Жаҳон
Судан кенг кўламли очарчилик арафасида — БМТ
БМТ уруш давом этаётган Суданда очарчилик авж олаётгани, шунингдек, аҳоли зўравонлик, вайронагарчилик, касалликлар, алоқа йўқлиги, оммавий кўчишларлардан жабр кўраётганини билдирди. 2025 йил майигача 24,6 млн киши, яъни барча суданликларнинг ярмига яқини шошилинч озиқ-овқат ёрдамига муҳтож бўлади.
Татаристондаги ёнғинда 5 нафар ўзбекистонлик ҳалок бўлди
Татаристонда ишчиларнинг вақтинчалик яшаш уйи ёниб кетди. У ердан 6 эркакнинг жасади топилди, уларнинг 5 нафари ўзбекистонлик. Қозондаги Бош консулхона дипломатларни воқеа жойига жўнатди ва вазиятни назоратга олди.
Албанияда TikTok фаолияти камида бир йилга тақиқланди
Албания ҳукумати ижтимоий тармоқдаги жанжалдан сўнг 14 ёшли ўсмирнинг ўлдирилиши ортидан TikTok фаолиятини тақиқлади. Чеклов 2025 йил бошида кучга киради ва бир йил амалда бўлади. Платформанинг ўзи қотиллик ва TikTok`нинг боғлиқлигини рад этмоқда.
Telegram монетизация жорий этилганидан бери илк бор даромадга кирди
Уч йиллик монетизация тарихида илк марта Telegram даромадга чиқди, деб хабар берди унинг асосчиси Павел Дуров. 2024 йилда Telegram Premium обуначилари сони 12 миллиондан ошди. Компания «криптоактивларни ҳисобга олмаганда, 500 млн доллардан ортиқ нақд пул захиралари билан йилни якунламоқда».
КХДР Россия-Украина урушида мингдан ортиқ аскарини йўқотди — Жанубий Корея
Жанубий Корея Россиянинг Курск шаҳрида ўтган жангларда камида 100 нафар Шимолий Корея аскари ҳалок бўлгани, 1000 дан ортиқ аскар яраланганини маълум қилди. Шунингдек, Пхеньян қўшимча кучлар юборишга тайёрланаётган бўлиши мумкин. КХДР Россия-Украина урушига 10−12 минг нафар ҳарбий юборгани айтилади.
Турк ОАВ Башар Асаднинг рафиқаси ажрашишга ариза бергани ҳақида ёзди, Кремль буни рад этмоқда
Сурия собиқ президентининг рафиқаси Асма Асад ажрашиш учун ариза берди, у соғлиғидаги муаммолар сабабли Москвадан ўзи туғилган Лондонга кетмоқчи, деб ёзди Haberturk нашри. Россия президенти матбуот котиби эса бу маълумотлар ҳақиқатга тўғри келмаслигини айтмоқда.
АҚШ америкаликларни Беларусни зудлик билан тарк этишга чақирди
АҚШ Беларусда яшаётган америкаликларни мамлакатни тарк этишга, шунингдек, у ерга бормасликка чақирди. Бунга «Беларусь расмийларининг маҳаллий қонунларни ўзбошимчалик билан амалга ошираётгани, ҳибсга олиш хавфи ва тартибсизликлар эҳтимоли» сабаб қилиб кўрсатилган.
АҚШда Сенат ҳукумат ишини молиялаштиришни маъқуллади
АҚШ Конгресси Сенати ҳукумат ишини молиялаштиришни узайтирувчи қонун лойиҳасини сўнгги дақиқаларда ёқлаб овоз берди, бу орқали ҳукумат идоралари иши тўхтатиб қўйилишининг олди олинди. Президент Жо Байден ҳужжатни имзолади.
Германияда одамлар устига машина ҳайдалди, Шавкат Мирзиёев воқеа юзасидан таъзия йўллади
Германиянинг Магдебург шаҳрида Рождество ярмаркасига ташриф буюрганлар устига машина ҳайдалди. Икки кишидан 11 кишигача ҳалок бўлди, 200 дан ортиқ инсон жароҳат олгани айтилмоқда. Гумонланувчи қўлга олинди. Шавкат Мирзиёев воқеа юзасидан Германия президентига таъзия йўллади.
АҚШ Конгресси давлат харажатлари тўғрисидаги қонун лойиҳасини рад этди, ҳукумат фаолияти тўхтаб қолиши мумкин
АҚШ Конгрессининг Вакиллар палатаси республикачилар таклиф этган ҳамда Дональд Трамп ва миллиардер Илон Маск қўллаб-қувватлаган ҳукуматни вақтинчалик молиялаштириш тўғрисидаги қонун лойиҳасини рад этди. Ҳужжат яқин вақтда келишилмаса, ҳукумат ишни тўхтатишига тўғри келиши мумкин.
АҚШ Украинага 1,2 млрд долларлик ҳарбий ёрдамнинг якуний пакетини эълон қилмоқчи — Reuters
Байден маъмурияти Украинага 1,2 млрд долларлик ҳарбий ёрдамнинг якуний пакетини эълон қилишга тайёрланмоқда. Пакетга ҳаво ҳужумидан мудофаа тизимлари ва артиллерия снарядлари киради.
Малайзия 10 йил олдин йўқолган MH370 рейсини қидиришни давом эттиришга қарор қилди
Малайзия ҳукумати 10 йил олдин сирли тарзда йўқолган MH370 Malaysia Airlines рейсини қидириш ишларини қайта тиклашга рози бўлди. Унинг бортида 239 киши бўлган. Қидирув ишларини Американинг денгиз туби тадқиқотлари билан шуғулланувчи Ocean Infinity компанияси олиб боради.
«Киев осмонида дуэль, 3 йиллик урушдан кейинги ўзгаришлар». Путиннинг жонли эфир мулоқоти тафсилотлари
Россия президенти йил якунларини жонли эфирдаги матбуот анжуманида сарҳисоб қилди. Путин мамлакат иқтисодиёти, «Орешник» қуроли, Трамп билан мулоқотга тайёрлиги, Суриядаги вазият, Киев билан музокаралар ва бошқаларга тўхталди. Асосий маълумотлар.
Жанубий Кореядаги сиёсий инқироз унинг иттифоқчиларини ҳайратда қолдирди — Reuters
Жанубий Кореянинг президент Юн Сок Ёль ташқи сиёсатини олқишлаган ва мамлакат ичидаги сиёсий келишмовчиликларга унчалик аҳамият бермаган иттифоқчилари унинг ҳарбий ҳолат жорий этиш ҳақидаги қароридан ҳайратда қолди, деб ёзди Reuters.
Исроилнинг Ғазодаги аҳолини сувдан маҳрум этиши геноциддир — HRW
Human Rights Watch ташкилотининг таъкидлашича, Исроилнинг Ғазо аҳолисини сувдан маҳрум этиши геноцид ва қирғин актларига тенг келади. Ҳисоботда Ғазодаги фаластинликларнинг сув билан таъминлангани яшаб қолиш учун зарур бўлган 15 литрлик чегарадан анча паст экани айтилади. Исроил айбловларни рад этди.
Дуйшонкул Чотонов Қирғизистоннинг Ўзбекистондаги элчиси этиб тайинланди
Садир Жапаров Дуйшонкул Чотоновни Қирғизистоннинг Ўзбекистондаги фавқулодда ва мухтор элчиси этиб тайинлади. Чотонов илгари Корея ва Вьетнамда ҳам элчи бўлган.
«Сурия тинчликка таҳдид солмайди» — Сурия исёнчилари етакчиси
Сурия исёнчилари етакчиси ва мамлакатнинг амалдаги раҳбари Аҳмад ал-Шараа Сурия ўз қўшнилари ёки Ғарб учун хавф туғдирмаслигини айтди. У урушдан тинкаси қуриган мамлакатга қарши санкцияларни бекор қилишга чақирди ва Сурия навбатдаги Афғонистонга айланиши мумкинлиги эҳтимолини рад этди.
Абхазия парламенти яқинида отишма рўй берди, бир депутат ҳалок бўлди
Абхазия парламенти биноси яқинида рўй берган отишмада икки депутат яраланиб, уларнинг бири вафот этди. ОАВ парламентнинг бошқа бир депутати отишмада гумонланаётгани ҳақида хабар берди, у воқеа жойидан ғойиб бўлган. Ҳодиса юзасидан тергов бошланди.
ЕИ давлатлари ўт очиш тўхтатилган тақдирда, тинчликпарвар кучларини Украинага юборишни муҳокама қилмоқда — Reuters
Европа давлатлари ўт очиш тўхтатилган ёки тинчлик битими тузилган тақдирда, ўн минглаб тинчликпарвар кучларини Украинага юборишни муҳокама қилмоқда, деб ёзади Reuters. Музокаралар ҳали дастлабки босқичда.
Корея вони курси 15 йилдаги энг паст кўрсаткичга тушди
Жанубий Корея валютаси АҚШ долларига нисбатан кескин пасайиб, 2009 йилдан бери илк марта 1450 вондан ошди. Мамлакатдаги сиёсий ноаниқликлар вонни долларга нисбатан сезиларли даражада заифлаштирганди, унинг янада тушиши АҚШда асосий фоиз ставкаси 0,25 фоизга пасайиши билан боғлиқ.
Энг кўп ўқилган хабарлар | Сўнгги янгиликлар
- Трамп таҳдидлари фонида Канаданинг сиёсий кун тартиби ўзгариб кетди — Reuters
- Қирғизистон ва Тожикистон умумий чегарани делимитация қилиш бўйича келишувга эришди
- Арманистон бош вазири янги конституция бўйича референдум ўтказишга чақирди
- Трамп маъмурияти тирбандликни камайтириш учун жорий қилинган Нью Йорк марказига кириш тўловини бекор қилишни буюрди
Қўшимча имкониятлардан фойдаланиш учун сайтда рўйхатдан ўтинг