Жаҳон
АҚШ Ўзбекистон, Қозоғистон ва Қирғизистон компанияларига қарши санкциялар киритди
АҚШ Молия вазирлиги Ўзбекистон, Қозоғистон ва Қирғизистоннинг бир қанча компанияларига чекловларни четлаб ўтиб, Россияга маҳсулот етказиб бергани учун санкциялар киритди.
Зеленский: урушнинг икки йилида 31 минг Украина аскари ҳалок бўлди
Украина президенти Владимир Зеленский Россияга қарши икки йилдан бери давом этаётган кенг кўламли урушда 31 минг украиналик аскар ҳалок бўлганини айтди. Бундан ташқари, мамлакатнинг босиб олинган ҳудудларида яна ўн минглаб тинч аҳоли вафот этган.
Европа Иттифоқи Россияга қарши 13-санкция пакетини тасдиқлади
Европа Иттифоқи Украинага босқиннинг икки йиллиги муносабати билан Россияга қарши 13-санкция пакетини тасдиқлади. Унга 106 нафар жисмоний шахс ва 88 корхона, жумладан, Хитой, Қозоғистон ва Туркия компаниялари киритилди.
Америка космик аппарати ярим асрда биринчи марта Ойга қўнди
Intuitive Machines компанияси ишлаб чиққан «Оддисей» учувчисиз қўниш модули Ой сатҳига қўнди. «Америка ярим аср деганда биринчи марта Ойга қайтди», — деди NASA раҳбари Билл Нельсон. АҚШ аппарати сўнгги бор 1972 йили, астронавтларни олиб чиққан «Аполлон-17» миссияси доирасида Ойга қўнган эди.
Байден Юлия Навальная билан учрашди. АҚШ Путинга қарши санкция киритмоқчи
АҚШ президенти Жо Байден мухолифатчи Алексей Навальнийнинг рафиқаси, ҳозирда унинг фаолиятини давом эттираётган Юлия Навальная билан учрашди. Шундан сўнг Қўшма Штатлар етакчиси АҚШ Навальнийнинг ўлими туфайли Путинга қарши санкциялар жорий қилишини таъкидлади.
Арманистон КХШТдаги иштирокини «музлатиб» қўйди
Арманистон бош вазири Никол Пашинян мамлакатнинг Коллектив хавфсизлик шартномаси ташкилотидаги иштироки «музлатиб» қўйилганини маълум қилди. Пашинян мамлакатга оид келишув шартлари бажарилмагани, Россиянинг шахсан унга қарши пропагандаси давом этаётганини таъкидлади.
Мактаб формаси болаларнинг жисмоний фаолиятини чеклаши мумкин — тадқиқот
Кембриж университети тадқиқоти шуни кўрсатдики, мактаб формаси болаларнинг, айниқса, бошланғич синфларда ўқийдиган қизларнинг ҳаракатчанлигини чеклаши мумкин. Олимлар буни юбка ёки кўйлакда фаол ўйинларда қатнашиш қизлар учун ноқулай экани билан боғлайди.
Британия фирмаларининг экспорт товарлари Ўзбекистон, Қирғизистон ва Арманистон орқали Россияга кетмоқда — Sky News
Британия корхоналари Ўзбекистон, Қирғизистон, Грузия ва Арманистонга кейинчалик Россияга кетадиган товарлар, жумладан, дрон ва оғир техника учун ускуналар жўнатмоқда, деб ёзди Sky News. 2022 йилдан бери Британиядан ушбу 4 давлатга «юқори устуворликка эга товарлар» экспорти 500 фоиздан кўпроққа ошди.
Европа Иттифоқи Россияга қарши 13-санкция пакети бўйича келишувга эришди
Европа Иттифоқи Россияга қарши 13-санкция пакетини қўллаш бўйича келишиб олди, у Украинага босқиннинг икки йиллиги арафасида тасдиқланади. 200 та компания ва жисмоний шахсларга санкция қўйилган. Санкциялар, шунингдек, Россиянинг дронлар ишлаб чиқаришини чеклайди.
Европа Иттифоқи ҳаво сифати стандартларини кучайтиради
Европа Иттифоқи давлатлари ҳаво сифати стандартларини кучайтириш бўйича келишувга эришди. 2030 йилга келиб PM2,5 майда заррачаларининг рухсат этилган ўртача йиллик концентрацияси 25 мкг/м3 дан 10 мкг/м3 гача камаяди.
