Жаҳон
Флоридада тўфон туфайли миллионлаб аҳолини эвакуация қилиш буюрилди
АҚШнинг Флорида штати ҳукумати «Милтон» тўфони хавфи туфайли 5,5 миллиондан ортиқ одамни эвакуация қилишга чақирди. Эвакуация штат тарихидаги энг йирикларидан бири бўлди.
Кимё бўйича Нобель оқсиллар соҳасида изланишлар қилган олимларга берилди
Дэвид Бейкер, Демис Хассабис ва Жон Жумпер 2024 йилги кимё бўйича Нобель мукофоти совриндорлари бўлди. Олимларга мукофот сунъий интеллектдан фойдаланиб, оқсиллар тузилишини аниқлагани ва янги турларини яратишдаги ишлари учун тақдим қилинди.
Қозоғистон АЭС қуриш бўйича халқаро консорциум тузишни режалаштирмоқда
Қозоғистон ҳукумати АЭС қуриш бўйича бештагача давлатни ўз ичига оладиган халқаро консорциум тузиш ниятида. Етказиб берувчиларни танлаш бўйича қарор келаси йили қабул қилинади.
Исроил Ливан жанубида қуруқликдаги операцияни кенгайтирмоқда
Исроил Ливан жанубида «Ҳизбуллоҳ»га қарши қуруқликдаги операциясини кенгайтирганини маълум қилди. Гуруҳ Исроил ҳудудига юзлаб ракеталар учирди. Сўнгги уч ҳафта ичида Ливанда 1400 дан ортиқ одам ҳалок бўлди.
Физика бўйича Нобель сунъий нейрон тармоқларни ўрганган олимларга берилди
Физика бўйича 2024 йилги Нобель мукофоти сунъий нейрон тармоқларидан фойдаланган ҳолда машинали ўқитишни таъминлайдиган асосий кашфиётлар ва ихтиролар учун Жон Хопфилд ва Жеффри Хинтонга берилди.
Украина Донбасс учун жанг орқали Россияни чарчатмоқчи — NYT
Украина қўшинлари Россия армиясини оғир жангларда имкон қадар чарчатиш мақсадида секин-аста Донбасс шаҳарларидан чекинмоқда, бироқ бу тактика муваффақиятли бўладими ё йўқ — ҳозирча номаълум, деб ёзди New York Times Киевнинг ҳарбий стратегияси таҳлилида.
Тиббиёт бўйича Нобель генларни бошқарувчи молекулаларни кашф этган олимларга берилди
Тиббиёт ва физиология бўйича Нобель мукофоти генлар фаолиятини бошқарувчи микроРНК молекулаларини кашф этган Виктор Амброс ва Гари Рувкунга берилди.
Қозоғистондаги референдумда қатнашган 71,1 фоиз фуқаро АЭС қурилишини ёқлаб овоз берди
Қозоғистон Марказий комиссияси АЭС қуриш бўйича ўтказилган референдумнинг дастлабки натижаларини эълон қилди. Унга кўра, референдумда иштирок этган 5,56 миллион ёки 71,12 фоиз фуқаро АЭС қуришни ёқлаб овоз берди.
ЕИ Хитой электромобиллари учун божлар оширилишини маъқуллади
Европа Иттифоқи давлатлари сўнгги йилларда Европа бозоридаги улушини сезиларли даражада оширган Хитой электромобилларига тарифларни кўтаришга овоз берди.
АҚШда «Ҳелен» тўфони оқибатида 200 дан ортиқ одам ҳалок бўлди
АҚШ жануби-шарқида содир бўлган «Ҳелен» тўфони 200 дан ортиқ одамнинг ҳаётига зомин бўлди, юзлаб одамлар бедарак йўқолди. Бир қатор штатларда 850 мингдан ортиқ аҳоли электрсиз қолмоқда.
