Iqtisodiyot
Markaziy bank yangi namunadagi 50 ming so‘mlikda xato borligini tan oldi
Markaziy bank 50 ming so‘mlik banknot namunasining old tomonida «Al-Hakim at-Termiziy» maqbarasi tasviri tushirilgani, ammo maqbara nomi «Abu Iso at-Termiziy» deb yozilganligini tan oldi va befarq bo‘lmagan barchaga minnatdorchilik bildirdi. MB ushbu yangi ko‘rinishdagi pullar emissiya qilinmagani, hozirda xatolik bartaraf etilayotganini qo‘shimcha qildi.
Omikron, inflyatsiya, oziq-ovqat narxlari va Xitoy — Bloomberg 2022 yil iqtisodiy o‘sish uchun eng yirik xatarlarni ma’lum qildi
Bloomberg tahlillariga ko‘ra, 2022 yilda iqtisodiy o‘sish uchun eng yirik xavf-xatarlar — omikron, keskin inflyatsiya, AQSh Federal rezerv banki asosiy stavkalarining o‘sishi, Xitoyning tanazzul yoqasidagi gigant kompaniyasi Evergrande, Tayvan, rivojlanayotgan bozorlar inqirozi, Brexit muzokaralari, yevrozona inqirozi, Yaqin Sharqdagi oziq-ovqat narxlarining ko‘tarilishi bo‘lishi mumkin.
«O‘zbekneftgaz» shoxobchalarida «AI-80» benzini 6500 so‘mgacha arzonlashtirildi
Juma kunidan «O‘zbekneftgaz» kompaniyasiga qarashli respublikadagi barcha yoqilg‘i quyish shoxobchalarida «AI-80» markali benzin narxi 6500 so‘mgacha arzonlashtirildi.
Gidroenergetikani rivojlantirish dasturi tasdiqlandi
Prezident qarori bilan respublikada gidroenergetikani rivojlantirish dasturi tasdiqlandi. Unga ko‘ra, 2030 yilda respublikadagi gidroelektr stansiyalari quvvatini 3416 MVtga yetkazish rejalashtirilmoqda. Shuningdek, xususiy investorlar quvvati 1 MVtgacha bo‘lgan quyosh, shamol va biogaz hamda 5 MVtgacha bo‘lgan gidroelektr stansiyalarida ishlab chiqarilgan elektr energiyasini yagona energetika tizimiga ulanmagan holda iste’molchilarga to‘g‘ridan-to‘g‘ri yetkazib berish huquqiga ega bo‘ldi.
Osiyo taraqqiyot banki O‘zbekistonga 162 mln dollarlik kredit ajratadi
Osiyo taraqqiyot bankining 162 mln dollarlik loyihasi doirasida Buxoro, Miskin, Urganch va Xiva shaharlarini bog‘lovchi 465 kilometrlik temir yo‘l liniyasi elektrlashtiriladi. «Buxoro-Xiva» liniyasining elektrlashtirilishi yillik yo‘lovchi tashish hajmini 2026 yilga kelib uch yarim barobardan ziyodga oshiradi. Loyiha natijasida yillik yuk tashish hajmi 2026 yilda jami 11,8 million tonnaga yetishi kutilmoqda.
G‘afur G‘ulom bog‘ini investorga berish masalasi qayta ko‘rib chiqiladi — Jahongir Ortiqxo‘jayev
Toshkent shahar hokimi Jahongir Ortiqxo‘jayev G‘afur G‘ulom bog‘ini 49 yilga ijaraga olgan investor o‘ziga yuklatilgan vazifalarni bajarmaganini ma’lum qildi. U bog‘ni ijaraga berish masalasi qayta ko‘rib chiqilishini aytdi.
50 ming va 100 ming so‘mlik yangi banknotalar 22 dekabrdan muomalaga chiqariladi
Yangi ko‘rinishdagi 50 ming so‘m va 100 ming so‘m bo‘lgan banknotlar 22 dekabridan muomalaga chiqarilishi ma’lum qilindi. Ushbu yangi banknotalar 2017 yil namunasidagi 50 ming so‘mlik va 2019 yil namunasidagi 100 ming so‘mlik banknotlar bilan parallel ravishda muomalada bo‘ladi.
Senat 2022 yilgi davlat budjetini ma’qulladi
Senat 2022 yilgi davlat budjetini ma’qulladi. Unga ko‘ra, kelgusida yilda mamlakat YAIM o‘sish sur’atlari 6 foiz, inflyatsiya esa 9 foiz atrofida bo‘lishi kutilmoqda. Davlat budjetidan ijtimoiy sohaga jami 74,6 trln ajratilishi ko‘zda tutilgan.
Dollarning rasmiy kursi besh kunlik o‘sishdan so‘ng pasaydi
Dollarning so‘mga nisbatan rasmiy kursi 14,85 so‘mga pasayib, 10 830,15 so‘m etib belgilandi. Shuningdek, yevro va rubl kurslari ham pasaydi.
Davlat budjeti xarajatlarini bir yil ichida uchinchi marta oshirish ma’qullandi
Qonunchilik palatasi yil davomida uchinchi marta davlat budjeti xarajatlarini oshirishni ma’qulladi. Ta’lim, sog‘liqni saqlash, qishloq xo‘jaligi, eksport sohalarini qo‘llab-quvvatlash, ichimlik suvi ta’minotini yaxshilash va boshqa sohalar uchun 2,2 trln so‘m ajratilmoqda. Tuzatishlar uch o‘qishdayoq qabul qilindi.
