«транспорт» тегли мақолалар
Ўзбекистонга юк машиналари импортига имтиёзлар 2028 йилгача узайтирилади
«Евро-5» ва ундан юқори экологик стандартларга жавоб берадиган юк машиналари яна уч йил давомида божхона божлари ва утилизация йиғимларидан озод қилинади, дейилади президент билан учрашувда. Самарқанд, Бухоро, Урганч, Нукус ва Термизга парвозлар сонини икки баравар ошириш буюрилди.
Тошкент шаҳрига 3 мингта автобус етарли бўлади — «Тошшаҳартрансхизмат» вакили
Тошкент шаҳридаги ҳаракат таркибида ҳозир 1847 та автобус бор, уларнинг 1557 таси кунлик йўналишга чиқарилади. «Тошшаҳартрансхизмат» раҳбари ўринбосарининг айтишича, шаҳар майдони, аҳоли, ҳар юз минг кишига тақсимланган автобус сонидан келиб чиқиб, пойтахтга 3000 та автобус етарли бўлади.
Ўзбекистонда экспедиторлик компаниялари халқаро юк ташиш соҳасида ҚҚСдан озод қилинади
Ўзбекистонда юк жўнатувчилар ва ташувчиларни боғловчи экспедиторлик хизматлари бозори 520 млн долларга баҳоланмоқда. Бозорнинг 90 фоиз улушини хорижий компаниялар эгаллайди. Маҳаллий экспедиторлар улушини 50 фоизгача ошириш мақсадида улар ҚҚСдан озод қилинади.
Темирйўл ва авиация хизматлари таннархини пасайтириш жуда муҳим — президент
Президент темирйўл ва авиация компаниялари трансформацияси жараёнига оид тақдимот билан танишди. У йўналишларни диверсификация қилиш, ташиш жараёнларини тезлаштириш, таннархни камайтириш муҳим эканини қайд этди ва соҳага консалтинг компанияси жалб қилиб, аниқ дастур ишлаб чиқиш вазифасини қўйди.
«Оғир геосиёсий ва иқтисодий шароитда ҳамкорликнинг юқори динамикасини сақлаб қолиш ниҳоятда муҳим» — Қозоғистон президенти
Қозоғистон президенти МО давлатлари раҳбарлари учрашувида инфратузилма ва транспорт лойиҳалари иқтисодий ўсишнинг янги нуқталари бўлишини таъкидлади. У Транскаспий йўлаги ва Трансафғон темирйўлининг истиқболлари, сув ҳисобини рақамлаштириш ва унинг космик мониторингини жорий этиш ҳақида гапирди.
Автомобиллар учун экостикерлар бепул бўлади, экозоналарга кирганлик учун жарима ва компенсациялар жорий этилади. Тафсилотлар
Автомобиллар учун экостикерлар нафақат Тошкентда, балки Ўзбекистоннинг барча ҳудудларида жорий этилади. Экодиагностика 1 июндан босқичма-босқич йўлга қўйилади. Аксарият машиналар учун стикерлар бепул бўлади. Экозоналарга кириш учун компенсациялар ва жарималар жорий этилади. Янги қарор тафсилотлари.
Хонобод — Андижон — Избоскан — Асака темирйўл айланмасида поезд қатнови йўлга қўйилади
Президент Хонобод — Андижон — Избоскан — Асака темирйўл айланмасида поезд қатновини йўлга қўйиш топшириғини берди. Шунингдек, Бўстон ва Улуғнор туманларида электр таъминотидаги узилишлар кўпайгани сабабли иккита янги подстанция қурилади.
Тошкентда 2024 йилда камида 4 та кўп қаватли автотураргоҳ қурилади. Кўча «парковкалари» ташкил этиш ҳам режада бор
2024 йилда Тошкентда ҳар бири 729 ўринли камида 4 та етти қаватли автотураргоҳ қурилади. Жой нархини автомобилнинг зарарли чиқиндилари даражасидан келиб чиқиб аниқлаш режалаштирилган. Шунингдек, 2022 йилдан бери муҳокама қилинаётган пуллик тўхташ жойлари қуришни бошлаш ҳам кутилмоқда.
Дам олиш кунлари Бўстонлиқ тоғларига ҳаракат бир томонлама ташкил этилади
3−4 февраль кунлари Тошкент вилояти Бўстонлиқ тоғларидаги дам олиш масканларига бориш учун транспорт ҳаракати бир томонлама ташкил этилади. Бунда об-ҳаво шароити, фуқароларнинг ташрифи ортиши ва йўллардаги тирбандлик инобатга олинган.
Тошкент ҳокимлигига ғилдиракли трамвайлар таклиф этилди
Хитойнинг CRRC корпорацияси вакиллари Тошкент ҳокимлигига ғилдиракли трамвайларни намойиш этди. Уларни Шота Руставели кўчаси бўйлаб «яшил транспорт йўлаги» лойиҳаси доирасида пойтахт транспорт тизимига бирлаштириш таклиф қилинмоқда.
Президент 2024 йилда темирйўл ва авиатранспорт ҳажмини 20 фоизга ошириш топшириғини берди
Президент 2024 йилда темирйўл ва авиатранспорт ҳажмини 20 фоизга ошириш бўйича топшириқ берди. Бунга эришиш учун Тошкент ва вилоятлар марказлари ўртасида камида иккита, вилоятлар ўртасида ҳафтасига битта рейс йўлга қўйиш, камида 7 та самолёт ва 6 та тезюрар поезд олиб келиш режалаштирилмоқда.
ИҲТ давлатлари ўзаро яқин ҳамкорлик манфаатларини янада чуқурроқ англаб боряпти — Ўзбекистон президенти матбуот котиби
Глобал таъминот занжирларининг беқарорлашуви ва жаҳон бозоридаги волатиллик шароитида ИҲТ давлатлари ҳамкорликни мустаҳкамлашга интиляпти. Бунга савдо, иқтисодий ва транспорт алоқаларининг минтақавийлашуви ёрдам бермоқда, деди президент матбуот котиби Шерзод Асадов «Газета.uz» билан интервьюсида.
ШҲТ янги транспорт йўлаклари изламоқда. Тошкентда ташкилотга аъзо давлатларининг биринчи транспорт форуми бўлиб ўтди
Тошкентда ШҲТ давлатларининг биринчи транспорт форуми бўлиб ўтди. Унинг доирасида «Беларусь — Россия — Қозоғистон — Ўзбекистон — Афғонистон — Покистон» ва «Россия — Каспий денгизи — Туркманистон — Ўзбекистон — Қирғизистон» янги халқаро транспорт йўлакларини яратиш бўйича меморандумлар имзоланди.
Фикр: Тошкентда пулли тўхташ жойлари қачон пайдо бўлади?
Тошкентда автомобиллар пиёдаларни сиқиб чиқармоқда: тротуар, бекатлар, йўл четларига машина қўйиш одатий ҳолга айланди. ЙҲХББ бунга жиддий эътибор қаратмаяпти. 8 ой аввал пулли тўхташ жойларини жорий этиш режалаштирилган эди, бироқ расмийлар ислоҳотларни кечиктирмоқда. «Газета.uz» муносабати.
Ўзбекистон ва Эрон қўшма логистика марказини ташкил этишга келишиб олди
Ўзбекистон транспорт вазири ва Эрон йўл ва шаҳарсозлик вазири Эрон-Ўзбекистон логистика марказини ташкил этиш, шунингдек, Эроннинг Чобаҳор ва Бандар-Аббос портларида ўзбекистонлик тадбиркорлар иштирокида терминаллар ва омборлар қуришга келишиб олди.
Ўзбекистонда 4 ой ичида салкам 500 киши ЙТҲ қурбони бўлди
2023 йилнинг январь-апрель ойларида республикада 2144 та йўл транспорт ҳодисаси оқибатида 499 киши вафот этди.
Тошкент вилоятида йўл қоидабузарликларини 360 градусда аниқловчи қурилма ишга тушди
Тошкент вилоятида ЙПХ ходимларининг машиналарига 360 даражада қоидабузарликларни аниқловчи махсус қурилма ўрнатилди. У тезликни оширган, светофорга амал қилмаган, тўхташ, тўхтаб туриш ва бошқа қоидаларни бузган машиналарни аниқлайди.
Транспорт вазири — президентнинг қарори, трамвай ва кўчаларни кенгайтириш ҳақида
Тошкентга келтирилган катта ҳажмли янги автобуслар тақдимотида транспорт вазири воз кечилган трамвай ва троллейбуслар ва пойтахт марказига тезда қайтаришнинг иложи йўқ трамвайлар тўғрисида гапирди. Шунингдек у кўчаларни кенгайтириш ҳамда йўл ўтказгичлар қуриш хато эканини айтди.
2022 йилда Ўзбекистонда йўловчиларнинг 97,5 фоизи автомобилдан фойдаланди — ПМТИ
2017−2022 йилларда йўловчиларни ташиш ва йўловчи айланмаси ўсди. 2022 йилда транспортда 6,1 млрд киши ташилди. Бунда автомобиллар улуши юқори бўлди. Эндиликда жамоат транспорти қамровини 95% га етказиш режалаштирилмоқда.
Ўзбекистон Каспий денгизи орқали биринчи контейнер поездини жўнатди
Тошкентнинг Сергели вокзалидан Каспий денгизи орқали Ўрта коридор бўйлаб биринчи контейнер блок поезди жўнатилди. У Болгариянинг Бургас портига мис концентратларини олиб кетди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг