«Urgut» EIZ Qoraqalpog‘iston va Qashqadaryodagi yerlar hisobiga kengaytiriladi
«Muvaffaqiyatli tajriba»dan kelib chiqib «Urgut» erkin iqtisodiy zonasini Qoraqalpog‘istonning Beruniy tumani va Qashqadaryoning Kitob tumanidagi obyektlar hisobidan kengaytiriladi. Qaror yangi ish o‘rinlari yaratish va aholi daromadlarini oshirishga qaratilgan.
Afg‘oniston O‘zbekistondan elektr ta’minoti shartnomasiga amal qilishni so‘radi
Afg‘oniston TIV rahbari vazifasini bajaruvchi Amirxon Muttaqiy O‘zbekistonni shartnomada ko‘rsatilgan miqdorda elektr yetkazib berishga chaqirdi. «Ta’minot uzib qo‘yilgan, xalq muammolarga duch kelmoqda», — deydi u. O‘tgan haftada elektr yetkazish texnik nosozlik tufayli uzilgani ma’lum qilingandi.
Turkmaniston O‘zbekistonga gaz eksportini qayta tikladi
21 yanvardan boshlab O‘zbekiston Turkmanistondan gaz importini qayta tikladi, biroq hozircha gaz sovuq kunlargacha bo‘lgan bosimdan pastroq. Gaz yetkazib berish 12 yanvar kuni to‘xtatilgandi.
O‘zbekistonda sovuq ob-havo hafta oxirigacha saqlanib turadi
O‘zbekiston bo‘ylab sovuq havo massasining ta’siri ish haftasining oxirigacha saqlanib turadi. Yog‘ingarchilik kutilmaydi, faqat 25 yanvarda mamlakatning tog‘ oldi va tog‘li hududlarining ba’zi joylarda biroz qor yog‘adi.
«Toshkent issiqlik markazi» davlat unitar korxonasi MCHJga aylantiriladi
Hukumat qarori bilan «Toshkent issiqlik markazi» davlat unitar korxonasi mas’uliyati cheklangan jamiyatga aylantiriladi. Jamiyat «Toshkent issiqlik markazi» DUKning shartnomalari, huquqlari va majburiyatlari bo‘yicha huquqiy voris hisoblanadi.
Poytaxtdagi 11 ta tumanda uylarni issiqlik va elektr bilan ta’minlash bo‘yicha tajriba o‘tkazilmoqda
Hukumat Toshkent shahrining 11 ta tumanidagi issiqlik tarmoqlari so‘nggi qismlarida joylashgan uylarni issiqlik va elektr bilan ta’minlashni yaxshilash bo‘yicha qaror qabul qildi. Buning uchun zudlik bilan kogeneratsiya uskunalari sotib olinadi.
Banklarda dollar kursi oshdi
Tijorat banklari 23 yanvar kuni aholidan 1 AQSh dollarini 11 240 — 11 345 so‘mdan sotib olmoqda, sotish kursi esa aksariyat banklarda 11 365 so‘m.
Dushanba kuni O‘zbekistondagi hamma maktablar ham ochilmaydi
O‘zbekistonda 23 yanvardan vanihoyat maktablarda uchinchi chorak boshlanadi. Biroq isitish bilan bog‘liq muammolar bo‘lgan maktablar hozircha darslarni onlayn shaklda davom ettiradi. Xususan, Toshkent shahrida 57 ta, Namangandagi 17 ta maktabda o‘quvchilar darslarni masofadan boshlaydi (ro‘yxat).
O‘zbekistonda elektr energiyasidan qarzdorlarni tarmoqdan uzish boshlanadi
27 yanvardan boshlab elektr energiyasidan qarzi bor iste’molchilar yana avtomatik tarzda tarmoqdan uziladi. Avvalroq o‘chirishlar anomal sovuq ob-havo sabab to‘xtatilgandi.
Toshkentda avtobusga urilgan Tracker yonib ketdi
22 yanvarga o‘tar kechasi Mirzo Ulug‘bek tumanida tezlikni oshirib harakatlangan Tracker yo‘l chetidagi avtobusga urildi. Oqibatda Tracker`ning old qismida yong‘in chiqdi, undagi yo‘lovchilar turli darajadagi jarohatlar bilan shifoxonaga yotqizildi.
IIO huzuridagi «To‘maris izdoshlari» guruhi a’zolariga o‘qishga kirishda imtiyoz beriladi
IIOning xotin-qizlar masalalari bo‘yicha bo‘linmalari huzurida «To‘maris izdoshlari» jamoaviy guruhlari faoliyati yo‘lga qo‘yiladi. Ular qizlarning huquq va manfaatlari buzilishi bilan bog‘liq masalalarni aniqlashda ko‘maklashadi. Guruh a’zolariga test sinovlarisiz kvota asosida o‘qishga kirish huquqi beriladi.
Toshkent viloyatida 3 ta issiqxona davlatga salkam 90 mln so‘m zarar yetkazdi
Zangiota tumanida 3 ta issiqxona 5000 ta xonadonning bir kunlik iste’moliga teng tabiiy gazdan noqonuniy foydalanib kelayotgani aniqlandi. Oqibatda davlatga 87 mln so‘mdan ortiq zarar yetkazilgan.
Farg‘onada YPX xodimi piyodalar yo‘lagini to‘sib qo‘ydi
Qo‘qon shahrida viloyat YPX otryadi komandir o‘rinbosari Tracker avtomashinasini piyodalar o‘tish joyida qoldirdi. Viloyat IIB buning uchun xodim 600 ming so‘m jarimaga tortilganini ma’lum qildi.
O‘zbekiston 2022 yilda Xitoyga 1,07 mlrd dollarlik gaz sotdi
2022 yilda O‘zbekistonning Xitoyga quvur orqali gaz yetkazib berish hajmi 1,07 mlrd dollarni tashkil etdi, bu 2021 yilga nisbatan 33,9 foizga ko‘pdir.
Video: Andijondagi choyxonada yong‘in sodir bo‘ldi
Andijon tumanidagi choyxonada yong‘in kelib chiqdi. Oqibatda 70 kvadrat metr maydonda tom, shift va jihozlar yonib zararlandi.
Samarqandda is gazidan zaharlangan kelin-kuyov vafot etdi
Kattaqo‘rg‘on tumanida chillasi chiqmagan kelin-kuyov is gazidan zaharlanib vafot etdi. Xonadon egalari ularni ko‘mgan va huquqni muhofaza qilish organlariga bu haqda xabar bermagan. Hozirda prokuratura holatni o‘rganmoqda.
Latent sil bo‘yicha skrining tekshiruvlari soni har yili 1 milliontaga yetkaziladi
Latent (yashirin) tuberkulyoz bo‘yicha skrining tekshiruvlari soni har yili 1 milliontaga, bemorlarni davolash qamrovi 21 ming nafargacha yetkaziladi. Mutaxassislar tomonidan o‘smirlar va kattalar rentgenologik, bolalar esa immunologik tekshiruvdan o‘tkaziladi.
O‘zbekistonda OIV infeksiyasiga qarshi kurash kuchaytiriladi
O‘zbekistonda 2027 yilga borib OIV yuqtirib olgan shaxslarning 95 foizi o‘z maqomini bilishi, maxsus davolash kurslari bilan qamrab olinishi, 95 foizining qonida virus yuklamasi aniqlanmaydigan darajaga tushishi rejalashtirilmoqda. Shu vaqtga kelib, OIVning onadan bolaga yuqishiga barham berish ham ko‘zda tutilgan.
Video: DXX Namanganda salkam 3 kg narkotik moddalarni to‘xtatib qoldi
Pop tumanida to‘xtatilgan ikki mashinadan salkam 3 kilogramm opiy musodara qilindi. DXX ma’lumotiga ko‘ra, narkotik moddalar Tojikiston va Qirg‘izistondan olib kirilgan. Holatlar yuzasidan jinoyat ishi qo‘zg‘atilib, tergov olib borilmoqda.
O‘zbekistonda piyoz eksporti 4 oyga cheklandi
Ochiq rastalarda saqlanayotgan piyoz muzlab qolgan. Qishloq xo‘jaligi vazirligi narx oshishiga yonilg‘i yetishmasligi sababli yetkazib berishdagi uzilishlar ham ta’sir ko‘rsatganini bildirdi. Vazirlikka ko‘ra, mamlakatda piyoz zaxirasi mavjud va mahsulotni chetga sotish 4 oyga to‘xtatildi.
Qo‘shimcha imkoniyatlardan foydalanish uchun saytda ro‘yxatdan o‘ting