Noyabrda aholi va tadbirkorlik subyektlarining inflyatsion kutilmalari keskin oshdi. Bunga nima sabab bo‘ldi?
Kelgusi 12 oy uchun aholi va tadbirkorlik subyektlarining inflyatsion kutilmalari mos ravishda 16,5 foiz va 15,6 foizgacha oshdi. Respondentlar yoqilg‘i narxlarining oshishi va so‘mning qadrsizlanishini umumiy narxlar darajasining kutilayotgan o‘sishiga ta’sir etuvchi asosiy omil sifatida keltirmoqda.
Mehnat migrantlari daromadlari ikki tomonlama soliqqa tortilmasligi mumkin
«Tashqi mehnat migratsiyasi to‘g‘risida»gi qonun loyihasi Qonunchilik palatasida birinchi o‘qishda qabul qilindi. Qonun loyihasida mehnat migrantlarining daromadlari ikki tomonlama soliqqa tortilmasligi belgilanmoqda.
Dollarning rasmiy kursi ketma-ket beshinchi kun ko‘tarildi
Dollarning so‘mga nisbatan rasmiy kursi 18,71 so‘mga ko‘tarilib, 10 845 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
Hindiston Eksimbanki O‘zbekistonga ta’lim sohasidagi loyihalarni moliyalashtirish uchun 448 mln dollar ajratadi
Hindiston Eksimbanki tomonidan O‘zbekistonda infratuzilmaviy rivojlanish va ta’lim sohalarida loyihalarni moliyalashtirish uchun 448 mln dollar miqdorida mablag‘lar ajratilishi ma’lum qilindi.
«Farg‘onaazot» AJning 99,02% aksiyalari sotuvga qo‘yiladi
Davlat aktivlarini boshqarish agentligi «Farg‘onaazot» aksiyadorlik jamiyati ustav kapitalidagi 99,02 foiz aksiya paketlarini sotish rejasini ma’lum qildi. Deloitte TCF LLP — ushbu xususiylashtirish jarayoni bo‘yicha agentligining yetakchi maslahatchisi/ Xalqaro moliya korporatsiyasi ham ushbu jarayonga yordam beradi.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 18,81 so‘mga ko‘tarilib, 10 826,49 so‘m etib belgilandi. Shuningdek, yevro va rubl kurslari ham ko‘tarildi.
Toshkent shahridagi harbiy shaharcha auksion orqali 266,4 mlrd so‘mga sotildi
Chilonzor tumanidagi boshlang‘ich narxi 204 mlrd so‘mga baholangan harbiy shaharcha onlayn savdo orqali 266,4 mlrd so‘mga sotildi. Auksionda 2 dekabr kuni tashkil etilgan «Do'mbrobod city group» kompaniyasi g‘olib bo‘lgan.
Savdoni erkinlashtirmoqchimizmi yoki teskarisi?
Hukumat qarori bilan import tovarlarga nisbatan tarif kvotalarini qo‘llash tartibi nizomi tasdiqlandi. Kvotalar Investitsiyalar va tashqi savdo vazirligi tomonidan import qiluvchilar o‘rtasida taqsimlanadi. Iqtisodchi Mirkomil Xolboyev ushbu qarorning salbiy oqibatlari, tarif kvotalarining iqtisodiyotga ta’siri va hukumatning kvotalardan ko‘zlagan maqsadi haqida «Gazeta.uz» uchun maqolasida fikr yuritadi.
Yer, suv resurslaridan foydalanganlik uchun hamda aksiz soliqlari o‘rtacha 10 foizga o‘sishi mumkin
Deputatlar muhokama qilayotgan Soliq kodeksiga o‘zgartish va qo‘shimchalar kiritish to‘g‘risidagi qonun loyihasiga muvofiq, yer solig‘i, suv resurslaridan foydalanganlik uchun soliq hamda aksiz solig‘i stavkalari o‘rtacha 10 foizga o‘sishi kutilmoqda.
OTB O‘zbekistonda kichik va o‘rta biznesni rivojlantirish uchun $100 mln kredit ajratadi
Osiyo taraqqiyot banki O‘zbekistonda kichik va o‘rta biznes faoliyatini kengaytirish va ular uchun qulay muhitni yaratish maqsadida 100 mln dollar kredit ajratadi. Bunda kredit OTB maxsus dasturining birinchi kichik qismini moliyalashtirishga yo‘naltiriladi va 20 mln dollar ekvivalentidagi mablag‘ so‘mda taqdim etiladi.
Eng ko‘p o‘qilgan xabarlar | So‘nggi yangiliklar
- O‘zbekistonda dollarning rasmiy kursi ilk bor 13 000 so‘mdan oshdi
- Yanvarda O‘zbekistonda foydalanilgan avtomobillar narxi pasayishda davom etdi
- O‘zbekistonda elektromobillar uchun utilizatsiya yig‘imi: ekologik chorami yoki savdoga to‘siq?
- Iqtisodiyotni ko‘tarish emas, ko‘tarilishiga xalal bermaslik kerak — Botir Qobilov
Qo‘shimcha imkoniyatlardan foydalanish uchun saytda ro‘yxatdan o‘ting