Qoraqalpog‘istonda bog‘cha tarbiyalanuvchilari YTHga uchradi, jarohatlanganlar bor
Beruniy tumanida o‘nga yaqin bog‘cha bolasini olib ketayotgan Nexia YTHga uchradi. Ikki bola (6 va 3 yosh) tuman tibbiyot birlashmasiga olib borilgani va ularning sog‘lig‘i joyida ekani bildirildi. Holat yuzasidan jinoyat ishi qo‘zg‘atildi.
Rossiya va KXDR strategik sherikchilik to‘g‘risida shartnoma imzoladi
Rossiya prezidenti Vladimir Putin Shimoliy Koreya yetakchisi Kim Chen In bilan strategik sherikchilik to‘g‘risidagi shartnoma imzoladi. Hujjat ishtirokchilardan biriga tajovuz qilinganda o‘zaro yordam ko‘rsatishni nazarda tutadi.
O‘zbekistondagi oliy va birinchi malaka toifasiga ega o‘qituvchilarning maoshini sentabrdan oshirish taklif etildi
Prezident ta’lim sifati va pedagoglar malakasini oshirish bo‘yicha takliflar taqdimoti bilan tanishdi. Taqdimotda 2025-yil sentabrdan oliy va birinchi malaka toifasiga ega o‘qituvchilarning oylik maoshini oshirish taklifi bildirildi.
Germaniya afg‘onlarni O‘zbekiston orqali deportatsiya qilish bo‘yicha muzokaralar olib bormoqda — Bloomberg
Germaniya hukumati O‘zbekiston bilan Germaniyadan afg‘on qochqinlarini deportatsiya qilish imkonini beruvchi kelishuvni tuzish bo‘yicha muzokaralar olib bormoqda, deb yozmoqda Bloomberg. Bunday kelishuv Berlinga “Tolibon” bilan bevosita kelishuvlardan tiyilish imkonini beradi.
Davlat monopoliyalarining xususiy monopoliyaga aylanishi riski bor — Farrux Karabayev
Raqobat qo‘mitasi raisi o‘rinbosari Farrux Karabayev yangi o‘yinchilarning kirib kelishidagi to‘siqlarni olib tashlash orqali ichki bozorlarni ochishga chaqirdi. Uning aytishicha, samarasiz davlat korxonalarining ulushlari xususiy kompaniyalar qo‘liga o‘tganda, monopoliyaning yanada yomonroq versiyasi yuzaga kelishi mumkin.
“O‘zenergosotish” kompaniyasiga rahbarlar tayinlandi
“O‘zenergosotish” kompaniyasiga Jahongir Obidjonov rais, Shohruh Karabayev esa uning birinchi o‘rinbosari v.b. etib tayinlandi. Tashkilot o‘z ishini 1-iyuldan boshlaydi va elektr energiyasini markazlashgan tartibda xarid qilish hamda sotish funksiyasini bajaradi.
Ish haftasi oxirigacha issiq havo saqlanib turadi
O‘zbekistonda ish haftasi oxirigacha issiq ob-havo saqlanib turadi. Kunduzgi harorat 34−39 daraja, ba’zi hududlarda +41 darajagacha issiq bo‘ladi. Ayrim joylarda qisqa muddatli yomg‘ir yog‘ishi, shuningdek, chang-to‘zonli shamollar esishi etimoli bor.
Jizzaxda fuqaroni AQShga yuborishini aytib, Afrikaga jo‘natgan shaxs ushlandi
Jizzax shahrida fuqaroni 14 300 dollar evaziga AQShga yuborishini aytib, Janubiy Afrikaga jo‘natgan shaxs ushlandi. U Afrikada chorasiz qolib ketgan fuqaroning vaziyatini o‘nglash uchun yana 6700 dollar olayotgan paytda qo‘lga olingan.
Qozog‘istonda o‘zbekistonlik jiyanlariga jinsiy zo‘ravonlik qilgan erkak ushlandi
Qozog‘istonda erkak o‘z vasiyligidagi o‘zbekistonlik qiz jiyanlariga jinsiy zo‘ravonlik qilgani aytilmoqda. Holat bo‘yicha jinoyat ishi qo‘zg‘atilib, gumonlanuvchi qamoqqa olindi. Hozirda 12 va 17 yoshli qizlarga vasiy tayinlash va ularni O‘zbekistonga qaytarish choralari ko‘rilmoqda.
O‘zbekistonning Janubiy Koreyadagi diplomatik missiyasini 25 yil boshqargan Vitaliy Fen vafot etdi
O‘zbekistonning Koreya Respublikasidagi diplomatik vakolatxonasini umumiy hisobda 25 yil boshqargan Vitaliy Fen 77 yoshida vafot etdi.
Sirdaryoda Nexia 2 kanalga qulashi oqibatida besh kishi halok bo‘ldi
Shirin shahrida Nexia 2 avtomobili Janubiy Mirzacho‘l kanaliga quladi. Oqibatda haydovchi va to‘rt nafar yo‘lovchi halok bo‘ldi.
Namanganda 29 yoshli ayol o‘zini yoqib yuborib, vafot etdi
Yangiqo‘rg‘on tumanida 1995-yilda tug‘ilgan ayol oilada yuzaga kelgan kelishmovchilik sabab o‘zini yoqib yubordi va vafot etdi. Holat yuzasidan jinoyat ishi qo‘zg‘atildi.
Beeline Uzbekistan ishida uzilishlar kuzatilmoqda
Beeline Uzbekistan mobil abonentlari internet xizmatlari va boshqa xizmatlar ishida uzilishlarga duch kelmoqda. Kompaniya avariya-tiklash ishlari haqida xabar berdi.
O‘zbekistonda ayollar va erkaklarga teng haq to‘lanishini ta’minlash 700 ming kishini kambag‘allikdan chiqaradi — Jahon banki
O‘zbekistonda ayollarning erkaklar bilan bir xil darajada maosh olishini ta’minlash 700 mingdan ortiq odamni kambag‘allikdan chiqarishga yordam beradi. Bu Jahon banki tomonidan tayyorlangan “O‘zbekistonda gender tengligi tahlili” hisobotida keltiriladi.
Toshkentda 4 ta avtomobil ishtirokida YTH sodir bo‘ldi, bir kishi jarohatlandi
Chilonzorda Chevrolet Menlo, Nexia-2 va ikki “Jiguli” ishtirokida yo‘l-transport hodisasi sodir bo‘ldi. Voqea oqibatida haydovchilardan biri jarohatlandi.
Toshkentdan Bo‘stonliqqa olib boruvchi yo‘lda yangi tunnel ochildi
Toshkentdan chiqishdagi Yangi O‘zbekiston ko‘chasi va 4R12 avtomobil yo‘li kesishmasida yangi tunnel ochildi. Endi Chorvoq tomon ketayotgan haydovchilar yuqorida qayd etilgan chorrahada hosil bo‘ladigan tirbandlikda turishlari shart emas. Foto va sxema.
Toshkentda elektrobus va 2 ta yengil mashina haydovchilari janjallashdi
Bektemir tumanida elektrobus haydovchisini bir necha kishi kaltaklayotgani aks etgan video tarqaldi. Poytaxt IIBB janjal avtobus bekatda to‘xtagan vaqtida ortidan 2 ta yengil avtomashina to‘qnashgani sababli kelib chiqqani, tergovga qadar tekshiruv ketayotganini bildirdi.
O‘zbekistondan Rossiyaga borayotgan mehnat migrantlari oqimi qisqarishda davom etishi mumkin
Ish haqi Rossiyadagi maoshlar bilan raqobatlasha oladigan O‘zbekistonda qurilish sanoatining rivojlanishi ushbu mamlakatga mehnat muhojirlari oqimining yanada qisqarishiga sabab bo‘lishi mumkin. Bu haqda Tashqi mehnat migratsiyasi agentligi vakili ma’lum qildi.
Aholi punktlariga kirib qolgan yovvoyi hayvonlarni himoyalash bo‘yicha loyiha muhokamaga qo‘yildi
O‘zbekistonda yovvoyi hayvonlarni tabiiy yashash muhitidan aholi punktlari va boshqa hududlarga tushib qolganda himoyalash, qutqarish va jonsizlantirish tartibi bo‘yicha loyiha muhokamaga qo‘yildi.
Latviyaning Kreiss kompaniyasi 600 nafar o‘zbekistonlik haydovchini ishga jalb qilmoqchi
Latviyaning Kreiss kompaniyasi va O‘zbekiston Tashqi mehnat migratsiya agentligi o‘rtasida 600 nafar haydovchini ishga jalb etish bo‘yicha kelishuvga erishildi.
Qo‘shimcha imkoniyatlardan foydalanish uchun saytda ro‘yxatdan o‘ting