Arxiv
Uzcard va Humo kartalaridan pul yechib oluvchi terminal namoyish etildi
Bitta terminalda ham Uzcard, ham Humo kartalariga xizmat ko‘rsatish imkoniyati paydo bo‘ldi. Uzcard va Humo to‘lov tizimlari o‘zaro integratsiyalashuvning birinchi bosqichini tamomladi. Ikkinchi bosqichda kassa terminallari ham umumiy bo‘ladi.
O‘zbekistonga olib kirilgan 3,7 kg giyohvand moddalari musodara qilindi
DXX hududiy boshqarmalari Qoraqalpog‘iston Respublikasi, Sirdaryo va Namangan viloyatlarida 3 kg 757 grammlik giyohvand moddalarini musodara qildi. Giyohvand moddalari Tojikiston va Qirg‘izistondan olib kirilgan.
O‘zbekistonliklarni AQShga noqonuniy jo‘natishga va’da qilgan shaxslar ushlandi
Davlat xavfsizlik xizmati va huquqni muhofaza qilish organlari xodimlari ikki samarqandlikka AQShga yuborishga va’da berib, har biridan 30 ming dollardan talab qilgan shaxslarni qo‘lga oldi.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 0,07 so‘mga ko‘tarilib, 10 810,22 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
Xorijiy valyutalarni ayirboshlovchi bankomatlar yanvar oxirigacha ish boshlaydi
Uzcard bankomatlarning sentabrdan beri ishlamayotgan dollar ayirboshlash funksiyasini yanvar oyi oxirigacha tiklashni rejalashtirmoqda.
O‘zbekiston terma jamoasi sobiq futbolchisi Nikolay Shirshov vafot etdi
O‘zbekiston terma jamoa va Toshkentning «Paxtakor» klubi sobiq a’zosi Nikolay Shirshov 47 yoshida vafot etdi. U terma jamoa safida 63 ta o‘yin o‘tkazib, 13 ta golga mualliflik qilgan.
Tadbirkorlikni ro‘yxatdan o‘tkazish to‘lovi 5 barobarga kamaytiriladi
Tadbirkorlik subyektini ro‘yxatdan o‘tkazish to‘lovi miqdori BHMning 20 foizi (54 ming so‘m) etib belgilandi. Ilgari buning uchun BHMning 1 baravarini (270 ming so‘m) to‘lash kerak edi. Shuningdek, tadbirkorlikni qayta ro‘yxatdan o‘tkazish rad etilgan kundan 5 ish kuni ichida boj to‘lamasdan qayta murojaat qilinishi mumkin. Boshqa litsenziyalarni olish ham soddalashtirildi.
Shavkat Mirziyoyev Sankt-Peterburg shahriga yetib keldi
Shavkat Mirziyoyev amaliy tashrif bilan Rossiyaning Sankt-Peterburg shahriga yetib keldi. O‘zbekiston prezidenti mazkur tashrif davomida MDHga a’zo davlatlar rahbarlarining norasmiy sammitida ishtirok etadi.
Yakkasaroyda 81 tup noqonuniy kesilgan daraxt uchun to‘langan jarima Ekoqo‘mitaga o‘tkazib berildi
Yakkasaroy tumanida 81 tup daraxt kesilgani uchun quruvchidan 1 mlrd 890 mln so‘m undirilgan edi. Deputat Rasul Kusherbayev departament bu pullarni Ekoqo‘mitaga o‘tkazmayotgani haqida post qoldirib, biroz vaqtdan so‘ng uni o‘chirib tashlagandi. 28 dekabr kuni Toshkent shahar ekologiya va atrof — muhitni muhofaza qilish boshqarmasi jarima puli Ekoqo‘mitaga o‘tkazilganini ma’lum qildi.
Janubiy Koreya O‘zbekiston FVVga avtomobil va maxsus texnika jo‘natdi
Koreya Respublikasi O‘zbekiston Favqulodda vaziyatlar vazirligi ehtiyojlari uchun sakkizta o‘t o‘chirish avtomobili, shuningdek, himoya vositalari va jihozlarini yubordi. Bundan tashqari, Janubiy Koreya tomoni bilan Toshkent viloyatida yong‘in xavfsizligi bo‘yicha o‘quv majmuasini qurish bo‘yicha investitsiya loyihasi ishlab chiqilmoqda.
O‘zbekistonliklar to‘la avtobus Qozog‘istonda YTHga uchradi
Ichida O‘zbekiston fuqarolari bo‘lgan avtobus Qozog‘iston trassasida Mercedes-Benz yengil avtomashinasi ustiga ag‘darildi. Yengil avtomashinadagi 3 nafar yo‘lovchi halok bo‘lgan, avtobus yo‘lovchilariga jiddiy shikast yetmagan.
100 kishida koronavirus aniqlandi — bu 15 martdan beri kuzatilgan eng past ko‘rsatkich
Dushanba kuni 100 kishida koronavirus infeksiyasi aniqlandi, deya xabar qildi SSV. Bu so‘nggi 9 oydagi eng past ko‘rsatkich. Eng ko‘p holat avgust oyida qayd etilgan edi — 974 kishi.
Prezidentning tibbiyot xodimlari bilan ochiq muloqotiga 4500 dan ortiq murojaat kelib tushdi
SSV O‘zbekiston prezidentining yaqin kunlarda o‘tkazilishi rejalashtirilgan olimlar, shifokorlar, farmatsevtlar, hamshiralar va tizim xodimlari bilan ochiq muloqoti uchun 4500 dan ziyod murojaat kelib tushganini ma’lum qildi. Savol va takliflarning eng ko‘pi sog‘liqni saqlash tizimining birlamchi bo‘g‘iniga taalluqli.
Chust hokimligining xizmat mashinalari jarima maydonchasiga qo‘yildi
Chust tuman hokimligining uchta avtomobili OAVdagi maqolalardan so‘ng yo‘l harakati qoidalarini buzganlik uchun jarimalar to‘planib qolgani sababli jarima maydonchasiga qo‘yildi. Jami 42 ta bayonnoma tuzilgan bo‘lib, jarimalarning umumiy qiymati 20,7 mln so‘mni tashkil etadi. Ayrim qoidabuzarliklar 2018 yilda sodir etilgan.
Ko‘chmas mulk bozorida shartnomalar soni oshdi
Noyabrda O‘zbekistonda ko‘chmas mulk oldi-sotdisi bo‘yicha 22,5 mingta shartnoma tuzildi, bu bir oy oldingiga nisbatan 4 foizga, o‘tgan yilning noyabriga nisbatan esa 14,4 foizga ko‘pdir. Shu bilan birga, ITIM hisob-kitoblariga ko‘ra, ipoteka asosida uy-joy sotib olish imkoniyatiga ega bo‘lgan aholi ulushi 26 foizni tashkil etadi.
«Yil ayoli» tanlovi g‘oliblari va gender tengligi uchun kurashgan eng faol tashkilotlar aniqlandi
«Yil ayoli» tanlovida qoraqalpog‘istonlik fermer xo‘jaligi rahbari Palzada Saliyeva g‘olib bo‘ldi. Ayollar tengligini ta’minlovchi eng faol davlat organi sifatida Mudofaa vazirligi, gender tengligini ta’minlovchi huquqni muhofaza qiluvchi organ sifatida esa Adliya va Ichki ishlar vazirligi tanlandi.
Jahon yangiliklari dayjesti
«Tolibon»ning Afg‘oniston universitetlari mablag‘ yetishmasligi sababli yopiqligicha qolishini ma’lum qilgani, Hindistonning yanvardan 15 yoshdan oshgan o‘smirlarni emlashni boshlashi, Yamandagi isyonchilarning Saudiya Arabistoniga 400 dan ortiq raketalar uchirgani, Tailand poytaxtida yangi yil tadbirlari koronavirus sababli bekor qilingani va boshqa yangiliklar — «Gazeta.uz»ning jahon yangiliklari dayjestida.
27 dekabr kuni O‘zbekistonda sodir bo‘lgan eng muhim xabarlar dayjesti
Viloyatlarga jo‘natilgan 9070 ta prezident sovg‘asi, O‘zbekistonning 38 mlrd dollarga yetgan tashqi qarzi, qorbobo kiyimida sovg‘a tarqatayotgan Sirdaryo viloyati hokimi, moliyaviy mustaqillikka erishayotgan 35 ta OTM, yaratilayotgan «yagona transchegaraviy pul o‘tkazmalari» to‘lov tizimi va boshqa xabarlar — «Gazeta.uz» ning 27 dekabrdagi eng muhim xabarlari dayjestida.
Shavkat Mirziyoyev MDH rahbarlarining norasmiy sammitida ishtirok etish uchun Sankt-Peterburgga boradi
O‘zbekiston prezidenti Shavkat Mirziyoyev 28 dekabr kuni MDHga a’zo davlatlar rahbarlarining norasmiy sammitida ishtirok etish uchun amaliy tashrif bilan Sankt-Peterburg shahriga boradi
«O‘quv qurollari, ensiklopediya va planshetlar». Prezident sovg‘alari hududlarga jo‘natildi
Mehribonlik uylari tarbiyalanuvchilari va ota-ona qarovisiz qolgan 9070 nafar bolaga atalgan prezident sovg‘asi hududlarga yuborildi. Sovg‘a jamlanmasidan shirinliklar, o‘quv qurollari va bolalar ensiklopediyasidan iborat 21 turdagi sovg‘a, qolaversa, bolalar uylarining 980 nafar tarbiyalanuvchisi uchun zamonaviy planshetlar o‘rin olgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting