Ipoteka krediti olishda qarindosh bo‘lmagan fuqarolar kafilligiga ham ruxsat beriladi
O‘zbekistonda ipoteka krediti va subsidiya olishda uy-joy maydoni va narxi bilan bog‘liq cheklovlar bekor qilinadi. Ehtiyojmand aholiga dastlabki badalning bir qismini qoplash uchun 32 mln so‘m subsidiya to‘lanadi. Shuningdek, ipoteka krediti olishda qarindosh bo‘lmagan fuqarolarning kafilligiga ham ruxsat beriladi.
Toshkentda kuchli ta’sir qiluvchi dorilarni sotayotgan dorixonachilarga jinoyat ishi qo‘zg‘atildi
Toshkentda katta miqdordagi «Tropikamid», «Zardeks» va boshqa kuchli ta’sir qiluvchi dori vositalarini noqonuniy sotayotgan dorixona xodimlariga nisbatan jinoyat ishi qo‘zg‘atdi.
Toshkent dunyoning eng arzon shaharlari ro‘yxatida uchinchi o‘rinni egalladi
The Economist jurnali reytingida Toshkent Damashq va Tripoli bilan dunyoning eng arzon shaharlari uchligidan joy oldi. Reytingni tuzishda 200 ta tovar va xizmatlar narxi Nyu-York bilan solishtirilgan.
Jamoat xavfsizligini ta’minlovchi subyektlar vazifalari belgilab berildi
O‘zbekistonda jamoat xavfsizligini ta’minlovchi subyektlar — hukumat, IIV, Milliy gvardiya, FVV, DXX, Bosh prokuratura, AKT vazirligi, Mahalla va oilani qo‘llab-quvvatlash vazirligi, SSV, mahalliy davlat hokimiyati organlari vazifalari belgilab berildi.
Toshkent viloyatida korxona xodimlari qariyb 490 mln so‘mni talon-toroj qilgani aniqlandi
Bosh prokuratura huzuridagi Departament Toshkent viloyatidagi korxonaning xodimlari savdodan tushgan 489,7 mln so‘mni o‘zlashtirganligini aniqladi. Holat yuzasidan jinoiy ish qo‘zg‘atildi.
O‘zbekiston jamoat xavfsizligi konsepsiyasi tasdiqlandi
Prezident Shavkat Mirziyoyev farmoni bilan O‘zbekiston jamoat xavfsizligi konsepsiyasi tasdiqlandi. Unda jamoat xavfsizligini ta’minlashning umumiy qoidalari, konsepsiyani amalga oshirish mexanizmlari, kutilayotgan natijalar va boshqalar o‘rin olgan.
DXX Toshkentdagi narkolaboratoriya faoliyatiga chek qo‘ydi
Davlat xavfsizlik xizmati Toshkentda mefedron moddasini ishlab chiqaruvchi narkolaboratoriya faoliyatiga chek qo‘ydi. Ijaraga olingan 3 ta xonadondan sintetik narkotik moddasi va uskunalar olib qo‘yilgan. Internet orqali narkotik savdosi bilan shug‘ullanuvchi guruh a’zolaridan bitkoin ko‘rinishida jamg‘arilgan 133,7 ming dollar musodara qilindi. Shuningdek, narkotiklar chet eldan elektrosamokatlarda olib kirilgani aniqlandi.
Andrey Kanchelskis «Navbahor» to‘lashi kerak bo‘lgan kompensatsiya tufayli unga tahdid bo‘lganini aytmoqda
«Navbahor»ning sobiq murabbiyi Andrey Kanchelskis noma’lum shaxslar unga tahdid qilib, klub to‘lashi kerak bo‘lgan 1,6 mln yevro kompensatsiyani kamaytirishni so‘rashganini ma’lum qildi. Klub bu «uydirma va bo‘hton» bo‘lishi mumkinligini ta’kidlab, holatni Xalqaro Sport arbitraj sudida «o‘zini oqlash uchun qilinayotgan bo‘lishi mumkin» deya ta’rifladi.
Plastik kartalardan pul yechib olinishi holatlari ko‘paymoqda. Bunga karta egalarini identifikatsiya qilish bilan bog‘liq muammo sabab bo‘lishi mumkin
Ko‘plab ijtimoiy tarmoq foydalanuvchilari ularning xabarisiz plastik kartalaridan pul yechib olinayotgani haqida shikoyat qilishmoqda. Markaziy bank mas’ullari bunga mijozlarni identifikatsiya qilishning imkoni bo‘lmagani sabab bo‘lishi mumkinligini ta’kidlashmoqda. Bunday hollarda mijozlarning kartasidagi mablag‘ «harakatsiz» (spyaiy) hisobraqamga olinadi.
Qarshida talaba qiz o‘zini texnikum yotoqxonasidan tashlab yubordi
Qarshidagi medtexnikumda tahsil oluvchi talaba qiz o‘zini yotoqxonaning 4-qavatidan tashlab, vafot etdi. Uning o‘limi sabablari va ishga aloqador bo‘lgan boshqa holatlarga aniqlik kiritish maqsadida sud-tibbiy ekspertizasi tayinlandi.
