Rossiya bosh vaziri Mixail Mishustin koronavirusdan sog‘aydi
Rossiya bosh vaziri Mixail Mishustin koronavirus infeksiyasidan butunlay sog‘ayib, hukumat boshqaruviga qaytdi.
Poytaxt savdo markazi qarshisidagi avtoturargoh o‘rnida nima quriladi?
Chexiya kompaniyasi o‘zbek ta’sischisi bilan birgalikda Toshkentdagi Poytaxt savdo markazi qarshisida joylashgan avtoturargoh o‘rniga 9 qavatli tijorat ob’ektini qurishni rejalashtirmoqda. Uchta yer osti qavatining avtoturargohga ajratilishi, qolgan qavatlarda savdo ob’ektlari va idoralar bo‘lishi kutilmoqda.
Yangi tahrirdagi “Ta'lim to‘g‘risida"gi qonunga inklyuziv ta’lim tushunchasi kiritiladi
Yangi tahrirdagi “Ta'lim to‘g‘risida"gi qonun loyihasi ikkinchi o‘qishda qabul qilindi. Qonunga har bir bolaning ta’lim olishdagi teng huquqliligini ta’minlash, har qanday diskriminatsiya va kamsitishlarning oldini olishga qaratilgan “inklyuziv ta’lim” tushunchasi ham kiritildi.
COVID-19 holatlari soni 23 taga ko‘paydi
O‘zbekistonda yana 23 kishida koronavirus infeksiyasi aniqlanib, jami holatlar soni 2825 taga yetdi.
JSST dezinfeksiyalovchi vositalarni ko‘chalarga sepmaslikni tavsiya qildi
Dezinfeksiyalovchi vositalarni ko‘cha va yopiq binolarga sepish koronavirusga qarshi kurashda samarasiz, deb hisoblamoqda JSST. Aksincha, bunday amaliyot ko‘z, nafas olish organlari va teriga salbiy ta’sir ko‘rsatishi mumkin.
Captiva haydovchisi velosipedchining o‘limiga sabab bo‘ldi
Dang‘ara tumanida to‘satdan chapga qayrilgan Captiva velosipedchining o‘limiga sabab bo‘ldi.
XVJ 375 mln dollarlik imtiyozli kreditni ma’qulladi
XVJ koronavirus pandemiyasining iqtisodiyotga salbiy ta’sirlarini yumshatish uchun O‘zbekistonga 375 mln dollar miqdorida imtiyozli kredit ajratilishini ma’qulladi.
Koronavirus bemorlari soni 2800 nafardan oshdi
Koronavirus bemorlari soni 11 nafarga ortib, jami 2802 kishini tashkil etmoqda. Respublikada infeksiyadan 475 kishi davolanmoqda, ulardan 6 nafarining ahvoli og‘ir, deb baholanmoqda. Ayni paytda 48 mingdan ortiq fuqaro karantin tadbirlari bilan qamrab olingan va 515 mingtadan ortiq test sinovlari o‘tkazilgan.
Prezident inqirozga qarshi yangi choralarni tasdiqladi
Prezident farmoni bilan koronavirus pandemiyasi davrida aholi va tadbirkorlarni qo‘llab-quvvatlash bo‘yicha navbatdagi chora-tadbirlarni tasdiqladi. Unga ko‘ra kichik biznes mol-mulk va yer solig‘i to‘lashdan ozod qilinadi, ijtimoiy soliq stavkasi 1 foizga tushiriladi va boshqalar.
34 kishiga COVID-19 yuqtirgan shifokorga ochilgan jinoyat ishi bekor qilindi
Bosh prokuratura Samarqand viloyatida 34 kishiga koronavirus yuqishiga sabab bo‘lgan shifokorga nisbatan ochilgan jinoyat ishini bekor qilib, barcha holatlar to‘liq tekshirilmasdan, shoshma-shosharlik bilan barvaqt jinoyat ishi qo‘zg‘atilganini tan oldi.
TIV: «Davlat tilini tartibga solishga har qanday aralashuv aslo maqbul emas»
O‘zbekiston TIV davlat tilini tartibga solish davlatning mutlaq ichki siyosatiga daxldor bo‘lib, har qanday aralashuv aslo maqbul emasligini ma’lum qildi. Avvalroq Rossiya TIV vakili O‘zbekistonda davlat tilida ish yuritish to‘g‘risidagi qonun loyihasi bo‘yicha munosabat bildirgan edi.
Yo‘lovchilar uchun COVID-19 testini topshirish talabi bekor qilindi
Respublika maxsus komissiyasi yo‘lovchilar uchun koronavirus testi natijalari «salbiy» ekani haqidagi ma’lumotnoma talabini bekor qildi. Bunda karantin sharoitida aholining iqtisodiy holati hisobga olindi. Qolaversa, fuqarolarning hududlararo harakatlanishida noqulaylik tug‘dirmaslik maqsadida ushbu qaror qabul qilindi.
OTB COVID-19ga qarshi kurash uchun O‘zbekistonga $1,36 mln ajratdi
Osiyo taraqqiyot banki koronavirus tarqalishiga qarshi kurashdagi sa’y-harakatlarni qo‘llab-quvvatlash maqsadida tibbiy uskunalar va vositalarni sotib olish uchun O‘zbekistonga 1,36 million dollar miqdorida grant ajratdi.
Xitoy koronavirusdan zarar ko‘rgan davlatlarga $2 mlrd ajratadi
Yaqin ikki yil ichida Xitoy koronavirusdan qattiq zarar ko‘rgan davlatlarga, birinchi navbatda rivojlanayotgan mamlakatlarga, yordam sifatida 2 mlrd dollar ajratishini ma’lum qildi. Shuningdek, Xitoy “Katta yigirmatalik” (G-20) tomonidan qashshoq davlatlarning qarzlarini to‘lashga moratoriy joriy etish g‘oyasini ilgari surishini aytdi.
Ehtiyojmand oilalarga ajratilgan 153,2 mln so‘mlik xayriya pullari talon-taroj qilindi
Oqqo‘rg‘on tumanida “Mahalla” xayriya jamoat fondi va “Saxovat va ko‘mak” jamg‘armasining 153,2 mln so‘mlik xayriya mablag‘larini talon-toroj qilgan shaxslarga jinoyat ishi qo‘zg‘atildi.
3 nafar o‘smirni bosib yuborgan ayol 4 yilga ozodlikdan mahrum etildi
O‘tgan yilning yozida Toshkentning Yunusobod tumanida mashinasida 3 o‘smirni urib yuborib, ulardan birining o‘limiga sabab bo‘lgan ayol ustidan sud jarayoni yakunlandi. Haydovchi Larisa Tolmacheva aybdor deb topilib, to‘rt yilga qamaldi.
COVID-19 testini qayerda topshirish mumkin va narxi qancha?
O‘zbekistonda havo va temir yo‘l aloqalari qisman ochildi. Yo‘lovchilar koronavirus yo‘qligi to‘g‘risidagi guvohnomani taqdim etishlari kerak. Qayerda test topshirish mumkin va narxi qancha? Sanitariya-epidemiologiya agentligi ma’lumotlari.
Koronavirusdan vafot etganlar soni 13 nafarga yetdi
Koronavirus infeksiyasiga chalingan samarqandlik bemor yurak qon-tomir va o‘tkir nafas yetishmovchiligidan vafot etdi. O‘zbekistonda COVID-19 qurbonlari soni 13 kishiga yetdi.
TIV: Afg‘onistondagi kelishuv muzokaralarga va uzoq muddatli tinchlikka yo‘l ochadi
O‘zbekiston Afg‘onistonning siyosiy yetakchilari tomonidan inklyuziv hukumat va Milliy yarashuv bo‘yicha Oliy kengashni tashkil etish to‘g‘risidagi kelishuvga erishilganini qo‘llab-quvvatlaydi. Afg‘oniston siyosiy yetakchilarining kelishuvi muzokaralarga va uzoq muddatli tinchlikka yo‘l ochadi, deyiladi vazirlik bayonotida.
Hafta o‘rtasidan quyoshli havo kuzatiladi
Dushanba va seshanba kunlari momaqaldiroqli yomg‘ir yog‘ib, shamol tezligi soniyasiga 28 metrgacha kuchayishi mumkin. Hafta o‘rtasidan esa quyoshli havo kuzatiladi va harorat +32…+35 darajagacha ko‘tariladi.
Qo‘shimcha imkoniyatlardan foydalanish uchun saytda ro‘yxatdan o‘ting