Koronavirus bemorlari soni 3000 nafardan oshdi
Koronavirus bemorlari soni 39 nafarga ortib, jami 3006 kishini tashkil etmoqda. Yangi holatlar karantindagilar (5), xorijdan kelganlar (6), Navoiyda (15), Samarqandda (13). Respublikada infeksiyadan 586 kishi davolanmoqda, ulardan 4 nafarining ahvoli og‘ir, deb baholanmoqda.
Koronavirus yana 3 kishidan aniqlandi (jami — 2967)
O‘zbekistonda aniqlangan COVID-19 holatlari 3 taga oshib, jami 2967 taga yetdi. 20 ta holat aholi orasidan qayd etildi — koronavirusga chalingan 3 kishi 17 nafar oila a’zolari, yaqinlari va hamkasblariga infeksiya yuqtirgan.
Ramazon hayiti 24 may kuni nishonlanadi
O‘zbekistonda Ramazon hayiti 24 may kuni nishonlanadi. Prezident ushbu bayramni nishonlash to‘g‘risidagi qarorni imzoladi.
Prezident 258 nafar mahkumni afv qildi
Prezident Ramazon hayiti munosabati bilan jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 258 fuqaroni afv etdi. Afv etilganlarning 164 nafarini taqiqlangan tashkilotlar ishtirokchilari tashkil etadi.
Andijonda yigirmata 7 qavatli, ikkita 16 qavatli uy barpo etildi
Shavkat Mirziyoyev Andijon shahrida barpo etilgan yigirmata 7 qavatli, ikkita 16 qavatli uylarni ko‘zdan kechirdi. Davlat rahbari Andijon aholisining zichligini hisobga olib, bu hududda hamyonbop ko‘p-qavatli uylar qurilishi kambag‘allikdan chiqishga zamin yaratishini ta’kidlab o‘tdi.
Yana 14 ta koronavirus holati aniqlandi
O‘zbekistonda aniqlangan koronavirus holatlari 14 taga ko‘payib, 2964 taga yetdi.
Turkmaniston 61 nafar O‘zbekiston fuqarosini amnistiya qildi
Turkmanistonda 61 nafar O‘zbekiston fuqarosi amnistiyaga tushdi. Ular vatanga qaytarilganidan keyin Toshkent viloyatida ikki haftalik karantinga olindi.
Koronavirusdan sog‘ayganlar soni 2400 nafardan oshdi
Toshkentda davolanayotgan 35 bemor koronavirusdan sog‘ayib, jami tuzalganlar soni 2407 nafarga yetdi. Sog‘ayganlar orasida 2 nafar Tojikiston fuqarosi ham bor.
Samarqanddagi tez tibbiy yordam markazi karantinga olindi
Respublika shoshilinch tibbiy yordam ilmiy markazi Samarqand filiali bemorlar va tibbiyot xodimlarida COVID-19 aniqlangani sababli karantinga olindi.
Buxoroda bir yilda 12 marta YHQ buzgan haydovchi o‘n uchinchisida o‘lim topdi
Buxoro viloyatida yil davomida 12 marta yo‘l harakati qoidalarini buzgani uchun jarimaga tortilgan haydovchi o‘n uchinchisida halok bo‘ldi. O‘zidan tashqari 19 yoshli qizning ham o‘limiga, yana besh kishining og‘ir jarohatlanishiga sababchi bo‘ldi.
Bloomberg: Xitoyda 100 milliondan ortiq aholi karantinga olindi
Xitoy shimoli-sharqida 34 ta yangi koronavirus holati aniqlangani tufayli bu hududda qat’iy karantin choralari qaytadan tiklandi va 100 milliondan ortiq aholi karantinga olindi.
O‘zbekiston saylov qonunchiligida jiddiy o‘zgarishlar bo‘lishi kutilmoqda
O‘zbekistonda saylov qonunchiligiga jiddiy o‘zgarishlar kiritilishi kutilmoqda. Jumladan, saylovlarni o‘tkazish sanasi dekabr oyidan martga ko‘chirilishi rejalashtirilmoqda. Siyosiy partiyalarning saylovoldi tashviqotini moliyalashtirishda xususiy mablag‘larni jalb qilishga ham ruxsat berilishi mumkin. Bundan tashqari, bir nomzod faqat bitta vakillik organiga deputat etib saylanishiga ruxsat beriladi.
Prezident Oltinko‘l tumanida bug‘doy va paxta dalalarini ko‘zdan kechirdi
Shavkat Mirziyoyev Andijon viloyatining Oltinko‘l tumanida g‘alla va g‘o‘za rivojini ko‘zdan kechirdi. Davlat rahbari g‘o‘za qator oralariga soya ekish bo‘yicha Andijon tajribasini yaratish hamda TDAU Andijon viloyati filiali negizida alohida OTM tashkil etish bo‘yicha ko‘rsatmalar berdi.
Alisher Usmonov Andijondagi ehtiyojmand oilalarga 2,5 milliard so‘m ajratdi
Milliarder Alisher Usmonov Andijon viloyati Marhamat tumanidagi 1000 ta ehtiyojmand oilaga 2,5 milliard so‘m miqdorida moddiy yordam ajratdi. Bu pullar har bir oilaga 2,5 million so‘mdan taqsimlab berildi.
AQSHda ishsizlar soni 40 milliondan oshishi mumkin
AQSHda koronavirus pandemiyasi oqibatida ishsizlik bo‘yicha ariza berganlar soni 39 millionga yaqinlashdi. Ishsizlar soni 40 milliondan oshishi kutilmoqda.
Suv toshqinida ilmiy yozmalari yo‘qolgan tadqiqotchiga doktorlik darajasi berildi
Prezident topshirig‘i bilan Sardoba toshqinida ilmiy yozmalarini yo‘qotgan sirdaryolik yosh olimaga doktorlik darajasi istisno tariqasida berildi. Tayanch doktori O‘zbekistonda birinchi bo‘lib onlayn tarzda o‘z dissertatsiyasini yoqladi.
22 maydan muzey va san’at galereyalari faoliyatiga ruxsat beriladi
Respublika maxsus komissiyasi qaroriga ko‘ra, 22 maydan boshlab “sariq” va “yashil” toifadagi hududlarda ochiq sayilgoh, muzey va san’at galereyalarining faoliyatini yo‘lga qo‘yishga ruxsat beriladi. Tashrif buyuruvchilar uch kishidan ko‘p bo‘lib to‘planishlari mumkin emas. O‘yingoh va ovqatlanish shoxobchalari bundan mustasno.
Toshkentda birlamchi bozordan uy sotib olishga qo‘yilgan 5 foizlik stavka bekor qilindi
Prezident qaroriga binoan, Toshkentda “propiskaga” ega bo‘lmagan O‘zbekiston fuqarolari uchun birlamchi bozordan uy sotib olganda to‘lanadigan 5 foizlik stavka bekor qilindi.
Poytaxtdagi Homiylik xayriyalarini muvofiqlashtirish markazi o‘z ishini yakunladi
Toshkentdagi Homiylik xayriyalairni muvofiqlashtirish markazi o‘z ishini yakunladi. 50 kunlik faoliyat davomida markaz tomonidan 85 mingga yaqin ijtimoiy himoyaga muhtoj oilalarga yordam ko‘rsatilib, ularga jami 11,8 mlrd so‘mlik mahsulotlar va dori vositalari yetkazib berilgan.
Prezident Andijonga jo‘nab ketdi
Shavkat Mirziyoyev ijtimoiy-iqtisodiy islohotlarning borishi, odamlar hayoti bilan tanishish maqsadida Andijonga jo‘nab ketdi.
Qo‘shimcha imkoniyatlardan foydalanish uchun saytda ro‘yxatdan o‘ting