Қозоғистон раҳбари давлат хизматчиларининг маошларини хусусий сектор билан рақобатбардош қилишни таклиф қилди
Қозоғистон президенти Қосим-Жомарт Тоқаев давлат хизматчиларининг маошларини хусусий секторники билан рақобатбардош қилишни ва давлат хизматига кадрлар ёллашни «эркинроқ» қилишни таклиф қилди. У давлат аппаратида аёллар сонини кўпайтиришга ҳам чақирди, чунки улар коррупцияга «мойил эмас».
АҚШ Ғазода ўт очишни вақтинча тўхтатиш бўйича резолюция тайёрлади — ОАВ
АҚШ Ғазо секторида ўт очишни вақтинча тўхтатиш бўйича БМТ резолюциясини тайёрлади. Ҳужжат, шунингдек, Исроилнинг Рафаҳ шаҳрида амалга оширишни режалаштирган қуруқликдаги операцияси оқибатларидан огоҳлантиради. Вашингтон биринчи марта Исроил ва ХАМАС ўртасидаги сулҳни очиқча қўллаб-қувватламоқда.
«Биз нафақага чиқамиз, сиз эса ўрнимизга келасиз». Тоқаев Қозоғистоннинг ёш кадрларига мурожаат қилди
20 февраль куни Қозоғистон раҳбари Қасим-Жомарт Тоқаев Президент ёш кадрлари захирасидаги ёшларга мурожаат қилиб, авлодлар алмашинуви, давлат хизматчиларининг иш вақти ва маоши, гендер баланси масалалари ҳақида фикр билдирди. «Биз нафақага чиқамиз, сиз эса бизнинг ўрнимизни эгаллайсиз», — деди у.
Европа Иттифоқи TikTok устидан тергов бошлади
Европа Комиссияси рақамли хизматлар тўғрисидаги қонунни бузганлик бўйича TikTok`га нисбатан иш қўзғатди. Регулятор, хусусан, платформа вояга етмаганларни зарарли контентдан ҳимоя қилиш учун етарлича ҳаракат қилаётгани ёки йўқлигини текширади.
Алексей Навальнийнинг рафиқаси эрининг ишини давом эттиришини эълон қилди
Бир неча кун олдин вафот этган россиялик сиёсатчи Алексей Навальнийнинг рафиқаси Юлия Навальная жамоатчиликка мурожаат қилиб, эрининг ишини давом эттиришини билдирди. У, шунингдек, тез орада эрининг ўлимига кимлар алоқадор эканини аниқлаб, уларнинг исмларини очиқлашга ваъда берди.
АҚШ суди Дональд Трампни фирибгарликда айблаб, 355 млн доллар жаримага тортди
Нью-Йорк суди АҚШ президентлигига даъвогар Дональд Трампни молиявий фирибгарликда айбдор деб топди ва унга 355 миллион доллар жарима солди. Шунингдек, унга Нью-Йоркдаги ҳар қандай корпорацияда уч йил давомида раҳбарлик лавозимларини эгаллаш тақиқланди.
«У кураши учун ҳаётини тикишига тўғри келди». Алексей Навальний ўлимига муносабатлар
16 февраль куни Россия ҳукумати мухолифатчи Алексей Навальний қамоқда вафот этганини эълон қилди. У 47 ёшда эди. «Газета.uz» хорижий сиёсатчилар ва Навальнийнинг яқинлари, шунингдек, Ўзбекистондаги жамоат фаолларининг муносабатларини бир ерга тўплади.
Садир Жапаров ўзига тегишли мулкни 20 млн долларга қонунийлаштирди
Қирғизистон президенти Садир Жапаров мулкни ихтиёрий қонунийлаштириш тўғрисидаги қонун билан ўзига тегишли мол-мулкни 20 млн долларга қонунийлаштирганини айтди. Унинг тан олишича, авваллари унинг бинолари, жумладан, Бишкекдаги бизнес маркази «бошқа одамлар номига расмийлаштирилган».
Алексей Навальний вафот этди
Россиялик мухолифатчи Алексей Навальний 19 йиллик қамоқ жазосини ўтаётган колонияда вафот этди. Жазони ижро этиш федерал хизматининг хабар беришича, сайрдан кейин Навальний ўзини ёмон ҳис қилган ва ҳушини йўқотган, реанимацияда уни ҳаётини сақлаб қолиш имкони бўлмаган.
АҚШ мустақил Фаластин давлатини яратиш режасини ишлаб чиқмоқда — WP
АҚШ ўзининг Яқин Шарқдаги ҳамкорлари билан Фаластин давлатини яратишнинг «аниқ муддатларини» ўз ичига олувчи режасини муҳокама қилмоқда, деб хабар берди The Washington Post. У Исроил ва Фаластин ўртасида узоқ муддатли тинчлик ўрнатишни назарда тутади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг