Жаҳон
Дания, Гренландия ва Канада Дональд Трампнинг ҳудудий даъволарига жавоб берди
Дания, Гренландия ва Канада бош вазирлари АҚШнинг сайланган президенти Дональд Трампнинг ушбу ҳудудлар устидан назорат ўрнатиш истагини билдирган баёнотларига изоҳ берди. «Гренландия Гренландия халқига тегишли», — деб жавоб берди гренланд ҳукумати раҳбари.
БАА Исроил ва АҚШ билан Ғазони вақтинча бошқаришни муҳокама қилмоқда — Reuters
БАА Исроил ва АҚШ билан Исроил қўшинлари олиб чиқиб кетилгандан кейин Ғазо секторининг келажаги бўйича ёпиқ музокаралар олиб бормоқда, деб ёзди Reuters. Абу Даби Фаластин маъмуриятини ислоҳ қилиш, ҳуқуқ ва ваколатларини кенгайтириш тарафдори.
«Гренландия ва Панама канали АҚШ назоратига ўтиши, Канада Америка штатига айланиши керак». Трампнинг нутқидаги асосий гаплар
Дональд Трамп Гренландия ва Панама канали АҚШ назоратига ўтиши кераклиги, бунинг учун ҳарбий куч ишлатишни истисно қилмаслигини айтди. У, шунингдек, Канадани Қўшма Штатларга қўшиш учун «иқтисодий куч» билан таҳдид қилди. АҚШнинг сайланган президенти яна нималар деди — «Газета.uz» обзорида.
Корея суди президент Юн Сок Ёлнинг ҳибсга олинишига оид ордерни узайтирди
Сеул округ суди мамлакатда ҳарбий ҳолат жорий этилгани учун импичмент эълон қилинган президент Юн Сок Ёлни ҳибсга олиш ордерини узайтирди. Терговчиларнинг Юнни ушлашга бўлган аввалги уринишлари қўриқчилар қаршилик кўрсатгани сабабли муваффақиятсизликка учраганди.
Трампнинг Гренландия ҳақидаги баёнотидан сўнг Дания ўз гербини ўзгартирди
Дания қироли Трампнинг оролни сотиб олиш ҳақидаги баёнотидан кейин мамлакат гербини ўзгартириб, унда Гренландия рамзини катталаштирди. Дизайн Фарер ороллари ва Гренландия устидан назоратни сақлаб қолиш ниятини кўрсатади. Аввалроқ Дания бош вазири Трампга «Гренландия сотилмайди» дея жавоб берганди.
Тибетда 6,8 магнитудали зилзила юз берди, ўнлаб одамлар ҳалок бўлди
Тибетнинг баланд тоғли туманларидан бирида 6,8 магнитудали зилзила содир бўлди. Камида 53 киши ҳалок бўлди, 62 киши жароҳат олди. Зилзилалар Непал, Бутан ва Ҳиндистонда ҳам сезилди.
Конгресс Дональд Трампни АҚШ президенти сифатида тасдиқлади
АҚШ Конгресси вице-президент Камала Ҳаррис раислигида Дональд Трамп ғалаба қозонган президентлик сайловлари натижаларини тасдиқлади. Овозларни сертификатлаш расмиятчилик саналса-да, жараён 2021 йилда Трамп тарафдорларининг Капитолийга бостириб кириши билан ёдда қолган.
Украинада президент сайлови ҳарбий ҳолат бекор қилингач ўтказилади — Зеленский
«Украинада президентлик сайлови ҳарбий ҳолат тугаганидан сўнг дарҳол ўтказилади», — деди Владимир Зеленский. «Ёки парламент қонунчиликни ўзгартириши керак», — деган президент қонун уруш шароитида сайлов ўтказишни тақиқлашига ишора қилди ва жамият бунга қарши эканини билдирди.
Канада бош вазири Жастин Трюдо ўз истеъфосини эълон қилди
2015 йилдан бери Канада бош вазири ва Либерал партия етакчиси бўлиб келган Жастин Трюдо истеъфога чиққанини эълон қилди, бу ҳукуматда тартибсизликлар кучайган паллада юз берди. Трюдо партия янги номзодни танлагунча лавозимида қолади. Истеъфодан сўнг Трамп Канадага 51-штат бўлишни яна таклиф этди.
Нью Йорк АҚШнинг тиғиз вақтларда марказга кириш учун тўлов жорий қилган илк шаҳри бўлди
Нью Йоркнинг марказий кўчаларида тиғиз вақтларда йўл ҳақи тўлаш жорий этилди. Ҳали АҚШнинг ҳеч бир шаҳрида бундай қоида киритилмаганди. Манҳеттенга кириш нархи — кунига 9 доллар. Шаҳар ҳукумати шу тариқа тирбандликка қарши курашмоқчи ва жамоат транспортини ривожлантириш учун маблағ йиғмоқчи.