Jahon yangiliklari dayjesti
Bishkekda muxolifatchi partiya yetakchisiga hujum uyushtirilgani, AQShda maktabda sodir bo‘lgan otishmada uch o‘quvchi halok bo‘lgani, Moskva COVID-19'ga qarshi kurashda innovatsiyalar bo‘yicha Yevropada birinchi o‘rinni egallagani, Nur-Sultonda olti nafar O‘zbekiston fuqarosini qullikka sotgan shaxs qo‘lga olingani, Qozog‘istonda Nursulton Nazarboyev tasvirlangan yangi banknotalar muomalaga chiqarilishi va boshqa yangiliklar — «Gazeta.uz»ning jahon yangiliklari dayjestida.
1 dekabr kuni O‘zbekistonda sodir bo‘lgan eng muhim xabarlar dayjesti
Haydovchilarga quloqchin yoki bluetooth orqali telefondan foydalanishga ruxsat etilgani, O‘zbekiston 10 ta davlat bilan xalqaro aviaqatnovlarni to‘xtatgani, o‘zbekistonliklarga «Umra» safarini ado etishga ruxsat berilishi kutilayotgani, noyabr oyida inflyatsiya 1,2%ni tashkil qilgani, avtomobilning old qismiga monitor o‘rnatganlik uchun jarima bekor qilingani — «Gazeta.uz»ning 1 dekabrdagi eng muhim xabarlari dayjestida.
Avtomobilda quloqchin va garnituralarsiz telefonda gaplasha olmaysiz — Adliya vazirligi
Adliya vazirligi bugun e’lon qilingan qonunga tushuntirish berdi. Unda aytilishicha, haydovchilar telefonda faqat bluetooth, quloqchin va boshqa garnituralar orqali gaplasha oladi, lekin telefonning o‘zidan foydalana olmaydi.
Eng ko‘p chakana savdo Toshkent shahrida amalga oshirilgan
Respublika hududlari kesimida kichik tadbirkorlik subyektlarining eng ko‘p chakana savdo tovar aylanmasi hajmi bo‘yicha, joriy narxlarda yalpi ichki mahsuloti hajmi bo‘yicha va tashqi savdo aylanmasi yuqoriligi bo‘yicha ham Toshkent shahri yuqori o‘rinni egallagan. Tovarlar eksport-importi bo‘yicha eng past ko‘rsatkich esa Surxondaryo viloyatiga to‘g‘ri kelgan.
Qozog‘istonda Nursulton Nazarboyev tasvirlangan yangi banknotalar muomalaga chiqariladi
Qozog‘istonda Milliy bank tomonidan davlat mustaqilligining 30 yilligi munosabati bilan Nursulton Nazarboyev surati tushirilgan, nominal qiymati 20 ming tenge bo‘lgan banknotalarni muomalaga chiqaradi. Shu bilan birga, 2015 yil namunasidagi nominal qiymati ushbu miqdorda bo‘lgan to‘lov vositalari ham qonuniy bo‘lib qoladi. Pullar dekabr oyining birinchi o‘n kunligida muomalaga chiqariladi.
O‘zbekiston bank tizimi: umumiy holat va istiqbollar
Markaziy bank raisi o‘rinbosari Abrorxo‘ja Turdaliyev O‘zbekiston bank tizimi holati haqida umumiy ma’lumot berib, uni rivojlantirishning istiqbolli bosqichlarini ma’lum qildi. Unga ko‘ra, dollarlashuv darajasini pasaytirish maqsadida Moliya vazirligi huzurida xedj-fond tashkil etilmoqda, valyuta kreditlarini jalb qilishda esa «ehtiyotkorlik siyosati» olib boriladi. 2025 yilda bank sektoridagi hukumat ulushini 40 foizgacha kamaytirish rejalashtirilgan.
Avtomobilning old qismiga monitor o‘rnatganlik uchun jarima bekor qilindi
Transport vositasi salonining old qismiga monitor o‘rnatganlik uchun javobgarlik bekor qilindi. Biroq, harakat vaqtida ulardan dasturlarni tomosha qilishda foydalanish taqiqlanganicha qolmoqda.
Dollarning rasmiy kursi yana pasaydi
Dollarning so‘mga nisbatan rasmiy kursi 12,49 so‘mga pasayib, 10 776,49 so‘m etib belgilandi. Shuningdek, yevro kursi ham pasaydi, rubl kursi esa ko‘tarildi.
Turin politexnika universiteti talabasi o‘ldirilgan voqea tafsilotlari ochiqlandi
Poytaxt IIBB Turin politexnika universitetining 18 yoshli talabasi o‘ldirilishiga oid voqea tafsilotlari yuzasidan ma’lumot berdi. Voqea aslida muassasaning 1 kurs talabalari o‘rtasidagi mojaroga aralashish oqibatida kelib chiqqani aytilmoqda. Talabaning o‘limi yuziga tushgan zarba va buning oqibatida miyada qon quyilishi sabab bo‘lgan. Gumonlanuvchi 10 yilgacha ozodlikdan mahrum etilishi mumkin.
O‘zbekistonda madaniy meros obyektlarini restavratsiya qilish bo‘yicha ilk laboratoriya tashkil etildi
O‘zbekiston madaniyati tarixi davlat muzeyi qoshida arxeologik topilmalarni o‘rganish va tiklash bo‘yicha bo‘yicha birinchi laboratoriya ishga tushirildi. Loyiha Koreya Respublikasi bilan hamkorlikda amalga oshirilmoqda.
Qo‘shimcha imkoniyatlardan foydalanish uchun saytda ro‘yxatdan o‘ting