Arxiv
Pedagogika universiteti sobiq dekan o‘rinbosari 3 yilga qamaldi
Talabani zo‘rlashga uringanlikda gumonlangan TDPU sobiq dekan o‘rinbosari ishi bo‘yicha sud yakuniga yetdi. Sud ayblanuvchi B.Yu.ni qizning nomusiga tekkanlik fakti bo‘yicha oqladi. Biroq, u talabani derazadan itarib yuborganlikda aybli deb topildi va 3 yilga qamaldi.
Shavkat Mirziyoyev 7 nafar hokimga oxirgi marta “hayfsan” berdi
Prezident yer maydonlarini auksionga qo‘yishda sustkashlikka yo‘l qo‘ygan Navoiy, Shahrisabz, Qo‘qon shaharlari, Bo‘stonliq, Bekobod, Kitob, Uzun tumanlari hokimlariga oxirgi marta “hayfsan” berdi. Ularning qurilish bo‘yicha o‘rinbosarlarini ishdan olishga ko‘rsatma berildi.
Endi faqat 2 toifadagi talabalarga o‘qishni ko‘chirishga ruxsat beriladi — Abduqodir Toshqulov
Oliy ta’lim vaziri endi faqat ikki toifadagi talabalarga o‘qishni ko‘chirishga ruxsat berilishi, qolgan hollarda esa akademik mobillik qo‘llanilishini ta’kidladi. «Talaba turmush qursa va davlat xizmatchisi boshqa ish joyiga o‘tsa, vazirning xati bilan ko‘chirishga ruxsat beriladi», — dedi Abduqodir Toshqulov.
«Agrobank» ekotizim doirasida ikkita — Agromarkaz va Agrozamin-O‘zimizniki loyihalarini taqdim etdi
«Agrobank» ning yangi — Agromarkaz va Agrozamin-O‘zimizniki loyihalari — fermerlar va tomorqa yer egalariga mo‘ljallangan.
O‘zbekistonga kelayotganlar uchun koronavirus bilan bog‘liq barcha cheklovlar bekor qilindi
10 iyundan boshlab O‘zbekistonga kirib keluvchi ham xorijlik, ham mahalliy fuqarolar uchun koronavirus bilan bog‘liq barcha cheklovlar, jumladan, manfiy natijali PZR-test hamda kovidga qarshi emlanganlik to‘g‘risidagi sertifikat talabi bekor qilindi.
Qishloq xo‘jaligi vazirligi laboratoriyasida rangli paxta bo‘yicha tajriba o‘tkazilmoqda
Paxta seleksiyasi, urug‘chiligi va yetishtirish agrotexnologiyalari ilmiy-tadqiqot institutining «G‘o‘za biotexnologiyasi» laboratoriyasi noodatiy rangda paxta yetishtirish bo‘yicha tajriba o‘tkazmoqda. Tabiiy rangli tola ishlab chiqarish paxtaning eksport salohiyatini oshiradi, deb hisoblaydi Qishloq xo‘jaligi vazirligi.
Andijon shahar hokimi Bahrom Haydarov hibsga olindi
Andijon shahar hokimi Bahrom Haydarov unga nisbatan qo‘zg‘atilgan jinoyat ishi doirasida gumonlanuvchi sifatida hibsga olindi. U 2017−2019 yillarda Andijon viloyati moliya boshqarmasi boshlig‘i lavozimida ishlagan davrida katta miqdordagi budjet mablag‘larini o‘zlashtirganlikda gumon qilinmoqda.
O‘zbekistonlik taekvondochi Rimdagi Gran-prida sovrindor bo‘ldi
Rim shahrida Gran-pri turkumiga kiruvchi turnirda taekvondochi Shuhrat Salayev bronza medalini qo‘lga kiritdi.
BMT bosh kotibining birinchi o‘rinbosari O‘zbekistonga tashrif buyuradi
Markaziy Osiyoga tashrifi doirasida BMT bosh kotibining birinchi o‘rinbosari Amina Muhammad O‘zbekistonga ham keladi. Senat va Yoshlar ishlari agentligida muzokaralar, shuningdek, O‘zbekistonning lider ayollari bilan uchrashuvlar o‘tkazish rejalashtirilmoqda.
Qozog‘iston chegaradan o‘tishda PZR test va vaksinatsiya hujjati bo‘yicha talabni bekor qildi
8 iyundan boshlab Qozog‘iston chegarani kesib o‘tishda emlanganlik hujjati va PZR testi talabini bekor qildi. Shuningdek, mamlakatning 7 ta viloyatidagi vaqtinchalik yopilgan 12 ta avtomobil chegara o‘tkazish punktlarining ishi qayta tiklanmoqda.
Buyuk Britaniya bosh vaziri Boris Jonson o‘z lavozimini saqlab qoldi
Buyuk Britaniya Konservativ partiyasi deputatlari bosh vazirga ishonchsizlik votumi bildirish bo‘yicha ovoz berdi. Boris Jonsonning tanqidchilari uni karantin paytida bazmlar uyushtirganlikda ayblamoqda. Fraksiya a’zolarining 58,5 foizi bosh vazirni qo‘llab-quvvatladi va u lavozimini saqlab qoldi.
21−22-iyun kunlari O‘zbekistonning JSTga kirishi bo‘yicha ishchi guruhning 5-yig‘ilishi o‘tkaziladi
O‘zbekistonning Jahon savdo tashkilotiga a’zo bo‘lish bo‘yicha ishchi guruhi 21−22-iyun kunlari Jenevada beshinchi bor yig‘ilish o‘tkazadi. Avvalroq bosh vazir o‘rinbosari — ITSV rahbari Sardor Umurzakov O‘zbekiston tashkilotga tezroq kirishga ustuvor ahamiyat qaratishini ta’kidlagan edi.
254 ta sport maktabi va 56 ta ixtisoslashtirilgan sport maktabi tashkil etildi
Prezident qarori bilan 254 ta sport maktabi va 56 ta ixtisoslashtirilgan sport maktabi tashkil etildi. 4 yoshdan 30 yoshgacha bo‘lganlar 6 bosqichda saralanadi va professional sportga salohiyati borlargina ixtisoslashtirilgan sport maktabiga qabul qilinadi. Keyingi yildan maktablarga 35 mlrd so‘m ajratiladi.
«Ta’lim sifati hech qachon o‘qituvchi sifatidan oshib ketolmaydi» — Andreas Shlyayxer
PISA tadqiqoti asoschisi Andreas Shlyayxer O‘zbekistonning ushbu tadqiqotda qatnashishi ta’limdagi bo‘shliqlarni to‘ldirish imkoniyatini berishiga ishonadi. U o‘qituvchilar sifatining ta’lim sifatiga ta’siri, baholashda texnologiyaning o‘rni, ta’lim jarayoni ustidan nazoratning muhimligi haqida ham fikr bildirdi.
Toshkent viloyatida fuqaro 40 sotix yerni $29 mingga sotishga uringanlikda ayblanmoqda
Yangiyo‘l tumanida fuqaro Kadastr agentligida ishlovchi tanishlari orqali 40 sotix yer maydonini boshqa bir fuqaro nomiga noqonuniy tarzda rasmiylashtirib berishga uringanlikda ayblanmoqda. Gumonlanuvchi buning evaziga kelishilgan 29 ming dollardan 10 ming dollarini olganda ushlandi.
Oliy sport mahorati institutiga qabul 2023 yildan boshlanadi
Prezident qarori bilan Oliy sport mahorati institutiga qabul 2023/2024 o‘quv yilidan boshlanadi. Institut Samarqandda joylashtiriladi, unga yaxshi natijaga erishgan Olimpiya va Paralimpiya kollejlari bitiruvchilari qabul qilinadi. Bitiruvchilarga «trener», «hakam», «seleksioner» mutaxassisliklari beriladi.
Paralimpiyachilarning matonat maktabi tashkil etildi
Prezident qarori bilan Paralimpiyachilarning matonat maktabi tashkil etildi. Qolaversa, Abdulla Qodiriy ko‘chasida Paralimpiyachilar bog‘i bunyod etiladi. Metroning yangi bekatlaridan biriga «Paralimpiya harakati» nomi beriladi, 2023 yildan Toshkentda «Paralimpiyachilar matonati» xalqaro forumi o‘tkaziladi.
Ohangaronda jarima maydonchasiga olib ketilayotgan haydovchi o‘zini mashinadan tashlab yubordi
20 may kuni Ohangaronda YPX inspektori jarima maydonchasiga olib ketayotgan «VAZ-2121» haydovchisi o‘zini mashinadan tashlab yubordi. 27 yoshli fuqaro 6 iyun kuni kechasi shifoxonada vafot etdi. Prokuratura tekshiruv o‘tkazmoqda.
Prezident yerusti metrosining Qo‘yliqdan Sergeligacha bo‘lgan qismi qurilishini borib ko‘rdi
Shavkat Mirziyoyev yerusti metrosining Qo‘yliqdan Sergeligacha bo‘lgan yo‘nalishi (5 ta bekat) qurilishini ko‘zdan kechirdi. 12 kmlik metro yo‘lida 7 ta bekat bo‘ladi va kuniga 40 ming yo‘lovchiga xizmat ko‘rsatadi. Yaqin hududdagi mahallalarga 12 ta yangi avtobus yo‘nalishi ochiladi va metro bekatlari bilan bog‘lanadi.
O‘zbekiston Ukraina bilan bog‘liq tashqi shoklarning salbiy ta’sirini kamaytirish imkoniyatiga ega — S&P
Rossiyadagi iqtisodiy inqiroz, shuningdek, Rossiya kompaniyalari va iqtisodiyot tarmoqlariga nisbatan sanksiyalar O‘zbekistondagi faoliyatga ta’sir qiladi, deb ta’kidladi S&P. Mamlakat Rossiyaning Ukrainaga bostirib kirgan davr mobaynida tashqi shoklar va noaniqliklarga bardosh beradi, ammo xavflar ham mavjud.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting