Toshkentda suv hisoblashning intellektual tizimi joriy etiladi
Uy-joy kommunal xizmat ko‘rsatish vazirligi va Fransiyaning Suez International o‘rtasida Toshkent uchun suv hisoblashning intellektual tizimini joriy qilish bo‘yicha hamkorlikdagi tadbirlar to‘g‘risidagi memorandum imzolandi.
23 iyun kuni O‘zbekistonda sodir bo‘lgan eng muhim xabarlar dayjesti
Korrupsiyaga qarshi kurash bo‘yicha yangi prezident farmoni loyihasi, Oliy ta’lim vaziriga yangi tayinlovlar, O‘zbekiston va Rossiya o‘rtasida hamkorlik bo‘yicha 12 ta hujjat imzolanishi, Qozog‘iston politsiya xizmati 86 ta yangi Cobalt avtomobili sotib olishi — “Gazeta.uz"ning 23 iyundagi eng muhim xabarlari dayjestida.
O‘zbekiston va Tojikiston prezidentlari Markaziy Osiyoda qaror topayotgan vaziyatni muhokama qildi
O‘zbekiston va Tojikiston yetakchilari telefon orqali muloqotda Markaziy Osiyoda qaror topayotgan vaziyat yuzasidan fikr almashib, mintaqada xavfsizlik va barqarorlikni ta’minlash uchun yaqin muloqot va sa’y-harakatlarni muvofiqlashtirishni davom ettirish zarurligini ta’kidladi.
Toshkentda MilaWall dekorativ suvoq shourumi ochildi
MilaWall shourumning ochilishida mehmonlarga yorqin ko‘ngilochar dastur va dekorativ bo‘yoq va suvoqning imkoniyatlari namoyish etildi.
Rossiyadagi o‘zbekistonliklarni qaytarish uchun 2 ta maxsus poyezd reysi qo‘yildi
Pandemiya paytida Rossiyada qolib ketgan o‘zbekistonliklarni qaytarish uchun ikkita maxsus poyezd reyslari yo‘lga qo‘yiladi. Poyezdlar 25 iyun kuni Voljskiy-Toshkent, 28 iyun kuni Moskva Kazanskiy-Toshkent yo‘nalishida harakatni amalga oshiradi.
Loyiha: korrupsiya va manfaatlar to‘qnashuvi sababli shartnomalar haqiqiy emas deb topilishi mumkin
Prezident qarori loyihasiga ko‘ra, korrupsiyaga qarshi kurashish bo‘yicha qo‘shimcha choralarni amalga oshirish kutilmoqda. Xususan, tadbirkorlik bilan shug‘ullanish qat’iyan taqiqlangan mansabdor shaxslar va xodimlar ro‘yxatini belgilash, korrupsiya va manfaatlar to‘qnashuvi sababli shartnomalar haqiqiy emas deb topish, davlat organlariga ishga qabul qilishni ochiq tanlov asosida amalga oshirish va boshqa choralar taklif etildi.
«O‘zbekneftgaz» tizimida ishlovchi xodimlar o‘rtasida 220 ta qarindosh-urug‘chilik munosabatlari aniqlandi
«O‘zbekneftgaz» AJning boshqarmalari (zavod), korxona va neft bazalarida ishlovchi xodimlar o‘rtasida 220 ta holatda qarindosh-urug‘chilik munosabatlari aniqlangan. Jumladan, korxonalardan biridagi bosh texnologning 5 ta qarindoshi qo‘l ostidagi asosiy ishlab chiqarish sexida ishlashi, boshqa bir energetikning 4 ta qarindoshi qo‘l ostidagi elektr ta’minot sexida faoliyat yuritishi ma’lum bo‘ldi.
Dollarning rasmiy kursi yana pasaydi
Dollarning rasmiy kursi 9,48 so‘mga pasaydi va jami 10 571,88 so‘m etib belgilandi. Yevro va rubl kurslari esa biroz ko‘tarildi.
O‘zbekiston va Rossiya o‘rtasida hamkorlik bo‘yicha 12 ta hujjat imzolandi
O‘zbekiston va Rossiya hukumatlari rahbarlari o‘rtasidagi yig‘ilish natijasida kadastr, logistika, bojxona, ta’lim va boshqa sohalarda hamkorlik qilish bo‘yicha hujjatlar imzolandi.
«Lukoyl» O‘zbekiston bilan qo‘shma loyihalar uchun 12 mlrd dollar ajratishni rejalashtirmoqda
Rossiyaning «Lukoyl» kompaniyasi O‘zbekiston bilan qo‘shma loyihalar uchun 12 mlrd dollardan ortiq mablag‘ ajratishni rejalashtirmoqda. Bungacha kompaniya O‘zbekistonning energiya salohiyatini rivojlantirishga 8 mlrd dollar investitsiya yo‘naltirgan edi.
