Rixos Tersane Istanbul: Turkiyaning yirik investitsiya loyihasi mehmonlarni qabul qilishga tayyor
Rixos Tersane Istanbul sayyohlik majmuasi dunyoning barcha burchaklaridan tashrif buyuruvchilar uchun o‘z eshiklarini ochdi. Mehmonxona Istanbulning madaniy va sanoat merosi elementlarini o‘zida mujassamlashtirgan.
Surxondaryoda yuk mashinasi yo‘l chetidagi uch kishini urib, qochib ketdi. Ulardan ikki nafari halok bo‘ldi
Surxondaryo viloyati Boysun tumanida yuk mashinasi yo‘l chetida mashinasiga yonilg‘i quyayotgan uch kishini urib, voqea joyidan qochib ketdi. Jabrlanuvchilarning ikki nafari voqea joyida halok bo‘ldi, boshqasi shifoxonaga yotqizildi. Haydovchi Sirdaryoda ushlandi.
Floridaga “Milton” to‘foni yopirildi, 3 milliondan ortiq iste’molchi elektrsiz qoldi
AQShning Florida shtatida sodir bo‘lgan “Milton” to‘foni birinchi toifagacha zaiflashdi. Kamida to‘rt kishi halok bo‘ldi, o‘nlab uylar vayron bo‘ldi, 3 milliondan ortiq uy va korxona elektr ta’minotisiz qoldi.
Toshkent-Andijon pulli avtomobil yo‘li 6 yil 3 oy muddatda quriladi
Transport vaziri o‘rinbosari Jasurbek Choriyev Toshkent-Andijon pulli avtomobil yo‘li qurilishi vaqti 6 yil 3 oyni tashkil etishini ma’lum qildi. Loyihaga ko‘ra, yo‘lda 10 ta tunnel bo‘ladi (jami uzunligi 33 km, eng uzuni 6,8 km). Pulli yo‘l qurilishi orqali safar vaqti 2 soat 14 daqiqaga qisqaradi.
JCH-2026 saralashi: O‘zbekiston Eron bilan durang o‘ynadi
O‘zbekistonlik futbolchilar JCH-2026 saralashining uchinchi bosqichida Eronni mag‘lub eta olmadi. Eronliklar ikkinchi bo‘limda o‘n kishi bo‘lib o‘ynadi, ammo uchrashuv durang bilan yakunlandi.
Shavkat Mirziyoyev Ashxobodga uchib ketdi
Prezident amaliy tashrif bilan Ashxobodga jo‘nab ketdi. U yerda Maxtumquli Firog‘iy tavalludining 300 yilligiga bag‘ishlangan xalqaro forum bo‘lib o‘tadi. Shu oyda O‘zbekistonda ham shoir va mutafakkirning yubileyi nishonlanadi.
Bolalar ko‘z o‘ngida mushukni derazadan uloqtirgan o‘qituvchi jarimaga tortildi
Toshkentda o‘qituvchi o‘quvchilari ko‘z o‘ngida ikkinchi qavat derazasidan mushuk uloqtirdi. Oqibatda mushuk ko‘plab jarohatlar tufayli nobud bo‘ldi. Sud o‘qituvchini BHMning bir baravari (375 ming so‘m) miqdorida jarimaga tortdi.
Davlat simfonik orkestri yubileyini katta festival bilan nishonlaydi
O‘zbekiston davlat konservatoriyasida Davlat simfonik orkestrining 10 yilligiga bag‘ishlangan festival bo‘lib o‘tadi. Dasturdan Gustav Maler, Edvard Grig va boshqa bastakorlarning asarlaridan iborat konsertlar o‘rin olgan bo‘lib, unda mahalliy va xorijiy yakkaxonlar ishtirok etadi.
Texnik jihatdan tartibga solish sohasidagi qonunchilik JST talablariga moslashtiriladi
Prezidentga olib kirilgan texnik jihatdan tartibga solish sohasiga oid taqdimotga ko‘ra, xalqaro tan olinadigan laboratoriyalarni ko‘paytirish, 10 ta yangisini tashkil qilish, sohadagi qonunchilikni JST talablariga moslash rejalashtirilmoqda. Davlat rahbari kadrlar tayyorlash tizimini takomillashtirishni buyurdi.
Yer yuzida yovvoyi hayvonlar soni 50 yilda 73 foizga kamaydi
Butunjahon yovvoyi tabiat jamg‘armasi (WWF) tadqiqotiga ko‘ra, so‘nggi yarim asrda sayyoradagi yovvoyi hayvonlarning soni 73 foizga kamaydi. Yovvoyi tabiat uchun asosiy tahdidlar inson faoliyati natijasida yashash muhitining degradatsiyasi va yo‘qolishidir.
