Davlat rahbari bugun o‘tkazilgan videoselektor yig‘ilishda mutasaddilarga koronavirusga ixtisoslashgan shifoxonalarni optimizatsiya qilish bo‘yicha topshiriq berdi. Shuningdek, prezident matbuot xizmati COVID-19 shifoxonalarida 6570 nafar bemor davolanayotganini qayd etdi. SSV esa 17 noyabr holatiga mamlakatda 2123 nafar koronavirus bemori borligini ma’lum qilgan.
Sog‘liqni saqlash vazirligi koronavirusga ixtisoslashgan shifoxonalardagi bemorlar soni va davolanayotgan koronavirus bemorlari ko‘rsatkichlardagi farqlarga izoh berdi. Unga ko‘ra, rasmiy statistikaga faqatgina maxsus laborator tekshiruvlarda koronavirus tasdiqlanganlar kiritiladi. Shifoxonalar statistikasida esa kasallik belgilari mavjud yoki pnevmoniya bo‘lganlar, lekin infeksiya tasdiqlanmagan bemorlar ham kiritilgan bo‘ladi.
Fransisko Sagastining vaqtinchalik Peru prezidenti etib saylanishi, Daniya hukumati parranda grippi sababli 25 ming jo‘jani yo‘q qilish qaroriga kelgani, Rossiya birinchi sayyohlar guruhini XKSga yuborishi va boshqa yangiliklar — “Gazeta.uz"ning jahon yangiliklari dayjestida.
O‘zbekiston tashqi bozorda 10 yillik yevroobligatsiyalarni joylashtirish rejalarini e’lon qildi. Obligatsiyalar qiymati hozircha ma’lum qilinmadi.
O‘zbekistonda koronavirusga qarshi vaksinalarnining sotuvi yo‘lga qo‘yiladi va ularni xarid qilish bo‘yicha muzokaralar olib borilmoqda. 2021 yil iyunigacha aholining 60 foizi emlanishi rejalashtirilgan.
«So‘x voqealari» bo‘yicha 22 nafar shaxsga nisbatan navbatdagi sud majlisi bo‘lib o‘tdi. Davlat ayblovchisi So‘x voqealarida bir qancha avtomashina va yashash xonadonlariga moddiy zarar yetganini aytdi. Ayblanuvchilarning bir qismi aybiga iqror bo‘lmagan, ayrimlari esa qisman iqrorligini ma’lum qilgan.
«Doimiy yashash joyida ro‘yxatdan o‘tib yashovchilar soni to‘g‘risida ma’lumotnoma»ni [17 forma] elektron tarzda, bir necha daqiqalar ichida olish imkoniyati yaratildi.
Xitoy vaksinasini sinovdan o‘tkazishda qatnashmoqchi bo‘lgan ko‘ngillilar qaysi mezonga ko‘ra tanlab olinadi? Ularga qanday sharoitlar yaratiladi? Ushbu savollarga Innovatsion rivojlanish vazirligi huzuridagi ilg‘or texnologiyalar markazining o‘rinbosari Alisher Abdullayev javob berdi.
To‘rtta astronavtni fazoga olib chiqqan SpaceX kompaniyasining Crew Dragon kemasi Xalqaro kosmik stansiyasiga qo‘shildi. Ekipaj olti oy davomida XKSda qoladi.
«Mozori-Sharif — Qobul» temir yo‘li AQSH Xalqaro taraqqiyot moliya korporatsiyasi mablag‘lari evaziga qurilishi ko‘zda tutilgan. Qurilish ishlari kelasi yilning sentyabr oyida boshlanishi kutilmoqda. Ushbu loyiha O‘zbekistonga Pokiston dengiz portlariga chiqish imkoniyatini beradi.
Talabning oshishi sababli UzAuto Motors, Nexia AT, Spark AT va Damas ishlab chiqarishni ko‘paytirdi. Kompaniyaning ta’kidlashicha, mijozlar transport vositasini 1−10 kun ichida olishlari mumkin. Shu bilan birga, uchinchi chorakda avtomobil ishlab chiqaruvchining sof foydasi deyarli ikki marta kamaydi.
Qozog‘iston prezidenti Covid-19 bo‘yicha haqiqiy statistikani yashirmaslikka chaqirdi."Hayolparastlik o‘ta xavfli hodisa, chunki u haqiqiy tahdidlar manzarasini buzadi, shuningdek butun mamlakat bo‘ylab koronavirus infeksiyasiga qarshi kurash strategiyasini buzadi", — dedi Qasim-Jomart Toqayev.
Toshkent viloyati bosh infeksionisti Guljahon Yo‘ldoshevaga nisbatan tergov yakunlandi. Sud ishini Jinoyat ishlari bo‘yicha Chirchiq shahar sudi raisi ko‘rib chiqadi. Yo‘ldoshevaning advokati ayblovlar asossiz ekanini aytmoqda. «Hozir taqdim qilingan ayblov bo‘yicha 20 ta epizod taqdim qilingan», — dedi advokat. U, shuningdek, tarqatilayotgan xabarlar Yo‘ldoshevaning oilasiga ruhim bosim o‘tkazayotganini aytmoqda.
Hunarmandchilik loyihalarini amalga oshirish uchun 3 yil ichida 100 mln AQSH dollariga teng kredit resurlari ajratildi. Ushbu mablag‘ evaziga 158 ming hunarmandlar ish bilan ta’minlandi va 28 mingta loyihalar amalga oshirildi. Bundan tashqari barcha xunarmandlarga QR kodli maxsus guvohnomalar berildi.
Tergov departamenti ijtimoiy tarmoqlarda tarqalgan «Surxondaryoda bir guruh sport maktabi tarbiyalanuvchilari „samosud“ uyushtirib, katta janjal keltirib chiqardi» nomi ostida tarqalgan video yuzasidan munosabat bildirdi. «Samosud» uyushtirganlarga «qamoqqa olish» ehtiyot chorasi qo‘llanildi.
Qozog‘iston prezidenti Qasim-Jomart Toqayevning ma’lum qilishicha, COVID-19 ga qarshi Rossiya vaksinasining ishlab chiqarilishi Qozog‘istonda ham yo‘lga qo‘yiladi. Buning uchun mamlakatda zavod ochiladi.
Prezident farmoni bilan 2021 yil 1 yanvardan boshlab qishloq vrachlik punkti — oilaviy shifokor punkti deb, qishloq va shahar oilaviy poliklinikasi — oilaviy poliklinika deb qayta nomlanadi. OTMni oxirgi 3 yilda tamomlab, qishloq joyga ishlashga borganlarga 30 mln so‘m pul mukofoti beriladi. Ular uy-joy bilan ham ta’minlanadi.
2025 yilga kelib aholining umr ko‘rish davomiyligini 75,1 yoshdan 76,4 yoshgacha oshirish hamda semizligi bo‘lgan aholi ulushining o‘sishini 23,5% darajasida to‘xtatish rejalashtirilgan. Ushbu rejalar sog‘lom ovqatlanishni shakllantirish dasturida belgilanadi.
15 martdan beri koronavirus bemorlarini davolash uchun qayta profilga kiritilgan Virusologiya ilmiy-tadqiqot instituti klinikasi odatdagi ish rejimiga qaytib, boshqa yuqumli kasalliklarga chalinganlarga xizmat ko‘rsatishni boshladi. Hozirda faqatgina «O‘zekspomarkaz»dagi saralash va taqsimlash markazi hamda Zangiota yuqumli kasalliklar shifoxonalari o‘z faoliyatini davom ettirmoqda.
AQSHning Moderna kompaniyasi COVID-19ga qarshi vaksinaning dastlabki sinovlari muvaffaqiyatli o‘tganini e’lon qildi. Vaksina sinovlarida 30 mingdan ortiq kishi ishtirok etdi. Vaksinaning 30 kun davomida uy sovutgichida barqaror tura olishi uning afzalligi sifatida qayd etilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting