Samarqand viloyati Jomboy tumanida 27-oktabr kuni odam o‘limi bilan bog‘liq yo‘l-transport hodisasi sodir bo‘ldi. Bu haqda viloyati YHXB ma’lumot berdi.
YTH soat 4:00 atrofida G‘azira mahallasidan o‘tgan yo‘lda yuz bergan. Nexia haydovchisi harakat vaqtida o‘zi tomondagi yo‘l chetida nosoz holda to‘xtab turgan “KamAZ-5511” yuk mashinasining old o‘ng tomoniga borib urilgan.
Oqibatda Nexia haydovchisi og‘ir jarohatlar bilan shifoxonada vafot etgan.
YTHB mutasaddilari hodisa yuz bergan mahallada aholi bilan yig‘ilish o‘tkazib, yo‘llarda qoidalarga amal qilishga chaqirdi.