Afg‘oniston va Tojikiston chegarasidagi «Sherxon-Bandar» punkti tolibon nazoratiga o‘tdi
21 iyun kuni tolibon Afg‘oniston va Tojikiston chegarasidagi «Sherxon-Bandar» nazorat o‘tkazish punktini egalladi, 134 nafar afg‘on harbiylari qo‘shni davlat hududiga chekindi. Tojikiston milliy xavfsizlik davlat qo‘mitasi mamlakatlar o‘rtasidagi chegara liniyasidagi vaziyatni keskin deb baholamoqda.
2022 yildan davlat xizmatchilarining daromadlari majburiy deklaratsiya qilinishi mumkin
2022 yil boshidan davlat xizmatchilari va ularning oila a’zolarining daromadlari va mol-mulkini majburiy deklaratsiya qilish tizimi joriy etilishi kutilmoqda. Bunda faqat 2022 yil 1 yanvardan so‘ng orttirilgan mol-mulkning kelib chiqish manbasi tasdiqlanadi. Deklaratsiyalashda aniqlangan noqonuniy boylik uchun jinoiy javobgarlik belgilanadi.
Manfaatlar to‘qnashuvi uchun jinoiy javobgarlik belgilanishi kutilmoqda
Prezident farmoni loyihasiga ko‘ra, manfaatlar to‘qnashuviga yo‘l qo‘ygan mansabdor shaxslarga jinoiy javobgarlik belgilanishi kutilmoqda. Antikorrupsiya agentligiga manfaatlar to‘qnashuvi bilan bog‘liq shartnoma, buyruq va boshqa hujjatlarni to‘xtatish to‘g‘risida taqdimnoma yoki uni haqiqiy emas deb topish bo‘yicha sudga da’vo kiritish vakolati beriladi. 2022 yil 1 yanvarga qadar «Manfaatlar to‘qnashuvini tartibga solish to‘g‘risida» qonun loyihasi ishlab chiqiladi.
Korrupsiyada aybdor deb topilganlarni davlat xizmatiga qabul qilmaslik taklif etildi
Adliya vazirligi korrupsiyaga qarshi kurash bo‘yicha prezident farmoni loyihasini muhokama uchun e’lon qildi. Unga ko‘ra, korrupsion jinoyatni sodir etganlarning ochiq elektron reyestrini yuritish, ularning davlat xizmatida ishlashi va saylovlarda qatnashishini taqiqlash taklif etilmoqda. Shuningdek, korrupsiyaga oid jinoyatlar uchun javobgarlikning kuchaytirilishi kutilmoqda.
Toshkent xorijlik mutaxassislar uchun eng arzon shaharlar o‘nligiga kirdi
Toshkent xorijlik mutaxassislar (ekspatlar) yashashi uchun eng arzon shaharlardan biri deb topildi. Ashxobod va Hongkong esa yashash uchun eng qimmat shaharlar deb topildi.
JIDU va Yuridik universiteti rektorlari oliy ta’lim vaziri o‘rinbosari bo‘ldi
Komiljon Karimov oliy va o‘rta maxsus ta’lim vazirining birinchi o‘rinbosari, yuridik fanlar doktori Rahim Xakimov vazirning fan va innovatsiyalar bo‘yicha o‘rinbosari etib tayinlandi.
Yanvar-may oylarida O‘zbekistonga 205 ta elektromobil import qilingan
2021 yilning birinchi besh oyida O‘zbekistonga xorijdan 205 ta elektromobil import qilingan. Import qilingan elektromobillar uchun 4,6 mln AQSh dollari sarflangan. Elektromobillarning 95% Toshkent shahriga olib kelingan.
Qashqadaryoda rahbar o‘z tashkilotiga qizni ishga olish uchun «birga bir kechani o‘tkazishni» taklif qilgani aytilmoqda
Qashqadaryo viloyat O‘rmon xo‘jaligi boshqarmasi boshlig‘i muxbir qizni matbuot kotibi sifatida ishga olish uchun o‘zi bilan «bir kechaga qolishni» taklif etgan. Muxbir qiz rahbar oldinroq ham shunga o‘xshash takliflar bildirganligini ta’kidlamoqda. Boshqarmadagi xodimlardan biri qizga tinch yurishini, rahbarning ukasi «katta joyda ishlashini» aytgan. O‘rmon xo‘jaligi davlat qo‘mitasi matbuot kotibi ushbu holat bo‘yicha surishtiruv bo‘layotganligini ma’lum qildi.
O‘zbekiston TURKPAga a’zo bo‘lish to‘g‘risida qaror qabul qildi — OAV
Senat raisining birinchi o‘rinbosari Sodiq Safoyev O‘zbekiston Turkiy tilli davlatlar parlament assambleyasiga a’zo bo‘lish to‘g‘risida qaror qabul qilganligini ma’lum qildi.
22 iyun kuni O‘zbekistonda 2 nafar koronavirus bemori vafot etdi, 419 ta yangi kasallanish holatlari qayd etildi
Kecha O‘zbekistonda 419 nafar fuqaroda koronavirus aniqlandi. Shuningdek, so‘nggi kun ichida 528 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Qo‘shimcha imkoniyatlardan foydalanish uchun saytda ro‘yxatdan o‘ting