«украина» тегли мақолалар
АҚШ ўт очиш тўхтатилганидан кейин Украинада сайловлар ўтказилишини хоҳлайди — Reuters
АҚШ Киев яқин ойларда Россия билан сулҳ тузишга рози бўлса, Украинада президент ва парламент сайловлари ўтказилишини истайди, деди Трампнинг мазкур уруш бўйича махсус вакили. Ғолиб Москва билан узоқ муддатли келишув бўйича музокаралар олиб бориш учун жавобгар бўлиши мумкин, деб ёзди Reuters.
Буюк Британия ва Украина 100 йилга мўлжалланган шериклик битимини имзолади
Буюк Британия бош вазири Кир Стармер Киевга ташриф буюриб, Украина билан 100 йилга мўлжалланган шериклик битимини имзолади. У сиёсий ҳамкорлик, эркин савдо, стратегик шериклик, Украинанинг НАТОга аъзолиги бўйича консенсусга эришиш каби йўналишларни қамраб олади.
Россия томонида Украинага қарши курашган Ўзбекистон фуқаросининг асл жазоси шартлисига алмаштирилди
Октябрь ойи охирида суд Россия томонида Украинага қарши курашган ўзбекистонликни 6 йилга озодликдан маҳрум қилди. 19 кундан кейин апелляция суди соғлиғи ва айбига иқрорлигини инобатга олиб, уни озод қилди. Суд қарорида собиқ ташқи ишлар вазири Абдулазиз Камиловдан иқтибос келтирилган.
Украинада президент сайлови ҳарбий ҳолат бекор қилингач ўтказилади — Зеленский
«Украинада президентлик сайлови ҳарбий ҳолат тугаганидан сўнг дарҳол ўтказилади», — деди Владимир Зеленский. «Ёки парламент қонунчиликни ўзгартириши керак», — деган президент қонун уруш шароитида сайлов ўтказишни тақиқлашига ишора қилди ва жамият бунга қарши эканини билдирди.
Украинага қарши Россия томонида жанг қилган 22 ёшли ўзбекистонлик шартли 5 йил озодликдан маҳрум қилинди
Суд Россия томонида Украинага қарши курашган 22 ёшли ўзбекистонликни шартли жазога ҳукм қилди. Айбланувчининг айтишича, у депортация ўрнига, шунингдек, моддий аҳволи туфайли армияга қўшилишни танлаган. Ҳарбий ҳаракатлардаги иштироки учун у медаль ва Россия фуқаролигини олган.
Россия томонида Украинага қарши жанг қилган Ўзбекистон фуқароси 10 дан ортиқ украиналик аскарни ўлдирганини тан олди
Ўзбекистон суди Россия томонида туриб Украинадаги урушда қатнашган 39 ёшли эркакни 4 йил 2 ойга озодликдан чеклади. Айбланувчининг айтишича, жангларда у 10 дан ортиқ украиналик аскарни ўлдирган. Ҳукм, хусусан, айбига иқрор бўлгани учун юмшатилди.
АҚШ Украинага 1,2 млрд долларлик ҳарбий ёрдамнинг якуний пакетини эълон қилмоқчи — Reuters
Байден маъмурияти Украинага 1,2 млрд долларлик ҳарбий ёрдамнинг якуний пакетини эълон қилишга тайёрланмоқда. Пакетга ҳаво ҳужумидан мудофаа тизимлари ва артиллерия снарядлари киради.
«Менда ҳамма Путин Россиясидан қўрқадигандек таассурот бор» — Зеленский
Украина президенти Владимир Зеленский мамлакатнинг кучи Қрим ва Донбассни қайтариб олишга етмаслиги, Путинга босим ўтказиш ва бу урушни тўхтатиш учун кучли Америка ва Европа кераклигини айтди. «Менда шундай таассурот борки, ҳамма Путин Россиясидан қўрқади, у жазосиз қолмоқда», — деди Зеленский.
АҚШ Украинага 20 млрд долларлик кредит ажратди
АҚШ Украинага 20 млрд долларлик кредит ажратди, бу Россиянинг музлатилган активлари ҳисобидан қопланади. Маблағ G7 мамлакатлари томонидан келишилган 50 млрд долларлик кредитнинг бир қисмидир. АҚШ молия вазирининг айтишича, Украинани қўллаб-қувватлаш АҚШ миллий манфаатлари учун ҳам муҳим.
Украина «тинчликка тайёрлигини маълум қилишни режалаштирмоқда» — WSJ
Украина президенти офиси раҳбари Андрей Ермак Дональд Трамп жамоаси вакиллари билан учрашди. «Украина тинчликка тайёрлигини маълум қилмоқчи, аммо бу узоқ муддатли ва барқарор тинчлик бўлиши керак», — деб ёзмоқда WSJ.
«Қанча керак бўлса, шунча қўллаб-қувватлаймиз». Германия канцлерининг Украинага ташрифида нималар муҳокама қилинди?
Германия канцлери Олаф Шольц 2,5 йил ичида Украинага қилган илк ташрифи чоғида мамлакатга 650 млн евролик қўшимча ҳарбий ёрдам етказиб берилишини эълон қилди. Шунингдек, Киевдан Путинга мурожаат қилиб, Германия Украинани қўллаб-қувватлаши сусаймаслигини таъкидлади.
Ҳалок бўлган 502 нафар ҳарбийнинг жасади Украинага қайтарилди
Репатриация тадбирлари натижасида Украина Қуролли кучларининг урушда ҳалок бўлган 502 нафар ҳарбий хизматчисининг жасади ортга қайтарилди. Киев эса 52 нафар россиялик ҳарбийнинг жасадини қайтаргани хабар қилинди.
АҚШ Украинанинг 4,65 млрд долларлик қарзидан кечмоқчи
Байден маъмурияти Украинанинг 4,65 млрд долларлик қарзини ҳисобдан чиқаришни режалаштирмоқда. Бу Трамп лавозимга киришгунга қадар «Киевни қўллаб-қувватлашни кучайтиришга қаратилган қадамларнинг охиргиси» бўлади, деб ёзди Bloomberg. Режа республикачилар эътирозига сабаб бўлди.
АҚШ Украинага пиёдаларга қарши миналар жўнатишни маъқуллади
АҚШда Донецк вилоятида рус қўшинларининг олдинга силжишини тўхтатиш ва Киев мудофаасини мустаҳкамлаш учун Украинага пиёдаларга қарши миналар етказиб беришга рухсат берилди.
АҚШ, Испания, Италия ва Грециянинг Киевдаги элчихоналари «эҳтимолий ҳаво ҳужуми» туфайли ёпилди
АҚШнинг Киевдаги элчихонаси «эҳтимолий ҳаво ҳужуми» ҳақида маълумот олгач, ишини вақтинча тўхтатди. Киевдаги Испания, Италия ва Греция элчихоналари ҳам «ҳаво ҳужумлари хавфи юқорилиги» сабабли ёпилди. Айтилишича, бу Россиянинг дрон ва ракета зарбалари таҳдиди билан боғлиқ.
Байден Украинага Россияга зарба беришда ATACMS қуролларидан фойдаланишга рухсат берди — NYT
Жо Байден Украинага Россияга зарба беришда узоқ масофага учувчи ATACMS ракеталарини ишлатишга рухсат берди. Бу Россиянинг Шимолий Корея қўшинларини жанговар ҳаракатларга жалб қилганига жавобдир, деб ёзмоқда NYT. Reuters Киев яқин кунларда бу қуроллар билан Россияга зарба бермоқчилигини таъкидлади.
Россия Украинанинг энергетика тизимларини нишонга олди
Россия Украинанинг Киев, Одесса, Кривой Рог, Днепр ва Ровно шаҳарларига ракета ва дронлар билан ҳужум қилди. Бир неча киши ҳалок бўлди, турар жойларга зарар етди. Украина энергетика вазири ракета ҳужумларидан мақсад мамлакат энергетика тизими бўлганини билдирди. Кўплаб ҳудудлар электрсиз қолди.
Украинада президентлик сайлови 2025 йил май ойида бўлиб ўтиши мумкин — Economist
Украинада президент сайлови учун «маълум тайёргарликлар» бошланди, муҳокама қилинаётган сана — 2025 йил 25 май, деб ёзмоқда Economist нашри. Украина президенти офиси буни рад этмоқда.
WSJ: Трамп жамоаси Украинанинг НАТОга киришини камида 20 йилга музлатишни таклиф қилди
Дональд Трамп жамоаси Украинанинг НАТОга аъзо бўлиш режаларидан камида 20 йилга воз кечмоқчи, деб ёзади WSJ. Бу Россия-Украина урушини тугатиш бўйича таклифларнинг бир қисмидир. АҚШ, шунингдек, Россиянинг келгуси тажовузларини тўхтатиш учун Украинага қурол беришни давом эттириши мумкин.
Россиянинг Украинага қарши урушида қатнашган Ўзбекистон фуқароси 5 йилга қамалди
Суд 51 ёшли ўзбекистонликни Россиянинг Украинага қарши урушида иштирок этгани учун беш йилга озодликдан маҳрум қилиш ҳақида ҳукм чиқарди. У адвокат Россия Мудофаа вазирлиги билан шартнома имзолашни таклиф қилганини айтди. Эркак дрон томонидан ташланган снаряднинг портлаши оқибатида яраланган.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг