
«Тарифларни ошириш учун аҳоли даромадларини маълум даражага етказиш керак эди» — бош вазир ўринбосари
Ҳукумат тарифлар бу йил оширилгани ва апрелда яна оширилиши кутилаётганига қарамай, 2025−2027 йилларда газ ва электр энергиясини субсидиялашда давом этади. Бу 2028 йилга борибгина тўхтатилиши режалаштирилмоқда. Бош вазир ўринбосари энергоислоҳот нима билан якунланиши кераклигини тушунтирди.
Депутатлар чиқинди қарзлари учун электр тўловларини чеклаш масаласини муҳокама қила бошлади
Қонунчилик палатаси чиқинди хизматларидан қарз мавжуд бўлганда электр энергияси учун тўловни чеклашни назарда тутувчи қонун лойиҳасини кўриб чиқишга киришди. Депутат икки йилда барча коммунал хизматларни ва қарздорликни бирлаштирадиган ягона биллинг тизими яратилишини маълум қилди.
Газлаштирилмаган ҳовлилар учун ҳам электроэнергия тарифларига 50 фоизлик чегирма берилиши режалаштирилмоқда
Ўзбекистонда газ таъминотига уланмаган ҳовлили уй-жойлар учун ҳам электр энергияси тарифидан 50 фоизлик чегирма берилиши режалаштирилмоқда. Энергетика вазири Жўрабек Мирзамаҳмудовнинг айтишича, бу ўзгаришни 1 январдан жорий этишга ҳаракат қилинмоқда.
Тошкентда иссиқлик ва иссиқ сув тарифлари 15 фоизга оширилади
Халқ депутатлари Тошкент шаҳри кенгаши томонидан аҳоли ва юридик шахслар учун иссиқлик ва иссиқ сув таъминоти хизматлари тарифларининг 15 фоизга оширилиши маъқулланди.
Тадбиркорларга лимитдан ошган электр ва газ учун қўлланадиган юқори тарифлар ўзгартирилади
Тадбиркорларга элетр энергияси ва газдаги лимитдан ортиқча фойдаланишдаги юқори тарифларлар суммаси пасайтирилади. Президентнинг айтишича, энди тадбиркорлар лимитдан 20 фоизгача ошиб кетса ҳам базавий тариф сақланиб қолади, ошган қисмига тўлов эса 20 фоиз қимматлашади.
ҲЭТ — бизнес учун электр энергияси бўйича икки баравар тарифларни қўллаш ҳақида
Ўзбекистонда бизнес ва бошқа юридик шахслар илгари электр энергияси учун 1 кВт/соат 900 сўм бўлган тарифда белгиланган лимитдан 10 фоизга ошиб кетса, 960 сўмдан тўларди. Энди ортиқча ҳажмга 2 бараваргача бўлган тариф (1800 сўм) қўлланади. ҲЭТ янги қоидаларни тушунтирди.
«Энергия ислоҳотимиз фақат битта қадам бўлиб қолиб кетади, деган қўрқув бор» — депутат Дониёр Ғаниев
Депутат Дониёр Ғаниев электр энергияси таннархини шакллантириш бўйича аниқ ҳисоб-китоблар йўқлигини таъкидлади. «Ҳозир биз нархларни гўёки таннархгача олиб келяпмиз, лекин бундай шаффофлик йўқ тизим билан таннархлар яна икки баробар ошиб кетмаслигига ким кафолат беради?» — деди у.
Жаҳон банки Ўзбекистонга 7,5 млн доллар грант ажратди
Жаҳон банки Ўзбекистонга энерготарифлар ислоҳотининг аҳолининг ижтимоий заиф қатламига таъсирини юмшатиш мақсадида 7,5 млн доллар миқдоридаги 1-транш маблағини ажратди. Грант халқаро иссиқхона газлари савдоси симуляцияси сифатида иссиқхона газлари эмиссияси қисқартирилгани учун берилган.
Депутат ҳукуматдан газсиз аҳоли учун электр бўйича ижтимоий нормани оширишни сўради
Қатор ҳудудлар аҳолиси газ билан таъминланмаган ва қишда электрдан иситиш учун фойдаланишга мажбур бўлмоқда, деди депутат Дониёр Ғаниев. У ҳукуматдан қишки давр учун ижтимоий нормани (ҳозир ойига 200 кВт/соат) оширишни сўради. Бош вазир ўринбосари Жамшид Қўчқоров масалани ўрганишга ваъда берди.
Хоразм вилоятида чиқинди хизмати учун тарифлар оширилди
Хоразм вилоятида қаттиқ ва суюқ маиший чиқиндиларни тўплаш ва олиб чиқиб кетиш хизматлари нархи оширилди. Эндиликда Урганч шаҳри ва Урганч тумани аҳолиси хизмат учун бир ойда 5880 сўм, Хива шаҳри ва вилоятнинг бошқа туманлари аҳолиси эса 4592 сўм тўлайди.
Газ ва электр энергияси тарифларини оширишда газ импорти ҳисобга олинган — энергетика вазири
Ўзбекистонда газ ва электр энергиясига янги тарифларни белгилашда харажатларнинг бир қисмини қоплаш, шунингдек, табиий газни импорт қилиш харажатлари ҳисобга олинган, деди энергетика вазири. Ҳозирча ижтимоий меъёрларни қайта кўриб чиқиш режалаштирилмаяпти.
Газ ва электр тарифларининг ошиши инфляцияга қандай таъсир қилади?
Электр энергияси ва газ нархларининг ошиши инфляцияни қўшимча 2,4 фоиз пунктга оширади, дори воситалари ва айрим коммунал хизматлар учун ҚҚС бўйича имтиёзлар бекор қилиниши эса 1 фоиз пунктга оширади, дея хабар қилди МБ. Регулятор бунинг фонида аҳоли реал даромадларининг бироз пасайишини кутмоқда.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг