Aprel oyida ob-havo qanday bo‘ladi?
O‘zbekistonda aprel oyi quruq va iliq havo bilan boshlanadi. Oyning ikkinchi va uchinchi o‘n kunliklarida harorat kechalari +7…+17 daraja, kunduzi +20…+32 daraja atrofida bo‘ladi. Biroq bu oyda kuchli yomg‘irlar va momaqaldiroq ham kuzatilishi mumkin.
Toshkentda AgroInsurance 2023 II xalqaro konferensiyasi bo‘lib o‘tdi
AgroInsurance 2023 II xalqaro konferensiyasida xalqaro ekspertlar tomonidan global bozor sharoitida O‘zbekistonda agrosug‘urta rivojlanishining istiqbollari muhokama qilindi.
Italiya kompaniyalari O‘zbekistonda gaz taqsimlash tizimini modernizatsiya qilishda ishtirok etadi
“Hududgazta’minot“ kompaniyasi Italiyaning Pietro Fiorentini kompaniyasi bilan O‘zbekiston gaz taqsimlash tizimini modernizatsiya va rekonstruksiya qilish loyihasini amalga oshiradi. Loyiha Italiyaning eksport-kredit agentligi tomonidan 200 mln yevro miqdorida moliyalashtiriladi.
FIFA Indoneziyani U-20 jahon chempionati mezbonligidan mahrum qildi
FIFA Indoneziyani U-20 jahon chempionati mezbonligidan chetlatishga qaror qildi. Mamlakat aholisi Isroil terma jamoasining turnirda qatnashishiga ruxsat bermaslikni talab qilgan. 31-martga belgilangan qur’a tashlash marosimi ham surilgan. Turnirga qaysi davlat mezbonlik qilishi hozircha noma’lum.
Toshkentdagi omborxonalardan birida yong‘in chiqdi
Shayxontoxur tumanidagi plastmassa maxsulotlarini saqlash omborida yong‘in sodir bo‘ldi. Uni o‘chirishga 7 ta yong‘in-qutqaruv ekipaji jalb etildi. FVV voqea oqibatida tan jarohati olgan va halok bo‘lganlar to‘g‘risida ma’lumot kelib tushmaganini bildirdi.
O‘zbekiston bo‘ylab “Mehrli maktab“ filiallari tashkil etiladi
Bolalar gematologiyasi, onkologiyasi va klinik immunologiyasi markazida davolanayotgan bolalarga mo‘ljallangan “Mehrli maktab“ davlat ta’lim muassasasi filiallari republika bo‘ylab tashkil etiladi.
Qoraqalpog‘istondagi har bir mahallaga qo‘shimcha 500 mln so‘mdan ajratiladi
Shavkat Mirziyoyev Qoraqalpog‘istonda aholi farovonligini oshirish bo‘yicha 3 ta tashabbusni ilgari surdi. Unga ko‘ra, 452 ta mahallaning har biriga 500 mln so‘mdan qo‘shimcha mablag‘ ajratiladi, 38 ming odamning kadastri to‘liq qilib beriladi. Shuningdek, yil oxirigacha 4 mingta uy-joy quriladi.
Farg‘onada qiz tushib ketgan attraksion qo‘lbola usulda yasalgan — Kontexnazorat
Rishton tumanidagi “Ar-Roshidoniy“ bog‘idagi 17 yoshli qiz tushib ketgan attraksion qo‘lbola usulda yasalgani, texnik pasporti yo‘qligi ma’lum bo‘ldi. Qolaversa, statik va dinamik sinovlardan o‘tkazilmagan. Jabrlanuvchi esa voqea vaqtida himoya zanjirini o‘z qo‘li bilan bo‘shatib yuborgani aytilmoqda.
Nukus voqealari bo‘yicha sudlanuvchilarning 22 nafardan 16 tasi apellyatsiya berdi
Nukus voqealari bo‘yicha sudlangan 22 nafar sudlanuvchidan 16 nafari sud qarori ustidan apellyatsiya shikoyati bilan murojaat qildi. Ular orasida fevral oyi boshida tergov izolyatorida vafot etgan Qoraqalpog‘iston Ichki ishlar vazirligi Jinoyat qidiruv boshqarmasi sobiq boshlig‘i Polat Shamshetov ham bor.
Samarqand viloyatidagi parranda fabrikasida portlash yuz berdi
Kattaqo‘rg‘on tumanida parranda fabrikasida portlash sodir bo‘ldi. Uning oqibatida ikki kishi jarohat oldi.
Xitoy va Braziliya yuanda savdo qilishga kelishib oldi
Braziliya va Xitoy yuanda savdo qilish bo‘yicha kelishuvga erishdi va qo‘shma hisob-kitob palatasi tashkil etilganini e’lon qildi. Bu ikki davlat o‘rtasida o‘z valyutalarini AQSh dollariga almashtirmasdan to‘g‘ridan-to‘g‘ri savdo qilish imkonini beradi.
2022 yilda sanoat korxonalaridagi baxtsiz hodisalarning 28 tasi o‘lim bilan tugadi
Sanoat xavfsizligi qo‘mitasi nazoratidagi korxona va tashkilotlarda 2022 yilda 81 ta baxtsiz hodisa yuz berdi. Shulardan 28 tasida o‘lim holati qayd etildi. Hodisalar 60 foizdan ortiq holatda tashkiliy sabab bilan bog‘liq, deya izoh berildi.
Qoraqalpog‘istonda Cobalt va yuk mashinasi to‘qnashishi oqibatida bir kishi vafot etdi
To‘rtko‘l tumanida Cobalt va MAN rusumli avtotransportlar o‘rtasida yo‘l transport hodisasi yuzaga keldi. Oqibatda bir fuqaro vafot etdi. Holat sabab surishtiruv ishlari boshlangan.
«Partiyani ro‘yxatdan o‘tkazish uchun 20 ming imzo ko‘p emas» — O‘zbekiston adliya vaziri
O‘zbekiston adliya vaziri Akbar Toshqulovning aytishicha, partiyani ro‘yxatdan o‘tkazish uchun 20 ming imzo unchalik ko‘p emas. «Agar har 5 yoki 10 ming kishi partiya ochaversa, ular soni qancha bo‘ladi?» — dedi u. Siyosatshunos Kamoliddin Rabbimov esa vazirning pozitsiyasini «to‘liq avtoritar» deb atadi.
Samarqandda fuqaro Tojikistondan O‘zbekistonga 19,8 kg giyohvand moddani olib o‘tmoqchi bo‘ldi
Urgut tumani hududidan o‘tuvchi o‘zbek-tojik davlat chegarasidan 1997 yilda tug‘ilgan mahalliy fuqaro Tojikistondan 19 kg 799 gr opiy moddasini kontrabanda yo‘li bilan olib o‘tayotganida ushlandi. Unga nisbatan jinoyat ishi ochildi.
Shavkat Mirziyoyev Qoraqalpog‘istonga bordi
30 mart kuni O‘zbekiston prezidenti hududlar rivoji va aholi hayoti bilan tanishish maqsadida Qoraqalpog‘istonga bordi. Tashrif davomida yangi korxonalar ishga tushirilishi, yoshlar bilan muloqot qilish ham rejalashtirilgan.
Farg‘onada 17 yoshli qiz attraksiondan tushib ketib, jarohat oldi
Rishton tumanida 17 yoshli qiz istirohat bog‘idagi attraksiondan ehtiyotsizlik sabab tushib ketib, tan jarohati oldi. «U Bag‘dod tumanidagi shifoxonada davolanmoqda, ahvoli yaxshilanyapti», deyiladi viloyat IIB xabarida. Holat bo‘yicha sudga oid tibbiy ekspertiza tayinlandi, tergovga qadar tekshiruv ketmoqda.
O‘zbekistonda birinchi avtomatlashtirilgan hojatxona ishga tushdi
Toshkentning Mirobod tumanida O‘zbekistonda birinchi avtomatlashtirilgan sanitar-gigiyenik shoxobcha ishga tushirildi. Unga kirishdan avval naqd pul yoki QR kod orqali to‘lov qilinadi. Foydalanish jarayonida barcha qurilmalar inson omilisiz boshqariladi. Shoxobcha 24/7 rejimida faoliyat yuritadi.
Ayrim qishloq xo‘jaligi texnikalari bojxona to‘lovlari va utilizatsiya yig‘imidan ozod qilinadi
Prezident qarori bilan 2023 yil 1 apreldan tegishli ro‘yxat bo‘yicha xorijdan olib kelinadigan barcha turdagi qishloq xo‘jaligi texnikalari va agregatlari hamda ularning butlovchi buyumlari va ehtiyot qismlari 2025 yilgacha bojxona to‘lovlaridan va utilizatsiya yig‘imidan ozod qilinadi.
Saudiya Arabistoni hukumati mamlakatning SHHT muloqotida sheriklik maqomini tasdiqladi
Saudiya Arabistoni Vazirlar Mahkamasi qirollikka Shanxay hamkorlik tashkilotining muloqot bo‘yicha sherik maqomini berish to‘g‘risidagi memorandumni tasdiqladi.
Qo‘shimcha imkoniyatlardan foydalanish uchun saytda ro‘yxatdan o‘ting