AZAL рейси ҳалокатида айб Россия вакилларида — Илҳом Алиев
Озарбайжон президенти Илҳом Алиев Бокудан Грознийга учган Azerbaijan Airlines самолётининг ҳалокатга учрашига «Россия Федерацияси вакиллари» айбдор эканини айтди. У Россиядан айбдорларни жазолашни ҳамда «инсоний хулқ-атвор»ни талаб қилди.
ҲАМАС Исроил билан келишув эвазига 34 кишини озод қилишга рози бўлди
ҲАМАС ўз қўшинларини Ғазо ҳудудидан олиб чиқиб кетиш ва ўт очишни тўхтатиш тўғрисидаги битимни имзолаш эвазига 34 нафар исроилликни озод қилишга розилигини билдирди. ОАВ маълумотларига кўра, ўтган ҳафта Қатарда томонлар келишув бўйича музокараларни қайта тиклаган.
Суд Трампга ноқонуний тўловлар бўйича 10 январь куни ҳукм чиқаради
АҚШнинг сайланган президенти Дональд Трампнинг порноактрисага қилган тўловларини яшириш учун ҳужжатларни қалбакилаштиргани бўйича суд ҳукми 10 январь куни — унинг инаугурациясидан 10 кун олдин эълон қилинади. Судья сиёсатчига нисбатан қамоқ ёки жарима тайинлаш нияти йўқлигидан огоҳлантирди.
Германия ва Франция ТИВ раҳбарлари ЕИ номидан Сурияга борди
Германия ва Франция ташқи ишлар вазирлари Европа Иттифоқи номидан Сурияга бориб, музокаралар ўтказди. Улар Сурия халқига ҳокимиятни тинч йўл билан топширишда ёрдам бериш, ҳуқуқлар кафолатлари, Россиянинг у ердаги ҳарбий базаларини ёпиш каби масалаларни муҳокама қилди.
Тоқаев Қозоғистонда иккинчи ва учинчи АЭС қурилишини истисно қилмади
Қозоғистон президенти Қосим-Жомарт Тоқаев мамлакатда иккинчи ва учинчи АЭС қурилишини истисно қилмади. «Мен Қозоғистон атом энергетикаси ривожланган давлатга айланиши керак, деб ҳисоблайман. Унинг келажаги порлоқ», — деди у.
«Давлат раҳбари „Худонинг ердаги сояси“ эмас, ёлланма менежер» — Қозоғистон президенти
Қозоғистон президенти Қосим-Жомарт Тоқаев 2022 йил январдаги тартибсизликларга изоҳ берди. «Воқеалар мамлакатга ҳокимиятни бирлаштириш кераклигини ва давлат раҳбари „Худонинг ердаги сояси“ эмас, балки ёлланма менежер эканини ўргатди», — деди у.
«Сиёсий андишаси билан ажралиб турмади». Тоқаев — Назарбоевнинг истеъфодан кейинги ҳаракатлари ҳақида
Нурсултон Назарбоев истеъфога чиққач, «сиёсий андишаси билан ажралиб турмади» ва амалдорлар билан йиғилишларни давом эттирди. Қозоғистон раҳбари Тоқаевнинг сўзларига кўра, бундай вазият икки ҳокимиятчиликка ва ундан кейинги инқирозга, жумладан, 3 йил олдинги январь воқеаларига сабаб бўлди.
Жанубий Кореяда президентни ҳибсга олиш ордерининг ижроси муваффақиятсиз кечди
Жанубий Кореяда ҳарбийлар ва қўриқчилар қаршилик кўрсатгани учун президентликдан четлатилган Юн Сок Ёлни ҳибсга олиш ордери муваффақиятсиз кечди. 31 декабрда Корея тарихида илк бор суд амалдаги президентни ҳибсга олишга ордер берганди. Ёль бунгача чақирув қоғозларини 3 марта эътиборсиз қолдирган.
АҚШда машина одамлар орасига кириб борди, камида 15 киши ҳалок бўлди. Асосий маълумотлар
АҚШнинг Янги Орлеан шаҳрида машина одамлар тўпланиб турган жойга кириб борди ва камида 15 киши ҳалок бўлди, 35 киши жароҳатланди. Ҳужумда АҚШ фуқароси, армия собиқ хизматчиси гумонланмоқда. Унинг машинасидан ИШИД байроғи топилган ва ҳодиса «террорчилик ҳаракати» сифатида текширилмоқда.
Ноқонуний мигрантлар 2025 йил 30 апрелгача Россиядан чиқиб кетиши керак
Россияда бўлган ноқонуний мигрантлар ўз мақомини тартибга солиши ёки 2025 йил 30 апрелгача мамлакатдан чиқиб кетиши шарт, бу ҳақда Путин фармон имзолади. Ҳарбий хизматни ўташ учун Мудофаа вазирлиги билан шартнома тузган муҳожирлар депортация қилинмайди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг