Sudda Asalhoney`ning o‘ldirilishi tafsilotlari ma’lum qilindi
Insta-bloger Asal Xodjayevaning (Asalhoney) o‘ldirilishi bo‘yicha sudlangan shaxs jinoyat tafsilotlarini so‘zlab berdi, deb xabar qildi UzReport.
O‘zbekistonning RFdagi elchixonasi vatandoshlarni ogohlantirdi
O‘zbekistonning Rossiyadagi elchixonasi vatandoshlarni xorijiy davlatlar hududida ko‘ngilli batalonlar tuzish va harbiy harakatlarda ishtirok etishdan ogohlantirdi, qolaversa, extiyotkor bo‘lishga chaqirdi. Avvalroq Permdagi o‘zbeklar tashkiloti rahbari Jahongir Jalolov shunday da’vat bilan chiqqan edi.
DTM 8 avgustdagi test natijalarini e’lon qildi
OTMga kirish uchun 8 avgust kuni test topshirgan abituriyentlarning natijalari e’lon qilindi. Ular to‘plagan ballarini to‘rt xil usulda bilib olishlari mumkin. Bundan tashqari, yomg‘ir sabab Namangandagi imtihonlar belgilangan vaqtidan kechroq boshlandi.
1 yanvardan qon donorlari uchun bir qator imtiyozlar beriladi
2023 yildan «O‘zbekiston Respublikasi faxriy donori» ko‘krak nishoni bilan taqdirlangan shaxslarga 4,5 mln so‘m to‘lanadi. Ular jamoat transportidan bepul foydalanadi, sanatoriylarga navbatsiz yo‘llanma oladi. Yiliga 3 marta qon topshirganlar va ularning qarindoshlariga zarur bo‘lganda, qon bepul beriladi.
Prezident eksportyorlar uchun eng maqbul yo‘nalishlarni ishlab chiqish bo‘yicha topshiriq berdi
Shavkat Mirziyoyev eksportyorlar uchun eng maqbul yo‘nalishlarni ishlab chiqish va ularning transport xarajatlarini kamaytirish, eksport yuklarini Yevropaga olib o‘tish uchun qo‘shimcha ruxsatnomalar olish masalalarini hal etish bo‘yicha topshiriqlar berdi.
Jizzaxda Cobalt urib yuborgan 8 yoshli velosipedchi bola halok bo‘ldi
Jizzax viloyatida Cobalt haydovchisi yo‘lning o‘ng tomonida velosiped boshqarib ketayotgan bola va uning singlisini urib yubordi. Hodisa oqibatida sakkiz yoshli bola vafot etdi.
Vohidov shaxmat Olimpiadasining oltin, Abdusattorov kumush, Yakubbayev bronza medalini qo‘lga kiritdi
Hindistonda bo‘lib o‘tgan shaxmat Olimpiadasida har bir doskaning eng yaxshilariga individual mukofotlar ham topshirildi. Jahongir Vohidov to‘rtinchi doskada oltin, ikkinchi doskada Karlsenni ortda qoldirgan Nodirbek Abdusattorov kumush medalni qo‘lga kiritdi. Nodirbek Yakubbayev bronza medaliga sazovor bo‘ldi.
9 avgust kuni O‘zbekistonda sodir bo‘lgan eng muhim xabarlar dayjesti
Shaxmat olimpiadasida g‘olib bo‘lgan O‘zbekiston, turnir chempionlarini telefonda tabriklagan prezident, 16,5 yilga qamalgan bloger Asalhoney`ning qotili, kollej va texnikumlarga qabul kvotalari, Muqimiy ko‘chasidagi yong‘in, Toshkentda boshlangan ekologik reyd va boshqalar — «Gazeta.uz» da kun dayjesti.
Milliy bog‘dagi ko‘lni 15 avgustda ochishga va’da berishmoqda. Hozir u qanday ko‘rinishda (foto)
Toshkent hokimi Jahongir Ortiqxo‘jayev sobiq Milliy bog‘ hududida joylashgan plyajli ko‘l 15 avgust kuni ochilishini ma’lum qildi. «Gazeta.uz» fotomuxbiri bog‘da bo‘lib, qurilish ishlarining borishi bilan tanishdi.
«Tariximizda juda katta iz qoldirdingiz». Prezident telefon orqali shaxmatchilarni Olimpiadadagi g‘alaba bilan tabrikladi
Prezident Shavkat Mirziyoyev telefon orqali O‘zbekiston shaxmatchilarini Hindistonda o‘tkazilgan shaxmat Olimpiadasidagi g‘alabasi bilan tabrikladi. Davlat rahbari matbuot xizmati suhbat videosini e’lon qildi.
Maktablar oldida ilk bor transport oqimini sokinlashtirish boshlandi
Toshkentda ilk bor maktab va bog‘chalar oldida transport oqimini sokinlashtirish dasturi tayyorlanmoqda. Maslahatchilar — Arkadiy Gershman va Aleksandr Devyatkin. Birinchi bosqichda tez va arzon yechimlar: belgilar, ustunchalar, notekisliklar qo‘llaniladi. Loyiha «ko‘plab odamlarning hayotini saqlab qolish mumkin».
Prezident taklifi bilan tashkil etilgan «Oqila ayollar» harakatining asosiy vazifalari belgilandi
O‘zbekistonda «Oqila ayollar» harakati tashkil etildi. Harakat a’zolari faol va tashabbuskor ayollardan iborat bo‘ladi. Ular yosh qizlarda oilaga sadoqatni singdirish, xotin-qizlarga qabul qilinayotgan hujjatlar mazmun-mohiyatini xalqchil tilda tushintirish va boshqalar bilan shug‘ullanadi.
Yangiqo‘rg‘onda yana bir arxeologiya yodgorligi vayron qilindi
Namangan viloyatining Yangiqo‘rg‘on tumanida «O‘rdatepa» arxeologiya yodgorligi vayron qilinib, uning o‘rniga ikki fuqaro uy qurgani aniqlandi. Avvalroq xuddi shu tumandagi «Gaistontepa» arxeologik yodgorligi butunlay vayron bo‘lgani xabar qilingan edi.
Toshkentda shirkat rahbari aholi kommunal to‘lovlar uchun bergan 350,6 mln so‘mni o‘zlashtirgani aytilmoqda
Mirzo Ulug‘bek tumanidagi xususiy uy-joy mulkdorlari shirkati rahbari alohining kommunal to‘lovlari uchun bergan jami 350,6 mln so‘m mablag‘larini bank kassasiga kirim qilmasdan, noqonuniy o‘zlashtirgani aniqlandi. Gumondorga nisbatan jinoyat ishi qo‘zg‘atildi.
O‘zbekistonliklardan harbiy harakatlarda qatnashishga oid da’vatlarga ergashmaslik so‘raldi
Rossiyaning Perm shahridagi o‘zbek diasporasi rahbari Jahongir Jalolov vatandoshlarini Ukrainadagi harbiy harakatlarga qo‘shilishga chaqirdi. O‘zbekiston Tashqi mehnat migratsiyasi agentligi «bunday da’vatlarga ergashmaslik, ziddiyatli hududlarga bormaslik va harbiy harakatlarda qatnashmaslikni» so‘ramoqda.
Samarqandda 4 gektar yerni $42 mingga sotishda gumon qilinayotgan shaxslar ushlandi
Samarqand viloyatida bir nechta shaxslar 4 gektar yer maydonini 42 ming dollarga sotishga urinib, kelishilgan pulni olayotgan vaqtida ushlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Bloger Asalhoney`ning qotili 16,5 yilga qamaldi
Sud o‘z uyida o‘ldirib ketilgan bloger Asal Xodjayevaning (Asalhoney) qotiliga 16,5 yil muddatga ozodlikdan mahrum qilish jazosini tayinladi.
O‘zbekistonga Tojikiston mudofaa vaziri tashrif buyurdi
O‘zbekiston harbiy oliy o‘quv yurtlarida Tojikiston harbiy xizmatchilarini tayyorlashni tashkil etish to‘g‘risidagi shartnomaga mudofaa vazirlari Bahodir Kurbanov va Sherali Mirzo imzo chekdi.
Davlat fuqarolik xizmati to‘g‘risidagi qonun qabul qilindi. Nimalar o‘zgaradi?
Prezident «Davlat fuqarolik xizmati to‘g‘risida»gi qonunni imzoladi. U tanlov asosida (haftasiga 5 kunlik) ishga qabul va kadrlar rotatsiyasi, qolaversa, tadbirkorlik qilish, xorijda hisobraqam ochish va manfaatlar to‘qnashuvini taqiqlash, daromadlar va mol-mulkni majburiy deklaratsiyalashni nazarda tutadi.
Kvartirada yashovchilar gaz uchun to‘lovni fuqaro soniga qarab to‘lashi yoki eski hisoblagichlardan foydalanishlari mumkin bo‘ladi
«Hududgazta’minot» kompaniyasining tushuntirishicha, markaziy issiqlik ta’minotiga ulangan 11,5 ming ko‘p qavatli uylarda elektron gaz hisoblagichlarni o‘rnatish qarori xonadonlarga hisobdonlarning o‘rnatilishi noqulayligi va tabiiy gazdan kam foydalanadigan fuqarolarning murojaatlari asosida qabul qilingan.
Qo‘shimcha imkoniyatlardan foydalanish uchun saytda ro‘yxatdan o‘ting