Жаҳон
Россиянинг Қора денгиз флоти штаб-квартираси ракета зарбасига учради
Россия Қора денгиз флотининг босиб олинган Севастополдаги штаб-квартираси ракета ҳужумига учради. Бинонинг томи ва юқори қавати вайрон бўлган. Россия Мудофаа вазирлиги ҳужумда Украинани айблади. Украина ҳарбийлари эса ушбу маълумотни тасдиқлади.
Ереванда 3 кундан буён намойишлар давом этмоқда, 80 дан ортиқ одам ҳибсга олинган
Тоғли Қорабоғдаги вазият туфайли Ереванда уч кундан бери оммавий норозилик намойишлари бўлиб ўтмоқда. Намойишчилар Арманистон бош вазирининг истеъфога чиқиши ва тан олинмаган республикадан келувчилар қабул қилинишини сўрамоқда. Полиция 80 дан ортиқ намойишчини ҳибсга олган.
Байден ва Зеленский учрашуви: АҚШ Украинага 325 млн долларлик янги ҳарбий ёрдам пакетини эълон қилди
АҚШ президенти Жо Байден Оқ уйда Украина раҳбари Владимир Зеленский билан учрашди. Шундан кейин Қўшма Штатлар етакчиси Украинага 325 млн долларлик янги ҳарбий ёрдам пакети ажратилишини эълон қилди. Байден буни «бутун дунёдаги мустақиллик ва ҳудудий яхлитлик учун киритилган сармоя» деб атади.
Қозоғистонда Россиянинг «хорижий агентлар» реестри муқобили пайдо бўлди
Қозоғистон ҳукумати Россиянинг «хорижий агентлар» реестри муқобили — хориждан маблағ олувчи шахслар ва ташкилотлар рўйхатини эълон қилди. Унга журналистлар, ОАВ, ҳуқуқни ҳимоя қилувчи ташкилотлар ва хорижий компанияларн ваколатхоналари кирди. Реестрдагилар учун ҳеч қандай чекловлар қўйилмайди.
Қирғизистонда барча хорижий фильмлар қирғизча субтитрлар билан намойиш этилади
Қирғизистон кинотеатрларида намойиш этилаётган барча хорижий фильмлар 2024 йилдан қирғизча субтитрлар билан намойиш этилади. Бу чет эл фильмларини қирғиз тилига дубляж қилиш масаласидаги «биринчи қадам» бўлиши таъкидланди.
Туркия Марказий банки асосий ставкани 30 фоизгача оширди
Туркия Марказий банки асосий ставкани 500 базис пунктга — 30 фоизгача оширди. Бу регуляторга янги раҳбар тайинлаганидан бери асосий ставканинг тўртинчи марта оширилиши ҳисобланади. Мамлакатда июль-август ойларида инфляция кўрсаткичлари кутилганидан юқори бўлган.
Эронда энди исломий кийиниш қоидаларини бузган аёллар 10 йилгача қамалиши мумкин
Эрон парламенти «Ҳижоб ва иффат тўғрисида»ги қонунни маъқуллади, унга кўра аёллар исломий кийиниш қоидаларига риоя қилмаганликлари учун 10 йилгача қамоқ жазосига ҳукм қилиниши мумкин. БМТ ушбу қонунни «гендер апартеидининг бир шакли» деб атади.
Назарбоевнинг жияни устидан январдаги намойишлар бўйича жиноий иш очилди
Қозоғистон Бош прокуратураси собиқ президент Назарбоевнинг жияни, Миллий хавфсизлик қўмитаси раҳбарининг собиқ биринчи ўринбосари Самат Абишга нисбатан тергов бошлади. У 2022 йил январида бўлиб ўтган норозилик намойишлари чоғида мансаб ваколатини суиистеъмол қилганликда гумонланмоқда.
Қорабоғда ўт очишни тўхтатиш бўйича келишувга эришилди
Тан олинмаган Тоғли Қорабоғ республикаси расмийлари ўт очишни тўхтатиш бўйича келишувга эришилганини маълум қилди. Унга кўра, тан олинмаган республика армияси қуролсизлантирилади. Озарбайжон вакиллари билан ҳудуддаги арманларнинг реинтеграцияси юзасидан музокара ўтказилади.
Озарбайжон Қорабоғда «аксилтеррор тадбирлари» бошланганини эълон қилди
Озарбайжон «конституциявий тузумни тиклаш учун» Тоғли Қорабоғда «аксилтеррор тадбирлари» бошлаганини эълон қилди. Тан олинмаган республика пойтахти Степанакерт артиллериядан ўққа тутилмоқда. Мудофаа вазирлиги баёнотида фуқаролик объектлари ва тинч аҳоли нишонга олинмаётгани айтилган.
Washington Post: 2050 йилга бориб дунё аҳолисининг ярмидан кўпи аномал жазирама билан тўқнаш келади
2050 йилга бориб 5 млрд дан ортиқ одам ҳар йили камида бир ой хавфли жазирама таъсиридан азият чекади, дейилади Washington Post ва CarbonPlan таҳлилида. Ўзбекистонда энг аномал иссиқ кунлар Термизда кузатилиши кутилмоқда — 47 кун. Тошкентда бу муддат 7 кунни ташкил этади.
Қозоғистон 2,4 млн дан ортиқ қатағон қурбони маълумотларини махфийликдан чиқарди
Қозоғистонда 1929−1956 йиллардаги сиёсий қатағон қурбонларининг 2,4 миллиондан ортиқ архив карточкалари махфийликдан чиқарилди. Сургун қилинганлар, махсус кўчирилганлар ва жиноий жавобгарликка тортилган 311 минг нафар шахс реабилитация қилинди.
Қирғизистон ҳукумати раҳбари иситиш мавсумидаги авариялар учун амалдорлар ишдан бўшатилишини маълум қилди
Қирғизистон Вазирлар Маҳкамаси раҳбари Акилбек Жапаров иситиш мавсумида йирик авариялар рўй берган тақдирда, амалдорларни ишдан бўшатиш билан таҳдид қилди. «Қиш кутилмаганда келди, деганингизни эшитмай. Қиш мавсумига тайёргарлик 100 фоиз бўлиши керак», — деди у.
Электростанциядаги ёнғин туфайли бутун Нигерия электр таъминотисиз қолди
Нигерияда бутун мамлакат бўйлаб 200 миллиондан ортиқ аҳоли электростанцияда ёнғин юз бериши туфайли электрсиз қолди. Электр тарқатувчи компания ҳодисани «тизимнинг бутунлай ишдан чиқиши» деб атади.
Ўзбекистонда туғилган россиялик икки тадбиркор АҚШ санкциялар рўйхатига киритилди
АҚШ Ўзбекистонда туғилган икки россиялик шахс — миллиардер Искандар Махмудов ва тадбиркор Андрей Хохлунни санкциялар рўйхатига киритди. Улар ҳақида нималар маълум?
WhatsApp каналларни ишга туширди
WhatsApp мессенжерда каналлар функцияси ишга туширилганини эълон қилди — улар Telegram каналлари тамойили асосида ишлаб чиқилган. Функция ҳозирда 150 та давлатда мавжуд, бироқ компания яқин ойларда барча фойдаланувчилар канал яратиш имкониятига эга бўлишини ваъда қилмоқда.
Европарламент Лукашенкони Россиянинг Украинадаги жиноятларига шерик деб тан олди
Европарламент Беларусь президенти Александр Лукашенкони Украинадаги жиноятлари, хусусан, украиналик болаларни депортация қилишда Россиянинг шериги деб тан олди ва Гаагадаги судни уни ҳибсга олишга ордер беришга чақирди. Шунга ўхшаш ҳужжат аввал Россия президентининг ҳибсга олиниши учун чиқарилганди.
Қозоғистон мактаб ва боғча йўқ ҳудудларда кўп қаватли уйлар қуришни тақиқламоқчи
Қозоғистон депутатлари яқин атрофида мактаб, болалар боғчаси ёки бошқа ижтимоий инфратузилма бўлмаса, кўп қаватли уйлар қуришни тақиқлашни таклиф қилишди. Қонун лойиҳаси бир қанча мактабларда болалар сони ортиб кетиши ҳолатларидан кейин ишлаб чиқилган.
«Россиянинг барча қарорларини қўллаб-қувватлаймиз». Ким Чен Ин Путин билан учрашди
Россия президенти Владимир Путин Амур вилоятидаги «Восточний» космодромида Ким Чен Ин билан учрашди. Шимолий Корея етакчиси Путин ва Россия расмийларининг қарорларини доимо қўллаб-қувватлашини билдирди.
Ливияда сув тошқини туфайли 3000 дан ортиқ одам ҳалок бўлди
«Даниэл» тўфони Ливия шимоли-шарқида ҳалокатли сув тошқинларини келтириб чиқарди, камида 3000 киши ҳалок бўлди ва 10 минг киши бедарак йўқолган. Мамлакат ҳукумати халқаро ёрдам сўрамоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг