Arxiv
Qozog‘iston O‘zbekistonga 10 mlrd kub metrgacha Rossiya gazini yetkazib berishni muhokama qilmoqda
Qozog‘iston hukumati O‘zbekistonga 1,5 mlrd dan 10 mlrd kub metrgacha Rossiya gazini yetkazib berish masalasini muhokama qilmoqda. “O‘zbekiston energetika tizimining va Rossiyaning tayyorligiga qarab ta’minot hajmini yanada oshirish mumkin”, — dedi Qozog‘iston energetika vaziri.
Qoraqalpog‘iston Vazirlar Kengashi raisiga o‘rinbosar tayinlandi
Nukus davlat pedagogika instituti rektori sifatida ishlab kelgan Bayram Otemuratov Qoraqalpog‘iston Vazirlar Kengashi raisiga o‘rinbosar bo‘ldi. Avvalroq shu lavozimda ishlab kelgan Abatbay Daniyarov Nukus shahriga hokim etib tayinlangandi.
Navoiyda ayol qiz farzandini 90 mln so‘mga sotmoqchi bo‘ldi
Navoiy viloyatida ayol 2023-yilda tug‘ilgan qizini 90 mln so‘mga sotmoqchi bo‘ldi. Holat yuzasidan “Odam savdosi” moddasi bo‘yicha jinoyat ishi qo‘zg‘atildi.
6 oyda 248,3 ming o‘zbekistonliklar dam olish uchun xorijga chiqqan
O‘zbekistonliklarning 248,3 ming nafari 2023-yilning yanvar-iyun oylarida dam olish maqsadida xorijga safar qilgan.
Qirg‘izistonda bolalarga zarar yetkazuvchi axborotni taqiqlovchi qonun qabul qilindi
Qirg‘iziston prezidenti qonunchilikka OAVda “bolalar salomatligi yoki rivojlanishiga zarar yetkazuvchi” ma’lumotlarni tarqatishni taqiqlovchi tuzatishlarni imzoladi. Huquq himoyachilari qonunning qabul qilinishiga qarshi chiqib, uni “senzura uchun yana bir vosita” deb atadi.
USAID “Raqamli O‘zbekiston — 2030” strategiyasini amalga oshirishni qo‘llab-quvvatlaydi
O‘zbekiston Raqamli texnologiyalar vazirligi va AQSh Xalqaro taraqqiyot agentligi (USAID) Vashingtonda “Raqamli O‘zbekiston — 2030” strategiyasini qo‘llab-quvvatlash bo‘yicha memorandum imzoladi.
Dori vositalari va tibbiyot buyumlari importida bojxona rasmiylashtiruvi uchun yig‘im bekor qilinadi
Prezident farmoni bilan 2025-yil 1-yanvardan dori vositalarini va tibbiyot buyumlarini import qilishda bojxona qiymatining 1,2 foizi miqdorida bojxona rasmiylashtiruvi uchun yig‘im bekor qilinadi.
Import avtomobillarni faqat rasmiy dilerlar sotishi bo‘yicha talab bekor qilindi
Import avtomobillarni faqat ularning rasmiy dilerlari tomonidan sotilish talabi bekor qilindi. Shuningdek, Soliq to‘lovchilarga soliq organlarining sayyor soliq tekshiruvlari va soliq auditi natijalari bo‘yicha qarorlari ustidan to‘g‘ridan-to‘g‘ri sudga shikoyat qilish huquqi berilmoqda.
Yo‘l qoidabuzarliklarini xato aniqlagan kamera egalari unga bo‘lgan mulk huquqidan mahrum qilinadi
Yo‘l harakati qoidabuzarliklarini aniqlovchi xususiy kameralar ma’lumotlarida 5 foizdan ortiq xatolikka yo‘l qo‘yilsa, tadbirkorlar ushbu kameralarga egalik huquqidan mahrum etiladi.
Qashqadaryoda maktabni ta’mirlashga o‘qituvchilarni jalb qilgan direktor 33 mln so‘m jarimaga tortildi
Koson tumanidagi 20-maktab direktori o‘qituvchi va ishchi xodimlarni ta’mirlash ishlariga jalb etgani aniqlandi. Direktorga nisbatan 33 mln so‘m miqdorida ma’muriy jarima qo‘llandi.
“O‘zagroeksportbank” o‘z nomini AVO Bank`ga o‘zgartirdi
“O‘zagroeksportbank” aksiyadorlari bank nomini AVO Bank (“havo” so‘zining qisqartmasi) etib o‘zgartirish uchun ovoz berdi. Endilikda bank Olimjon Shodiyev tomonidan tashkil etilgan AVO kompaniyalar guruhi tarkibiga kiradi.
Rossiya Markaziy banki asosiy stavkani birdaniga 12 foizgacha ko‘tardi
Rossiya Markaziy banki rublning zaiflashishi fonida asosiy stavkani 8,5 foizdan 12 foizga oshirdi. Qaror narx barqarorligini ta’minlash uchun risklarni cheklash maqsadida qabul qilindi, deydi regulyator.
Talabalarni yotoqxonaga joylashtirish endi faqat DXM va my.gov.uz orqali amalga oshiriladi
2023/2024 o‘quv yilida 1-kurs talabalari, 2024/2025 o‘quv yilidan esa barcha kurs talabalari uchun davlat OTM yotoqxonasiga joylashish onlayn amalga oshiriladi.
Dog‘istonda “zapravka”dagi portlash oqibatida 35 kishi halok bo‘ldi. Respublikada motam e’lon qilindi
Dog‘iston poytaxti Maxachqal’a shahrida yonilg‘i quyish shoxobchasi portlab, 35 kishi halok bo‘ldi, 75 kishi jarohatlandi. Portlashga shoxobcha yonidagi avtomobillarga texnik xizmat ko‘rsatish markazida yuz bergan yong‘in sabab bo‘lgan. 15-avgust respublikada motam kuni deb e’lon qilindi.
Xorazmda aholi voyaga yetmagan qizga tegajog‘lik qilishda gumonlangan erkakni ushladi
Ijtimoiy tarmoqlarda bir guruh aholi noma’lum shaxsni voyaga yetmagan qizga tegajog‘lik qilish va uni o‘g‘irlashda uringanlikda ayblayotgan video tarqaldi. Xorazm viloyati IIB xabariga ko‘ra, gumonlanuvchi 43 yoshli erkak bo‘lib, u ruhiy-asab kasalliklar dispanserida ro‘yxatga olingan.
Tramp 2020-yilgi saylov natijalarini bekor qilishga urinishda ayblanmoqda
AQShning sobiq prezidenti Donald Trampga to‘rtinchi bor jinoyat ishi qo‘zg‘atildi. Siyosatchi Jorjiya shtatida 2020-yilgi prezidentlik saylovi natijalarini bekor qilishga urinishda ayblanmoqda. U jinoiy javobgarlik bilan qo‘rqitgan holda shtat hokimiyatidan unga qo‘shimcha ovozlarni “topish”ni talab qilgan.
Bekzod Narimanov ombudsman o‘rinbosari lavozimiga saylandi
Qonunchilik palatasi deputatlari Bekzod Narimanovni Oliy Majlisning Inson huquqlari bo‘yicha vakili (ombudsman) o‘rinbosari lavozimiga sayladi. Qaror Senatga yuborildi.
IELTS`dan 7,5 ballga ega tibbiyot talabalariga 990 ming so‘m stipendiya beriladi
SSV 2023-yildan IELTS bo‘yicha kamida 7,5 balli, nemis va fransuz tilini bilish darajasi bo‘yicha S1 sertifikatli tibbiyot OTM va texnikumi talabalariga 990 ming so‘m stipendiya to‘laydi. To‘lov sertifikatning amal qilish davrida berib boriladi.
Bolalikning dastlabki yillari — inson kapitalining asosi. Kolonka
YUNISEFning jamoatchilik bilan aloqalar bo‘limi boshlig‘i Sitsi Singizi “Gazeta.uz”ga bergan kolonkasida Namangan viloyatining chekka qishloqlaridan birida ochilgan maktabgacha ta’lim muassasasi misolida ushbu muassasalardan teng foydalanishni ta’minlash borasidagi sa’y-harakatlar haqida so‘z yuritdi.
2022-yilda budjet taqchilligi asosan tashqi qarz hisobidan qoplandi
2022-yilda konsolidatsiyalashgan budjet taqchilligining 47 foizi xalqaro moliya institutlarining qarzlari va yevroobligatsiyalar chiqarish hisobidan, 18 foizi davlat g‘azna obligatsiyalari chiqarish hisobidan qoplandi. Konsolidatsiyalashgan budjet taqchilligi 35 trln 229 mlrd so‘mga yetdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting