YTTB Uzbekistan Airports maxsus texnika parkini yangilashda yordam beradi
YTTB Uzbekistan Airports`ga O‘zbekiston xalqaro aeroportlarida maxsus texnikalar parkini yangilash uchun 28 mln yevrogacha mablag‘ ajratadi. Shuningdek, bank kompaniya va uning tarkibiy bo‘linmalari faoliyati samaradorligini oshirish uchun 1 mln yevro miqdorida grant ajratadi.
Kuchli zilzilalar haqida erta ogohlantirish milliy tizimi ishga tushiriladi
1-dekabrdan O‘zbekistonda kuchli zilzilalar haqida erta ogohlantirish milliy tizimi bosqichma-bosqich ishga tushiriladi. Bunda “Kuchli zilziladan ogohlantirish” mobil ilovasi orqali aholiga qisqa soniyalarda respublikaning aniqlangan hududlarida kuchli zilzila kuzatilishi to‘g‘risida tezkor xabarnoma yuboriladi.
Tijorat banklarida dollar kursi sezilarli ko‘tarildi
Tijorat banklari 18-may kuni aholidan 1 AQSh dollarini 11 405 — 11 450 so‘mdan sotib olmoqda, sotuv kursi esa 11 480 — 11 520 so‘m.
O‘zbekistonning 9 ta hududida sel-suv toshqini xavfi e’lon qilindi
18−20-may kunlari kutilayotgan kuchli yomg‘irlar yog‘ishi sababli O‘zbekistonning 9 ta viloyatida sel-suv toshqini hodisalari yuzaga kelishi mumkin.
SSV 60 yoshdan oshganlarga xavfli dorilar tarqatilayotganini rad etdi
Tarmoqlarda O‘zbekistonda 60 yoshdan oshganlarga Xitoydan keltirilgan xavfli dorilar tarqatilayotgani haqida xabar tarqaldi. SSV buni “bo‘hton va safsatadan boshqa narsa emas” deb atadi.
Toshkent shahri hokimiga o‘rinbosar tayinlandi
2019-yildan beri Toshkent shahri hokimining jamoat va diniy tashkilotlar bilan aloqalar bo‘yicha o‘rinbosari sifatida ishlab kelayotgan Alimardon Qarshiyev lavozimidan ozod etilib, uning o‘rnini Abdulvosid Xomitjonov egalladi.
17-may kuni O‘zbekistonda sodir bo‘lgan eng muhim xabarlar dayjesti
Nukus ishida apellyatsiya bergan yana 28 mahkum, Cobalt va Lacetti narxi oshishini rad etgan UzAuto Motors, O‘zbekistonning JSTga a’zo bo‘lishi haqida, xotinidan qasd olish uchun 2 o‘g‘lini bo‘g‘ib o‘ldirgan samarqandlik erkak, “yashil energiya” sertifikatlari va boshqalar — “Gazeta.uz”ning kun dayjestida.
YeTTB Qoraqalpog‘istonda shamol elektr stansiyasi qurilishini moliyalashtiradi
Yevropa tiklanish va taraqqiyot banki ACWA Power Wind Karatau kompaniyasiga Nukusda 100 MVt quvvatga ega shamol elektr stansiyasini qurish uchun 19,3 mln dollar kredit ajratdi.
“Bugungi O‘zbekiston kechagi O‘zbekiston emas” — Shavkat Mirziyoyev
O‘zbekiston prezidenti YeTTBning Samarqandda bo‘lib o‘tgan forumida so‘zlagan nutqida bank bilan hamkorlikning ustuvor yo‘nalishlari: qashshoqlikni qisqartirish, yashil iqtisodiyotni rivojlantirish, infratuzilma, tibbiyot, ta’lim, transport va ekologiya sohalarida DXSHni kengaytirish kabilarni sanab o‘tdi.
Shavkat Mirziyoyev Xitoyga jo‘nab ketdi
O‘zbekiston prezidenti Shavkat Mirziyoyev Xitoyga jo‘nab ketdi. Tashrif doirasida Sian shahrida XXR Raisi Si Szinpin bilan muzokaralar o‘tkazish, “Markaziy Osiyo — Xitoy” sammitda ishtirok etish hamda Xitoyning yetakchi kompaniya va banklari rahbarlari bilan uchrashish rejalashtirilgan.
Gaz qazib olishni ko‘paytirish uchun konlar va quduqlarni raqamlashtirish zarur — “O‘zbekneftgaz” rahbari
Gaz qazib olishni keskin oshirish vazifasini bajarish uchun konlar va quduqlarni raqamlashtirish talab etiladi, dedi “O‘zbekneftgaz” rahbari Bahodirjon Sidiqov. Uning so‘zlariga ko‘ra, bu ishlarni yil oxirigacha yakunlash rejalashtirilgan.
Toshkentga hokim bo‘lib qolgan taksi haydovchisi haqidagi “Hokim buva” mini-seriali namoyishi boshlandi
Internetda rejissyor Sarvar Karimov tomonidan suratga olingan “Hokim buva” mini-serialining namoyishi boshlandi. Komediya janridagi ushbu serial ijtimoiy-siyosiy muammolardan muttasil nolib yuradigan taksi haydovchisining Toshkentga hokim bo‘lib qolishi va bu lavozimdagi sarguzashtlari haqida.
“Jamiyatda fundamental huquqlarning fidoyi himoyachilari rolida yuristlar ko‘proq bo‘lishini istardim” — adliya vaziri
“Toshkent huquq bahori” xalqaro forumida adliya vaziri Akbar Toshqulov jamiyatda fundamental huquqlarni yaxshi tomonga burishga harakat qiluvchilar rolida yuristlar ko‘proq bo‘lishini istashini aytdi. “Chunki biz yuristlar muammoni kundalik ish jarayonida doim ko‘ramiz va ularning yechimini ham bilamiz”, — dedi u.
Toshkentda Matiz urib yuborgan 12 yoshli o‘quvchi vafot etdi
Uchtepa tumanida Matiz haydovchisi tartibga solinmagan piyodalar yo‘lagidan o‘tayotgan 12 yoshli o‘quvchini urib yubordi. U jarohatlari sababli kasalxonaga olib ketilayotganda vafot etdi.
“O‘zmilliybank” va XDTB o‘rtasida kredit kelishuvi imzolandi
O‘zbekiston-Xitoy biznes-forum doirasida “O‘zmilliybank” va Xitoy davlat taraqqiyot banki o‘rtasida 1,18 mlrd yuan miqdorida kredit liniyasini jalb qilish to‘g‘risidagi kelishuv imzolandi.
UzAuto Motors Cobalt va Lacetti narxlarining oshishini rad etdi
Tarmoqlarda 1-iyundan Damas, Labo, Cobalt va Lacetti avtomobillarining yangilangan versiyalari taqdim etilishi, Cobalt va Lacetti narxi 20−23 ming dollargacha ko‘tarilishi haqida xabarlar tarqaldi. UzAuto Motors ushbu ma’lumotlar yolg‘on ekanini bildirdi.
Nukus ishi bo‘yicha yana 28 nafar mahkum apellyatsiya berdi
Nukus voqealari bo‘yicha qo‘zg‘atilgan jinoyat ishi bo‘yicha ikkinchi sud jarayonida qamoq jazosiga hukm qilingan 28 nafar shaxs apellyatsiya shikoyati bilan murojaat qildi. Ularni ko‘rib chiqish payshanba kuni boshlanadi. Yana 16 nafar mahkumga nisbatan apellyatsiya arizalarini ko‘rib chiqish davom etmoqda.
YeXHT DIIHB O‘zbekistonga saylovga tayyorgarlikni o‘rganish uchun missiyasini yubordi
O‘zbekistonga muddatidan oldingi prezident saylovi o‘tkazilishi munosabati bilan Yevropada xavfsizlik va hamkorlik tashkilotining Demokratik institutlar va inson huquqlari bo‘yicha byurosi Ehtiyojlarni baholash missiyasi keldi. Missiya saylovni kuzatishning maqsadga muvofiqligi to‘g‘risida qaror qabul qiladi.
Samarqandda erkak xotinidan qasd olish uchun 2 o‘g‘lini bo‘g‘ib o‘ldirdi
Toyloq tumanida erkak xotinidan qasd olish uchun 6 va 8 yoshli o‘g‘illarini sim bilan bo‘g‘ib o‘ldirdi. Voqeaga Rossiyaga ishlashga ketgan xotinining begonalar bilan ishqiy munosabatda bo‘lgani aks etgan videolar sabab sifatida keltirilmoqda.
Sun’iy intellektning joriy etilishi O‘zbekistonda 430 ming yangi ish o‘rni yaratishi mumkin — OTB tadqiqoti
To‘rtinchi sanoat inqilobining sun’iy intellekt kabi texnologiyalaridan foydalanish O‘zbekistonda to‘qimachilik va tikuvchilik sanoatida 100 mingta, qurilish sohasida 334 mingta yangi ish o‘rni yaratish imkonini beradi. Bu borada Osiyo taraqqiyot bankining yangi tadqiqotida so‘z borgan.
Qo‘shimcha imkoniyatlardan foydalanish uchun saytda ro‘yxatdan o‘ting