Dunyo bo‘yicha COVID-19 bilan kasallanganlar soni 80 mln dan oshdi
Dunyo bo‘yicha koronavirus bilan kasallanganlar soni 80 mln dan oshdi. COVID-19 dan tuzalganlar soni 45,1 mln dan oshgan bo‘lib, vafot etganlar soni esa 1,75 mln dan ko‘proqni tashqil qilmoqda. Eng ko‘p zararlanganlar AQSH, Hindiston va Braziliya mamlakatlariga to‘g‘ri kelmoqda.
Prezident 2021 yil uchun Davlat byudjetini tasdiqladi
Shavkat Mirziyoyev 2021 yil uchun O‘zbekiston Respublikasining Davlat byudjeti to‘g‘risidagi Qonunni imzoladi. Qonun bilan 2021 yil uchun respublika byudjetidan birinchi darajali byudjet mablag‘larini taqsimlovchilarga ajratiladigan mablag‘larning cheklangan miqdorlari tasdiqlandi.
Sergeli tumanida ikkita yirik ko‘chani tutashtiruvchi ko‘prik foydalanishga topshirildi
Prezident Shavkat Mirziyoyev Sergeli tumani Qipchoq ko‘chasida qurilgan ko‘prikni ko‘zdan kechirdi. Ushbu ko‘prikning uzunligi 772 metr bo‘lib, u Toshkentdagi ikkita yirik ko‘cha — Yangi Sergeli aylanma yo‘li bilan Xalqa yo‘lini bog‘laydi.
Toshkent metropolitenining Sergeli yo‘nalishi ochildi
Prezident Shavkat Mirziyoyev bugun Toshkent metropolitenining Sergeli yo‘nalishini borib ko‘rdi. Ushbu metro yo‘nalishining uzunligi 7 kilometrni tashkil qilib, beshta bekatdan iborat. Ushbu yo‘nalishda kuniga 35 mingtagacha odam qatnashi mumkin. Ushbu yo‘nalish 26 dekabr soat 16:00 dan boshlab xizmat ko‘rsata boshladi.
Qirg‘izistondagi zilzila O‘zbekistonda ham sezildi
Toshkent vaqti bilan 15:28 da Qirg‘izistonda zilzila sodir bo‘ldi. Zilzila O‘zbekistonning bir qator shaharlarida ham sezildi.
Yolg‘on axborot tarqatgan shaxslar 22 mln so‘mgacha jarimaga tortilishi mumkin
Prezident tomonidan imzolangan ayrim kodekslarga o‘zgartish va qo‘shimchalar kiritishni nazarda tutuvchi qonunga ko‘ra, agar tarqatilgan yolg‘on axborot jamoat tartibiga yoki xavfsizligiga tahdid solsa uni tarqatgan shaxs BHMning 100 baravarigacha (22 mln 300 ming so‘m) jarimaga tortilishi mumkin.
Turkiyaga kirishda yangi qoidalar o‘rnatildi
Turkiya Sog‘liqni saqlash vazirligi kelgusi yilning 1 martiga qadar mamlakatga kirishda yangi qoidalar joriy etdi. Xorijdan kirib kelayotgan fuqarolar uch kun ichida olingan salbiy PZR-test ma’lumotnomasiga ega bo‘lishi kerak. Ma’lumotnomasi bo‘lmaganlar bir haftalik karantinga olinadi.
Samarqandda to‘qnashuv oqibatida avtobus ag‘darildi
Samarqand shahrida yo‘lovchi tashuvchi avtobus va Niva rusumli transport vositalari ishtirokida to‘qnashuv sodir bo‘lib, avtobus ag‘darildi. Avtobusda yo‘lovchilar bo‘lmagan, haydovchisi esa shifoxonaga yotqizilgan.
Nima tayyorlaymiz: yangi yil uchun salatlar
Zira.uz yangi yil dasturxoni uchun siz bilgan va bilmagan salat retseptlari hamda noodatiy bezash usullarini taqdim etadi.
Jizzaxda hokimning qiziga tegishli kompaniyaning 2 mlrd so‘mlik loyihalarni qo‘lga kiritgani o‘rganilmoqda
Korrupsiyaga qarshi kurashish agentligi Jizzax viloyatida ta’sischilari orasida viloyat hokimining qizi ham bo‘lgan kompaniya ko‘chalarni ko‘kalamzorlashtirish bo‘yicha ikkita tanlovda g‘olib chiqqani bilan bog‘liq holatni o‘rganishini ma’lum qildi.
Mehnat migrantlariga Rossiyada ishlash uchun «patent» olish osonlashadi
O‘zbekistonlik mehnat muhojirlariga Rossiyada ishlash uchun ruxsat (patent) olishni soddalashtirishga erishildi. Unga ko‘ra, Toshkentda migrantlarga ruxsatnoma berish xizmatini ko‘rsatuvchi Rossiyaning tegishli tashkilotlari filiallari ochiladigan bo‘ldi.
Shavkat Mirziyoyev yoshlar bilan uchrashdi
Prezident Shavkat Mirziyoyev birinchi marta o‘tkazilayotgan O‘zbekiston yoshlari forumiga tashrif buyurib, nutq so‘zladi. Davlat rahbari o‘z nutqida Uchinchi Renessans, yosh volontyorlar faoliyati, yoshlar bilan ishlash bo‘yicha Toshkent tajribasi, «Yoshlar: 1+1» dasturi, Yoshlar kichik sanoat zonalari, «Yoshlar murojaati» elektron platformasi, tadbirkorlikka o‘qigan yoshlarga 4 foizlik kreditlar, yosh oilalarni uy-joy bilan ta’minlash va boshqa mavzularga to‘xtaldi.
4 yanvardan pasport o‘rniga ID-kartalar beriladi
Ichki pasport o‘rnini egallashi kutilayotgan shaxsni identifikatsiyalovchi ID-kartalar 4 yanvardan berila boshlanadi. Uni olish uchun hech qanday maxsus hujjatlar talab etilmaydi, faqat pasport, ariza va davlat boji to‘lovi talab etiladi.
Voyaga yetmaganlarni majburlab ishlatganlar 5 yilgacha muddatga qamalishi mumkin
Voyaga yetmaganlarni majburiy mehnatga jalb qilganlik uchun jazoni keskinlashtirishga oid qonun loyihasi muhokamaga qo‘yildi. Shuningdek, voyaga yetmaganlarni g‘ayriqonuniy jamoat birlashmalari va diniy tashkilotlar faoliyatida qatnashishga undaganlarni og‘ir holatda 5 yilgacha ozodlikdan mahrum qilish taklif etilmoqda.
«Sardoba ishi» bo‘yicha yopiq sud jarayoni boshlandi
21 dekabr kuni sudlanuvchilar M. Xolmatov va boshqalar (jami 17 kishi) ga nisbatan jinoyat ishini ko‘rib chiqish bo‘yicha yopiq sud jarayoni boshlandi.
Qonunga zid izohlar uchun javobgarlik joriy qilindi
OAV va bloglarda qoldirilgan izohlar uchun javobgarlik joriy etilmoqda. AOKA qonunga zid izohlar haqida resurs egasi va blogerlarni ogohlantiradi, 24 soat ichida izohlar o‘chirilmasa, sudga murojaat qilishi mumkin.
Dam olish kunlari qor yog‘ishi kutilmoqda
Dam olish kunlari harorat pasayadi va yakshanba kuni 3 daraja, sovuq -2 daraja iliq atrofida bo‘ladi. Yakshanba kuni yog‘ingarchilik bo‘ladi, u sovuq fonda qor ko‘rinishida davom etadi. Ayrim hududlarida shamol 15−20 m/s gacha kuchayishi kutilmoqda.
Andijon viloyatida 738 mln so‘mlik pirotexnika va tropikamid musodara qilindi
Andijonda yuk mashinasida umumiy qiymati 738 mln so‘m bo‘lgan pirotexnika mahsulotlari va «Tropikamid» preparati noqonuniy olib ketilayotgani aniqlandi.
Samarqandda tezyurar avtobuslar ishga tushiriladi
2021 yil sentyabr oyiga qadar Samarqand shahrida tezyurar avtobus liniyasini ishga tushirish rejalashtirilmoqda. 12 kilometrlik uzoqlikdagi liniya uchun Xitoydan katta sig‘imga ega avtobuslar sotib olinishi ko‘zda tutilmoqda.
Jizzax shahrini manzarali daraxtlar va gullar bilan bezash uchun 2 mlrd so‘m sarflangan
Jizzax viloyati hokimligi Yagona buyurtmachi xizmati injiniring kompaniyasi noyabr oyida Jizzax shahri ko‘chalarini ko‘rkamlashtirish maqsadida daraxtlar va gullar ekish uchun buyurtmachilarni tanlab olish maqsadida e’lon qilgan tanlovda My Flower MCHJ yutgan. Mablag‘lar viloyat hokimi Saliyev Ergash farmoyishi bilan mahalliy byudjetning oshirib bajarilgan qismidan ajratilgan. Ma’lum bo‘lishicha, sub’ektining 50,80% ulushi Saliyeva Nargiza Ergashevnaga tegishli.
Qo‘shimcha imkoniyatlarga ega bulish uchun saytda ro‘yxatdan o‘ting