Badbo‘y hid tufayli beshta charm sanoat korxonasi Toshkent tashqarisiga ko‘chiriladi
Hukumat qarori loyihasi bilan Sergeli tumanida yoqimsiz hid tarqalishiga sababchi bo‘lgan korxonalarning lokal tozalash inshootlarida rekonstruksiya qilish hamda beshta charm sanoat korxonasini Toshkentdan tashqariga ko‘chirish rejalashtirilmoqda. Avvalroq, tumanning Bo‘zsuv kanaliga turli korxona va tashkilotlar tomonidan oqova suvlar va chiqindilar oqizilayotgani xabar qilingan edi.
O‘zbekiston Dominika bilan diplomatik aloqalarni yo‘lga qo‘ydi
Dominika O‘zbekiston diplomatik munosabatlar o‘rnatgan 137-mamlakat bo‘ldi. Nyu-Yorkda ikki mamlakat vakillari qo‘shma bayonotga imzo chekdi.
Toshkent hokimi bo‘sh turgan binolar egalariga penya joriy etish taklifini bildirdi
Toshkentda o‘tkaziladigan tajriba doirasida bo‘sh turgan binolarning egalariga penya joriy etish rejalashtirilmoqda. Gap olti oy mobaynida mol-mulkdan foydalanilmagan yoki ijaraga berilmagan taqdirda penya hisoblash haqida ketmoqda. Poytaxt hokimi Jahongir Ortiqxo‘jayev tadbirkorlar kredit olganidan ko‘ra, ijaraga bino olib, o‘z faoliyatlarini boshlagani ma’qul deb hisoblaydi.
«Hech kimning bunga aralashishiga haqqi yo‘q». IIV «soqol» tadbiri bo‘yicha xabarni inkor etdi
IIV matbuot kotibi Shohrux G‘iyosov ichki ishlar organlari «soqol» tadbirini o‘tkazayotgani haqidagi xabarlarni rad etdi. Internetda IIO xodimlariga soqol qo‘ygan fuqarolarni aniqlash va ularni soqol olishdan oldin va keyin suratga olish bo‘yicha ko‘rsatmalar aytilgan audioyozuv tarqaldi.
Respublika onkologiya markazi uchun yangi bino quriladi
Prezident Shavkat Mirziyoyev Janubiy Koreya tajribasi asosida Toshkent tibbiyot akademiyasi klinikasining bo‘sh turgan hududida Respublika onkologiya markazining yangi binolarini barpo etish bo‘yicha topshiriq berdi. Har bir hududga mobil mammograflar va pozitron-emission tomograflar yetkazib berilishi qayd etildi. Saraton kasalliklarini erta aniqlaydigan laboratoriyalar tashkil etilib, maxsus onkomarkerlar tekshiruvlari yo‘lga qo‘yiladi.
Futboldagi korrupsiya haqida gapirgan «Turon» murabbiyi lavozimini tark etdi
Futboldagi korrupsiya haqidagi so‘zlari bilan tanilgan «Turon» futbol klubi bosh murabbiyi Islom Ismoilov «Qizilqum» bilan o‘yindagi mag‘lubiyatdan so‘ng iste’foga chiqdi. Uning davrida jamoa ilk bor Superligaga chiqdi, biroq sakkiz tur yakunlari bo‘yicha «Turon» chempionatda oxirgi o‘rinni egallab turibdi.
Nukus va Norindagi avtohalokatlarda sakkiz kishi vafot etdi
Nukusda uchta avtomobil to‘qnuvi natijasida olti kishi, Norin tumanida uchta mashina ishtirokidagi YTHda ikki kishi qurbon bo‘ldi, har ikki avariyada besh kishi jiddiy tan jarohatlari oldi.
«Ko‘ngillaringiz bo‘linmasin. Bir o‘zlaringiz emassizlar». Prezident Toshkentdagi gematologiya markaziga tashrif buyurdi
Prezident Shavkat Mirziyoyev Respublika ixtisoslashtirilgan gematologiya ilmiy-amaliy tibbiyot markaziga tashrif buyurib, davolanayotgan bolalar va ularning onalari bilan suhbatlashdi. Shifoxona uchun yangi bino barpo etish, unda Rossiyaning D.Rogachyov nomidagi tibbiy tadqiqot markazi tajribasi asosida bolalar onkogemotologiyasi markazi tashkil qilish bo‘yicha ko‘rsatmalar berildi. «Ko‘ngillaringiz bo‘linmasin. Bir o‘zlaringiz emassizlar.Hammamiz hamdardmiz», — dedi u.
O‘zbekiston prezidenti Tojikiston bosh vazirini qabul qildi
O‘zbekiston prezidenti Shavkat Mirziyoyev Qo‘shma Hukumatlararo komissiya yig‘ilishida ishtirok etish uchun amaliy tashrif bilan kelgan Tojikiston bosh vaziri Qohir Rasulzodani qabul qildi.
Bolalar ustidan pul sochgan urgutlikka ma’muriy bayonnoma rasmiylashtirildi
Urgut tumanida bolalar ustiga pul sochgan fuqaro bilan profilaktik suhbat o‘tkazildi. Unga nisbatan karantin qoidalarini buzganlik uchun ma’muriy bayonnoma rasmiylashtirildi.
O‘zbekiston va Qirg‘iziston prezidentlari chegaradagi so‘nggi voqealarni muhokama qildi
Shavkat Mirziyoyev va Sadir Japarov Ramazon hayiti munosabati bilan bir-birlarini muborakbod etdi va qirg‘iz-tojik chegarasidagi so‘nggi voqealar, qolaversa, qirg‘iz-o‘zbek davlat chegarasidagi qolgan uchastkalarni huquqiy ro‘yxatga olish masalalarini muhokama qilishdi.
Qashqadaryodagi avariyada yetti kishi vafot etdi. Ular orasida bir va to‘rt yoshli bolalar bor
Qashqadaryo viloyatida «VAZ 21−01» va Nexia avtomashina to‘qnashuvi oqibatida yetti kishi vafot etdi. Ulardan ikki nafari bir va to‘rt yoshli bola bo‘lgan. YTHga haydovchilarning yuqori tezlikda harakatlanishi bilan birga yo‘llarning nosozligi sabab bo‘lgani aytilmoqda. Holat bo‘yicha viloyat hokimi Zoir Mirzayev yig‘ilish o‘tkazdi. «Barchaga bu holat ibrat bo‘lsin. Yo‘l erkalikni ko‘tarmaydi», — dedi u.
Chigitning birja narxlari tushishi ortidan paxta yog‘i ham arzonlashdi
Texnik chigit narxining 31,2 foizga arzonlashuvi paxta yog‘ining birjadagi narxlariga ham ijobiy ta’sir ko‘rsatdi. Bunga Monopoliyaga qarshi kurashish qo‘mitasi birjada texnik chigit narxini sun’iy ravishda oshirganlik alomati bilan 24 ta paxta klasteriga qarshi ish qo‘zg‘atgani ham sabab bo‘ldi.
Jahon yangiliklari dayjesti
Avstriya kansleri va Buyuk Britaniya bosh vaziriga qarshi tergovlar, Germaniyada keyingi haftadan boshlab emlash pasportining joriy etilayotgani, Falastin-Isroil mojarosi bo‘yicha so‘nggi xabarlar va boshqa yangiliklar — «Gazeta.uz»ning jahon yangiliklari dayjestida.
Prezident Ramazon hayiti arafasida 100 nafar mahkumni afv etdi
Chorshanba kuni prezident qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 100 nafar fuqaroni afv etishga oid farmonni qabul qildi. Ular orasida chet el fuqarolari, 60 yoshdan oshgan erkaklar, ayollar hamda taqiqlangan tashkilotlar faoliyatida qatnashgan shaxslar bor.
Surxondaryo viloyati hokimiga yangi o‘rinbosar tayinlandi
Kasaba uyushmalari federatsiyasi tasarrufidagi korxona direktori Alisher Xidirov Surxondaryo viloyati hokimi o‘rinbosari etib tayinlandi.
O‘zbekiston va Turkiya yetakchilari bir-birlarini Ramazon hayiti bilan tabrikladi
Chorshanba kuni telefon orqali muloqotda prezidentlar Shavkat Mirziyoyev va Rejep Tayyip Erdog‘an bir-birlarini Ramazon hayiti bilan tabriklashdi. Qolaversa, ular Sharqiy Quddusdagi vaziyatning keskin tus olishi munosabati bilan chuqur xavotirda ekanligini bildirdi.
O‘zbekiston Isroil va Falastinni zo‘ravonlikka chek qo‘yishga chaqirdi
O‘zbekiston TIV Isroil-Falastin mojarosi ishtirokchilarini zo‘ravonlikka chek qo‘yish, Al-Aqso masjidi va Quddusdagi boshqa muqaddas qadamjolarning daxlsizligini — status-kvoga rioya etilishini ta’minlashga chaqirdi.
Shavkat Mirziyoyev Yaponiya bosh vaziri Yosixide Sugani O‘zbekistonga taklif qildi
Shavkat Mirziyoyev Yaponiya bosh vaziri bilan telefon orqali muloqot qildi. Tomonlar «Markaziy Osiyo + Yaponiya» formatidagi amaliy hamkorlikni muhokama qilishdi. Suhbat so‘ngida Shavkat Mirziyeyov Yosexide Sugani O‘zbekistonga tashrif bilan kelishga taklif qildi.
«Standartlarsiz biz xorij bozorlariga kirib bora olmaymiz» — prezident
Prezident birinchi yarim yillikda eksport hajmini 5,2 mlrd dollarga yetkazish bo‘yicha topshiriq berdi. Shuxrat G‘aniyev va Jamshid Xodjayevga yanvar-aprel oylarida qishloq xo‘jaligi mahsulotlari eksporti bo‘yicha bajarilmagan 169 mln dollar o‘rnini to‘liq qoplashi kerakligi aytildi. Mahalliy mahsulotlar eksportini oshirish uchun esa xalqaro standartlarni keng joriy etish zarurligi ta’kidlandi.
Qo‘shimcha imkoniyatlardan foydalanish uchun saytda ro‘yxatdan o‘ting