Jo Bayden Kobuldagi portlashlardan keyin ISHIDga qarshi hujumlarni tayyorlashni buyurdi
AQSh prezidenti Jo Bayden 13 nafar amerikalik harbiy halok bo‘lgan Kobuldagi portlashlar uchun javobgarlikni o‘z zimmasiga olgan ISHID rahbarlari va obyektlariga zarba berishni buyurdi. «Biz kechirmaymiz. Biz unutmaymiz. Biz sizni qidirib topamiz va javob berishga majbur qilamiz», — dedi u.
O‘zbekistonlik olimlar iste’mol qilsa bo‘ladigan vaksinani ishlab chiqishmoqda
Fanlar Akademiyasi qoshidagi genomika va bioinformatika markazi olimlari pomidorga asoslangan koronavirusga qarshi vaksinani ishlab chiqish ustida ishlashmoqda. Shuningdek, qoramollarni koronavirusga qarshi vaksinalar bilan emlab, uning suti virusga qarshi kurashishga yordam berishi mumkinligi borasida tadqiqotlar olib borilmoqda.
Shavkat Mirziyoyev Navoiyga yo‘l oldi
Prezident Shavkat Mirziyoyev Navoiy viloyatiga jo‘nab ketdi. Davlat rahbari u yerda quyosh fotoelektr stansiyasi va kimyo sanoati korxonalarining ishga tushirish tadbirlarida ishtirok etib, aholi bilan muloqot qiladi.
Paralimpiada-2020. Asila Mirzayorova kumush medal sohibi bo‘ldi
Para-yengil atletikachi Asila Mirzayorova Tokioda bo‘lib o‘tayotgan yozgi Paralimpiada musobaqalarida kumush medalni qo‘lga kiritdi.
Mustaqillik bayrami ochiq maydonlarda o‘tkaziladi
O‘zbekistonda Mustaqillik bayrami ochiq maydonlarda o‘tkaziladi. Bayramni tashkil etishga qo‘yilgan talablar ma’lum qilindi.
26 avgust kuni O‘zbekistonda 841 kishida koronavirus aniqlandi
Kecha kun davomida O‘zbekistonda 841 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, payshanba kuni 361 kishida pnevmoniya qayd etildi, 3 nafar pnevmoniya bemori vafot etdi.
Qozog‘iston harbiy qismlaridagi portlashlar oqibatida to‘rt kishi halok bo‘ldi, bedarak yo‘qolganlar bor
Qozog‘istonning Jambil viloyati, Qaynar qishlog‘idagi muhandislik o‘q-dorilari saqlanadigan omborlardan birining yonida yong‘in yuzaga kelib, portlashlar ro‘y berdi. Oqibatda to‘rt harbiy xizmatchi halok bo‘lgan, 66 kishi jabrlangan. Bir necha kishi aloqaga chiqayotgani yo‘q. Taxminan 1200 kishi evakuatsiya qilindi.
Kobuldagi portlashlar. 100 dan ortiq kishi halok bo‘ldi, 1000 dan ortiq kishi jarohatlandi
Payshanba kuni Kobulda sodir etilgan portlashlarda 90 nafardan ortiq afg‘on fuqarosi va 13 nafar amerikalik harbiy halok bo‘ldi. 1000 dan ortiq odam jarohatlangan. «ISHID» Afg‘oniston poytaxtida sodir etilgan terakt uchun javobgarlikni o‘z zimmasiga oldi.
Marhum Botir Zokirov orden bilan taqdirlandi
Prezident farmoni bilan taniqli xonanda va aktyor Botir Zokirov vafotidan so‘ng «El-yurt hurmati» ordeni bilan mukofotlandi.
Toshkent metro bekatlarida barcha aloqa kompaniyalaridan foydalanish mumkin bo‘ladi
Toshkent metropolitenida barcha aloqa kompaniyalaridan foydalanishni joriy qilish va bepul Wi-Fi yo‘lga qo‘yilishi kutilmoqda.
KFC noqonuniy yetkazib berish xizmatlari bilan kurashmoqda
KFC taomlarini faqatgina Toshkent shahridagi rasmiy yetkazib berish xizmatlari orqali buyurtma berish lozimligi haqida ogohlantirdi.