Sentabrda poytaxtdagi o‘rtacha ta’mirlangan xonadonlar ijara narxi 2,8 foizga oshdi — MHTI
Sentabrda Toshkentda uy-joylar uchun ijara narxlarining oshishi davom etdi. Poytaxtda o‘rtacha ta’mirlangan xonadonlar uchun o‘rtacha ijara narxlari avgustga nisbatan 2,8 foizga, to‘liq ta’mirlangan xonadonlarniki esa 1,4 foizga oshdi.
Qashqadaryoda paxta terimiga chiqmaganlarga bola puli berilmasligini aytgan mahalla raisi jarimaga tortildi
Shahrisabz tumanidagi “Paxtakor” MFY raisi Telegram`dagi guruhda ishsiz fuqarolarni paxta terishga chaqirib, kelmaganlarga bola puli berilmasligini aytdi. Holat bo‘yicha mahalla raisiga chora ko‘rildi, u fuqarolarni majburiy mehnatga undagani uchun 18,7 mln so‘m jarimaga tortildi.
Toshkentda birinchi Markaziy Osiyo universitetlari forumi bo‘lib o‘tadi
16−17-oktabr kunlari Toshkentda birinchi Markaziy Osiyo universitetlari forumi bo‘lib o‘tadi. 200 dan ortiq delegatlar oliy ta’limning dolzarb masalalarini muhokama qiladi. Forum arafasida taniqli olimlar, jumladan, iqtisodiyot bo‘yicha Nobel mukofoti sovrindori Jan Tirolning ma’ruzasi rejalashtirilmoqda.
Adabiyot bo‘yicha Nobel janubiy koreyalik yozuvchi Xan Kangga berildi
Adabiyot bo‘yicha 2024-yilgi Nobel mukofoti janubiy koreyalik yozuvchi Xan Gangga tarixiy jarohatlarga qarshi kurashadigan va inson hayotining nozikligini ochib beradigan ta’sirli she’riy nasri uchun berildi.
O‘zbekistonning to‘rtta viloyatida sel kelishi xavfi e’lon qilindi
11 va 13−14-oktabr kunlari respublikaning to‘rtta viloyatidagi tog‘li hududlarda kutilayotgan yomg‘irlar sababli sel-suv toshqinlari yuz berishi mumkin.
Saylovoldi navbatdagi teledebatda nimalar haqida gapirildi?
O‘zbekistonda parlament saylovi oldidan 4-oktabr kuni navbatdagi teledebat bo‘lib o‘tdi. Unda partiya vakillari ishtirok etib, o‘z dasturlari haqida so‘zladi, saylovchilardan kelgan hamda raqiblari tomonidan berilgan savollarga javob qaytarishdi. Debat qanday o‘tgani haqida ushbu maqolada tanishishingiz mumkin.
O‘zbekiston — Eron futbol uchrashuvi sabab “Bunyodkor” stadioni yaqinidagi ko‘chalarda harakat cheklanadi
Futbol bo‘yicha O‘zbekiston va Eron uchrashuvi sabab soat 22:00 gacha Toshkentning Chilonzor, Cho‘ponota va Bunyodkor ko‘chasining bir qismida transport harakati cheklanadi.
200 ming so‘mga ijara avtomobil va uch kishining o‘limi: Namanganda o‘quvchilar ishtirokidagi YTH tafsilotlari
Namanganda Gentra avtomashinasini ijaraga olgan 5 nafar o‘quvchi katta tezlikda yo‘lning qarama-qarshi qismiga chiqib ketib, yuk mashinasi bilan to‘qnashgandi. Ulardan 3 nafari vafot etdi. Bu yil boshidan buyon shaharda mashina ijaraga olgan o‘quvchilar ishtirokida sodir bo‘lgan to‘rtinchi YTH bo‘ldi, deb yozadi Kun.uz.
Xotini qiz tug‘sa, chiqindiga tashlab yuborishini aytgan blogerga jinoyat ishi qo‘zg‘atildi
Tarmoqlarda Sardor gangster taxallusi bilan chiqishlar qilgan blogerning xotini qiz tug‘sa, farzandini chiqindiga tashlab yuborishini aytgan videosi tarqaldi. Bloger tanqidga uchraganidan so‘ng uzr so‘radi. Unga xotin-qizlar qadr-qimmatini beodoblik bilan tahqirlagani uchun jinoiy ish ochildi.
Toshkent IIBB muxlislarni O‘zbekiston — Eron futbol o‘yiniga vaqtliroq kelish va jamoat tartibini saqlashga chaqirdi
Toshkent shahar IIBB futbol muxlislarini O‘zbekiston-Eron terma jamoalarining “Bunyodkor” stadionida bo‘ladigan uchrashuviga ertaroq kelish va jamoat tartibini saqlashga chaqirdi. O‘FA muxlislarga maydonga tushish qat’iyan man etilganini eslatdi.
Qo‘shimcha imkoniyatlardan foydalanish uchun saytda ro‘yxatdan o‘ting