Koronavirus
Inqirozga qarshi kurashish jamg‘armasi tugatiladi
Moliya vazirligi huzuridagi Inqirozga qarshi kurashish jamg‘armasi 1 yanvardan tugatiladi. Jamg‘armadagi o‘zlashtirilmagan va qoldiq mablag‘lar davlat byudjetiga o‘tkaziladi.
Yangi yil bayramlarini 30 kishidan ko‘p bo‘lib, koronavirusga test topshirgan holda nishonlashga ruxsat berildi
Respublika maxsus komissiyasi tomonidan 31 dekabr va 1 yanvar kunlari 30 kishidan ko‘proq bo‘lib, PZR test yoki ekspress testlarni topshirgan holda Yangi yil bayramini nishonlashga ruxsat berildi.
COVID-19
Koronavirusning yangi shtammi haqida dastlabki ma’lumotlarga ko‘ra, u oldingisidan 70% ga kuchliroq deyilmoqda. Hozirda ushbu shtamm COVID-19'ning boshqa shtammlarini o‘rnini egallamoqda. U hozirgacha 10ga yaqin mamlakatlarda aniqlandi.
Janubiy Koreya va Kanadada ham koronavirusning yangi shtammi aniqlandi. Yaponiya chegaralarni yopib qo‘ydi
COVID-19'ning yangi shtammi Janubiy Koreya va Kanadada ham aniqlanda va Buyuk Britaniya bilane aviaqatnovlarni to‘xtatib qo‘yishdi. Yaponiya esa yangi shtamm aniqlanganligi sabab yanvar oxirigacha mamlakat chegaralarini yopib qo‘ydi. Shuningdek, yangi shtamm Singapur, Germaniya, Fransiya, Irlandiya, Shveysariya, Livan, Shvetsiya va Ispaniya ham aniqlandi.
Dunyo bo‘yicha COVID-19 bilan kasallanganlar soni 80 mln dan oshdi
Dunyo bo‘yicha koronavirus bilan kasallanganlar soni 80 mln dan oshdi. COVID-19 dan tuzalganlar soni 45,1 mln dan oshgan bo‘lib, vafot etganlar soni esa 1,75 mln dan ko‘proqni tashqil qilmoqda. Eng ko‘p zararlanganlar AQSH, Hindiston va Braziliya mamlakatlariga to‘g‘ri kelmoqda.
Turkiyaga kirishda yangi qoidalar o‘rnatildi
Turkiya Sog‘liqni saqlash vazirligi kelgusi yilning 1 martiga qadar mamlakatga kirishda yangi qoidalar joriy etdi. Xorijdan kirib kelayotgan fuqarolar uch kun ichida olingan salbiy PZR-test ma’lumotnomasiga ega bo‘lishi kerak. Ma’lumotnomasi bo‘lmaganlar bir haftalik karantinga olinadi.
Ukraina va Peruda ham COVID-19 bilan kasallanganlar soni milliondan oshdi
So‘nggi ma’lumotlarga ko‘ra, Ukraina va Peru mamlakatlarida ham koronavirus yuqtirganlar soni milliondan oshgan. Dunyo bo‘ylab hozirgacha 78,6 mln inson koronavirus bilan kasallangan bo‘lib, eng ko‘p bemorlar AQSH, Hindiston va Braziliyada qayd etilgan.
Vaksinalar sinovida hozircha nojo‘ya ta’sir aniqlanmadi — Innovatsion rivojlanish vaziri
Innovatsion rivojlanish vaziri Ibrohim Abdurahmonov koronavirusga qarshi vaksina sinovlari poytaxtdagi uchta poliklinikada bo‘lib o‘tayotganligini ma’lum qildi. U o‘zi ham bir oy oldin ushbu vaksinalar bilan emlanganligini, hozirgacha o‘zida nojo‘ya ta’sirini sezmaganligini aytmoqda.
Koronavirus genetik shtammini o‘zgartirsa ham, vaksinalar uning yangi shtammlariga ta’sir ko‘rsatadi — SSV
Sog‘liqni saqlash vazirligi koronavirusning yangi shtammi bo‘yicha izoh berdi. Unga ko‘ra, yangi shtamm asosan bolalar va yoshlarda uchramoqda. Bundan tashqari, koronavirusga qarshi vaksinalarni kasallikning yangi shtamlariga moslashtirib borish mumkinligi qayd etildi.
Ucell ko‘rsatilmagan xizmat uchun yechib olingan qariyb 97,5 mln so‘mni qaytardi
Iste’molchilar huquqlarini himoya qilish agentligi Ucell aloqa operatori tomonidan Al-Chiroq aksiyasi doirasida 337,9 mingdan ziyod abonent hisobidan ko‘rsatilmagan xizmat uchun pul yechib olinganini aniqladi. Pullar egalariga qaytarildi.
21 dekabrdan qator davlatlarga aviareyslar to‘xtatildi
21 dekabrdan 10 yanvarga qadar O‘zbekiston Yevropaning 6 ta hamda Avstraliya va JAR bilan aviareyslarni to‘xtatmoqda. Bunga ushbu davlatlarda yangi koronavirus infeksiyasi aniqlanish holatlari soni tubdan oshib ketib, epidemiologik vaziyat keskin yomonlashuvi sabab bo‘lgan.
Qozog‘istonda «Sputnik V» vaksinasi bilan emlash 2021 yil fevralda boshlanadi
Qozog‘istonda Rossiyaning koronavirusga qarshi «Sputnik V» vaksinasi ishlab chiqarila boshladi. Mamlakat bo‘ylab ommaviy vaksinatsiya jarayonlari 2021 yilning fevralidan boshlanishi belgilandi.
Saudiya Arabistoni koronavirusning yangi shtammi tufayli chegaralarini yopdi
Koronavirusning yangi shtammi tarqalishi tufayli Saudiya Arabistoni barcha transport qatnovlarini yopib qo‘ydi. Yevropa va virus qayd etilgan mamlakatlardan kelganlarga 2 haftaga o‘z-o‘zini yakkalash majburiy etib belginlandi.
“Xitoy vaksinasi natijalari ijobiy, hech qanday asoratlari bo‘lgani yo‘q” — SSV
Sog‘liqni saqlash vazirining birinchi o‘rinbosari Amrillo Inoyatov Xitoy vaksinasi natijalari ijobiy ekani va asoratlari kuzatilmaganini aytdi. “Yakuniy hulosaga kelinganidan keyin hukumat tomonidan to‘liq, ommaviy emlash yo‘lga qo‘yiladi”, — deya ta’kidladi Inoyatov.
Fransiya prezidenti koronavirus bilan kasallandi
Fransiya prezidenti Emmanuel Makron koronavirus bilan kasallandi. U 7 kunga izolyatsiya qilinadi va masofadan turib faoliyatini davom ettiradi.
AQSHda koronavirusga qarshi Pfizer vaksinasini qo‘llashga ruxsat berildi
AQSH Oziq-ovqat va dori-darmon ma’muriyati koronavirusga qarshi Pfizer-BionTech vaksinasini favqulodda qo‘llashga ruxsat berdi. Yil yakuniga qadar 20 million aholi emlanishi kutilmoqda. Birinchi navbatda tibbiyot xodimlari va qariyalar uylarida yashovchilar va ishlovchilar emlanadi.
AQSHda Pfizer vaksinasi sinovlarida ishtirok etgan 6 kishi vafot etdi
Vafot etganlarning uch nafari 55 yoshdan oshgan edi. Ikki nafariga vatsina berilgan bo‘lsa, to‘rt kishiga platsebo berilgan. Ko‘ngillilarning sog‘ligida ba’zi muammolar bo‘lib, ular surunkali kasalliklardan aziyat chekishgan.
COVID-19`ning ikkinchi to‘lqinidan qochib bo‘lmaydi — SSV
Sog‘liqni saqlash vaziri Abduhakim Xadjibayev O‘zbekistondagi epidemiologik barqaror vaziyat hotirjamlikka berilish uchun asos bo‘la olmasligini aytdi. «Ko‘pgina boshqa mamlakatlar tajribasiga ko‘ra, COVID-19`ning ikkinchi to‘lqinidan qochib bo‘lmaydi, degan tushuncha mavjud. Buning uchun mamlakatda unga tayyorgarlik ko‘rish bo‘yicha ishlar olib borilmoqda», — dedi vazir.
Rossiyaning «Sputnik V» vaksinasi O‘zbekistonga olib kelindi
O‘zbekistonga Rossiyaning koronavirusga qarshi «Sputnik V» vaksinasi olib kelindi. Preparat namunalari O‘zbekiston hududida vaksinani ro‘yxatdan o‘tkazish va sanoat ishlab chiqarishni yo‘lga qo‘yish uchun zarur bo‘lgan sinovlar uchun yetkazildi.
Polshada ham COVID-19 bilan kasallanganlar soni 1 milliondan oshdi
Polshada oxirgi kun davomida 13 855 ta kasallanish holatlari aniqlanib, umumiy COVID-19 bilan kasallanganlar soni 1 milliondan oshdi. Avvalroq Germaniyada ham ushbu ko‘rsatkich milliondan oshgan edi. Hozirda dunyo bo‘yicha koronavirus bilan kasallanganlar soni 64,5 mln ga yetdi.
Qo‘shimcha imkoniyatlardan foydalanish uchun saytda ro‘yxatdan o‘ting