O‘zbekiston orqali o‘tayotgan Afg‘oniston qochqinlari orasida terrorchilar borligi haqidagi xabarlarga izoh berildi
Senat yalpi majlisida O‘zbekiston orqali Yevropa va boshqa davlatlarga o‘tib ketayotgan Afg‘oniston qochqinlari orasida terrorchilar borligi haqidagi xabarlarga TIV rahbarining birinchi o‘rinbosari munosabat bildirildi. «O‘zbekiston hududidan tranzit orqali o‘tib ketayotgan shaxslarning oldindan ro‘yxati bo‘ladi, ular tegishli filtrdan o‘tkaziladi. Bizning tegishli vakolatli organlarimiz tomonidan mamlakatimiz hududida qandaydir terrorchilar kirib kelishiga yo‘l qo‘yilmaydi», — dedi Farhod Arziyev.
Dollarning rasmiy kursi biroz pasaydi
Dollarning rasmiy kursi 13,27 so‘mga pasaydi va jami 10 640,74 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
YTH to‘g‘risida xabarnoma rasmiylashtirgan haydovchilar ma’muriy javobgarlikka tortilmaydi
Qonun hujjatlariga kiritilgan qo‘shimchalarga ko‘ra, haydovchilar yo‘l-transport hodisasi to‘g‘risida xabarnoma rasmiylashtirgan taqdirda ular ma’muriy javobgarlikka tortilmaydi. Ma’muriy javobgarlik to‘g‘risidagi kodeksning tegishli moddasiga ham o‘zgartish kiritildi.
Afg‘onistonda qiyin ahvolga tushgan O‘zbekiston fuqarolari mavjud emas — TIV
Tashqi ishlar vazirining birinchi o‘rinbosari Farhod Arziyev Senatning navbatdagi yalpi majlisida Afg‘onistonda qiyin ahvolga yoki murakkab vaziyatga tushib qolgan O‘zbekiston fuqarolari mavjud emasligini ma’lum qildi.
Hayvonlarni qiynaganlar 12,2 mln so‘m jarimaga tortilishi yoki 6 oygacha muddatga qamalishi belgilandi
Hayvonlarga nisbatan shafqatsiz munosabatda bo‘lganlarga 12,2 mln so‘m jarimadan 6 oygacha ozodlikdan mahrum qilishgacha jazo choralari qo‘llanilishi mumkin. Prezident Jinoyat kodeksiga o‘zgartish va qo‘shimchalar kiritishni ko‘zda tutgan qonunni imzoladi.
«Afg‘onistonda barcha siyosiy kuchlarning manfaatini e’tiborga oladigan koalitsion hukumat shakllanishi tarafdorimiz» — TIV
Senatning yalpi majlisida Tashqi ishlar vazirining birinchi o‘rinbosari Farhod Arziyev Afg‘oniston borasida O‘zbekistonning pozitsiyasini ma’lum qildi. «Eng avvalo biz Afg‘onistonda barcha siyosiy kuchlarni manfaatini e’tiborga oladigan, ularning o‘zaro tinchlik muzokaralari natijasida erishiladigan koalitsion hukumat shakllanishi tarafdorimiz», — dedi u.
«Men zamministrning ikkinchi xotiniman». Toshkentda qoidabuzar ayol va uning ukasi YPX xodimlariga qarshilik ko‘rsatdi
Toshkentdagi tungi reyd davomida qoidabuzar ayol va uning ukasi YPX xodimlariga bo‘ysunmasdan, ularga faol qarshilik ko‘rsatgan va ko‘pollik qilgan. Ayol o‘zini vazir o‘rinbosarining ikkinchi xotini ekanligini aytib, hujjatlarini taqdim etmagan. Uning ukasidan hujjatlar talab qilinganida, u «Toshkent fuqarosiman» deya, hujjatlari yo‘qligini aytadi. Ushbu fuqarolarga tegishli chora ko‘rilib, avtoulov vaqtincha jarima maydonchasiga joylashtirilgan.
Toshkent metrosida yangi jadval joriy etilmoqda (yangilandi)
Poytaxt metrosining barcha liniyalari 30 avgustdan boshlab soat 05:00 dan 00:00 gacha ishlaydi. Shuningdek, metro yo‘nalishlarida kunning ayrim vaqtlarida poyezdlar qatnovi bo‘yicha yangi jadval joriy etiladi.
Surxondaryoda qariyb 100 kg giyohvandlik vositalari kontrabandasi aniqlandi
Bojxona qo‘mitasi tomonidan Surxondaryo viloyatidagi chegara posti orqali 96,9 kg giyohvandlik vositalarini kontrabanda qilishga urinish holati aniqlandi. Holat yuzasidan bojxona organlari tomonidan jinoyat ishi qo‘zg‘atildi.
Qo‘shimcha imkoniyatlardan foydalanish uchun saytda ro‘yxatdan o‘ting