Қозоғистон 9 йил ичида илк бор еврооблигациялар чиқаради
Қозоғистон 2015 йилдан бери илк марта еврооблигациялар чиқаради. Мамлакат Молдова инвесторлари билан узоқ муддатли келишмовчиликни ҳал қилгандан сўнг евробондлар чиқаришни бошлашга муваффақ бўлди.
Сингапурнинг собиқ транспорт вазири қимматбаҳо совғалар олгани учун бир йилга қамалди
Сингапур суди собиқ транспорт вазирини бизнесменлардан қимматбаҳо совғалар олганликда айбдор деб топиб, бир йилга озодликдан маҳрум қилди. Сиёсатчи айбига иқрор бўлди. Бу иш мамлакатда катта резонансга сабаб бўлди — сўнгги 40 йил ичида бу вазир билан боғлиқ биринчи коррупция можароси ҳисобланади.
АҚШ ва G7 Исроилни Эроннинг ядровий объектларига зарба беришдан огоҳлантирди — FT
АҚШ ва G7 нинг бошқа давлатлари Исроилни Эроннинг ядровий объектларига зарба беришдан огоҳлантирди. Ғарб ОАВ объектлар Теҳрон ракета ҳужумига жавобан Тель-Авив учун нишон бўлиши мумкинлигини ёзмоқда.
Буюк Британияда охирги кўмир электр станцияси ёпилди
Буюк Британиянинг охирги кўмир электр станцияси ёпилди. Мамлакат «Катта еттилик» орасида электр энергияси ишлаб чиқаришда кўмирдан фойдаланишдан бутунлай воз кечган илк давлат бўлди.
Россия Угледарни эгаллади, Украина шаҳар йўқотилганини тасдиқлади
Украина Донецк вилояти жануби-ғарбидаги Угледардан қўшинларини олиб чиқди, шаҳар Россия назоратида бўлиб турибди. Аҳоли пункти учун жанглар сўнгги икки йилдан бери давом этмоқда, ҳудуд бутунлай вайрон бўлган.
Исроил БМТ бош котибини персона нон грата деб эълон қилди ва унинг мамлакатга киришини тақиқлади
БМТ бош котиби Антониу Гутерриш Исроилда персона нон грата деб эълон қилинди. Бу билан Гутерришнинг Исроилга кириши таъқиқланди. Исроил ташқи ишлар вазири бунинг сабаби сифатида бош котиб Эроннинг Исроилга қилган ҳужумини «қатъий қоралай олмагани»ни келтирди.
Исроил Эроннинг ракета ҳужумига «кенг кўламли жавоб» тайёрламоқда — Axios
Исроил Эроннинг оммавий ракета ҳужумларига «муҳим жавоб зарбаси»ни тайёрламоқда. Эҳтимолий нишонлар Эроннинг нефть ва ядровий объектлари бўлиши мумкин, деб ёзмоқда Ғарб ОАВ.
Исроил Эрондан ракета ҳужумига учради, ўзбекистонликлар эҳтиёт бўлишга чақирилди
Сешанба куни кечқурун Эрон Исроилга 181 та баллистик ракета учирди. 3 киши яралангани хабар қилинган. Ўзбекистон элчихонаси ватандошларни ракета отишмалари вақтида бомба бошпаналарига кириш ва ҳар доим ўзлари билан ҳужжатларини олиб юришга чақирди.
Исроил Ливанда ҳарбий операция бошлади — ОАВ
Бир қатор оммавий ахборот воситалари Исроил Ливан жанубида ҳарбий операция бошлаганини маълум қилди. Исроилнинг ўзи эса бу «Ҳизбуллоҳ» инфратузилмасига қаратилган чекланган операция эканини таъкидламоқда. Reuters Ливандаги қочқинлар лагерига зарба берилганини ёзди.
Green Card анкетасини тўлдириш 2 октябрдан бошланади
АҚШнинг «Турли миллатга мансуб иммигрантлар визаси — DV» (Green Card) дастурида қатнашиш учун анкета тўлдириш 2 октябрдан 5 ноябргача давом этади. Бу йил АҚШ ҳукумати дастур учун 55 минг виза ажратганини маълум қилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг