Eksportni qo‘llab-quvvatlash jamg‘armasi tashkil etiladi
Prezident farmoni bilan Eksportni qo‘llab-quvvatlash jamg‘armasi tashkil etiladi. Ijobiy kredit tarixiga ega eksportchilarga kredit bo‘yicha qarzdorligi bo‘lsa ham kompensatsiya va kafilliklar taqdim etiladi. Buning uchun Eksportni qo‘llab-quvvatlash jamg‘armasiga $100 mln ajratiladi.
Rossiyadan 8,5 ming o‘zbekistonlikni olib kelish uchun qo‘shimcha poyezd qatnovlari yo‘lga qo‘yiladi
Oktyabr oxiri va noyabr boshida Rossiyadan deyarli 8,5 mingga yaqin o‘zbekistonlik olib kelinadi. Bu uchun Voljskiy — Toshkent yo‘nalishiga yana to‘rtta poyezd qo‘shilib, jami qatnovlar soni to‘qqiztaga yetdi. Har bir poyezd tarkibida 938 nafar yo‘lovchiga mo‘ljallangan 20 ta vagon mavjud.
Ziroat Mirziyoyeva raisligidagi fond havo sifatini nazorat qilish bo‘yicha loyihaga qo‘l urdi
Ziroat Mirziyoyeva raisligidagi «Zamin» fondining atmosfera havosi ifloslanishining monitoringini avtomatlashtirish loyihasining birinchi bosqichi yakuniga yetdi. Yana ikki bosqich amalga oshirilgach, har soatda havo sifatini nazorat qilish mumkin bo‘ladi.
Prezident sanoat tarmoqlaridagi 9 oylik natijalar va kelgusi vazifalarga bag‘ishlangan yig‘ilish o‘tkazdi
9 oyda 55 ta hududiy loyiha ijrosi kechikkan, 144 ta loyihada ishlab chiqarish hajmi ta’minlanmagan. Oqibatda 720 mlrd so‘mlik mahsulot tayyorlash imkoniyati yo‘qotilgan. Davlat rahbari qolgan 3 oyda $7 mlrdlik 80 ta tarmoq va 44 ta hududiy loyihani ishga tushirish muhimligini ta’kidladi.
Nurxon Nafasov O‘zbekiston karate milliy federatsiyasi raisligiga tiklandi
Sud Nurxon Nafasovni O‘zbekiston karate milliy federatsiyasi rahbarligidan noqonuniy bo‘shatilgan deb topdi va uni lavozimga tiklash haqida hal qiluv qarori chiqardi. Avvalgi rahbarlar tergov qilinmoqda.
Toshkent viloyati hokimining birinchi o‘rinbosari vafot etdi
Toshkent viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Bahodirbek Mullaxonov vafot etdi.
Yong‘in xavfsizlik qoidalari tasdiqlandi
Hukumat qarori bilan Yong‘in xavfsizlik qoidalari tasdiqlandi. Davlat xizmatchilari, tadbirkorlar va fuqarolar uchun amal qilish majburiy bo‘lgan qoidalar 7 bo‘lim, 41 bob va 846 bandni o‘z ichiga oladi.
Jahon yangiliklari dayjesti
Yevropaning bir qator mamlakatlari karantin choralarini kuchaytirishi, Xitoyning yangi ekologik muammosi, Fransiyada ikki masjid himoya ostiga olinishi va boshqa yangiliklar — «Gazeta.uz»ning jahon yangiliklari dayjestida.
Qirg‘izistonda iqtisodiy amnistiya e’lon qilindi
Qirg‘iziston prezidenti v. b. Sadir Japarov iqtisodiy amnistiya e’lon qildi va korrupsiyaga aloqdor amaldorlarga, sobiq davlat xizmatchilariga, mansabdor shaxslarga va tadbirkorlarga noqonuniy ravishda olingan mol-mulkni davlat g‘aznasiga qaytarish uchun 30 kun muhlat berdi.
YHXBB 16 yoshdan haydovchilik guvohnomasi berish taklifi bo‘yicha bayonot berdi
IIV YHXBB 16 yoshdan mashina boshqarishga ruxsat berish taklifi bo‘yicha bayonot berdi. YHXBB yoshlar bu vaqtda o‘qishini davom ettirishi, boshqa ishlar bilan chalg‘imasligi kerakligini ma’lum qildi. Boshqarma ma’lumotlariga ko‘ra, 9 oy davomida haydovchilik guvohnomasini olganiga 2 yil bo‘lmagan haydovchilar tomonidan 612 ta YTH sodir etilgan, ularning oqibatida 191 kishi vafot etgan, yana 571 nafari tan jarohatlari olishgan.
UzAuto Motors MQKQni OAVga bosim o‘tkazayotganlikda aybladi
UzAuto Motors Monopoliyaga qarshi kurashish qo‘mitasini maqolalarni o‘chirtirish va o‘zgartirish orqali OAVga bosim o‘tkazayotganlikda aybladi. Qo‘mita esa ushbu ayblovlarni rad etib, o‘z «pozitsiyasi»da qat’iy qolishi va barcha nizolarni faqat sud orqali hal qilishini ta’kidladi.
Yanvar oyida Qozog‘iston parlamentining quyi palatasiga saylovlar bo‘lib o‘tadi
Qozog‘iston parlamentining quyi palatasiga saylovlar 2021 yil 10 yanvarda bo‘lib o‘tadi. Partiyalar ro‘yxatida ilk marotaba xotin-qizlar va yoshlar uchun 30 foizlik kvota e’lon qilindi.
Shveysariya hukumati aholiga 7000 yevrodan to‘lash taklifini berdi
Shveysariyada har bir fuqaroga, shu jumladan, bolalarga ham 7500 Shveysariya franki (taxminan 7 ming yevro) to‘lash taklifi berildi. Agar 2022 yil 22 aprelgacha ushbu tashabbusni 100 ming kishi qo‘llab-quvvatlasa, u referendumga qo‘yiladi.
Banklar faollik indeksi e’lon qilindi
Banklar faollik indeksi bo‘yicha reytingda Kapital bank birinchi o‘rinni saqlab qoldi. Ikkinchi va uchinchi o‘rinlarda Universal va Ziraat banklari, oxirgi o‘rinda esa TVS banki.
Sovuq qurollarni g‘ilofsiz olib yurganlar uchun javobgarlik belgilanishi kutilmoqda
Covuq qurol sifatida foydalanilishi mumkin bo‘lgan ashyolarni g‘ilofsiz olib yurgan fuqarolar jarimaga tortiladi. Jarima miqdori BHMning bir baravarigacha etib belgilanadi.
«Deyarli har kuni byudjet mablag‘larining noo‘rin sarflanishi masalasi ko‘tarilmoqda» — Senat raisi
Senat raisi Tanzila Narbayeva mutasaddilarda byudjetga qo‘shimcha manbalar aniqlash borasida tashabbuskorlik, izlanish yo‘qligi, ayrim hollarda ularning moliyaviy savodxonligi yetishmasligini tanqid qildi. Shuningdek, muhim ko‘rsatkichlarni qo‘shib yozish illatiga to‘liq barham berilmaganiga e’tibor qaratdi.
Qirg‘izistonda tashqi qarzni oddiy fuqarolar hisobidan to‘lash taklif qilindi
Qirg‘iziston parlamenti deputati fuqarolardan pul yig‘ish va mamlakatning tashqi qarzini to‘lashni taklif qildi. Ushbu taklif mamlakat tashqi qarzini oddiy fuqarolar hisobiga to‘lashga qaratilgan birinchi urinish emas.
GTL zavodini qurayotgan ishchilar «pogrom» uyushtirdi
Qashqadaryodagi GTL zavodi qurilayotgan joyda ENTER Engineering ishchilari norozilik bildirishdi. Derazalarga tosh otilib, binolardan birida «pogrom» uyushtirildi. Kompaniya ommaviy norozilik oshxonaga kirish joyida texnik nosozliklar tufayli kelib chiqqanini ma’lum qildi. Avvalroq xodimlar ish haqining o‘z vaqtida berilmasligidan shikoyat qilishgan edi.
Senatorlar «Qimmatbaho metallar va qimmatbaho toshlar to‘g‘risida"gi qonunni rad etishdi
Senatorlar «Qimmatbaho metallar va qimmatbaho toshlar to‘g‘risida"gi qonunni uning ayrim moddalari talablarga mos kelmasligi sababli rad etishdi.
O‘zbekistonda xizmat ko‘rsatgan fan arbobi Rustam Shodiyev vafot etdi
O‘zbekistonda xizmat ko‘rsatgan fan arbobi, sobiq mehnat vaziri o‘rinbosari, professor Rustam Shodiyev hayotdan ko‘z yumdi.
Qo‘shimcha imkoniyatlardan foydalanish uchun saytda ro‘yxatdan o‘ting