«термиз» тегли мақолалар
Термизда ёшларни касбга ўргатиш маркази иш бошлади
БМТТД Япония ҳукумати кўмагида Термиз шаҳрида IT, тадбиркорлик ва чет тилларини ўрганиш йўналишларида касб-ҳунар ўргатиш бўйича ёшлар маркази очди.
Термиз шаҳри ва туманидаги газ «заправка»ларга газ етказиб бериш вақтинча тўхтатилди
Термиз шаҳри ва Термиз туманида жойлашган автомобилларга газ тўлдириш компрессор шохобчаларига газ етказиб бериш вақтинча тўхтатилди. Бунга газ қувурида ўрнатилган газ босимини назорат қилувчи қурилмадаги носозлик сабаб экани маълум қилинди.
Сурхондарёда эркак 4 ёшли боласини ширинлик сўрагани учун сўкиб, калтаклади
Тармоқларда ота 4 ёшли боласини дўкондан ширинлик ва ўйинчоқлар олиб беришини сўрагани учун ҳақоратлаб, калтаклагани акс этган видео тарқалди. Бош прокуратура ҳолат Термиз шаҳрида 42 ёшли эркак томонидан содир этилган ва унга нисбатан очилган маъмурий иш судга юборилганини билдирди.
Термизда канализациядаги авария сабабли сув 3 кун давомида график асосида берилади
Термиз шаҳридаги канализация тармоғида содир бўлган йирик авария туфайли ичимлик суви таъминоти уч кунга соат 8:00 дан 20:00 гача тўхтатилди. Қолган вақтларда сув берилиши керак.
Сурхондарёда «Фарғона азот»га қарашли омборхонада ёнғин чиқди
Термиз туманида «Фарғона азот»га қарашли кўмир сақланадиган омборхона ёниб кетди. 5 та қутқарув экипажи ёнғинни 1 соат давомида ўчирди. Ҳодиса оқибатида жабрланганлар йўқлиги айтилмоқда.
Термиз ҳамда Урганч давлат педагогика институтларига ректорлар тайинланди
Ҳукумат қарори билан Термиз давлат педагогика институтига Азизбек Хасанов ректор бўлди. Урганч давлат педагогика институтини эса Феруза Мадрахимова бошқаради.
Термизда яна чанг бўрони кузатилди
Эрта тонгда Термизда чанг бўрони бошланди. Соат 09:00 да ҳаводаги майда ПМ10 заррачаларининг миқдори рухсат этилган максимал концентрациядан 14,7 баробар ошиб кетди. Шамол тезлиги пасайгач, ҳавода чанг ғубори кузатилди.
Термизда чанг-ғубор ҳодисаси кузатилди, ниқоб ва кўзойнак тақиш тавсия этилмоқда
Пайшанба куни Термизда чанг-ғубор ҳодисаси кузатилди. Соат 9:00 да ҳаводаги майда ПМ10 зарралари максимал рухсат этилган концентрациядан 14 баробар ошиб кетди. Соат 12:00 га келиб, бу кўрсаткич 9 га тушди. Аҳолига очиқ ҳавода бўлмаслик, ташқарида ниқоб ва кўзойнак тақиш тавсия этилди.
Термизнинг собиқ ҳокими ва яна 17 кишига оид жиноят иши судда кўрилмоқда
35,6 млрд сўм маблағни ўзлаштиришда гумонланган Термизнинг собиқ ҳокими Исроил Худойбердиев ҳамда унинг икки ўринбосарига оид жиноят иши судда кўриб чиқилмоқда. Ишга жами 18 киши айбланувчи, 200 киши жабрланувчи ва гувоҳ сифатида жалб қилинган. Иш ҳажми катталиги сабабли суд яна 4 ой давом этади.
Сурхондарёда чанг бўронлари кузатилмоқда. Видео
Жума куни тушдан сўнг Ўзбекистоннинг жанубий қисми, хусусан, Сурхондарё вилоятининг Термиз шаҳрида чанг бўронлари содир бўлди.
Сурхондарёда МЧЖ раҳбари чет эл фуқаросидан 6 минг доллар олгани айтилмоқда
Термизда МЧЖ раҳбари чет эл фуқаросидан Ўзбекистонда доимий яшаш гувоҳномасини расмийлаштириб бериш эвазига 7000 доллар талаб қилиб, шундан 6 мингини олганликда гумонланмоқда.
Афғонистон билан чегарадаги нейтрал ҳудудда қамишзорлар ёқиб юборилди
Ўзбекистон ва Афғонистон чегараси нейтрал ҳудудида жойлашган Амударё ичкарисидаги кичик оролчаларда қамишзорлар ёқиб юборилди. Сурхондарё ҳокимлиги ушбу тадбир режага мувофиқ ўтказилганини маълум қилиб, ортиқча ваҳимага берилмасликни сўради. Бироқ олдиндан огоҳлантириш билан чиқмади.
БМТ Термиздан Афғонистонга инсонпарварлик ёрдами жўнатди
БМТнинг Қочқинлар бўйича агентлиги ва Қочқинлар бўйича олий комиссарлиги Термиз шаҳридаги транспорт-логистика хаби орқали Афғонистонга навбатдаги инсонпарварлик ёрдамини жўнатди. Совуқда ҳимояга муҳтож афғон халқи учун 12 та юк машинасида 48 мингдан ортиқ кўрпа жўнатилди.
Сурхондарёда 46 нафар афғонистонлик ҳайдовчиликка ўқитилди
Термизда 46 нафар Афғонистон фуқароси Европа Иттифоқи ва БМТ Тараққиёт дастурининг қўшма лойиҳаси бўйича ҳайдовчиликка ўқитилди. Шунингдек, яна 35 нафари тикувчиликка тайёрланди.
Тошкент-Термиз ва Тошкент-Урганч йўналишида қўшимча поезд қатновлари йўлга қўйилади
Қишки таътил кунлари узайтирилиши муносабати билан Тошкент-Термиз ва Тошкент-Урганча йўналишида 21−22 январь кунлари қўшимча поезд қатновлари йўлга қўйилади.
«Музлар эримагунича тегинмаслик кераклигини айтгандим» — ТерДУ лицейидаги портлаш жабрланувчиси
ТерДУ академик лицейи қозонхонасидаги портлаш оқибатида икки киши ҳалок бўлган, яна бир киши тан жароҳати олиб, касалхонага ётқизилган эди. Қозонхонада совуқлар бошланганидан бери кетма-кет муаммолар кузатилган. Ҳозирда лицей раҳбарияти терговга жалб этилган. «Газета.uz» мухбири воқеани ўрганди.
Термизда кўчиришга қаршилик қилган бозор ишчилари жаримага тортилди, қамалганлар ҳам бор
Термизда собиқ «Юбилейний» бозорининг 9 нафар ишчиси янги жойга кўчиришга қаршилик қилганлари учун жаримага тортилди, 4 киши эса 5 суткага маъмурий қамоққа олинди. Аввалроқ ИИБ ходимлари аёл кишини автобусга мажбуран олиб кетаётгани акс этган видео тарқалган эди.
Тошкент — Термиз — Тошкент йўналишида қўшимча поезд қатновлари йўлга қўйилади
Янги йил байрами муносабати билан йўловчиларни ташишни ташкил қилиш мақсадида 17−29 декабрь ва 2−15 январь кунлари Тошкент — Термиз — Тошкент йўналишида қўшимча поезд қатновлари йўлга қўйилади.
Сурхондарёда ҳарбий хизмат ўтаётган йигит вафот этди
Тармоқларда Термиздаги ҳарбий қисмларнинг бирида хизмат ўтаётган қаршилик йигит вафот этгани ҳақида хабар тарқалди. Мудофаа вазирлиги унинг соғлигидаги шикоят учун клиник госпиталга ётқизилгани ва операциядан сўнг йигитда биологик ўлим қайд этилганини маълум қилди.
Термизнинг собиқ ҳокими ва ўринбосарлари давлат ва жамиятга 35,6 млрд сўм зарар етказган — Бош прокуратура
Термизнинг собиқ ҳокими ва унинг ўринбосарлари давлат, жамият ва тадбиркорлар манфаатларига 35,6 млрд сўм зарар етказгани маълум қилинди. Бош прокуратура томонидан қўзғатилган жиноят иши доирасида жами 11 нафар шахсга нисбатан «қамоққа олиш» эҳтиёт чораси қўлланилган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг