Erondagi temiryo‘l falokatida 17 kishi halok bo‘ldi
Eron sharqida sodir bo‘lgan poyezd falokati oqibatida 17 nafar yo‘lovchi halok bo‘ldi, 50 dan ortiq kishi jarohatlandi. Taxminan Tabas shahri yaqinida poyezdning ekskavator bilan to‘qnashib ketishi natijasida yetti vagondan to‘rttasi ag‘darilib ketgan.
Andijon va Samarqandda noqonuniy yer sotishga uringanlikda gumonlangan shaxslar qo‘lga olindi
DXX Andijon va Samarqandda noqonuniy yer sotish holatlariga chek qo‘ydi. Andijondagi holatda fuqarolar 1 ga yerni $180 mingga sotishga urindi. Samarqanddagi to‘rtta holatda esa 3 ga yerni 180 mln so‘mga, 50 sotix yerni $100 mingga, 70 sotix yerni $65 mingga va 5 ga yerni $50 mingga sotmoqchi bo‘lganlar ushlandi.
Sanoat zonalari rejaga muvofiq gaz, suv, elektr energiyasi bilan ta’minlanadi
2022 yilda erkin iqtisodiy va sanoat zonalariga elektr, gaz va suv kommunikatsiyalarini o‘tkazish dasturi tasdiqlandi. Avvalroq Shavkat Mirziyoyev sanoat zonalarining muhandislik-kommunikatsiya infratuzilmasi, ularning uchdan birida elektr, gaz, suv va kanalizatsiya yo‘qligini tanqid qilgandi.
Avstriyaning eng yirik banki O‘zbekistonga €7,9 mln ajratdi
Avstriyaning «UniCredit Bank Austria AG» banki O‘zbekiston qishloq xo‘jaligi sohasiga innovatsion texnologiyalar transferini moliyalashtirish uchun 7,9 mln yevro ajratdi. Ushbu imtiyozli mablag‘lar «Bauer GmbH» kompaniyasining yomg‘irli sug‘orish uchun innovatsion texnologiyalarini xarid qilishga sarflanadi.
Talabaning Qozog‘istondagi o‘qishini ko‘chirib bera olmagan shaxslar qo‘lga olindi
Buxoro davlat tibbiyot instituti dekan o‘rinbosari va yana ikki shaxs talabaning Qozog‘istondagi o‘qishini ko‘chirib berish evaziga 12 ming dollar olgani aytilmoqda. Gumonlanuvchilar pulni o‘z ehtiyojlariga ishlatib yuborib, uning o‘rniga Spark mashinasini fuqaroga topshirgan vaqtida qo‘lga olindi.
To‘rtko‘l trassasida yo‘lovchi avtobusi yonib ketdi
Toshkentdan Qoraqalpog‘istonga 55 nafar yo‘lovchini olib ketayotgan Yutong yo‘lovchi avtobusi To‘rtko‘l tumanidan o‘tgan avtomagistralda yonib ketdi. Voqea tunda sodir bo‘lgan, taxminan yong‘inga elektr simlarining qisqa tutashuvi sabab bo‘lgani aytilmoqda.
O‘zbekiston U-23 jamoasining Osiyo kubogining chorak finalidagi raqibi aniq bo‘ldi
Futbol bo‘yicha O‘zbekiston olimpiya jamoasi U-23 Osiyo kubogi 3-turi doirasida Eron jamoasi bilan durang o‘ynadi. Guruhdan birinchi o‘rin bilan chiqqan o‘zbekistonliklar chorak finalda Iroqqa qarshi maydonga tushadi.
100 nafar eng qimmat futbolchi e’lon qilindi
CIES Football Observatory yozgi transferlar oynasi arafasida eng qimmat 100 futbolchi reytingini taqdim etdi. Kuchli o‘nlikda Kilian Mbappe, Vinisius Junior va Erling Xaaland yetakchilik qilmoqda. Tashkilot o‘yinchilarning narxini belgilashda yoshi, klub va terma jamoadagi mavqeini inobatga olgan.
Raqobat qonunchiligini buzgani uchun «O‘zbekiston Kabel Televideniyesi»ga nisbatan ish qo‘zg‘atildi
Antimonopoliya qo‘mitasi narxlarni asossiz oshirgan va raqobat qonunchiligini buzgan monopol tashkilot — «O‘zbekiston Kabel Televideniyesi»ga nisbatan ish qo‘zg‘atdi. Buning natijasida narxlarni sun’iy oshirish holatiga chek qo‘yildi. Qolaversa, kompaniyaga narxlarni deklaratsiya qilish bo‘yicha ko‘rsatma berildi.
Urganchda haydovchi odamlar ko‘z o‘ngida o‘ldirib ketildi
Urganchda kunduzi gavjum ko‘chada avtomobil haydovchisi shafqatsizlarcha o‘ldirib ketildi. Bir kishi qasddan odam o‘ldirishda, yana biri bezorilikda ayblanib hibsga olindi, bezorilikda ayblangan yana olti nafar shaxs tilxat asosida ozod qilindi.
Samarqanddagi yong‘inda 16 ta do‘konda zarar yetgani ma’lum bo‘ldi
Samarqand viloyati FVB Narpay tumanidagi oziq-ovqat do‘konlarida yuz bergan yong‘in oqibatida jami 16 ta do‘konning 240 kv.m. maydoniga zarar yetganini ma’lum qildi. Avvalroq, uchta do‘konning shift, tom qismi va oziq-ovqat mahsulotlari zararlangani aytilgandi.
Qimmatli qog‘ozlar bilan shug‘ullanuvchilar attestatsiyadan o‘tkazish tartibi belgilandi
Hukumat qaroriga ko‘ra, qimmatli qog‘ozlar bilan operatsiyalarni amalga oshirish huquqini beruvchi malaka sertifikati 5 yilga beriladi. Sertifikat DXM va YAIDXP orqali taqdim etiladi, buning uchun BHMning 1 baravari miqdorida yig‘im undiriladi.
O‘zbekistondagi qurilishlar sabab havoning ifloslanishi biz uchun muammo — O‘zgidromet
O‘zgidromet rahbarining birinchi o‘rinbosarining fikricha, qurilishlar sabab O‘zbekistonda havo ifloslanishi muammolardan biriga aylanib bormoqda. “Qurilishlar baribir bir kun to‘xtaydi. Mutaxassis sifatida aytaman, 5−10 yildan keyin shahar havosi yaxshi bo‘ladi”, — dedi Ibratjon Karimov.
Turkish Airlines Istanbuldan Buxoroga to‘g‘ridan-to‘g‘ri reyslarni yo‘lga qo‘ydi
Turkish Airlines aviakompaniyasi Istanbuldan Buxoroga to‘g‘ridan-to‘g‘ri reyslarni yo‘lga qo‘ydi. Shunday qilib, O‘zbekiston va Turkiya shaharlari o‘rtasida amalga oshirilayotgan muntazam aviaqatnovlar soni 56 taga yetdi.
7 iyun kuni O‘zbekistonda sodir bo‘lgan eng muhim xabarlar dayjesti
O‘zbekistonga kelayotganlar uchun bekor qilingan koronacheklovlar, Qatar bilan yo‘lga qo‘yilgan aviaqatnov, hibsga olingan Andijon shahar hokimi, o‘qishni ko‘chirish talablarini aytgan Abduqodir Toshqulov, 3 yilga qamalgan Ped. universitet «zamdekani» va boshqalar — «Gazeta.uz» ning 7 iyundagi xabarlar dayjestida.
Toshkentda mehmonxona va do‘konlar tomida oshxonalar ochish bo‘yicha «Buxoro tajribasi» joriy etiladi
Buxoroda mehmonxona, oshxona, savdo do‘konlarining tom qismida, shuningdek, markaziy ko‘chalardagi davlat organlari binolarining birinchi qavatlarida restoran va kafeteriylar tashkil etilmoqda. Prezident mazkur tajribani butun respublika, jumladan, Toshkentda ham tatbiq etishni topshirdi.
O‘zbekiston Ukrainaga dori-darmonlardan iborat insonparvarlik yukini jo‘natdi
Zakarpatyaga O‘zbekiston tomonidan yuborilgan yana bir insonparvarlik yuki — qiymati 1 mln dollardan ziyod 19 tonnadan ortiq dori-darmon yetib bordi.
M2 protsessori, yangi MacBook va soatlar — Apple onlayn anjumanida nimalarni taqdim etdi?
Apple yangi dizayndagi MacBook Air va MacBook Pro noutbuklari, yangi operatsion tizimlar, Watch OS 9 soatlari hamda uzoq kutilgan M2 protsessorini taqdim etdi.
Prezident transport vazirini «oxirgi marta ogohlantirdi»
Prezident O‘zbekiston aeroportlariga investorlarni jalb etish, respublika hududlari o‘rtasida havo, temir yo‘l va avtomobil qatnovlarini ko‘paytirish bo‘yicha ishlarni qoniqarsiz deb baholadi. Transport vaziri «oxirgi marta ogohlantirish» oldi.
Qirg‘izistondan O‘zbekistonga olib o‘tuvchi yana bir yerosti tunneli topildi
Qirg‘iziston xavfsizlik kuchlari tomonidan Qirg‘izistondan O‘zbekistonga olib o‘tuvchi 155 metrlik maxfiy tunnel topildi. Bundan oldin ham O‘sh viloyatidan Andijonga o‘tish mumkin bo‘lgan 270 metrlik tunnel aniqlangandi.
Qo‘shimcha imkoniyatlardan foydalanish uchun saytda ro‘yxatdan o‘ting