Arxiv
Madaniyat vazirligi xodimi hamkasbini pichoqlagani uchun 10 yilga qamaldi
Aprelda iftorlik vaqtida Madaniyat vazirligi xodimlari o‘rtasida o‘zaro janjal yuzaga kelgandi. O‘shanda ulardan biri oshxona pichog‘i bilan hamkasbini jarohatlab qo‘ygandi. Sud ayblanuvchini 10 yilga ozodlikdan mahrum qildi.
Andijonda fuqaroni $11 000 evaziga Janubiy Koreyaga ishga jo‘natishga uringan shaxslar ushlandi
Andijonda fuqaroni 11 ming dollar evaziga Janubiy Koreyadagi kemasozlik zavodiga ishga kiritib qo‘yishga uringan shaxslar qo‘lga olindi. Ularga nisbatan jinoyat ishi qo‘zg‘atildi. Gumondorlarning aybi sudda o‘z isbotini topsa, ko‘pi bilan 3 yilgacha qamalishi mumkin.
Iste’foga chiqarilgan harbiylar xizmat muddatidan qat’i nazar uy-joy bilan ta’minlanadi
Prezident qarori bilan xizmat vaqtida orttirilgan kasallik yoki olingan jarohati tufayli harbiy xizmatni o‘tashga yaroqsiz deb topilib, rezervga bo‘shatilgan, shuningdek halok bo‘lgan harbiylarning, ularning xizmat muddatidan qat’i nazar, oila a’zolari uy-joy bilan ta’minlanishi belgilandi.
Prezident maslahatchisi Abdujabbor Abduvohidov lavozimidan ozod etildi
O‘zbekiston prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi Abdujabbor Abduvohidov lavozimidan ozod etildi. Uning o‘rnini Toshkent davlat transport universiteti rektori Odil Abduraxmanov egalladi.
Import avtomobillarni sertifikatlashni soddalashtirish rejalashtirilmoqda
Tadbirkorlar bilan ochiq muloqot haftaligida import qilinayotgan lyuks avtomobillarning ikki barobar qimmatlashuviga olib keladigan sertifikatlash jarayonidagi qiyinchiliklar haqida fikr yuritildi. Moliya vaziri o‘rinbosari jarayonni soddalashtirish bo‘yicha rejalar bilan bo‘lishdi.
Beruniy tumanida Abu Rayxon Beruniy majmuasi quriladi
Qoraqalpog‘istonning Beruniy tumanida Abu Rayxon Beruniy tavalludining 1050 yilligiga bag‘ishlab ulug‘ alloma nomidagi majmua barpo etiladi. Forumlar, ko‘rgazmalar va boshqa tadbirlarni o‘tkazish, qo‘lyozmalar va boshqa materiallarni restavratsiya qilish rejalashtirilgan.
Buxoro viloyatida qamishzordagi yong‘inni o‘chirishga 100 dan ortiq qutqaruvchi jalb qilindi
Chorshanba kuni Buxoro viloyatining Peshku tumanida qamishzorlarga o‘t ketdi. Voqea joyiga FVVning 107 nafar qutqaruvchisi jo‘natildi. Payshanba kuni Mudofaa vazirligining vertolyoti ishga qo‘shildi. Yong‘in maydoni 100 gektarni tashkil etgan, 80 gektar maydon o‘chirilgan.
Nogironlik pensiyalarini qayta hisoblash to‘g‘risidagi qonun loyihasi birinchi o‘qishda qabul qilindi
Qonunchilik palatasi nogironlik bo‘yicha pensiyani har ikki yilda bir marta qayta hisoblash hamda ish stajiga va ish haqiga qarab indeksatsiya qilish to‘g‘risidagi qonun loyihasini birinchi o‘qishda qabul qildi. 2023 yildan boshlab 75 ming nogironning pensiyasiga o‘rtacha 300 ming so‘m qo‘shilishi kutilmoqda.
Ukrainada temir yo‘l vokzaliga uyushtirilgan raketa hujumi oqibatida 25 kishi halok bo‘ldi
Ukrainaning Dnepropetrovsk viloyatida poyezd va Chaplino vokzaliga uyushtirilgan raketa hujumi oqibatida 25 kishi, jumladan, ikki bola halok bo‘ldi. Rossiya Mudofaa vazirligining ma’lum qilishicha, «Iskander» raketasi 200 dan ortiq harbiy xizmatchi bo‘lgan harbiy eshelonni yo‘q qilgan.
Qoraqalpog‘istonning sobiq ichki ishlar vaziri deputat etib saylandi
Qoraqalpog‘istonning sobiq ichki ishlar vaziri Amanbay Orinbayev Jo‘qorg‘i Kengesi deputati etib saylandi.
Deputatlar qonunni Senatni chetlab o‘tib, prezidentga kiritmoqchi bo‘ldi, biroq Spiker shoshmaslikni so‘radi
Qonunchilik palatasi Senat tomonidan rad etilgan — nikohni ro‘yxatdan o‘tkazish uchun bir oylik muddatni bekor qilishga oid qonunni qayta ko‘rishdan olib tashlashni bekor qildi. Deputatlar qonunni Senatni chetlab o‘tib, to‘g‘ridan-to‘g‘ri prezidentga kiritishni taklif qildi, biroq Spiker shoshmaslikka chaqirdi.
Agroinspeksiya 1,5 yilda 1044 ta holatda tadbirkorlarning huquqlarini buzgani aniqlandi
Vazirlar Mahkamasi huzuridagi Agrosanoat majmui ustidan nazorat qilish inspeksiyasi o‘tgan 1,5 yil mobaynida 1044 ta holatda tadbirkorlarning huquqlarini buzgani aniqlandi. Eng ko‘p holat Jizzaxda — 660 ta. Biznes-ombdusman ofisi kamchiliklarga yo‘l qo‘ygan 142 nafar mansabdorni jarimaga tortdi.
Qashqadaryoda obodonlashtirish tashkiloti 573 mln so‘mni o‘zlashtirgani aytilmoqda
Qashqadaryoda ko‘p qavatli uylarni obodonlashtirish uchun ajratilgan 573,2 mln so‘m mablag‘ talon-toroj qilingani aniqlandi. Gumonlanuvchilar bu mablag‘ni bajarilmagan ishlarni qo‘shib yozish orqali o‘zlashtirgan. Ularga nisbatan tegishli moddalar bilan jinoyat ishi qo‘zg‘atildi.
Nukusda yoshlar texnoparki ish boshladi
Nukus shahrida «InnoWeek-2022» doirasida yoshlar texnoparki ochilish marosimi bo‘lib o‘tdi. Texnoparkni tashkil etish va uni texnik ta’minlash uchun Innovatsion rivojlanish vazirligi qariyb 9 mlrd so‘m yo‘naltirdi.
Qo‘llanma: Xalq nazorati portaliga smartfon orqali qanday murojaat qilish mumkin?
Xalq nazorati portali orqali Toshkent yo‘llaridagi «yamalar», ko‘p qavatli uylarda lift buzilishi, daraxtlarga zarar yetkazilishi kabi masalalar bo‘yicha murojaat qilish mumkin. «Gazeta.uz» xizmat qanday ishlashini aniqlash uchun smartfondan beshta ariza yubordi. Murojaat yo‘llash va natijalari haqida bayon etamiz.
Janubiy Koreya yil bo‘yi qulupnay yetishtirish texnologiyalarini joriy etishda yordamlashadi
Janubiy Koreya O‘zbekistonga yil bo‘yi qulupnay yetishtirish texnologiyalarini joriy etish uchun 3,7 mln dollar ajratadi.
O‘zbekiston bolalar uchun odil sudlovni takomillashtirishga harakat qilmoqda
Deputat va senatorlar, davlat idoralari va xalqaro tashkilotlarning O‘zbekistondagi vakillari bolalar uchun odil sudlovdan foydalanish to‘siqlarini muhokama qildi. Huquqiy mexanizmlarni bolalar uchun moslashtirish va ularga nisbatan qamoq jazosini so‘nggi chora sifatida qo‘llash bo‘yicha tavsiyalar qabul qilindi.
Toshkent metrosining «Tinchlik» bekatiga kirish yo‘lagida issiq suv toshib ketdi
Toshkentdagi «Tinchlik» metro bekati yaqinidagi issiqlik tarmog‘ida avariya sodir bo‘ldi. Oqibatda metroga tushish yo‘lagida devordan issiq suv toshib chiqishi kuzatildi. «Toshissiqquvati» matbuot xizmati suv chiqishi to‘xtatilgani va hozirda avariyani bartaraf etish choralari ko‘rilayotganini ma’lum qildi.
Kundalik`da yangi to‘lov usullari va tarif rejalari ishga tushirildi
Yangi o‘quv yilida Kundalik uchun yillik to‘lov narxi tushirildi. Foydalanuvchilar uchun Kundalik va PRO Kundalik tarif rejalari mavjud.
Yandex Go avtomobillar tezligini nazorat qiladi
Yandex Go buyurtmalar vaqtida avtoulov tezligini monitoring qilish xizmatini ishga tushirdi. Unda haydovchi belgilangan tezlikdan oshib ketsa, tizim uning ilovasi orqali bu haqda ogohlantiradi. Bir nechta ogohlantirishlardan so‘ng, haydovchining xizmat ko‘rsatish buyurtmalariga kirishi vaqtincha cheklanadi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting