Koronavirus
Shavkat Mirziyoyev koronavirusga qarshi vaksina olgan
Prezident Shavkat Mirziyoyev koronavirusga qarshi to‘liq emlangan, deya ta’kidladi prezident matbuot kotibi Sherzod Asadov. Ammo u davlat rahbari qaysi vaksina bilan emlanmaganini aytmadi.
1 avgust kuni O‘zbekistonda 863 kishida koronavirus aniqlandi
Kecha kun davomida O‘zbekistonda 863 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, yakshanba kuni 498 kishida pnevmoniya qayd etildi, 3 nafar pnevmoniya bemori vafot etdi.
31 iyul kuni O‘zbekistonda 889 kishida koronavirus aniqlandi
Kecha kun davomida O‘zbekistonda 889 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, shanba kuni 512 kishida pnevmoniya qayd etildi, 3 nafar pnevmoniya bemori vafot etdi.
Ish beruvchi emlashdan bosh tortganni ishdan chetlashtirishi mumkin, ishdan bo‘shatishi emas — adliya vaziri
«Agarda fuqaro vaksina olishni rad qiladigan bo‘lsa, hech kim uning qo‘l-oyog‘ini bog‘lab, tibbiy muassasaga olib borib vaksina qilmaydi», — dedi adliya vaziri Ruslanbek Davletov. Uning ta’kidlashicha, fuqaro rad qilsa, huquqiy oqibatlari bo‘yicha mas’uliyatni o‘z zimmasiga olishi kerak bo‘ladi. U ish beruvchi esa emlanishni xohlamagan xodimini ma’lum muddat ishdan chetlashtirish va o‘sha davr uchun ish haqi to‘lamasligi mumkinligini aytib o‘tdi.
Senat majburiy profilaktik emlashlar to‘g‘risidagi o‘zgartishni ma’qulladi
Senatorlar aholining ayrim toifalarini majburiy profilaktik emlashni qonuniylashtirish hamda ish beruvchiga profilaktik emlashdan o‘tishni rad etgan (qarshi ko‘rsatma mavjud bo‘lmaganda) ishchini ishga qo‘ymaslik huquqini berishni ko‘zda tutgan o‘zgartishni ma’qulladilar.
Yana antirekord: 30 iyul kuni O‘zbekistonda 924 kishida koronavirus aniqlandi
30 iyul kuni O‘zbekistonda pandemiya boshidan beri eng ko‘p kunlik koronavirus holatlari aniqlandi: 924 nafar kishida ushbu infeksiya qayd etilgan. 8 nafar COVID-19 bemori vafot etdi. Shuningdek, juma kuni 559 kishida pnevmoniya qayd etildi, 4 nafar pnevmoniya bemori vafot etdi.
Isroil Pfizer`ning uchinchi dozasi bilan ommaviy emlashni boshladi
Isroilda 60 yoshdan oshganlarni COVID-19`ga qarshi Pfizer vaksinasining uchinchi dozasi bilan emlash ishlari boshlandi. Buning uchun fuqarolar kamida besh oy oldin ikki dozali kursni tamomlagan bo‘lishi kerak. Hozircha Isroil revaksinatsiyani boshlagan birinchi mamlakat hisoblanadi.
Navbatdagi antirekord: koronavirus bo‘yicha kunlik holatlar 900 ga yaqinlashdi
Kecha O‘zbekistonda 897 nafar kishida koronavirus infeksiyasi qayd etildi. 546 nafar kishida pnevmoniya aniqlanib, 7 nafar bemor vafot etdi.
Toshkentga 3 mln doza Moderna vaksinasi olib kelindi
O‘zbekistonga COVAX mexanizmi doirasida AQShdan 3 million doza Moderna vaksinasi olib kelindi. Ushbu vaksina butun mamlakat bo‘ylab 18 yoshdan oshgan fuqarolarni emlashda qo‘llaniladi. Kuzda AstraZeneca va Pfizer vaksinalarini yetkazib berish rejalashtirilgan.
1 noyabrga qadar aholining 70 foizini emlash rejalashtirilmoqda
1 noyabrgacha O‘zbekiston aholisining 70 foizini koronavirusga qarshi emlash rejalashtirilmoqda. Hozirga qadar respublika bo‘ylab 5,4% aholi infeksiyaga qarshi to‘liq emlangan. Eng yuqori ko‘rsatkichlar Namangan, Andijon, Jizzax va Farg‘ona viloyatlarida qayd etilgan.
O‘zbekistonga 1,2 mln doza Pfizer vaksinasi olib kelinadi
O‘zbekistonga koronavirusga qarshi yana 17,9 mln doza vaksina olib kelinishi rejalashtirilmoqda. Ular orasida Pfizer/Bio N Tech vaksinasining 1,2 mln dozasi olib kelinishi ham ko‘zda tutilgan.
O‘zbekistonda «Sputnik V» vaksinasini ishlab chiqarish qachondan boshlanadi?
Jurabek Laboratories tomonidan «Sputnik V» vaksinasining birinchi namunasi ishlab chiqilib, Gamaleya institutiga tekshirish uchun yuborilgan. Ijobiy javob olingach va Rossiyadan xom-ashyo keltirilgach, O‘zbekistonda «Sputnik V» vaksinasini quyish avgust o‘rtalarida boshlanishi mumkin. Jurabek Laboratories ishlab chiqarish direktorining ma’lum qilishicha, kompaniya birinchi bosqichda 2 mln doza «Sputnik V» va 10 mln doza xitoy-o‘zbek vaksinalarini ishlab chiqarishni rejalashtirgan.
Vaksina dozalari orasida 3 oydan ko‘p vaqt o‘tsa, qayta emlanish kerakligi aytildi
Koronavirusga qarshi vaksinaning birinchi dozasi olingandan so‘ng, ikkinchisini olgunga qadar 12 hafta (3 oy)dan ortiq vaqt o‘tsa, fuqaro revaksinatsiya qilinadi, deya ma’lum qildi SES boshlig‘i o‘rinbosari Botir Qurbonov.
Ombdusman majburiy emlash ortidan inson huquqlariga putur yetish yoki yetmasligiga oid savollarga javob berdi
17 iyulda O‘zbekiston Bosh davlat sanitariya vrachi qarori bilan 14 toifadagi fuqarolar koronavirusga qarshi majburiy emlanishi shart etib belgilandi. Oradan 11 kun o‘tib, quyi palata deputatlari majburiy emlashni qonuniylashtirishga oid qonun loyihasini ma’qullab, Senatga yubordi. «Gazeta.uz» so‘roviga binoan ombudsman Feruza Eshmatova majburiy emlash va uni qonuniylashtirish jarayoni, bu borada xalqaro norma va tajriba, faqat bir vaksina mavjudligi tufayli aholining tanlov huquqi buzilishi kabi savollarga javob berdi.
Yana antirekord: bir kunda 879 kishida koronavirus aniqlandi
Kecha O‘zbekistonda 879 nafar kishida koronavirus infeksiyasi qayd etildi. 529 nafar kishida pnevmoniya aniqlanib, 6 nafar bemor vafot etdi.
«Vaksina olganlar shifoxonadan 4 kunda chiqyapti, emlanmaganlarga juda og‘ir bo‘lyapti» — Shavkat Mirziyoyev
Shavkat Mirziyoyev olimlarning tadqiqotiga asoslanib koronavirus bilan kurash hali yana kamida 10 yil davom etishini ma’lum qildi. Uning so‘zlariga ko‘ra, shu sababdan «Sputnik V» va xitoy-o‘zbek vaksinalarini O‘zbekistonda ishlab chiqarish bo‘yicha muhokamalar bormoqda. Prezident fuqarolarni koronavirusga qarshi emlanishga chaqirdi. «Vaksina olganlarga shifoxonadan 4 kunda chiqyapti, emlanmaganlarga esa juda og‘ir bo‘lyapti», — dedi u.
O‘zbekistonda 5 iyuldan beri pnevmoniyadan 60 kishi vafot etdi
O‘zbekistonda 5 iyuldan beri 8723 nafar bemorlarda pnevmoniya aniqlangan bo‘lib, ularning 2770 nafari sog‘ayib chiqqan. Shu kungacha bemorlarning 60 nafari vafot etdi. Viloyatlar kesimida eng yuqori ko‘rsatkich Toshkent shahri (3240), Toshkent (1288) va Jizzax viloyatida (998) qayd etilgan.
1 sentyabrdan Rossiyaga tashrif buyuruvchi o‘zbekistonliklar maxsus mobil ilovadan foydalanishi kerak bo‘ladi
O‘zbekiston koronavirus pandemiyasi sharoitida fuqarolarning erkin harakatlanishi uchun yaratilgan «Puteshestvuyu bez COVID-19» («COVID-19`siz sayohat qilaman») ilovasiga qo‘shildi. 1 sentyabrdan boshlab ilovadan foydalanish Rossiyaga tashrif buyurayotgan o‘zbekistonliklar uchun majburiy bo‘ladi. Ilovada tahlil natijalarini ko‘rish uchun belgilangan laboratoriyalarda PZR-testini topshirish kerak bo‘ladi.
Yana antirekord: bir kunda 843 kishida koronavirus aniqlandi
Kecha O‘zbekistonda 843 nafar kishida koronavirus infeksiyasi qayd etildi. 556 nafar kishida pnevmoniya aniqlanib, 8 nafar bemor vafot etdi.
Vaksinadan bosh tortganlar ishdan chetlatilishi mumkin
Qonunchilik palatasi deputatlari ma’qullagan qonun loyihasiga ko‘ra, endilikda aholining ayrim qatlamlarini koronavirusga qarshi majburiy emlash hamda vaksina olmagan xodimni ishdan chetlatish mumkin bo‘ladi. Quyi palata vakillari ommaviy emlash koronavirusning yangi to‘lqinlarining oldini olishga yordam berishiga ishonmoqda. Qonun loyihasi Senat tomonidan ko‘rib chiqiladi.
Qo‘shimcha imkoniyatlardan foydalanish uchun saytda ro‘yxatdan o‘ting