Iqtisodiyot
Tijorat banklari 9 sentabr uchun dollar kursini yangiladi
O‘zbekiston Markaziy banki 9 sentabr kungi o‘zbek so‘mining AQSh dollariga nisbatan rasmiy kursini 10 977,60 so‘m etib belgiladi. Shunga ko‘ra, tijorat banklari ham o‘zlarining takliflarini o‘zgartirdi.
Avgust oyida aholi va tadbirkorlarning inflyatsion kutilmalari kamaydi. Asosiy sabablar
Avgust oyida aholi va tadbirkorlik subyektlarining inflyatsion kutilmalari pasaydi. Shuningdek, keyingi 12 oyda valyuta kursining o‘zgarishi, yoqilg‘i va transport narxlari qimmatlashishi, ish haqi va nafaqalarning oshishi kabi omillar narxlar oshishiga ta’sir etishi mumkinligi ta’kidlandi.
Dollarning rasmiy kursi pasaydi
AQSh dollarining so‘mga nisbatan rasmiy kursi 20,01 so‘mga arzonlab, 10 977,60 so‘m etib belgilandi. Yevro va rubl kurslari esa ko‘tarildi.
MB asosiy stavkani o‘zgartirmadi, biroq narxlar bilan bog‘liq xatarlardan ogohlantirdi
Markaziy bank kelgusi oylar uchun narxlarning o‘sishiga ta’sir qiluvchi xatarlarning saqlanib qolayotganini qayd etdi. Shuningdek, yil oxiriga qadar inflyatsiya bo‘yicha proznozlar o‘zgarishsiz qolmoqda. Eksport tushumlari va pul o‘tkazmalarining ortishi ichki valyuta bozorini muvozanatda ushlab turishi kutilmoqda.
To‘g‘ridan-to‘g‘ri investitsiyalar jamg‘armasi investitsiya kompaniyasiga aylantirildi
Prezident farmoni bilan to‘g‘ridan-to‘g‘ri investitsiyalar jamg‘armasi MCHJ boshqaruv shaklidagi investitsion kompaniyaga aylantirildi. Kuzatuv kengashiga investitsiyalar va tashqi savdo vaziri raislik qiladi.
Tijorat banklari 8-sentabr holatiga ko‘ra yangilangan dollar kursini e’lon qildi
O‘zbekiston Markaziy banki 8 sentabr kuni o‘zbek so‘mining AQSh dollariga nisbatan rasmiy kursini 10 997,61 so‘m etib belgiladi. Shundan kelib chiqib, tijorat banklari ham o‘zlarining dollarni sotish va sotib olish bo‘yicha yangi qiymatini e’lon qildi.
MB asosiy stavkani 15% darajasida o‘zgarishsiz qoldirdi
Markaziy bank asosiy stavkani yillik 15 foiz darajasida o‘zgarishsiz qoldirishga qaror qildi.
Chinoz NQIZni xususiylashtirish jarayoni boshlandi
Davlat aktivlarini boshqarish agentligi «Chinoz neftni qayta ishlash zavodi» ustav kapitalidagi 100 foizlik davlat ulushi sotilayotganini e’lon qilgandi. Xususiylashtirish bo‘yicha konsultant sifatida Mosaic Financial kompaniyasi tanlab olindi.
Dollarning rasmiy kursi ko‘tarildi
AQSh dollarining so‘mga nisbatan rasmiy kursi 26,39 so‘mga qimmatlab, 10 997,61 so‘m etib belgilandi. Yevro va rubl kurslari esa pasaydi.
O‘zbekistonda elektron pullar tizimi soni 15 taga yetdi
Markaziy bank tomonidan «ExMoney», «AIST» hamda «PAYNET WALLET» elektron pullar tizimlari faoliyatini tashkil etishga ruxsat berildi. Bu orqali O‘zbekistondagi elektron pul tizimlari soni 15 taga yetdi.
Hukumat budjet taqchilligi chegarasiga moslasha olmayapti
Birinchi yarim yillik yakunlariga ko‘ra, budjet taqchilligi YAIMga nisbatan 3,7% yoki 14,4 trln so‘mni tashkil etdi, deya ma’lum qildi moliya vaziri Timur Ishmetov. Bu ko‘rsatkich ruxsat etilgan chegaradan yuqori. Iyulda hukumat parlamentdan taqchillik chegarasini oshirishni so‘rashni rejalashtirgandi.
PMTI asosiy iste’mol tovarlari narxining o‘zgarishi aholi farovonligiga qanday ta’sir ko‘rsatganini tahlil qildi
Prognozlashtirish va makroiqtisodiy tadqiqotlar institutining tahliliga ko‘ra, aholi daromadlari dinamikasi benzin, propan, go‘sht kabi mahsulotlar narxiga nisbatan sekin o‘sganligi qayd etildi.
Buxorolik tadbirkorga hisoblangan soliq qarzdorligi biznes-ombudsman yordamida bekor qilindi
Buxoro shahrida tadbirkor o‘z faoliyatini to‘xtatish bo‘yicha shahar soliq inspeksiyasiga ariza taqdim etgan. Mazkur arizaga munosabat bildirilmasligi oqibatida qo‘shimcha soliq qarzdorligi paydo bo‘lgan. Tadbirkorning murojaatiga ko‘ra biznes-ombudsman hisoblangan 2 mln so‘mga yaqin qarzdorlikni bekor qildi.
Meva-sabzavotchilikni kreditlash bo‘yicha yangi tizim joriy qilinadi
Prezident ko‘rsatmasiga binoan sabzavot, dukkakli va moyli ekinlar bo‘yicha urug‘lik, o‘g‘it, yoqilg‘i, o‘simliklar himoyasi hamda aylanma mablag‘ uchun garovsiz kredit ajratish tizimi yo‘lga qo‘yiladi. Shuningdek, fermerlarga hosilni sug‘urtalash xarajatlarining 50 foizi davlat hisobidan qoplab beriladi.
O‘zbekiston Yangiobod va Chorkesardagi uran maydonlarini rekultivatsiya qilish uchun 7 mln yevro oladi
YeTTB O‘zbekistonga Yangiobod va Chorkesardagi uran maydonlarini rekultivatsiya qilish uchun 7 mln yevro grant ajratadi. 2023 yilda boshlanishi rejalashtirilgan ishlar eski uran konlarini yopish, ifloslangan sanoat inshootlarini demontaj qilish, drenaj kanallarini rekonstruksiya qilish va boshqalarni o‘z ichiga oladi.
OTB O‘zbekistonga $150 mln kredit va $3 mln grant ajratadi
Osiyo taraqqiyot banki O‘zbekistonga oziq-ovqat xavfsizligi va suv resurslarini boshqarishni yaxshilash uchun 150 mln dollar kredit va 3 mln dollar grant ajratadi. Loyiha hukumatning yuqori qiymatli ekinlarni yetishtirishga o‘tish va iqlim o‘zgarishiga moslashish bo‘yicha ustuvor yo‘nalishlarini qo‘llab-quvvatlaydi.
Moskva birjasi sentabrdan o‘zbek so‘mida savdo qilishni boshlaydi
12 sentabrdan Moskva birjasi valyuta bozorida «o‘zbek so‘mi — Rossiya rubli» valyuta juftligi savdolari boshlanadi.
2022-yilda ishbilarmon xotin-qizlarni qo‘llab-quvvatlashga qo‘shimcha 1 trln so‘m ajratiladi
2022-yilda xotin-qizlarning tadbirkorligini rivojlantirish uchun qo‘shimcha 1 trillion so‘m ajratiladi, deya ma’lum qildi Oila va xotin-qizlar qo‘mitasi. Shuningdek, soha rivoji uchun xalqaro moliya institutlaridan $300 mln jalb etilishi rejalashtirilmoqda.
Yaponiya meva-sabzavotchilik sohasini rivojlantirish uchun O‘zbekistonga qo‘shimcha $200 mln ajratadi
Yaponiya xalqaro hamkorlik agentligi «Meva-sabzavotchilik tarmog‘ida qo‘shilgan qiymat zanjiri yaratishni rivojlantirish» loyihasi doirasida qo‘shimcha $200 mln ajratadi. Mablag‘lar fermer xo‘jaliklari, kichik biznes va xususiy tadbirkorlarni qo‘llab-quvvatlash maqsadida mahalliy tijorat banklariga yo‘naltiriladi.
2022-yilda YAIM 5,77 foizga o‘sishi prognoz qilinmoqda
2022-yil uchun yalpi ichki mahsulotning real o‘sish sur’ati 5,77 foiz darajasida prognoz qilinmoqda. Uchinchi chorakda YAIMning taxminiy haftalik ijobiy tendensiyalari o‘sish sur’atini yiliga kamida 0,68 foizga oshirishi kutilmoqda.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonlik kara haydovchilari Slovakiyaga ishga taklif qilinmoqda
- Inbazar do‘konlarida 1 emas, 44 nafar xodim rasman ishlayapti — DSQ
- Soliq qo‘mitasi “to‘lovlar”ni jo‘natishdagi muammolarga izoh berdi
Qo‘shimcha imkoniyatlarga ega bulish uchun saytda ro‘yxatdan o‘ting