«қонун» тегли мақолалар
Ўзбекистонда ов қуролига эгалик қилишнинг энг кам ёшини 25 ёшгача ошириш таклиф этилди
Депутатлар ов қуролига эгалик қилишнинг минимал ёшини 21 ёшдан 25 ёшгача оширишни назарда тутувчи қонун лойиҳасини муҳокама қилмоқда. Ҳужжатда барча турдаги пневматик қуролга эгалик қилишни ички ишлар органларининг рухсатномаси орқали амалга ошириш ва фуқаро эгалик қилиши мумкин бўлган қуроллар сонини 3 дона билан чегаралаш таклифи ҳам илгари сурилмоқда.
Депутатлар ҳокимларнинг манфаатлар тўқнашувига шароит яратувчи яна бир қонунни маъқуллади
1 февраль куни Қонунчилик палатаси депутатлари ҳокимларнинг манфаатлар тўқнашувига шароит яратиб берувчи яна бир қонунни маъқуллади. Гап ер участкаларини компенсация эвазига жамоат эҳтиёжлари учун олиб қўйиш тартиби ҳақида кетмоқда. Депутат Дониёр Ғаниев ҳоким компенсация ажратишни кўриб чиқиш масаласини ўзига-ўзи киритиши ва уни яна ўзи ҳал қилишини танқид қилди. Қуйи палата спикери эса ҳокимларнинг халқ депутатлар кенгаши раиси мақоми бекор қилинсагина, бу муаммо бартараф этилишини айтди. «Унгача шу, бошқа илож йўқ», — деди Нурдинжон Исмоилов.
Карантин остидаги маҳсулотларни олиб кириш ва олиб чиқиш қоидаларини бузганлар жаримага тортилади
Маъмурий жавобгарлик тўғрисидаги кодексга киритилган ўзгартишларга мувофиқ, карантин остидаги маҳсулотларни Ўзбекистонга олиб кириш ва олиб чиқиш қоидаларини бузиш — фуқароларга БҲМнинг 5 бараваригача (1 млн 350 минг сўмгача), мансабдор шахсларга эса 10 бараваригача (2 млн 700 минг сўмгача) миқдорда жарима солишга сабаб бўлади.
1 январдан автомобиль сотиб олганлик учун йиғим тўлиқ бекор қилинди
2022 йил учун Давлат бюджети тўғрисидаги қонунга мувофиқ, 1 январдан бошлаб автомобиль сотиб олганлик учун йиғим тўлиқ бекор қилинди. Ҳозирга қадар янги автомобиль харид қилинганда шартнома нархининг 3 фоизи миқдорида йиғим тўланарди.
20 август Тадбиркорлар куни этиб белгиланди
Шавкат Мирзиёев 20 августни Тадбиркорлар куни этиб белгилашга оид қонунни имзолади. Жорий йилнинг айни шу куни президент мамлакат ишбилармонлари билан учшарув ўтказган эди. Энди очиқ мулоқот ҳар йили бўлиб ўтади.
Фавқулодда ҳолат тўғрисидаги қонун қабул қилинди
Президент «Фавқулодда ҳолат тўғрисида»ги қонунни имзолади, бу бутун мамлакатда умумий — 2 ойгача, республиканинг айрим ҳудудларида эса — 4 ойгача фавқулодда ҳолат жорий этишга имкон беради. Фавқулодда чекловлар қаторига — коммендантлик соати, карантин, ОАВлар фаолияти ва фуқаролар ҳаракатланиши эркинлигини чеклаш, қолаверса, жамоат тартиби муҳофазасини кучайтириш ва оммавий тадбирларни тақиқлаш киради.
Маҳалла аёллар ва болаларга нисбатан зўравонлик қилганларни аниқлашда иштирок этади
Президент фуқароларнинг ўзини-ўзи бошқариш органлари ва хотин-қизларни тазйиқ ва зўравонликдан ҳимоя қилиш тўғрисидаги қонунларга қўшимчалар киритишга оид қонунни имзолади. Унга кўра, маҳалла аёллар ва болаларга нисбатан зўравонлик қилганларни аниқлашда иштирок этади. Бундан ташқари, энди тазйиқ ва зўравонликдан жабрланган шахслар бепул даволанади.
Автомобилнинг олд қисмига монитор ўрнатганлик учун жарима бекор қилинди
Транспорт воситаси салонининг олд қисмига монитор ўрнатганлик учун жавобгарлик бекор қилинди. Бироқ, ҳаракат вақтида улардан дастурларни томоша қилишда фойдаланиш тақиқланганича қолмоқда.
Ҳайдовчиларга қулоқчин ёки bluetooth орқали телефондан фойдаланишга рухсат этилди
Ўзбекистонда ҳайдовчиларга ҳаракат вақтида қулоқчин ва қўл ишлатмасдан мулоқот олиб бориш имконини берувчи бошқа қурилмалар орқали телефондан фойдаланишга рухсат берилди. Ўзгаришлар 1 декабрдан кучга кирди.
Музейларнинг пулли хизматлар кўрсатишига рухсат берилди
Президент музейларнинг даромад келтирадиган фаолият билан шуғулланишига рухсат берувчи қонунни имзолади. Илгари музейларга тижорий фаолиятни амалга ошириш тақиқланган эди. Хизмат кўрсатиш чоғида музейлар ашёлар ва коллекциялар бут сақланишини таъминлаши керак.
Президент қишлоқ хўжалигига мўлжалланмаган ерларни хусусийлаштиришга оид қонунни имзолади
Энди тадбиркорлик, шаҳарсозлик, якка тартибда уй-жой қуриш ва уни ободонлаштириш учун берилган ерлар, қолаверса, хусусийлаштирилган давлат объектлари ҳудудларини хусусийлаштириш мумкин. Ариза бериш тартиби, уни рад этиш асослари, хусусийлаштирилган ерларни мулкдордан олиб қўйишни тартибга солувчи қонун президент томонидан имзоланди.
Шахсга доир маълумотларни муҳофаза қилиш талабларини бузганлик учун жавобгарлик кучайтирилди
Президент имзо чеккан қонун билан шахсга доир маълумотларни муҳофаза қилиш талабларини бузганлик учун маъмурий ва жиноий жавобгарлик кучайтирилди, жумладан жарималар миқдори бир неча бараваргача оширилди.
Энди унча оғир бўлмаган жиноятни содир этганлар ҳам фарзанд асраб олиши мумкин
Президент фарзанд асраб олиш тартибларини соддалаштиришга қаратилган қонунни имзолади. Унга кўра, ҳаётга, соғлиққа қарши, гиёҳвандлик ва бошқа жиноятларни қасддан содир этганлар бола асраб олиши мумкин эмас деб белгиланмоқда. Унча оғир бўлмаган жиноятни содир этган ва жазо муддатини ўтаганларга эса фарзанд асраб олишга рухсат берилади. Қолаверса, фарзандликка олувчи ва олинувчи ёшидаги фарқ 15 ёшдан кам бўлмаслиги шарт.
Депутат ёрдамчиси институти жорий этилди
Депутат ёрдамчиси институтини жорий этишга оид қонун қабул қилинди. Ёрдамчи депутатнинг вакили сифатида сайлов округида доимий фаолият юритади ва судланмаган бўлиши лозим. У депутат ва сайловчи ўртасидаги мунтазам алоқани яхшилашга кўмаклашади.
Энди тадбиркорлар айланмадан олинадиган солиқни бўлиб-бўлиб тўлаши мумкин
Солиқ кодексига қўшимча ва ўзгартишлар киритишга оид қонун президент томонидан имзоланди. Унга мувофиқ, энди тадбиркорлар айланмадан олинадиган солиқни бўлиб-бўлиб тўлаши мумкин. Қолаверса, ОТМлар қаторида касб-ҳунар мактаблари, коллежлар, техникумларда таълим олиш учун йўналтирилган даромадлар солиққа тортилмайди.
Туризм соҳасидаги тадбиркорлар учун солиқ бўйича енгилликлар берилди
Президент Солиқ кодексига ўзгартиш ва қўшимчалар киритиш тўғрисидаги қонунни имзолади. Унга кўра, туроператорлар, турагентлар ва туризм соҳасида меҳмонхона хизматлари фойда солиғини 50 фоиз камайтирилган солиқ ставкалари бўйича тўлайди.
Президент қимматбаҳо металлар ва тошлар тўғрисидаги қонунни имзолади
Президент «Қимматбаҳо металлар ва қимматбаҳо тошлар тўғрисида"ги қонунни имзолади. Ҳужжат хусусий секторга қимматбаҳо металлар айланмаси соҳасида очиқ ишлаш имкониятини беради ва бу соҳада яширин иқтисодиётнинг олдини олишга хизмат қилиши керак.
Муаллифлик ҳуқуқининг амал қилиш муддати узайтирилди
Қонунчиликка киритилган ўзгартишлар асосида муаллифлик ҳуқуқининг муаллиф вафотидан кейин амал қилиш муддати 50 йилдан 70 йилга узайтирилмоқда.
Иш берувчилар вакцина олмаган ходимларини ишдан четлатишлари мумкин
Мажбурий эмлашни қонунийлаштиришга оид ҳужжат президент томонидан имзоланди. Қонун билан карантинли ва хавфли юқумли касалликлар тарқалиши таҳдиди бўлганда Бош давлат санитария врачининг қарори билан аҳолини профилактик эмлашдан ўтказиш жорий этилиши белгиланмоқда. Қолаверса, Меҳнат кодексига ходим эмлашдан ўтишни рад этган ҳолда иш берувчи уни ишдан четлатишига ҳақли деган норма киритилди.
«Судлар тўғрисида"ги қонун янги таҳрирда қабул қилинди
Президент имзолаган янги таҳрирдаги «Судлар тўғрисида» ги қонун билан судьялик лавозимига номзодларга қўйиладиган талаблар кучайтирилмоқда. Ҳужжатда шунингдек, судьяларнинг интизомий жавобгарлиги ва уларнинг ижтимоий ҳимояси батафсил акс эттирилган.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг